Ahmad Alamour

ودي اموت ليوم وعيش باجر
وشوف منهو بعد موتي فقدني
ومنهو حملني لذيك المقابر
واشكر انا كل منهو كرمني ودفني
وشوف انا منهو يرثيني كم شاعر
ومنهو تركني وما كتب شي عني
شخص تعنى لي مع انه مسافر
وشخص قريب انا ميت طعني
وشخص يمثل دمعتها ما هو قادر
وشخص تطيح دموعه كل ما ذكرني
ومنهو من اهلي ف العزة كان حاضر
ومنهو دعى لي في صلاته ورحمني
ومنهو بنى (باسمي) سبيل ومنابر
ومنهو يفز قلبه ألا من لمحني
ومنهو عشاني طول الايام ساهر
ومنهو ثلاث ايام راح وتركني
ومنهو يرتب غرفتي ودفاتر
ومن شاف صورة لي مات وحضني
يالله عسى ما تغفى كل المشاعر
ويالله عسى ما ينصدم يوم ظني
خايف يروح العمر واكون خاسر
وان طار الطير ما يفيد التمني
وخايف يجيني وقت أكسر خواطر
ان دارت الدنيا وزماني كسرني
وما دام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتح الفرج ضاع مني
قل وش تبي وتتركني يا حزني امر
مسكين فرحي تصدق انه وحشني
شاعر ولاكني ماني شاعر
ودي اموت ليوم ورتاح مني ..