Diana beauté

👰🏻‍♀️✨ عروض خاصة لعرايس سبتمبر، أكتوبر، نوفمبر وديسمبر ✨

💄 شينيون + Maquillage bridal luxueux
🔸 من 12.000 حتى 16.000 DA

💄 شينيون simple أو Wavy + Maquillage léger
🔸 من 8.000 حتى 10.000 DA

🎁 وكل عروسة تحجز العرض تستفاد من -10% على كامل خدمات الصالون 🤍

📍 Salon Diana Beauté — Amar Khouja
📩 الحجز مسبقًا، الأماكن محدودة للعرايس.

إذا عرسك قريب، هذا هو الوقت باش تحجزي موعدك

🚨 غدا آخر يوم للتخفيضات في Salon Diana Beauté! 🚨

💇🏻‍♀️ Balayage — 9000 Da
🎨 Mèches — 4000 DA
🎨 Coloration — 2000 DA
✨ Protéine — 4500 DA
✨ Kératine / Filler — 5500 DA
💆🏻‍♀️ Nettoyage de peau — ابتداءً من 1800 DA

👰 وعروض خاصة للعرايس سبتمبر، أكتوبر، نوفمبر وديسمبر

📍Amar khoudja
📞0558725837

#ماكياج مكياج_عرايس مكياج_سهرات مكياج_ناعم مكياج_فخم مكياج_عروس_الجزائر MakeupAlgeria AlgerianMakeup BridalMakeup MakeupArtist DianaBeauté

#عروستي #عروس تسريحة_عروس شينيون_عروس BridalMakeup BridalHair AlgerianBride Bride2026 DianaBeauté SalonDianaBeauté عرايس_سبتمبر عرايس_اكتوبر عرايس_نوفمبر عرايس_ديسمبر

حبيت اليوم نكون واضحة معاكم في نقطة مهمة بزاف، خاصة مع العرايس 👰🏻‍♀️

أنا نخدم Makeup Artist، ومن الطبيعي والضروري بالنسبة لخدمتي أني نصور ونشارك جزء من الخدمة اللي نقدمها في الصالون.
ما نقدرش نخدم ونقدم عروض للعرايس، وفي نفس الوقت ما نوريش للناس خدمتي الحقيقية.

وبصراحة، خدمتي الحمد لله ما تحتاجش إشهار باش الناس تعرفني، واسمي معروف عند زبوناتي، بصح هذا ما يعنيش بلي نحب نحبس المحتوى. بالعكس، لازم ديما نوري الجديد، الستايلات الجديدة واللمسات اللي نزيدها في خدمتي، باش كل عروسة جديدة تقدر تشوف واش نقدملها.

وكما شفتو، أنا نحترم خصوصيتكم وماشي كل مرة ننشر الوجه كامل؛ مرات نكتفي بالعينين، الشعر أو تفاصيل اللوك.

لكن لازم تفهمو حاجة: المحتوى تاع العرايس هو جزء من خدمتي وتسويق الصالون، وماشي مجرد صور للنشر وخلاص.
العروسة اللي تجي بعدكم من حقها تشوف كيفاش نخدم العرايس اللي قبلها، وخاصة وأنكم أنتم نفسكم تقولولي: «حنا نحبوا نشوفوا الخدمة على عروسة حقيقية، الـshooting وحدو ما يكفيناش.»

لهذا، كي توافق العروسة على التصوير والنشر، نتمنى تكون موافقتها عن قناعة، وماشي غير حتى تشوف الفيديو منشور وبعدها تطلب حذفه.

لأن بصراحة، كل مرة نصور، نركب الفيديو، ننشره، يطلع التفاعل، وبعدها نضطر نحذفو… هذا يضر خدمتي وصفحتي ومجهودي.

أنا نحترمكم ونحترم خصوصيتكم، وفي المقابل نحتاج منكم تحترموا طبيعة خدمتي.

أنا واثقة من خدمتي، ونحب نوريها، ونحب كل مرة نقدم لكم الجديد والأجمل. 🤍
والتصوير والنشر جزء من المحتوى المهني للصالون، ومحتاجته باش نوريكم المستوى الحقيقي لخدمتي.

شكراً لكل عروسة متفهمة، تثق فيا وتخليني نشارك جمال خدمتها مع باقي العرايس. 👰🏻‍♀️