Ayoosh A&M

الماسكين ديل الرهااااااااابة للشعر 🔥🔥🔥🔥🔥🔥🔥

بطووول الشعر ✅
بعالج القشرة✅
بعالج التقصف ✅
بعالج التساااقط✅
بغزر الشعر ✅
لمعان ونعومة الشعر ✅

معالج للشعر الخفيف وفعال في زيادة الطول
وتقوية السبيبه الضعيفه💕

✅المكون الأول مغلي البصل والتوم يعني فوائدو خرافية للشعر وجدا ممتاز(بصلتين كبار +٥فصوص توم تقسمي البصل علي نصفين وكذلك التوم وتختي موية مقدار ٢كوب بتخليهم يغلو وبتغطي الاناء عشان الفوائد م تتبخر بتخليهم لحدي م موية البصل تبقي ع بني كدا وتحسي ان البصل بقي ابيض وخلاصتو كلها نزلت ف الموية ،،

✅المكون الثاني ملعقة بدرة سدر كبيرة (السدر فوائدو عظيمة حنتكلم عنها ف بوست منفصل )

✅المكون الثالث مايونيز

الطريقة🌹🌹
تخلطي المكونات دي كلها مع بعض لحدي ما يديك قوام متجانس والمغلي ما شرط تختيه كلو اوزنيه علي شعرك واحتفظي بالباقي ف الثلاجة وكذلك المايونيز

توزعي الماسك علي كامل شعرك وتغطي شعرك بكيس تغسل بعد ساعتين 👌🏻

لوعملتي الماسك بنفس الطريقة دي بنضمن ليك النتائج الفوق دي

او وصفة ثانية👑

طريقة استخراج عصير البصل للشعر ويابنات والله رهيب رهيب شديد 💕

قشري ليك أربع بصلات وقطعيهم صغار
بعد دا استخرج العصير بالمفرمة أو خلاطة لحدي ما يبقى زي العجينة بعدين حتي الخليط دا في قطعه قماش زي البتصفي يعني وأعصري لمن المويه تطلع

طريقة_الاستخدام 💕

دلكي فروة راسك بموية البصل وركزي على الفروه وأماكن الفراغات بالذات
خلي في راسك من 15 لـ20 دقيقة
بعد دا اغسلي راسك بمويه دافية وبلسم
ورطبي
اعمليها مره في الأسبوع

بوست البخاخات ❤️‍🔥🔥🔥❤️ البخاخ الأول 🔥 بخاخ التحفيز والقشره

حنمسك بخاخ بخاخ على حسب مشاكل الشعر ❤️‍🔥❤️‍🔥❤️ انتي بتشوفي الحاجه المحتاجه ليها والمناسبه معاك وبتعملي ❤️❤️

اول بخاخ 👇🏻❤️
بخاخ الكركديه بيشتغل تطويل ومعالجة للقشره ❤️

اول شي عشان نكون متفقين ان البخاخ بنحفظو في الثلاجه وبنجدد البخاخ كل اسبوع ❤️❤️

البخاخ الحنقولو اسي دا بساعد في التطويل ب اعتبارو بخاخ تحفيز واذا عندك قشره مزعجة الكركديه يعتبر مطهر ❤️❤️

جيبي 👇🏻❤️

📌 ملعقتين كركديه عادي م مسحون
📌 ملعقة قرنفل
📌 معلقة صغيره إكليل جبل
📌 معلقة صغيره حبة بركة
📌 معلقة صغيره زعتر لو في لو مافي خلاص

تغليهم في كباية مويه وبعدين تصفيهم وتختيهم في علبة البخاخ
وترشي في الفروه بس حاجه بسيطه وترطبي بعدو ❤️❤️

🦋 مساء الخير 🦋

بخاخ حلو شديد للبيبي هير وللتساقط وللتغزير 🦋
ونتيجتو سريعة جدا مع الاستمرار 🦋

🦋 تونر نواة البلح السحري 🦋

حتكوني محمصة نواة بلح تكون محمصه ومطحونه جاهزه
حتشيلي منها معلقة كبيره
و كباية مويه كباية الشاي
وتخليهم من 3 ل 5 ساعات
بعدين تصفي في علبة بخاخ
وبخي على الفروه بس 🦋

رهيب جدا جدا نواة البلح سحري للشعر والرموش والحواجب

🌟جددي البخاخ كل اسبوع واحفظي في الثلاجه ❤️😌

روتين بحبو شعري شديييييد وحقيقي شعرنا كلنا بحبو 😍😮‍💨 روتين تحفيز الفروة 🌼🌼🌼🌼🌼🌼

الروتين الدااااافي علي الفروه الملان فواااااايد والاكتر صحه للشعر الافريقي 🔥

علاج الشعر بالزيت الساخن 💛💛💛💛

فوائد علاج الشعر بالزيت الساخن 👇

📍برطب الشعر ترطيب عمييييييييق ومن جوه م ترطيب خارجي بس وبحارب الجفاف نهائيا
📍بعالج تقصف وتساقط الشعر الحاد
📍الاستخدام المنتظم لعلاج الشعر بالزيت الساخن بليين لينا جذع الشعره وبغلفو بغشاء يحمي الشعر من العوامل الخارجيه الضاره 😘
📍يزيد من تدفق الدم ف فروه الرأس والحاجه دي بعتزز لينا نمو الشعر الجديد وتمنع تساقطه ☺️
📍حمايه فروه الرأس من الجفاف الحاد ومنع تجعد الشعر
📍زياده قوه الشعر يعني شعري ح يكون قوي وصحي وقادر

انو يواجهه اصعب الظروف باقل اضرار 🔥

ولسه فوااااايد كتتتييييره جدا م تتخيليها عشان كدا لازم لازم لازم ضمن روتينك تخصصي يوم واحد ف الاسبوع تستخدمي فيهو الزيت الساخن لعلاج مشاكل شعرك

م تتقيدي بزيوت معينه العندك بس نوعين زيت لي تلاته دفي ف حمام مائي واعملي بيها مساج لفروه راسك لمده 5دقايق بعدها البسي كيس نايلون ساعتين وغسلي بالشامبو 🥰🙏

اوميقا 3 نار وشرار للشعر
بتقوي بصيلات الشعر
بتطول وبتحفز النمو
وبتقلل القشره
بتحافظ ع صحة الفروة وكمان بتخلي الشعر صحي ولامع

بتقشرو فروة راسكم كل شهر ولا لا ؟؟
طيب عارفين انو تقشير الفروة علي الاقل مرة شهريا اهم من كل الروتين البتعملي فيهو دا وي حبذا لو ثبتي التقشير مرتين ف الشهر كدا ح تنضفي الفروة من اي وساخه وتخليها تكون نضيفه قادرة تستقبل اي منتج تختي عليها

ناس القشرة بكل انواعا والحكه التقشير اجباري

الوصفه
معلقه بن
معلقه سكر
ومعاهم معلقه كبيره شامبو
معلقه زيت جوز هند

نوزعهم كلهم علي فروة مترطبه بموية
ونفرك بفرشة السيلكون او أطراف اصابعك براحه ومسافه لحد م نصل كل الفروة
بعدو نغسل الشعر بموية عادي

مرتين ف الشهر نعمل الحركه دي

الشامبو زاتو كل م تجي تغسلي منو ضيفي ليهو شوية بن وافركي ف يدك بعدين وزعيهو

ح تلاحظي فرق رهيب🔥

دي طريقتي المعتمداها من زمان وزابطة معاي جدا

لو عندنا تقصف انو نهاية السبيبه تحت بتكون مقسومه او متفرعه او معقوده التقصف لازم الشعر يتقصا في طريقتين للقص ي تقصي شعرك كلو ي إذا التقصف م كتير تضفري شعرك كتير والشعرة البتلقي طرفها متفرع او فيهو عقده تقصي الطرف
الطريقة دي بتمسك زمن لكن بحسها افضل طريقه إذا م عايزه تقصي شعرك كلو

📌 حتاخدي الفيتامينات ب انتظام فوليك اسيد واوميقا 3 ولو جبتي ال a to z رهيبه كمان او اي فيتامين عندك لازم تنتظمي فيهو م تكسلي منو او تنسي

📌 غسيل الشعر م تغسلي ب صابون حمام ولا غسيل لا
ي صابونة الجلسرين الخضراء او اي شامبو عندك ضيفي ليهو معلقتين بن وخففي ب شوية مويه

📌 تشربي مويه كتيره وتاكلي خضروات وبيض أكلك يكون صحي

الروتين حيكون ساهل حيكون عباره عن حمام زيت وترطيب وبخاخ وماسكات

اول شي حمام الزيت

حمام الزيت بحفز الفروه على النمو وبخلي الشعر يطول ويقلل التساقط
طريقة استخدام حمام الزيت قبل غسيل الشعر بتملي شعرك كويس الفروه والشعر وتغطي ب كيس ساعتين وتغسلي شعرك

حيكون عندك خيارين ❤️

📍 الأول حمام زيت الثوم 👇🏻
حتجيبي زيت سمسم او فول او زيت زيتون حسب البنفع معاك وتجيبي فصوص ثوم زي 7 فصوص تقطعي كل فص على 2 وتختي في الزيت وتخليها مقفوله وتعملي في يوم غسيل الشعر

📍 الثاني زيت الأعشاب المخمره 👇🏻
إذا عندك من الأعشاب
إكليل جبل
ورق غار
حلبة
حبة بركة
مورينجا
بدرة املا
ذيل الحصان

يتعمل برضو في يوم غسيل الشعر زي الطريقه الموضحه في البدايه

اختاري واحد بس حسب المتوفر عندك الاتنين حلوات شديد وجرّبتهم ❤️❤️❤️

عملتي حمام الزيت خلاص وخليتي ساعتين حتغسلي شعرك
بالشامبو والبن العملناهو قبيل ❤️
الشامبو للفروه فقط تفركي بيهو الفروه البنزل لمن تشطفي دا بنظف باقي الشعر
لكن أوعك تدعي أطراف الشعر ب الشامبو حيعمل جفاف وتكسر وتقصف
لو وفرتي بلسم ممتاز جدا ❤️❤️ لانو حيحافط على الشعر وبتعملي بعد تغسلي بتخلي 5 دقايق وتشطفي ب مويه بس

غسلنا شعرنا خلاص جا دور اهما خطوه الترررررطيب
الترطيب بحافظ لي على شعري من التقصف والجفاف والتكسر ترطيب الشعر هو اهما خطوه عشان تحافظي على شعرك انو م يتكسر ويطول
وأطرافو تكون صحية
طيب الترطيب دايما يكون ب دهان تقيل او كركار او دهن سنام او دهن ساق او كريمات زي كانتو او هيرسكسس
البقولو لي بنرطب ب زيت جوز هند وزيت زيتون حابه اقول ليك انتي بتنشفي م بترطبي 🥲
زيت الزيتون وزيت جوز الهند م بتعتمدي عليهم ك حاجه حقت ترطيب او حاجه يوميه في روتينك ❤️❤️
بوست الترطيب هنا 👇🏻

الترطيب بكون لمن تغسلي شعرك وتطلعي شعرك م يكون مبلول شديد ينقط ولا ناشف خلاص تعملي الترطيب في الشعر بس الفروه لا

وبعد الترطيب تمسحي الزيت حقك

بعد خطوة الترطيب طوالي تعملي استايل حمايه البنفع معاك ضفاير او كعكات او برم البنفع معاك وانا دايما بقول الضفائر بتربي الشعر ❤️❤️
انتي بتعملي الشي البنفع معاك

الماسكات حنعتمد على الفلفل و جوز الهند و الكركدي

طيب متين اعمل الماسكات دي ؟
ماسك الفلفل للتطويل الشعر العنيد و زيادة كثافة و التخلص من الفطريات

ماسك الكركدي تحفيز الفروة علي الإنبات و الكثافة و ملء الفراغات و البيبي هير و معالج للقشرة

ماسك جوز الهند للترطيب العميق و من ثم إيقاف التساقط و التكسر و الهيشان و يعطي لمعة للشعر لكل انواع الشعر

اسبوع حيكون ماسك جوز الهند و الكركدي وأسبوع ماسك الفلفل ❤️❤️❤️
ماسك الحنه مره بس في الشهر ❤️

🍀طريقة عمل شامبو السدر للشعر

جيبي ورق سدر فريش اضربيها في الخلاط الكهربائي مع شوية موية ح تعمل رغوة
صفي في علبة بخاخ واستخدمي كشامبو..

او

ممكن تستخدمي 3 ملاعق سدر مسحون ضيفي ليهو كباية مويه دافيه انقعي السدر شوية و صفيه و عبي في بخاخ ، ممكن تضيفي اي زيت يناسب

نصايح لغسل الشعر 👇💙💙

ضيفي لشامبو حقك في كل لتر معلقتين بن يعني الشامبو حقك دا خففي بي موية م كتير و اعملي معلقتين بن

خليكي مرتبه وانتي بتغسلي شعرك
اقسميه علي نصين و ابدئي بجزء
جزء ..

خففي الشامبو بالموية و اعمليه
في نص الشعر...

افركي بلطف وبدون
تدخلي الشعر في بعض ..يعني بأتجاه
الجاذبيه الارضيه ...و كملي بالنمط دا ..

اضافه الشامبو تكون بالتدريج
م مره وحددده عشان الشعر ينضف وضيفي في يدك ما في الفروة مباشر


بعد تخلصي شاور لفي شعرك
بتيشرت قطني (نظيف
طبعا)
بنات فرق فرق في التنشيف من البشكير.. و اتبعي اسلوب الضغط و
ليس الفرك وانتي بتنشفي بالتيشيرت

تمشيط الشعر هو مبلول اكبر غلط
ممكن تعمليه في حق شعرك ..الشعر و
هو مبلول بكون في اضعف حالاته
فرفقا" به
سيبيه ينشف بنسبه ٦٠ علي الاقل و
ابدئ مشطيه بمشط اسنانه كبيره
ومتفرقه ضروووورى و ابتدي
بالاطراف اولا وبعدها انتقلي للجذور
حاولي سيبيه ينشف طبيعي
واتذكري اى شي تجتهدي فيه بتلقي فيه نتيجه حلوه
اذا اتعودتي علي روتين معين حيبقى شي اساسي انك تعمليه و ما حتستغني عنه زى
الشاور اليومي زى الصلاه زى تفريش
الاسنان شي اساااااسي عندك
و ما تنسي خليكي جنتل معاه وعامليه
برفق و اهم شي حبيييه في كل
حالاته♥️

مواصفات الشعر الصحي.. وطريقة اختبار صحة الشعر✔️✔️

بنسمع كتير عبارة شعر صحي.... شنو هو الشعر الصحي؟؟ وهل الشعر المفرود الناعم ياهو هو الصحي؟؟؟ واختبر المسألة دي كيف.. 🤔🤔

🔴الشعر الصحي ممكن يكون مموج، ممكن يكون مجعد، ممكن يكون مفرود، عشان كدا م تعملي بروتين او كيراتين او غيرو عشان تفرديهو ويبقى استريت✔️✔️

🔴تعالي مع بعض نعرف مواصفات الشعر الصحي :_

♣️م بتساقط (المعروف ١٠٠ لي ١٥٠ دا الطبيعي البتساقط يوميا) اكتر من كدا تساقط
♣️م بتقصف (الاطراف لا ضعيفة لا منقسمة لا الشعرة فيها بقع بيضاء) واذا لاحظنا اي واحد من العلامات دي معناها ف خلل وطوالي نقص الجزء التالف دا ونواصل اهتمام ماسكات زيوت تغذية سليمة وف حال م ح تقصي لازم يكون عندك بلسم مغذي للاطراف
♣️م بتشابك ( يعني يدك بتمر فيهو بسلاسة شديدة) ودا لانه ناعم وطري
♣️م بغرق ف الموية ( البغرق دا مساماته وفجواته كتيرة وكبيرة عشان كدا لا ناعم لا طري) ودا بحتاج ترطيب عالي يقفل الفحوات يعني روتين ترطيب ومواظبة♥️♥️
♣️م فيهو قشرة ( القشرة دليل معاناة الفروة)
♣️م بنهار ف الرطوبة يعني اقرب مثال الخريف تلقي الشعر هايش ونايش 😅 ودا لانه فجواته ومساماته كبيرة فبمتص رطوبة الجو ويقوم لي فوق 😅
♣️مرن ودي معناها محل تودي يمشي معاك، تودي شمال يمين يمشي معاك ويجي راجع محله عادي وكانه م حصلش حاجة ي عيني😅

لو ما اهتميتي باطراف الشعر كويس عمممممرك ما حتشوفي طول وعمرك ما حتعرفي يعني شنو شعر صحي 👋
دي اكتر جزو محتاج عنايه منك لانو الجزو الاقدم من الشعر والاتعرض لكل المصايب
لازم تهتمي بي حاجاتين ✌️

1️⃣ماسك ترطيب عميق
2️⃣كريم الترطيب +الزيوت والزبدات

وقبل دا كلو تتفحصي اطراف الشعر كويييس لو فيها اي تقصف تجري تجيبي مقصك طواالي وتقصي ✂️✂️✂️.
😘😘♥️محبااات