پراخ فکر/Open Mind

ښه زیرئ 💖👊
هند کابل کې د سفارت فعالېدو او افغانانو ته د ویزو ورکړې بهیر پیلوی

د افغانستان د سرپرست حکومت په بهرنیو چارو وزارت کې باخبره سرچینې وایي، هندي چارواکو په څو جلا ناستو کې له افغان لوري سره ژمنه کړې چې ډېر ژر به خپل سفارت په کابل کې بیا پرانیزي او افغانانو ته د ویزو ورکولو بهیر له سره پيل کړي.
سرچینې زیاتوي چې دغه ژمنې اوس د عملي پړاو وروستۍ مرحلې ته رسېدلې او تمه ده چې د سوداګرو، محصلینو، ناروغانو او عامو افغانانو لپاره د ویزو ورکولو لړۍ ژر بېرته پیل شي.
همداراز، د نږدې پنځه کلن ځنډ وروسته، هند چمتووالی ښودلی چې د کابل او نوي ډیلي ترمنځ ورځني هوایي پروازونه بیا پيل کړي. دا چاره به د دواړو هېوادونو ترمنځ د تګ راتګ، سوداګرۍ، درملنې او تحصیلي اړیکو لپاره پراخې اسانتیاوې برابرې کړي.
افغان سوداګر، محصلین او ناروغان له کلونو راهیسې د ویزو د نه ورکولو او د سفارتي خدماتو د نشتوالي له امله له جدي ستونزو سره مخ وو او دا پرمختګ د هغوی لپاره یوه مهمه اسانتیا ګڼل کېږي.