Boutik"ARVEA"Officiell

#ليس كل ما يُسمّى نشاطًا رياضيًا يستحق التشجيع.
إذا كان هدف #السباق هو نشر الاختلاط والرقص💃 والتبرج، فهذه ليست رسالة رياضية بل انحراف عن القيم والأخلاق. الرياضة تُشجَّع، أما تجاوز حدود الأدب والحياء فلا يُبرَّر باسم الترفيه أو التطور😎
العالم يتطور بالتكنولوجيا وحنا بالرقص والاختلاط والتفتح هذا هو مفهوم التطور للحديث بقية.. ولله المشتكى 🤲

نصيحة ثلاثيني

امراضك النفسية تقدر تتحكم فيها يكفيك ماتكثرش القعاد فدار نقصد مايكونش عندك الفراغ ( تخدم وتقرى وتونتريني وتحوس وتجرب وماداصرش بزااف وماتمدش فوق طاقتك و ماتبداش تتكيف فالدخان حتى تولي مدمن وتدخل في كريدي وترجع مهووس بيه وطبعاً من الدخان تولي لحاجة وحدخرى ) .

خليك طبيعي المرحلة لي راك فيها غادي تفوت ماكش راح تبقى ضايع طول عمرك برك دير خطة واستعن بالله.

والديك اعطيهم حقهم برك بلا ماتستنى مقابل ، ابتغاء لمرضات الله ، وأتعلم تكون وااجد لإستفزازات لي تجيك من محيطك المهم رد بالك تكون ردة فعلك تجرح كونطرولي لسانك .

وحاول تخلي حساباتك نظيفة ماتبعث حتى انفيطاسيون و ماتبعث حتى ميساج تلحلح فيه لايم روحك أتعلم تهدر في الوقت المناسب.

ألبس لباس محترم خلي ريحتك نظيفة خلي قلبك متعلق بالمسجد و وقتك بالصلاة اعتزل الطروطوارات اشري دفتر واكتب تيليشارجي كتابات و اقرى فرش طابي و دير تمارين الضغط اشرب قهوتك في وقتها المناسب .

(مارس محبوباتك كيما يحب الخاطر المهم تكون كالم مع روحك )

وماشي اي تأنيب يصرالك معناها راك غالط كاين قرارات ديرهم في لول تندم بصح مستقبلاً تحمد ربي كي درتهم واتخدتهم مدام ماكش ظالم الناس و ماكش ظالم نفسك معناها اي تأنيب ضمير يحكمك في هاد اللحظة راه مزيف ماديرش عليه كمل اعفس على قلبك .

وديما كون حيوي من ناحية التعليم المستمر وحتى لو حبست القراية ماشي معناها خلاصت قرايتك تقدر ونتا في شومبرتك تقرى في كامل مجال يعطيك الدعم في حياتك والمجالات لي تقدر تقراهم في عشريناتك ( المهم اقرى برك وشارجي روحك باه تكون ملم بأي عفسة ترجعلك بالنفع ممبعد ) .

وهذا مكان عزيزي المتابع شويا عفايس كي لعادة حبيت نسربيهملك ممكن تستفاد وتفيد غيرك ماتنساش دير مشاركة تنفع صحابك .

وشكراً 🤍

صباح الخير للأروح الطيبة
🌿 “كل صباح هو فرصة جديدة لتبدأ من جديد، فلا تحمل معك تعب الأمس… وابدأ يومك بقلب ممتن وعقل متفائل.” ☀️