The KikoSuma Vision

اليوم وأنا مروحة، تفكرت متابعة سألتني مرة: “كيفاش نجحتي في حياتك؟”
وقتها ضحكت بيني وبين روحي وقلت: “وشمن نجاح؟”
لكن وأنا ماشية تمهلت شوية، وجاتني لحظة إدراك…
أنا راجعة من الخدمة بنفس راتب طبيب بعد 6 سنين بطالة، والحمد لله 🤍
ربي عطاني الصحة، بينما بزاف ناس يوميا يصارعو أمراض وتعب نفسي وجسدي، والحمد لله.
تفكرت بلي زمان ماكانش عندي حتى مساحتي الخاصة، واليوم عايشة بهدوء، بغرفة كنت نحلم بيها، وبحياة خالية من المشاكل والصراعات. وهنا فهمت بلي النجاح ماشي غير دراهم ومظاهر… النجاح الحقيقي هو راحة البال.
بزاف بنات يظنو النجاح يعني لازم تكوني مشهورة، لابسة ماركات، ولا مسافرة كل شهر.
لكن أحيانا النجاح يكون:
• تفيقي الصباح مرتاحة وماكاش لي يكسرلك خاطرك.
• تقدري تشري حاجة كنت زمان تحشمي حتى تطلبيها.
• تولي عندك ثقة بنفسك بعدما كنت تخافي من رأي الناس.
• تتعلمي كيفاه تقولي “لا” لأي حاجة تأذيك.
• تبطلي تعيشي مقارنة مع البنات في السوشل ميديا.
أنا ماوصلتش لهاذ الشي بسهولة.
تخليت على عقلية الاعتماد على الغير، وبدأت نخدم على روحي وحدي.
قريت كتب، سمعت محاضرات، تعلمت، تعبت نفسيا، وبدلت طريقة تفكيري… لأن الإنسان كي يطور، عقله، حياته كامل تتبدل.
وصدقوني يا بنات، أخطر حاجة ديرها لنفسك هي تقعدي بالساعات تراقبي حياة الناس وتنسي حياتك أنتِ.
كاين بنات حافظين يوميات المؤثرات كامل، بصح ماعندهم حتى فكرة على أحلامهم هما.
نهار تبداي تغيري حياتك تبداي تنجحي وتتبدلي للأفضل، راح تتفاجئي بلي بعض الناس مايعجبهمش يشوفوك قوية… لأنهم تعودوا على النسخة الضعيفة منك 🤍
استثمري في نفسك:
ان شاء الله يكون ربي بعتني ليك كإشارة باش تستيقضي من الغيبوبة لي راكي فيها تعلمي لغة، ديري رياضة، حسني نفسيتك، تعلمي مهارة، افتحي مشروع صغير، ولا حتى ابدي غير بتنظيم حياتك… خطوة صغيرة كل يوم تقدر تبدل حياتك كامل بعد سنوات ✨

مشترياتي البسيطة مع الأسعار 😍♥ بارتاجي تلقيهم نهار تنوي تخرجي The KikoSuma Vision

مشترياتي جاوني 6200da 🥺 فيهم حاجة عندي اكثر من عام نحوس عليها واخيرا 😍 وجهي راح يتوحد، واش نصورلكم لبنات مع الاسعار ولا مكلاه؟

سيكون صيف مليء 🫧 بواش درك وين خرجتي من الدوش؟ 🧊🌬 ديري هاذم ومتسقسينيش علاش 😍🎀

تفركش كل شيء، والله سيريوز لبنات انا شاخصني 🙂؟ ابعتي فوطو لا، عيطي لا، نخرجو ههههه مستحيل ولد امو منخرجلوش، جامي خمجت نفسي بالخرجات وجامي نديرهم بإذن الله. علاش تاع درك عادو هكا، ولا الغلطة فيا انا مفهمتش!
والله منحمل حاجة اسمها مكالمات هاتفية وحديث 24سا، جاية كالم فوق الحق، بصح الحمد لله البنات دايما يجاملوني جميلة وذكية.
الانسانة لي محافظة على نفسها وقلبها الان اصبح يقال لها معقدة 🤷🏼‍♀️ تمام انا معقدة Ultra pro max 😂
كاين بنات واعيات خاصة المميزات وعاكستلهم ، يفهموني في صنف رجال اخر زمان هذا؟

علابالك بلي كون تعرفي تفرقي بينهم مكياجك يخرج ولا غلطة 🙂 شكون مهتمة تتخلص من المنظر الجيري والكايكي يخرج مكياجها قطعة وحدة 💁🏼‍♀️🌸🇩🇿

🥺 لبنات شريت سروال كلاسيك عندو شهر، جيت نقيسو درك، جيهة كرشي مبغاش يقفل 🙂 كاش حلول، نقول لماما تقطعو فوق راسي

حتى انا جربت الترند 😂😍 نتوما وش خرجتلكم النتيجة؟ في القروب كامل قالو غزال، انا دارلي العكس حسيت نفسي عكس التيار حتى انا حبيت غزال 🙂

فقرة 😍🥀 منتجات أقل من 50 الف، صورتهم نينا لبنات، لي جربوهم شاركونا رايكم فيهم، بالاسعار اكيد. تاعي هنا لل ج 2 The KikoSuma Vision

الحاجة لما تكون من نصيبك 🥀، تتيسر بشكل عجيب، حتى لو انت في اسوء حالاتك، حتى لو انت مش مستعد♥
اعتقد الحاجة يلي محتاجة عدة محاولات، يا خاطيتنا يا مش وقتها 💔
توافقون؟ 🌸 او عندك رأي ٱخر 🐝

جبتلكم منتجات ميفوتوش 25 الف 😍 🎉 بالاسعار The KikoSuma Vision كلهم من عند hiba بارتاجي تلقيه بسهولة نهار تخرجي تشري 🌹