Dietitian Radwa Eltony

السحور بركة
والسحور هو تناول الأكل وقت السحر أى قبل الفجر بنصف ساعة.
وجبة السحور مهمه جدا لأنها بتمد الجسم بالطاقة اللازمة خلال وقت الصيام.
وعشان تكون وجبة السحور مثالية لازم تكون بتحتوي علي :
- الفواكه والخضروات لاحتوائها علي نسبة عالية من الماء و الألياف مثل الخيار والخس والكنتالوب والبطيخ .
- البروتين سواء نباتى مثل الفول والعدس أو حيوانى مثل البيض والزبادى والجبن القريش.
- الكربوهيدرات المعقدة مثل الخبز البنى أو البطاطا والبطاطس المسلوقة أو الشوفان .
- الدهون الصحيه مثل زيت الزيتون أو المكسرات.
و لازم نتجنب الأطعمة المقلية والمصنعة والمعجنات والسكريات والموالح.

ازاي تدير يومك في رمضان ؟
1_ هتعمل رياضة قبل المغرب ب ساعة (مشي ثابت)🏃
2_ نبدأ الفطار 2 كوب مايه💧🍶
3_ ناخد وجبة خفيفة🍽️🔚 ناكل كمية قليلة من كل حاجة ونزود في السلطة الخضراء 🥦🥒🥬🍅🥕
4_ بعد ساعتين ناخد حلويات رمضان بكمية قليلة 🍰🥧🧁
5_ وعشان مننساش الفواكة في رمضان هناخدها قبل السحور بساعتين (يفضل سلطة فواكه)🍓🍇

النهاردة حابة اتكلم عن العسل الأبيض وعالم الفوائد الصحية الكتير 💥✨
يحتوي العسل على العديد من المعادن والفيتامينات المهمة، زى الحديد، والزنك، والكالسيوم، والمغنيسيوم، وفيتامين ج، وبعض أنواع فيتامين ب، بالإضافة إلى مضادات الأكسدة.

والجميل بقي أنه خالي من الدهون، والكوليسترول، والصوديوم..
وبتساهم مكوناته وخصائصه في تقديم فوائده المميزة 💥🍯
بتتمثل فوائد العسل ف إيه بقي؟! 🍯
🔴 العسل بيساعد فى تعزيز إلتئام الجروح و شفاء الحروق
🔴الوقاية من أمراض القلب
لأن العسل بيساعد في 👇👇

✔️ خفض ضغط الدم.
✔️ تقليل مستويات الكوليسترول الضار والدهون الثلاثية.
✔️ تقليل خطر الإجهاد التأكسدي على الخلايا الصحية.

🔴تعزيز المناعة ومكافحة العدوى لأنه بيحتوي علي مضادات أكسدة زي ما قولنا

🔴 علاج السعال والتهاب الحلق

يساعد العسل في قتل البكتيريا المسببة لالتهاب الحلق والجهاز التنفسي العلوي.

🔴علاج اضطرابات الجهاز الهضمي، ليه ؟!
لأن العسل
✔️ بيساعد في الوقاية من الارتجاع المريئي أو حموضة المعدة

✔️ يعتبر العسل من الأطعمة الحيوية اللى بتعد غذاء للبكتيريا النافعة الموجودة بشكل طبيعي في الجهاز الهضمي، واللى كمان بتساعد على سير عملية الهضم بشكل جيد.

العدس الراعى الرسمى للشتا 😂
كلنا امهاتنا بتعملنا عدس كتير ف الشتا ..
وفى مننا اللى بيحبه ويفرح أنه اتعمل 🤩
وفى مننا اللى يزعل أن الاكل انهاردة عدس😒
كلنا عارفين أن العدس بيدفى وعشان كدة يعتبر اكتر اكله بناكلها ف الشتا ..
بس العدس ليه فوائد تانيه كتير اعتقد لو عرفناها مش هنزعل خالص لو اتعمل وكمان هنطلبه ..
لى بقي ..😏
العدس غير أنه بيدفى ف هو بيساعد على التخلص من الصداع النصفي ويعزز صحه الجسم ودة لانه بيحتوى على نسبة عالية من الفيتامينات والعناصر الغذائية
زى إيه ..؟🤔🤔
زى الكالسيوم والحديد والفوسفور واللى بيعمل على تعزيز صحة الجهاز المناعى والوقايه من الفيروسات (البرد 🤧) والبكتيريا

👈وكمان للناس اللى عايزة تخس 😉

ف يعتبر العدس من الوجبات اللى بتحتوى على نسبه عاليه من البروتينات والالياف ودة بيساعد على الشعور بالشبع لفترة أطول .. 👌
بس كدة..؟ 🤔
لا طبعا ..العدس كمان بيمد الجسم بالطاقه والحيوية بسبب احتوائه على نسبة عالية من العناصر الغذائية زى ما قولنا ..
وكمان بيساعد على علاج فقر الدم عشان كدة بننصح بيه للاطفال 👶🧒🧑
ولأن العدس مصدر جيد للبروتين ف هو بيقوى العضلات 💪💪
هاه لسه بردو مش بنحب العدس 🤔 😂

❌ الحرق بيزيد في الصيف ويقل في الشتاء!..🤔
👈اغلب الناس فاهمه ان نسبه حرق الدهون ف الصيف أعلى من الشتا عشان درجات الحرارة العالية اللى بتسبب زيادة إفراز العرق 👎👎👎

بس طبعا الكلام دة غلط ❌

👈👈 لأن معدل حرق الدهون في فصل الشتا بيكون أعلى من فصل الصيف..

ازاى بقي !! 🤔🤔
ف الشتا درجه الحرارة بتكون منخفضه
ودة بيخلى الجسم يحاول يحافظ على درجه حرارته على اد ما يقدر ...
ف بيحرق الدهون المخزنة في الجسم
عشان يحس بالدفى ويقدر يتكيف مع الشتا ودرجات الحرارة المنخفضة 🥶🥶
ودة طبعا بيسبب فقدان الوزن 👌👌

⚫ طب اومال احنا بنتخن لى لما الحرق بيبقي عالى 🤔🤔

الاغلب مننا بينام كتير جدا ف الشتا
ودة بيبقي بسبب درجه الحراره المنخفضه بردو
ودة بيخلينا نفضل ف البيت بسبب الجو اللى بيحفز الجسم على إفراز هرمون "الميلاتونين" اللى مسئول عن الشعور بالنعاس 😴😴
ايوة طب دة اى علاقته بالتخن بردو !!!🤔
انا اقولك طبعا لما الواحد ينام كتير
ومع قلة الحركه دة بيسبب زيادة ف الوزن 🤷👌
.طب هو دة السبب الوحيد ف زيادة الوزن ف الشتا 🤔🤔

لا طبعا .. 👈👈كلنا بنهمل شرب المايه 🍶🍶ودة بيخلينا نحس ب جوع وهمى ..

👈 وبالتالى بناكل كتير وخصوصا الحلويات 🥯🧇🥞عشان بنحس بدفى اكتر..

☀️وطبعا كلنا عارفين أن الشمس ظهورها قليل ف الشتا ☀️
👈و دة بيخلينا مش بنتعرض ل اشعه الشمس اللى هى المصدر الأساسى ل " فيتامين د " ونقص " فيتامين د " بيسبب زيادة ف الوزن 👌🤷

بس كدة عشان كدة بنتخن ف الشتا ي سيدى 👉 🤷

إمتى تروح تعمل تحليل الغده الدرقيه؟🤔

⚫ المفروض تعمل تحليل الغده الدرقيه لو حضرتك واحد من الأشخاص دى 👈👈

👈الأشخاص إللي عندها زيادة في الكوليسترول أو الدهون الثلاثيه وإللي عندهم زيادة في الوزن لا يستجيب للرجيم.

👈الأشخاص إللي عندهم نزول او زياده مفاجئ في الوزن مع زيادة او نقص الشهية للأكل لازم يعمل تحليل غدة درقية.

👈الأشخاص إللي عندهم تاريخ مرضى في العائلة الأب أو الأم عندهم مشاكل في الغدة الدرقية.

👈مرضى السكر من النوع الثاني إللي بيجي في السن الكبير غالبا بيعملوا تحليل الغده سنويا.

👈مرضى السكر من النوع الأول بيعملو التحليل كل ست شهور أو كل سنة على الأقل ؛ولو بنت وتزوجت وبعد كده حصل حمل تعمل في أول ثلاثة أشهر من الحمل وبعد الولادة لأنهم أكثر عرضة لاضطرابات الغدة الدرقيه.

👈المرضى إللي عندهم زيادة في ضربات القلب وخصوصا الرعشة الأذينية.

👈مرضى القلب إللي ماشية على دواء كوردارون لتنظيم ضربات القلب تعمل تحليل غدة كل ٦ شهور.

✌️طيب إيه هو تحليل الغدة الدرقيه؟
TSH, T3, T4

عشان تزودى تركيز أولادك أثناء المذاكرة لازم نظامهم الغذائى يحتوى على هذه الاغذية وهى:
الحبوب الكاملة مثل البليلة الشوفان
البيض
اللبن ومنتجاته
الأسماك
المكسرات

بما أن الدراسه داخله 🤷 👇👇

👈أمهات كتير كل يوم فى الصباح بتعانى من حيرة تحضير اللانش بوكس وأول حاجه تيجى فى بالهم هحضر ايه لأطفالى يأكلوه خلال اليوم الدراسى وفى نفس الوقت ما يشعروا بالجوع، ويكون مغذيا لهم.

نبدأ أولاً بمصدر للكالسيوم :
يتواجد فى الحليب ومشتقاته وايضا السمسم غنى جدا بالكالسيوم

البروتين :
وهو موجود في البيض و البقوليات واللحوم بأنواعها ومهم أن تكون اللحوم خالية من الدهون

الخضار والفواكه:
يفضل الأطفال الوجبة الملونة، حاولي أثناء تحضير اللانش بوكس أن تختاري الخضار والفواكه الملونة المقدمة بطريقة تجذب الأطفال بالإضافة انها تمد الطفل بالعديد من الفيتامينات المهمة لنموه

أما بالنسبة للعصائر :
فيفضل تحضريها بالمنزل بدلا من المنتجات المحفوظة فهي ليست طبيعية بقدر ما نحضره طازج بالمنزل

المخبوزات :
يفضل أن تكون بدقيق الحبة الكاملة حتى يستفيد بأقصى قدر من الفيتامينات والبروتين والألياف الموجود به

الحلوى :
يمكن أيضاً تحضير الحلوى بالمنزل لتضمني نظافتها وخلوها من المواد الحافظة زى الكب كيك والمافن والبسكويت.

وبكده يكون عندنا لانش بوكس صحى ومتوازن .👌😉

Carbohydrates:

كتير مننا بيفكر ان الكربوهيدرات سيئة او سبب زيادة وزن او ليس لها فايدة وبالتالي في ناس بتتبع أنظمة غذائية صارمة خالية من الكربوهيدرات لتجنب ما ذكرته وطبعا دا خطا.

ولكن الكربوهيدرات هتكون مفيدة باختيارك للمفيد منها مثل الحبوب الكاملة الصحية ومنها خبز القمح الكامل دا أفضل من الخبز الأبيض و البطاطس المقلية.

الأطعمة الغنية بالكربوهيدرات الصحية مهمة لانها تمد الجسم بالجلوكوز ويتم تحويله الي ↩️ طاقة اللي بسببها نقدر نقوم بالأنشطة الحياتية.

👁‍🗨طب اكل كربوهيدرات صحية منين؟

حبوب كاملة و بقوليات و خضراوات وفاكهه🔄الأنواع دي بتعزز المناعة لانها تمد الجسم بالفيتامين و المعادن والألياف التي يحتاجها الجسم.

🔴طب نقلل من اكل ايه؟؟

خبز ابيض(العيش الفينو)- المعجنات-المشروبات الغازية.

‼️‼️طب ايه المشكلة فالأكل دا‼️‼️‼️

الاكل دا يسمي كربوهيدرات بسيطة(simple (carbohydrates اللي بتتهضم بسرعه وتحسسك بالجوع اسرع وتزيد من الوزن وتصيب بمرض السكر و مشاكل بالقلب.