On Diet

ماينفعش نشرب مايه بس اما نحس بعطش
ماينفعش أصلا توصل جسمك لإحساس العطش
لانه كده جسمك بيحاول يوصلك انه دخل في جفاف ومحتاج مايه
اشرب مايه باستمرار طول اليوم وممكن تزود عليها رشة ملح هتساعد جدا في انك جسمك يرتوي ويكون hydrated 👍

سؤال ناس كتير بتسأله ⁉️⁉️⁉️
ايه احسن دوا تخسيس اخده بس مارجعش ازيد تاني بعد مااوقفه؟!
لو عملت تكميم هل هزيد في الوزن بعد مايعدي وقت ؟!

اي حاجه تساعد علي تقليل الوزن بعد ماتوقفها الوزن هيزيد لو ماغيرتش عاداتك الغذائيه 😟😟

يعني لو رجعت تاكل غلط طبيعي هتزيد في الوزن
حقن التخسيس او العمليات كلها مجرد اجراءات مساعدة
بس الاهم تغيير عاداتك الغذائية تغير تفكيرك ونظرتك عن الاكل

السؤال الجدلي كل سنة امتي احسن وقت اتمرن فيه
قبل ولا بعد الفطار؟!
😃

كل رمضان وانتم بخير ❤️

مش لازم تجربي دايت صاحبتك وتخسي عليه
تجربتك غير تجربة صاحبتك
كل جسم غير التاني
جرب بنفسك واعرف جسمك محتاج ايه هتوصل لافضل نظام تقادر تخس بيه

ماتفكرش في الصيام انه عذاب بالعكس الصيام مهم جدا لجسم وحياة صحية❤️
اما تجهز جسمك وتخليه مستعد كويس هيريحك كتير في رحلة الصيام وهيعدي عليك صيام سهل 👍
ماتمنعش قهوة او شاي بس غير مواعيدهم خليها متاخرة شوية مش اول ما تصحي
لازم تاكل خضار كتير مليان الياف هيساعدك اوي في انك جسمك يكون مترطب ومش هتحس بعطش او صداع أثناء الصيام

الطريق السهل هيخسرك وزن بطريقه سهلة بس هترجع الوزن ده تاني ❌
الطريق الطويل والصبر هتوصل لهدفك ومش هترجع تاني بالعكس هتقدر تحافظ ع اللي وصلته 💪

مش طبيعي انك تنزل كل اسبوع عدد كيلوات ثابت
مش طبيعي تنزل في الوزن بسرعه
مش طبيعي ان جسمك يفضل يحرق بنفس المعدل لمده طويله
الطبيعي هو ان
ممكن اسبوع تعك وتلغبط وتزيد في الوزن واسبوع تبقي ملتزم
طبيعي تزيد اسبوع وتخس اسبوع
عشان تخس محتاج حاجتين
📍استمرارية
📍صبر

ناس كتير بتفتكر ان الشيخوخة او التقدم في السن هو بس العمر اللي في البطاقه🤔🤔
التقدم في السن ده مش عمر

انما هي ضعف الحرق
ضعف في اللياقه بدنيه
معندكش طاقه طول اليوم
نومك مش منتظم

حاجات كتير ممكن تعملها تقلل بيها سنك😃
نام كويس
تلعب رياضه طبعا
اتأكد انك بتاكل نسبتك اللي محتاجها من البروتين

مش محتاج وصفه سحرية
ولا مشروب حارق
محتاج شوية صبر ومجهود
محتاج تراقب اكلك

▪️دايما نسمع اي حد بيعمل دايت يقولك أنا مش بفطر! أنا مش بتعشي! ممكن تفوت وجبه ووزنك يزيد عادي😂
▪️منتجات اللايت اللي في السوبر ماركات لازم تقرأ كويس مكوناتها
▪️السلطه ممكن يبقي عليها جبنه وزيت وكميه صوصات تخليها مش صحية لازم تنتبه انت بتاكل ايه
خسارة الوزن مش معقده ولا صعبه اعرف انت بتاكل ايه لو زياده عن احتياجك هتزيد في الوزن🤔