أثر - Ather

حبسة الشتاء ما زي حبسة الصيف.. جهزتي نفسك ليهو؟

في الشتاء، العناية بالجسم عندها تفاصيل كتيرة ما زي فصل الصيف.. و حتى
الحبسة عندها طقسها الخاص..

الحبوبات ما كانوا بدخلوا الحفرة ساكت…
كان في تجهيز، وقت، تفاصيل، وحتى طريقة معينة تطلعي بيها من الحبسة..

و طبعا في تفاصيل لو ما عرفتيها، ممكن حبسة الشتاء ما تدّيك النتيجة الانتي عاوزاها😔..

عشان كده، في أثر قررنا نعمل ليكم سلسلة و نسميها حبسة الشتاء…

حنمشي معاكم خطوة خطوة:

1️⃣ كيف تجهزي للحبسة؟
2️⃣ شنو الوقت الأنسب في الشتاء؟
3️⃣ شنو الفرق بين حبسة الشتاء والصيف؟
4️⃣ وليه الترطيب بعد الحبسة عندو أهمية مختلفة؟

وكل بوست حنكشف ليكم فيه تفصيلة من طقوس الحبوبات…

علقي ب تم عشان تصلك تفاصيل و احتياجات سلسلة الحبسة في الخاص❤️

طقوسك للشتاء بتبدا كيف؟

أثر — تراثنا، في كل تفصيلة.

#أثر #دخان #ترطيب

عمرك سألتي نفسك ليه في نسوان ريحتهم بتكون سابقاهم بالذات في المناسبات

قبل ما تشوفيها… بتعرفي إنها وصلت..

سألتي قبل كدة إنك ممكن تعرفي الوحدة من ريحتها حتى لو ما شفتيها!

لأنه في نسوان العناية عندهم ما بتبدأ من اللبسة ولا من العطر…

بتبدأ من الطقوس.
من النظافة الشخصية،
من ترتيب الجسم،
من الترطيب،
من الخُمرة،
ومن التفاصيل الصغيرة البتخليها تحس إنها جاهزة من البداية لحدي ما تلبس شبشب المرقة وتطلع ✨

وده بالضبط الأثر البنتكلم عنو❤️..

لما صنعنا خمرة أثر، ما كنا عايزين نعمل ريحة وخلاص…

كنا عايزين نصنع طقس.

طقس للوحدة البتجهز نفسها في بيتها،
للمرقة البتبدأ من تفاصيل صغيرة،
للمناسبة البتكون عايزة فيها حضورها يُحَس قبل ما تتشاف.

عشان كده خمرة أثر بتركيبتها الخاصة ونوتاتها العطرية مصممة عشان تكون جزء من تفاصيلك…

ريحة مرتبطة بيك.
بذكرياتك.
وبالمكان البتدخليهو.

عشان لما تمشي…

يكون لسة أثرك قاعد.. ❤️

و دة يخلينا نسألك.. متذكرة ريحة توب أمك و متذكرة كيف كانت ريحتها بتقعد حتى لو ما كانت في المكان؟..

شنو أكتر ريحة كانت بتخليك تعرفيها جات حتى قبل ما تشوفيها؟

خمرة؟
صندلية؟
و لا
دخان؟

ولو عايزة تعرفي متين تستخدمي خمرة أثر و منو ممكن يستخدمها اكتبي لينا:
«أثر»
وحنرسل ليك التفاصيل في الخاص. ❤️
#أثر #دخان #حبوباتنا #سودانيات #السودان

❤️

عروس أو عايزة تكوني عروس من جديد شاركي في البوست دة ممكن تكون في فرصتك😍

من الحاجات البتفرحني في أثر لما أشوفها بتكبر معاكم و بيكم❤️..

الليلة قررت تكون في إضافة جديدة لعالم أثر.. بكلمكم و انا عارفه انه أي عروس و أي مدام هنا في الصفحة دي كانت محتاجاها و يمكن دخلت صفحتنا عشانها💕..

المنتج دة حالياً متوفر في مصر بس لسة ما سميناه🤭
قلنا السماية عليكم😂

شاركونا و خمنوا من الصور دة كريم شنو و اقترحوا لينا اسم ليهو😍😍

و ما تنسوا لو مهتمة بمعرفة باقي منتجات أثر في مصر علقي ب (مهتمة) و حنرسلها ليك في الخاص🌼🤎

علقوا و ما تزعلوا و الحتفوز تصبر علينا في الشحن😔🫶

أثر بتحبكم❤️

#أثر #دخان #حبوباتنا #سودانيات #السودان

هل المحلب بديل للدخان؟

سألناكم قبل كدة بتعرفوا كيف خمرة المحلب متعتقة صاح؟

كل إجابة كانت مختلفة في الصيغة لكن كلكم اتفقتوا في:

1️⃣ جودة المحلب.
2️⃣ تعتيق الخمرة.
3️⃣ اختيار العطور المناسبة مع المحلب.

لكل متابعين أثر الحبوها و طالبوا بيها..😍

خُمرة المحلب من أثر حالياً في مصر بأجود أنواع المحلب، و بأفضل اختيار للعطور البتظهر جمال المحلب.. و بتعتيق طوييل و كافي و كلها دفا و ثبات و فوحان💛

المحلب أسرارو كتيرة..
و في ناس بيستخدموه كبديل للدخان بالمواظبة عليه في جميع أشكاله ؛ عجنة، عروكة، دلكة، و خمرة.. هل انتي من منهم؟؟

لو مهتمة باستخدامو ليك أو لزوجك علقي ب (مهتمة) و حنرسل ليك طقوسه في الخاص🤎

#أثر
#محلب


#حبوباتنا

حبوبتك كانت بتنضف الضُفرة للخمرة بأي طريقة؟…

في السودان، خُمرنا ما بنعتبرها مجرد عطور…

هوية مربوطة بالبيت، بالحُبوبات، بالمناسبات، وبالتفاصيل الصغيرة البتفضل عالقة في الذاكرة..

و من تفاصيل حبوباتنا الوصونا بيها خمرة الضُفرة..

في أثر، و بطريقة حبوبة، خطوة خطوة عملناها..

مكونات بسيطة في شكلها… بس كل مكون رحلة كاملة من اختياره.. النظافة و التبخير و التعتيق..

جمعناها في خمرة الضفرة من أثر 🤎
و عتقناها سنين عشان تحسي بدفء الصندل و الثبات و هوية المرأة السودانية😍😍

خُمرة الضُفرة بعراقتها عندها استخدام خاص و معين.. فلو عايزة تعرفي كيف تستخدميها علقي لينا ب (الضُفرة) و حنرسل ليك الطريقة في الخاص 🤎

و ورينا طريقتك المميزة و الساهلة في نضافة الضُفرة 🤎

#أثر #ضُفرة

حبوبة قالت ليك لو حامل و خايفة تتدخني فكلام أثر دة ليك..😊

الحمل ما بخلي المرة تتبشن.. حبوباتنا كانوا واعيات للحتة دي..

المرة ما بتسيب جيهتها في شان حمل.. اتحنني و اتكحلي و اتدلكي و اتعطري💛

حبوبة من أول ما كانت تعرف روحها حامل كانت بتعمل حسابها ما بترهق نفسها بزيادة و ما بتتخمِل.. كل حركة بنظامها💛

و لو حملك صعب ما تخليه يأثر عليك.. و اهتمي بجمالك و ريحتك💛

رسالتنا الليلة فيها خطوات بسيطة توريك كيف تتدخني أثناء الحمل و كيف تخلي ريحتك جميلة و فايحة💛

لو انتي حامل ورينا في التعليقات في الشهر الكم و علقي ب (دخان) و حنرسل ليك الخطوات كلها في الخاص💛

#أثر #سودانيات #السودان #حبوباتنا

المجموع ما بس في الدهن.. عارفين في كم استخدام لزيت المجموع؟

علبة زيت المجموع كانت حاضرة في كل طقوس بيوتنا السودانية..

صينية الحنة.. صينية الطهور.. و دهن الشعر..

زيت المجموع من فوائده بيعزز نمو الشعر بسبب القرنفل الحبوبات كانوا بيدخلو في دهن الشعر و كان مادة أساسية فيو لنزع ريحة الودك الغير محببة و لفوائده للشعر..

كمان كان بيستخدم لتثبيت لون الحنة على الجلد..

و برضو عندو استخدامات في تدليك الجسم لتقليل الألم في العضلات و بينشط الدورة الدموية..

لو عاوزة تعرفي طريقة المجموع في الحنة لثبات اللون اكتبي لينا (حنة) في التعليقات و حنبعت ليك الطريقة في الخاص.

ورينا.. حبوبتك كانت بتستخدمو في شنو و انتي حاليا بتستخدميو في شنو؟😃😃

#أثر #مجموع #حنة #سودانيات #السودان

عارفين انه ريحة الشعر الحلوة للعروس عندها كمان طقوس؟..

حبوبات العروس من تبدا حبستها بجهزوها تجهيز كامل من الألف للياء حتى شعرها..

جلسة الدخان زي ما مهمة للجسم،كمان مهمة للشعر.. حبوبة كانت بتفرد شعر العروس و تدهنو و تطلعو برة الشملة عشان يتشبع بريحة الطلح مع ريحة الدهن المليان محلب و مجموع😍

و من هنا بتبدا أول مراحل تبخير الشعر للعروس..
الدخان أساس ثبات كل الأرياح..

عايزة تعرفي أسرار تبخير الشعر علقي لينا ب (تبخير) و نرسل ليك خطوات تبخير الشعر❤️

اكتبوا لينا في التعليقات بتبخروا شعركم كيف؟

#أثر #سودانيات

عروسات السودان و مصر😍😍

حاجة سألتونا منها كتيير و أخيرا اتوفرت👏👏

لاااايف خدمة حبسة العروسات من أثر😌

اللايف دة لاازم اي عروس بتجهز لعرسها تحضرو حنتكلم فيو عن حبستك كعروسة❤️

فلو انتي عروس و عرسك في شهر ١١ أو ١٢ أو ١ فتحنا ليك حجوزات لحبستك كااملة:

- حبسة الدخان شاملة كل المنتجات المتعلقة بيها😍
- عروكات بعد الدخان و ترطيب البشرة😍
- شيل الجسم و تعطيرو و تبخيرو لآخر لحظة نسلمك فيها لعريسك😍

و الخدمة كمان شاملاك لو مدام او نفساء و عاوزة ترجعي عروس🤭🤭

مواعيد اللايف عايزنها تكون الساعة كم؟؟
اكتبوا لينا في التعليقات و علقي لينا ب (عروس) لو عايزة تحجزي لحبستك🤍
أثر #حبوباتنا #دخان #سودانيات