doc larit pédiatre

السلام عليكم اليوم راح نتكلمو على فوائد الرضاعة الطبيعية 🍼👩‍🍼

☑️ كما هو معروف الرضاعة الطبيعية مفيدة
ليس فقط الطفل و لكن ايضا الام .

👈 بالنسبة للطفل هي التغذية المثالية تقوي جهاز المناعة و بالتالي الوقاية من التهابات الأذن و الجهاز التنفسي و الاسهال

👈تقلل خطر الحساسية و السمنة و السكري
تعزز النمو العقلي و الارتباط العاطفي بالام

👈بالنسبة للام تسرع انقباض الرحم بعد الولادة و رجوعه الى حجمه الاصلي

👈الوقاية من سرطان الثدي و المبيض

👈ايضا تعتبر الرضاعة الطبيعية غير مكلفة مقارنة بالحليب الصناعي متوفر دائما و بدرجة حرارة مناسبة 🫧

السلام عليكم اليوم نتكلمو على
التطور الحسي الحركي للطفل _ عند الولادة :الراس تسقط إلى الوراء عند حمل الطفل, يتفاعل مع الضوضاء الشديدة _ سن شهرين: يعرف باباه يبدأ يتبسم مع الآخرين يتبع بعينيه، يحكم راسو بعض الثواني،يصدر أصوات خفيفة_ثلاث اشهر :يحكم راسو، يبدأ يكتشف يديه يتبع بعينيه وراسو _4اشهر:يضحك بالصوت ،يلعب بيديه ويحاول يلتقط الأشياء _5اشهر: يتقلب يلتقط الأشياء ويديها لفمو،يعرف كل العائله ،يلغو(با، تا،دا،...الخ)،يحاول يقعد بالاستعانة بيديه _7,8اشهر:يقعد بلاما يتكا،يبدل الألعاب من يد إلى أخرى يتفاعل مع اسمو يدي كلش لفمو ،يغضب إلا خليتوا وحدو,10,9اشهر: يحبو،يقدر يوقف مع السرير ،يدير باباي، يفهم بعض الكلمات مثل لا _12شهر; يوقف وحدو،يحكم الأشياء في يدو مليح،يهدر بعض الكلمات السهلة، يحاول ياكل وحدو ويشارك فالوجبات مع العائله ....وهناك إختلاف كبير منرضيع إلى آخر تتدخل فيه عوامل كثيرة مثل المحيط والوراثة

اليوم راح نتكلمو على الديدان (oxyurose) لي يعاني منها معظم الاطفال خاصة في الحضانة و المدارس الابتدائية ✨

لازم كل ام تكون عارفة العلامات تاعها لي هي : 👇

☑️حكة و احمرار في فتحة الشرح خاصة فالليل
☑️الطفل يتقلب فالفراش بزاف
☑️مشاكل فالنوم
☑️يشوف كوابيس
☑️يضغط على اسنانو و هو راقد
☑️اضطراب فالشهية
☑️وعند البنات احمرار والتهابات مهبلية(vulvo-vaginite)

⚡بالإضافة للدواء لي راح يوصفو الطبيب كاين قواعد نظافة لازم نعرفوها : 👇

☑️قص الاظافر
☑️غسل اليدين قبل و بعد الاكل والخروج من المرحاض
☑️غسل الملابس الداخلية كل يوم في فترة العلاج
☑️تجنب التلامس و مشاركة اللمجة و الادوات

⭕️حب قمقم ، وبشوكة ، بوصڤاع ، جذري الماء ، او « la varicelle » هو الفيروس لي راهو منتشر بكثرة هاد ليام

👈حبوب حمر فيهم الماء و يحكو و يوجعو و ممكن يدير السخانة عند دراري صغار و يكون قاوي كي يقيس لكبار
👈المريض يكون معدي فثلاث أيام اللوالا برك و بعد العدوى يظهر المرض بعد خمس ايام ولا سمانتين
🔆ناس بزاف داويه بلونتيبيوتيك و معلابالهمش بلي هاد الشي غالط 🙅‍♀️
☑️الحل تاعو ببساطة هو انو نديرو الدواء لحمر فلحبوب هذوك (تطهير موضعي) و سيرو تاع الحساسية يتشرب في الليل و نعزلو لمريض 3 ايام باه نتجنبو العدوى
✨المرض هذا تمرض بيه مرة وحدة في حياتك لأنو الجسم يكتسب مناعة ضدو

💡بارطاجي باه تعم الفائدة 👀

🔘بما انو كاين انتشار كبير للإسهال هاد ليامات خاصة عند الذراري الصغار حبيت نحكو عليه اليوم👇

👈الإسهال هو اضطراب هضمي يكون فيه البراز "حشاكم" سائل او لين
👈يقدر يصرا بسبب ادوية كيما ليزونتيبيوتيك ولا تسمم غذائي ولا حتى بسبب بكتيريا او فيروسات او طفيليات 🦠
👈من بين أعراضو فقدان الشهية و خسارة الوزن و ممكن تطلع السخانة
⚠️في هاد الحالة المريض يفقد بزاف شوارد و يصرالو جفاف و حساسية ثانوية من اللاكتوز
☑️كعلاج سريع نشربوه محلول الاملاح و نوكلوه مليح باه يعوض نقص المغذيات لي سببو الإسهال خاصة أغذية غنية بالشوارد و الزنك و مفيهاش لاكتوز

💯و اكيد لازم نزورو طبيب في اقرب فرصة

⁉️وكتاش نبدا نوكل وليدي ؟

🥣هذا سؤال يتكرر عندي بزاف فالعيادة ارواحو نجاوبكم عليه

☑️في الحقيقة التغذية الحليبية (حليب الأم او الحليب الاصطناعي) تكفيه حتى عمر ست 6️⃣ اشهر

لكن إبتداءا من الشهر الرابع نقدرو نبداو ندخلو الأكل بالتدريج باه الطفل يوالف على المغرف 🥄

في الشهرين الرابع و الخامس نكتفي بوجبة واحدة (غداء او عشاء) و إبتداءا من الشهر السادس وجبتين (غداء و عشاء) 🍲

نبداو ب les céréales و الفواكه (التفاح 🍎) / الخضر من ست لخمس اشهر / صفار البيض 🥚 و اللحوم البيضاء (صدر الدجاج و الأسماك البيضاء) إبتداءا من ست اشهر.

✨إبتداءا من عمر السنة الطفل يشارك في الوجبات العائلية.