Mohamed Sa3eed

ماشاء الله
أنزل بصورتك يا بطل 💪💪

نصائح لمن وصلوا عمر الـ ١٦

▪النصيحة الأولى :
مفيش حاجة اسمها أنا لسه صغير ،، عمرك هيعدي بسرعة انت نفسك مش هتتخيلها.
‏
▪النصيحة الثانية :
اشتغل على نفسك مهارات على قد ما تقدر واتعلم لغات واتعلم بيزنس وانزل سوق العمل واشتغل بدري ومتضيعش عمرك في الفاضي ومتعتمدش ع التعليم التقليدي (بس الشهادة لابد منها الحقيقة عشان نكون واقعيين).

▪النصيحة الثالثة :
بلاش تدمن الفاست فود (الأكل السريع) عشان العادة دي مدمرة وصعب تبطلها لما تكبر حاول من دلوقت متدخلش برجلك الملعب ده.
‏‎
▪النصيحة الرابعة :
فلتر أصحابك وكون شلة بنت ناس محترمة وسيبك من العيال الروشة اللي هتضيع عمرك في الفاضي.

‏‎
▪النصيحة الخامسة :
قدر الإمكان قلل من استخدام الـ Games العب بس بلاش يومك كله يبقى عبارة عن لعب في لعب بحجة إنك لسه صغير.
‏‎
▪النصيحة السادسة :
حافظ على قلبك بيور من العلاقات العاطفية ،،، بلاش تستهلك قلبك ومشاعرك بدري بدري قبل أوانها ،،، هتيجي تحتاجها لما تتجوز هتلاقيها خلصت.
‏‎
▪النصيحة السابعة :
يا سلام لو قدرت من دلوقت تبقى رياضي ويبقى ده نظام أساسي لحياتك كلها.
‏‎
▪النصيحة الثامنة :
اوعى تقرب من سكة التدخين ،، هي بتبدأ بسيجارة لحد ما تتحول لعبد والسيجارة بتشدك لحاجات تانية.

▪النصيحة التاسعة :
كون صداقات مع ناس مفيدة تكون أكبر منك بـ ١٠ سنين وطالع هتلاقي عقلك نضج واتزن وخدت خبرة الحياة بدري بدري.

▪النصيحة العاشرة والأخيرة :
إياك وعقوق الوالدين ولا تترك صلاتك أبداً وخلي الباب دايماً مع ربنا مفتوح مهما عملت ذنوب بلاش تقفل الأبواب كلها.

تجهيز بطولات محليه و عالميه

متوفر صيانه جميع أجهزة الجيم
فك و تركيب و نقل جميع أجهزة الجيم

انت تقدر تغير حياتك بخطوه 💪

صديقي العزيز
رسام العضلات
البطل كابتن بدر نبيل