Dr Aya Younis

مبدئيا خلينا نعمل زووم الاول 🔍 عشان الفرق يبان أكتر

مسام أهدى، ملمس أنعم، بشرة افتح، والجلد مشدود وبالتالى لمعان اكتر ✨

وكالعادة، مش بحب أنزل صور قبل وبعد لمجرد عرض النتيجة…
غالبًا بيكون فيه حاجة محتاجة أقولها!!

وهنا تحديدًا، حابة أقول إننا قدرنا نوصل للفرق ده بإجراءات بسيطة ومن غير ما نعقد الموضوع.
لأن الفرق الحلو مش شرط يكون وراه إجراءات كتير أو معقدة… البساطة أحيانًا بتعمل فرق كبير. 🤍

ملحوظة مهمة: المريضة عندها شعر كثيف نتيجة خلل هرموني، وحاليًا تحت العلاج.
وكمان عندها إكزيما بالشفايف…
شيفاكم ياللي بتقولوا بسبب الإيزو 🤌🏻😂
المريضة مش بتاخده أصلًا 😁

يمكن تستغربوا أن الصورة (قبل) مش سيئة اصلا 🤔
ودا لأننا كنا في بداية كورس العلاج، والـ Baby hair كان بدأ يطلع بس لسه قصير وخفيف والفراغ واضح شوية.

أما (بعد) مع الالتزام والاستمرار بالعلاج، الـ Baby hair بدأ يكبر يطول وسمكه يزيد والفراغ بدأ يتغطى الحمدلله ❤️

وده برغم إن الحالة كانت ماشية على دايت طول فترة العلاج.

طب انا منزلة الحالة دى ليه ⁉️
عشان انصحكم نصيحتين 🙏🏻

الاولى: نصبر و نستمر على العلاج عشان نوصل لافضل نتيجة 🌸

التانية: ياريت نتابع مع طبيب تغذية أثناء الدايت، عشان نضمن إن الجسم واخد كل احتياجاته ومايحصلش نقص في عناصر مهمة يسبب تساقط الشعر 🤝

وشكرا ❤️

الكلام ده فرّحني بجد وفرق معايا أكتر مما تتخيل صاحبة الرسالة ❤️

لأني زي ما قلت قبل كده، الصفحة دي بالنسبة لي مساحتي الشخصية اللي بعبر فيها عن رأيي ومحتوى الجلدية بالطريقة اللي أحبها، بعيد عن كونها جزء من الدعاية 🤗

فشكرًا بجد لصاحبة الرسالة، وشكرًا لكل حد بياخد من وقته دقيقة يكتبلي كلمة حلوة، أو يشجعني، أو يقولي إن حاجة من اللي بقدمها فادته ❤️

يمكن الرسالة بالنسبة لكم كام سطر… بس بالنسبة لي بتفرق جدًا وبتديني طاقة أكمل ❤️

أنا اللي بشكركم بجد… أسعدكم الله زي ما بتسعدونى 🤍

لو عندكِ اسمرار بالشكل ده حوالين الفم 👀

تعالي أسألك سؤال مهم ⁉️

بتستخدمي أي سيروم أو كريمات فيها مواد فعالة، على المنطقة دي أو حتى بالقرب منها؟ 🤔

*يعنى إيه مواد فعالة؟
يعنى زى المقشرات أو الأحماض...

لو بتعملي كده، وقفيها فورًا 🚫

منطقة حوالين الفم بسميها المنطقة المحظورة 💣
من كتر ما هي حساسة، أي مواد فعالة غالبًا بتسبب لها تهيج، واللي بدوره سهل يسيب تصبغ مكانه!

وطبعًا الاسمرار حوالين الفم له أسباب تانية كتير، وعلاجه مش واحد لكل الحالات.

بس اللى عيزاكى تعرفيه 👇🏻
أحيانًا أول خطوة لعلاج اسمرار حوالين الفم مش التفتيح… لكن إننا نوقف التهيج ونرطّب الجلد كويس. ✅🤍

و دى كانت معلومة على الماشى 🚶🏻



#تصبغات

معلومة على الماشي 💭

لو فجأه بقا عندك حبوب تحت الجلد بالشكل ده و بدأت تزيد،
أول حاجة راجعي الكريمات والمنتجات اللي بتستخدميها على وشك 👀
مرطب 🧴، واقي شمس ☀️، ميكب…
أي حاجة مش مناسبة لبشرتك أو قوامها تقيل ممكن تسد المسام وتزود النوع ده من الحبوب.
والحبوب تحت الجلد بالمناسبة من الحاجات العنيدة شوية، و بتلتهب وتتحول لحبوب حمراء، و بتحتاج علاج معين سواء بكريمات أو أحيانًا جلسات حسب الحالة.
فبصي الأول على روتينك، يمكن يكون فيه منتج هو السبب وانتى مش عارفة. 🙏🏻