Squat Gym

ليه بلاش توزن بعد العيد...
لأن الوزن بعد العيد غالباً لا يعكس الدهون الحقيقية اللي اكتسبتها، وبيكون متأثر بعوامل مؤقتة زاي

✅ زيادة الكربوهيدرات والحلويات → الجسم يخزن جليكوجين أكتر، وكل 1 جرام جليكوجين بيحتفظ بحوالي 3 جرام ماء.

✅ الأكل المالح (الفتة، اللحوم المتبلة، المخللات) → يسبب احتباس سوائل وارتفاع مؤقت في الوزن.

✅ زيادة كمية الاكل داخل الجهاز الهضمي → الميزان بيقيس كل اللي موجود جوا جسمك، مش الدهون فقط.

✅ تغير مواعيد النوم والنشاط → ممكن يؤثر على احتباس السوائل والوزن.

لو وزنت نفسك أول يوم بعد العيد وشفت زيادة 1-4 كجم، فغالبا معظمها مياه وجليكوجين وطعام داخل الجهاز الهضمي، وليس دهون

الأفضل:

ارجع لنظامك الغذائي الطبيعي.
اشرب مياه كفاية
التزم بالتمرين
استنى 3-7 أيام بعد كدا اوزن نفسك الصبح بعد دخول الحمام وقبل الأكل

العادي
النااس تشوفك داخل الجيم وطالع م الجيم💔

بس محدش شايف…
إنك تدخل الجيم ساعتين
وترجع مش طايق نفسك من التعب

إنك تنزل تتمرن حتى وإنتَ مضغوط وتعبان
علشان عارف إن جسمك محتاجك

إنك تدفع اشتراك الجيم
وتجيب أكل نضيف
ومكملات
وحاجات نفسك فيها تأجلها علشان تكمل

إنك طول اليوم بتحاول تلتزم بالأكل
وكل شوية تحارب نفسك علشان متبوظش الدايت

إنك تنزل تلعب رجل
وبعدها تطلع السلم كإنك طالع جبل 😂

إنك كل يوم تبص ف المراية
وممكن متشوفش فرق
بس تكمل برضو

إنك تحاول تنام بدري
وتظبط يومك
علشان تعرف تتمرن كويس

إنك تشيل هم جسمك وصحتك
ف وقت أغلب الناس مستسلمة

من الآخر…

أي حد ملتزم ع نفسه
وبيحاول يبقى أحسن
حتى لو ببطء
فهو شخص يستحق الاحترام فعلًا

والجيم مش عضلات وبس
الجيم انضباط
وصبر
واحترام للنفس 👌🏻

كل عام و انتم بخير 💙
عيد اضحى سعيد على الجميع 🐏

الجيم اجازة ل يوم الجمعة و العودة ان شاء الله يوم #السبت ⏰️

💥💥 انتظروا عروض العودة بعد العيد علشان هنضحي 😂😉🔥🔥

فعلاً..
“مليش نفس أنزل الجيم”
من أصعب الجُمل على أي حد بيحب التمرين،
لأنها غالبًا مش معناها كسل…
قد ما معناها إنك تعبان نفسيًا أو مضغوط أو مستنزف.

بس ساعات أقوى تمرينة في حياتك
هي التمرينة اللي نزلتها وإنت مالكش نفس ❤️‍🔥

السر وراء الجوع بعد الكارديو… وليه الكارديو الكتير ممكن يخليك تاكل أكتر؟ 🏃‍♂️

ناس كتير تعمل ساعة كارديو كاملة وبعدها تحس بجوع جامد فتستغرب

الإجابة 👇
الكارديو بيستهلك طاقة بسرعة الجري او HIIT العجلة او Stairmaster

الجسم بيستهلك جليكوجين العضلات وجزء من مخزون الطاقة السريع

ولما الطاقة تقل المخ يبدأ يرفع إشارات الجوع لتعويض اللي اتصرف.

المشكلة الجسم أحيانًا “يعوض” السعرات المحروقة بدون ما تحس.

يعني ممكن تحرق 400 كالوري وبعدها تاكل 700–900 كالوري بسبب الجوع

وده اسمه علميًا Compensatory Eating
أو التعويض الغذائي بعد النشاط.

كمان… الكارديو الطويل ممكن يرفع هرمونات الجوع عند بعض الناس

خصوصًا مع العجز الحراري العنيف النوم السيء التمرين المبالغ فيه

ساعتها الجسم يبدأ يزود إشارات الجوع والرغبة في السكر و الأكل عالي الطاقة كآلية دفاع للحفاظ على الطاقة والبقاء.

ليه ناس بعد الكارديو نفسها في حلويات بالذات؟ 🍩

لأن الجسم بيحاول يعوض الجليكوجين المستهلك والانخفاض السريع في الطاقة المتاحة

فالمخ يبدأ يطلب سكر كارب سريع أكل عالي المكافأة Reward Foods استجابة بيولوجية طبيعية.

هل ده معناه إن الكارديو وحش؟

لا ❌

الكارديو ممتاز لـ صحة القلب و تحسين اللياقه و رفع استهلاك الطاقة
كمان تحسين حساسية الإنسولين

لكن الاعتماد على “كارديو كتير جدًا” للتخسيس فقط ممكن يرتد عكسيًا عند بعض الناس بسبب زيادة الشهية والتعويض الغذائي اللي وضحناه

بتقابلك المشكلة دي ؟ جاوب في كومنت👇

في أماكن بتخليك تحب ترجع لها… مش بسبب شكلها، لكن بسبب الطاقة اللي فيها ...
وإحنا كلنا لما بنيجي الجيم، بنكون جايين علشان نفصل شوية عن ضغط اليوم، نغيّر مودنا، نطلع طاقتنا، ونرجع أخف وأهدى نفسيًا 💪🤍
علشان كده مهم جدًا إن كل واحد فينا يحاول ولو بحاجة بسيطة تخلي المكان يفضل مريح وحلو لينا كلنا 🫶
بعد أي تمرين ياريت نرجّع الأوزان والأدوات مكانها تاني،
ونحافظ على نضافة وترتيب المكان كأننا في بيتنا بالظبط
لأن التفاصيل الصغيرة دي هي اللي بتفرق فعلًا في إحساس أي حد داخل يتمرن 🌸
لما تدخل مكان مرتب ونضيف وكل حاجة فيه في مكانها…
بتحس براحة، بطاقة أحلى، وبحماس للتمرين أكتر 🤍
وده دورنا كلنا إننا نحافظ على الإحساس ده لبعض،
علشان كل شخص يدخل المكان يحس إنه داخل مساحة مريحة يقدر يفصل فيها عن أي ضغط أو تعب 🙏
الذوق مش في الكلام… الذوق في التصرفات البسيطة،
في إنك تسيب المكان حلو بعدك زي ما حبيت تلاقيه قبلك ✨
وفي النهاية الجيم مش مجرد مكان بنتمرن فيه وبس،
دا مكان بنحاول فيه كل يوم نبقى أحسن… نفسيًا قبل جسديًا 💪🤍
فخلّوا طاقتكم الحلوة وسيبوا دايمًا وراكم أثر جميل يخلّي المكان أجمل بينا كلنا 🌸

الفورمة أحلي من الاكل.
ايه الفرق بين الGROWN UP الراجل الكبير والCHILDالعيل الصغير.
الراجل الكبير عارف هيعمل ايه وهيعمله أمتي لكن العيل الصغير عايز الحاجة دي دلوقتي.
أنا ممكن ابقى قاعد على قهوه أو باكل أو سهران بس مش مبسوط لأن ده احساس مؤقت شوية وهيمشي.
لكن أنا في الچيم عرقان وتعبان وجسمي مكسر ومش طايق نفسي بس عارف إن أنا قدام هبقي كويس هبقى أحسن من دلوقتي.
العيال لما بتبقى عايزه شيكولاته أو كيس شيبسي بيعيط عليه لكن لما بياكلها بيسكت لكن الچيم بيخليك طماع لما تعمل فورمة وتبقى جامد اوي بتبقى عايز تاني عايز تطور تاني لكن مبتطورش جسديا لا بتطور في دراستك بتطور في حياتك العملية وبتعرف تختار صحابك صح ف أنت خليك GROWN UP متبقاش CHILD ❤️💪🔥