Beauty lashes

https://instagram.com/stories/beauytlashes/3120305296508104345?igshid=MmVmMjBlMzc2Nw==

instagram.com

سلام بنات اليوم جيت باش نفهمكم وشنو هوما هاد les extentions أو كيفاش يندارو أو واش تربحوا منهم قبل كل حاجة , علابالنا كامل بلي مكاش لي متحبش و لا لي محلمتش يكونو عندها رموش طبيعيين شابين و طوال و یبانو بلا مادير غيسيل هاد الرموش جاو باه يحلولنا هاد المشكل, هوما رموش اصطناعية(des cils de fibre de soie) أي رموش مصنوعة من ألياف الحرير خفيفة و شكلهم شباب يلصقو مع الرموش الطبيعية وحدة بوحدة معناها كل رمش طبيعي واحد يلصق فيه رمش اصطناعي واحد و المنطقة لي يلصقو فيها مع بعضاهم تكون بعيدة على الجلدة تاع العين و بعيدة على الجذر تع الرمش الطبيعي و بهاذ الطريقة نتفاداو اننا نضروا الرمش الطبيعي و يبقى ينمو عادي و يتنفس عادي و كأن شيئا لم يكن ه متخافوش من la colle لأنو نستعمل colle spéciale للرموش و أنا شخصيا نخدم ب colle سعرها غالي باه نضمن الجودة و الخدمة النقية و باه نحافظ على رموشكم الطبيعية المدة لي يشدوها هاد الرموش تختلف من شخص لآخر لكن بصفة عامة يشدو شهر و كاين لي قل و كاين لي يفوت ، لي تحب تنحيهم قبل ما تفوت المدة تاعهم نديرلها dépose بواسطة مادة spécial تسمح باه الرموش الاصطناعية تتنحى کامل و بلا مطيح حتى شعرة طبيعية ، و لي تحب تبقى بيهم لمدة أطول نديرلها remplissage معناها نعاود نعمرلها الأماكن لي تنحى منهم الرموش الاصطناعية(fibre de soie) وهكا مينضروش الرموش الطبيعية تاوعك الحاجة لي تستفاديها انك تحبسي الغيسيل في هاديك المدة و تريحي عينيك مال demaquillant كل يوم ، و تربحي الوقت و عینین شابين و جذابين لي متقدريش توصليلهم يا لوكان اديري بزاف طبقات تع غيسيل. ( الخدمة تاعهم تستغرق وقت لأنو يلزملها التركيز و الدقة باش تخرج النتيجة نقية و هايلة ، تدي مدة2, 3 حتى 4 ساعات و يمكن أقل ( و تختلف من شخص لآخر على حساب la pose لي ديريها و على حساب العينين تاوعك ) بالنسبة للأسعار مرحبا بيكم في الخاص. نتمنى هكا نكون فدتكم و جاوبتكم على الأسئلة تاعكم ، و اذا عندكم اي سؤال يخص الرموش خلوهولي في التعليقات و نجاوبكم انشاء الله

Volume russe