Mercy’s medical team

ما تنساش تريڤل تليفونك باش تولي تصلي الفجر كيما ريڤلتو للماتش 🙆‍♀️🙆‍♀️

البارح كان آخر درس، وآخر جلوس على مقاعد الدراسة في حياتي... لحظة كنت نستنّاها من سنوات، لكن كي جات حسّيت فيها بفرحة الإنجاز ممزوجة بشيء من الحنين، صفحة كاملة من العمر تُطوى اليوم، بكل ذكرياتها وتعبها وأحلامها.
الحمد لله على رحلة دامت سنوات طويلة، والحمد لله على لذة الوصول." 🥹💙

لازم تفرحوا معايا رغم الغياب الطويل على الصفحة 🫣
#آرينا

اليوم كنت في السبيطار وجات وحد المرأة مسكبنة صغيرة ضربها الزوج تاعها كسرلها عضامها وبماأنوا مر علي هاد المنشور يتنواول نفس الفكرة اللي في مخي

مجرد نصيحة للمقبلين على الزواج وحتى اللي راهم يخممو فيه كفكرة:

ياخااوتي من فضلكم والله يرضى عليكم سواءً رجل ولا امراة الكلام موجه للجنسين:
اذا عرفتو رواحكم فيكم عقد ولا أمراض نفسية عالجوها قبل ماتتزوجوا
اذا عدتو راح تدخلو لحياة الطرف الثاني باه تصمطوهالو وتقلبوها جحيم غير مكان لاه..
اذا عدتو مشي قادرين على تحمل المسؤولية غير مكان لاه وأنا أعني ما اقول
اذا عدتو رح تجيبو ولاد وتركبولهم عقد نفسية ويخرجو مدبرسين ويولو يتمناو غير لوكان مجاوش للحياة غير مكان لاه

بالمختصر المفيد: الزواج ماهوش عرس وكورتاج وتصديرة وبياس مونتي وتمسخير هداك خمموا من بعد هذا كااامل واش راح يكون خمموا بلي راه معاكم شخص تاني وحياة أخرى..

واللي عاد ماهوش قادر غير مكان لاه، شفنا شحال من شخص سواء رجل ولا مرا كانوا لباس عليهم مهنيين مرتاحين في حياتهم بسباب الاشخاص الخطأ اللي كما حكينا عليهم لفوق طفاو وراحت منهم الحياة تلقاهم غي عايشين هكداك ...
كل واحد يربّي نفسو قبل مايتزوج..رانا حابين مجتمع متماسك سوّي في عقلو قايم على دين الإسلام ماشي واشورانا نشوفو دوكا..

كتجربة أولى راني هايلة يخي 🤭 ( ميش أنا حرقتهم 🤣🤣)
خصني زوج برك باش تجيني الرغبة نطيبلو 🥲

ظهرت الحياة جميلة جدااااا ونتا ما وراكش كونطرول ومذاكرة ودروس متراااكمة
الحمد لله، الله يتمم علينا بالخير
وشوفولي الربيييييع والجو الجميل 🫶🥹

#آرينا

حذفت صفحتي الشخصية مباعد جاني الحزن 😭💔

مهم عساه خير، الله يثبت علينا العقل والدين 🫶

🥲

صحة عييييدكم الشبيبة 🫡

راهي الأجوااااء غييررر، اليوم ما حسيتلوش خلاااص 🥹🫶

Arena آرينا

لبنات نسقسيكم هذو في 15 يوم خلاصو في زوج 😃

رانا نورمال ولا لا نتوما كيفاش عندكم خلاصوا وشريتوا ولا مزال، باش نعرف كيفاش نقول للوالد 🚶‍♂️

منشور للحذف ازربوا جاوبوني 🙂

اتعلموا أحكام التجويد يا جماعة
قراءة القرآن كما أنزل على رسول الله صلى الله عليه وسلم فرض عين على كل مسلم
يعني تكون قاري ومثقف وواصل ومتعرفش أحكام التجويد نحسها عيب في ظل التكنولوجيا اليوتيوب المقرآت الإلكترونية 🥲
ناهيك عن أن أحكام التجويد تزين أصواتنا في القرآن وتخلينا نوليو نحبو نقراوه
راح نحوسلكم على مقرأة للفتيات وللشباب ونحطهم في التعليقات للي حب 🤭

"‏فهو سبحانه المَلاذُ في الشدة، والأنيس في الوحشة، والنصير في القِلة، سلوة الطائعين، وملجأ الهاربين، وآمان الخائفين".

- قُم ليلكَ، وناجِ ربّكَ، ولا تنسَ الدُّعَاء لغزّة، والسودان، والأمة الإسلامية 🌱