CLINutrition

مين بيصحى يعمل كوباية شاى وياخد معاه بقسماط ويقول تصبيرة لحد الفطار 😋 او هو ده الفطار

⛔ ⛔ ⛔ ⛔ ⛔ ⛔


عندك فكرة عن سعرات البقسماط اللى عمال (تنأنأ) وتاكل منه كسناك ولا كأنه حاجة ومش حاطط فى اعتبارك انه أكل أصلا ⛔ ⛔ ⛔

البقسماط (١ كبيرة) سعراته زى سعرات ربع رغيف عيش بلدى انت متخيل 😳😳😳 -وده اللى من غير سمسم-
يعنى لو اكلت اربعة بقسماط كأنك أكلت رغيف 🤯

السؤال بقى هل حسيت بشبع لما اكلتهم؟!!!🤔

الاجابة غالبا معروفة 🤷🏻‍♂️🤷🏻‍♀️

عشان كده البقسماط وكل النواشف مينفعش تتعامل معاملة النأنأة والاكل بدون حساب
مش بنمنعها لكن لازم نحسبها معانا ضمن اكلنا

كل حاجة بناكلها او نشربها ليها تأثير علينا

احنا بنساعدك تختار الحاجات اللى بتحبها وتأثيرها كويس ونقلل او نمنع الحاجات اللى تأثيرها سلبى عليك عشان توصل لصحة افضل وجسم سليم ونشيط 💪🏼

للتواصل ابعتولنا على رسايل الصفحة 📩

وقولولنا فى رسايلكم حابين تعرفوا معلومات عن ايه فى التغذية اكتر 🤝🏼

الملح 🧂

وهى ايه الحياة من غير شوية ملح 😅
حياة صعبة 🤔 ولا لأ 👀

🟢 الحقيقة اننا نقدر نعيش من غير الملح بشرط اننا نعوض اليود فى أكلنا بشكل سليم.

والحقيقة ان الصوديوم موجود فى مصادر كتير حوالينا بنستهلكها يوميا بدون وعى ولا علم وبناخد يوميا اكتر من احتياجاتنا ومع الوقت ومع عوامل تانية زى قلة المياه مثلا او استخدام ادوية معينة بيحصل منه مضاعفات

طيب ازاى نتجنب الضرر قبل وقوعه (الوقاية)

الاول نسأل الاسئلة المهمة 😅
استخدامك للملح شكله ايه؟

فى ناس بتحط ملح كتير ع الاكل بالاضافة للمخللات
فالنوع ده مقدرش اقوله من بكرة هنخلى الملح نص معلقة صغيرة يوميا فقط لكن بنقلل تدريجيا

اما لو استخدامك معتدل بندور هل فى مصادر تانية للصوديوم بتستخدمها بشكل يومى وبنقلل برده تدريجيا

طيب انا ازاى هستسيغ الأكل؟🤔

الحقيقة برده انك مفروض تستسيغ الاكل بدون ملح لكن انت اتعودت على طعم معين بقالك سنين لذلك بنقلل فقط الملح وبنستخدم التوابل العطرية والحمضيات عشان نضيف نكهات جميلة تخلى الاكل جميل

لو حابين تعرفوا افكار لاستخدام التوابل العطرية والحمضيات لاضافة نكهات للاكل اكتبوا لنا فى التعليقات

تقدروا تتواصلوا معانا على رسايل الصفحة لمعلومات اكتر عن التغذية المناسبة لكل حالة 📩 ☺

☕ تفتكر ايه هى المشروبات اللى تخلينا نحس بالدفا فى الشتا من غير احساس بالذنب وبرده تفيد جسمنا 🤔

☕شاي الجنزبيل بالليمون والعسل: ده علاج ودفا في كوباية واحدة. اغلي جنزبيل فريش وحط عليه عسل وليمون.

السحلب: (بإعتدال) المشروب الكلاسيكي بتاع القهاوي والمصريين.🥛 كريمي وغني وبيدفي جداً، ورشة القرفة والمكسرات.

الحليب الدهبي (بالكركم): سخّن اللبن وحط عليه ربع معلقة🫖 كركم صغيرة وشوية فلفل أسود وعسل. صحي جداً ومضاد للالتهابات.

شاي الكرك: الشاي باللبن بتاع المزاج. بيبقى متبل بالهيل☕☕ والقرفة والقرنفل. نكهته قوية وبتدفي .

الهوت شوكليت (باعتدال): كوباية شوكولاتة سخنة باللبن🫖 دي بتعدل المزاج وتدفي القلب.
ونقدر نعمله احنا بكاكاو خام ولبن نص دسم وخالى الدسم عشان نتجنب السعرات الزيادة والمبيضات

🤗خليك دافي واستمتع بالشتا

تقدروا تتواصلوا معانا على رسايل الصفحة لأى استفسارات 📩او نصايح

رجعنا من تانى عشان نبدأ أول وصفاتنا
مين مبيحبش البطاطس 😋🍟🥔

🥔البطاطس نشويات مُعقدة (مش معقدة😅)
حلوة جدا بس ازاى ناكلها ونستفيد بيها صح مش نبوظها وبعدين نقول البطاطس وحشة

دلوقتى هنتكلم عن البطاطس المهروسة
البطاطس تتغسل كويس جدا جدا وتتسلق مع ملح بسيط
نطلعها واما نقشرها او تتاكل بقشرها
- (القشرة😳) عايزانى اكل القشرة؟
ايوه مفيدة جدا .. (عايزين تعرفوا فوايدها اكتبوا لنا فى الكومنتات)

البطاطس اما تتهرس بشكل كويس مع ٢-٣ معلقة من المياة بتاعتها عشان تكون ناعمة من غير مادة دهنية
كده عندك بطاطس مهروسة جاهزة للأكل بشكل بسيط وصحى 👍🏻

الباقى حسب الذوق والمتوفر 😉

✅بيض مسلوق

✅خضار متقطع (فلفل اخضر ، خضرة ، طماطم ، ٢زيتون طبيعى ) اى حاجة منهم حسب ذوقك فى الاكل

✅شوية كمون او زعتر مجفف

- بس انا مش بحب كده لازم مادة دهنية؟
ممكن نحط على البطاطس معلقة صغيرة زبدة او معلقة كريمة طهى ونقطع خضار او ناكله جمبها
حسب اضافاتك تقدر تخليها وجبة متكاملة او جزء قوى من وجبة 🍲

🌱 يلا نقرر نتغير 🌱

احنا معاكم ونقدر نخطط لكم اكلات ووجبات صحية تناسب كل حالة..ابعتوا لنا دلوقتى على رسايل الصفحة 📩

📍تعرف حجم الرابط بين طبقك وصحتك ؟؟!!! 🤔

🥗 الأكل بصفة عامة والتغذية الصح بصفة خاصة مفتاح لمشاكل كتير 🔑

🥗 التغذية العلاجية مش بس للسمنة أو للنحافة ،التغذية لكل الحالات المرضية من اول الارهاق العام الى اكبر الأمراض

كل حالة مرضية ليها تغذية خاصة تحافظ على صحة المريض وتحسن جودة حياته وتقلل اعراض المرض 🪄 مش سحر لكن فعلا التغذية ليها سحر خاص بيها 💫

🥗 غير طبقك تتغير حياتك 🧍🏻‍♀️🧍🏻

احنا معاكم وهنساعدكم 🤝🏼

لأى استفسارات تقدروا تتواصلوا معانا على رسايل الصفحة 📩

🥝 GREEN Friday 🥝

🤩العروض عندنا مختلفة لأنها هتغير حياتك🤩

🍏 عاملين عروض حلوة للمتابعات الشهرية 🌟
🍏 عروض خاصة للمجموعات 🌟

🍏العروض مستمرة طول شهر نوفمبر🍏

احنا معاكم فى CLINutrirtion عشان نساعدكم
ونوصل سوا لأسلوب حياة صحى بدون حرمان أو ضغط 🌱🤍

اكتب مهتم فى التعليقات لمعرفة العروض 🌟
او تواصلوا معانا دلوقتى على رسايل الصفحة 📩

الانجازات الصغيرة هى طريقك للوصول للهدف الكبير 🌟

وده اللى وصلت له حالتنا لما قسمنا هدفها لإنجازات صغيرة 👍🏻

اتبعنا نظام غذائى صحى 🌱
ركزنا على جودة الغذاء والبدايل الصحية 🥗
اهتمينا بكميات مياه كافية يوميا
ظبطنا مواعيد الأكل والنوم 😴
دخلنا الحركة والرياضة كأسلوب حياة 🏃🏻‍♂️

القياسات نزلت
الجسم شكله تناسق أكتر

الحالة نفسها حست بتغيير فى حياتها ونفسيتها 🌞
التغيير كان من بره وجوه

التغيير محتاج قناعة وإرادة ومحتاج نظام يناسبك شخصيا 👉🏼

احنا هنا عشان نساعدك تتغير/ى
🌱 يلا نقرر نتغير 🌱

احنا بنساعدكم بوضع أنظمة غذائية مناسبة لكل حالة على حدا 👍🏻
وبندعمك ونحفزك للوصول لهدفك 🌟

فى انتظاركم انتوا كمان عشان توصلوا لأهدافكم
تقدروا تتواصلوا معانا دلوقتى على رسايل الصفحة 📩

تعرف انك ممكن تكون مريض كبد دهنى ومتعرفش⚠️⚠️⚠️

⛔من ٢٠-٣٠% من الناس عندهم كبد دهنى⛔
الكبد الدهنى او الدهون على الكبد مرض اذا تم اهماله بيسبب التهاب فى الكبد وأمراض تانية كتير زى السكر وامراض القلب وغيرهم⛔

حالة مرة كان كبد دهنى قالى بالظبط (معرفش جالى منين ده انا جسمى مش تخين انا معقول ولا باكل كتير ولا حاجة)

⛔ احذر ⛔

الكبد الدهنى مرتبط مش بس بكمية الأكل لا ونوعيته كمان ومش شرط تكون فى زيادة فى الوزن لو الكمية معقولة لكن وجود سمنة غالبا مصاحب ليها كبد دهنى

طيب ايه نوعية الأكل اللى ممكن تسبب الكبد الدهنى؟
👈🏼الزيوت المهدرجة
👈🏼النشويات البسيطة الكتير
👈🏼الدهون الزائدة
👈🏼السكريات الزائدة

حد هيقول بس انا مباكلش الحاجات دى🤷🏻‍♂️
️هقوله
🔻 مبتاكلش اى اكل مقلى من بره؟
🔻️مبتاكلش اكل من بره عامة؟
🔻مبتاكلش اى مصنعات جاهزة؟
🔻مبتاكلش اكل بيتى بس مليان زيت؟
🔻مبتاكلش عيش او رز او مكرونة كتير؟

طيب قولى
🟢بتهتم اكلك يكون متوازن؟
🟢 بتهتم تاخد ألياف وخضراوات مع الاكل؟
🟢بتهتم بالبروتين المعتدل؟
🟢 ️بتهتم تاخد ولو ثمرة فاكهة منخفضة المؤشر الجلايسيمى يوميا؟
🟢 بتهتم بشرب مياه كافية؟
🟢بتهتم تنضف جسمك من السموم؟
🟢بتهتم تدخل جسمك زيوت صحية؟
🟢بتهتم يكون وزنك مثالى؟
👈🏼اجاباتك هى اللى هتحدد

📍لو انت مريض كبد دهنى فالتغذية ليها الدور الأساسى للتغلب على المرض ده
عاداتك الغذائية اليومية هى المفتاح السحرى لصحة أفضل 🌟

🥗 غير طبقك تتغير حياتك 🧍🏻‍♀️🧍🏻

احنا هنا عشان نساعدكم 🤝🏼
تواصل معانا عشان تعرف النظام الغذائى المناسب لحالتك وتوصل لجسم صحى وحياة صحية 🌱
تقدورا تتواصلوا معانا من خلال رسايل الصفحة 📩

⚠️⚠️( السمنة مقبرة الجمال )⚠️⚠️

مين مشافش الجملة دى قبل كده ⛔
السمنة مش بس بتضيف لك عمر فوق عمرك لكن كمان
بتكون سبب فى أمراض ومشاكل صحية مختلفة

اول طريقك للتخلص من كل ده انك تقرر تتغير 🌱
تغير تفكيرك وتغير أسلوب حياتك وأكلك 🍱

أنسة س.م حالة عمرها الفعلى لم يتجاوز ٢٣ لكن اللى يشوفها يفتكر انها اكبر بكتير وده كان السبب الرئيسى لإختيارها للتغيير 👉🏼

س.م جت لنا بوزن زايد عن الطبيعى ليها حوالى ٢٥ كيلو
الحمد لله مكنش فى اى مشاكل صحية كبيرة لكن كان عندها بداية آلام فى الركبة بسبب الوزن وصعوبة فى التحرك بحرية وخمول اوقات وتساقط شعر
وبالفعل كان معاها تحليل صورة دم ومخزون حديد ضعيف للاسف ونصحها الطبيب المعالج انها تنزل وزنها

فى البداية كان لازم نعرف السبب ورا الزيادة فى الوزن🤔

ولقينا ان
👈🏼 الاكل الغير منتظم
👈🏼 كميات الاكل
👈🏼 الحلويات المبالغ فيها
👈🏼 الاعتماد على الوجبات الجاهزة اثناء التواجد خارج المنزل
⛔ هما السبب الرئيسى ⛔

اتكلمنا سوا ووصلنا لأرضية مشتركة وكانت من جواها فعلا مستعدة للتغيير 🤗

🌱اعتمدنا النظام المتوازن بدون حرمان🌱
🕑ظبطنا مواعيد للاكل تتناسب مع الجامعة
🥗ظبطنا كميات الاكل مع الحفاظ انه يكون مُشبع
🍪كان صعب نقطع حلويات مرة واحدة مع الحالة فاعتمدنا على الحلويات المنزلية واستبدلنا السكر بإستيفيا او محليات طبيعية زى التمر (محسوب السعرات) ووصفات صحية مناسبة (لو حابيين تعرفوها قولولنا فى الكومنتات😊)
🎒اعتمدنا اللانش بوكس 😁 لأنه بديل آمن وهيفرق معانا كتير
دى الخطوط العريضة اللى اتحركنا جواها

بعد ٣ شهور كان فى فرق كبير عن البداية 🤩
الحالة نزلت ١٢.٥ كيلو ✌🏼وقياسات الجسم اختلفت ⚖
الحالة دى من اكتر الحالات التزاما وحريصة جدا انها تتغير لنفسها ولصحتها 🌟 واحنا عملنا لها هدية عشان نشجعها على إلتزامها 🎁

ولسه مكملين عشان نوصل للوزن المثالى 💯

انت وانتى كمان ممكن تتغيروا 🤩

اختياراتك بتحدد حياتك 📉

احنا نقدر نساعدك تتغير بدون حرمان 🤝🏼

تقدروا تتواصلوا معانا من خلال رسايل الصفحة 📩

..غايببن عنكم بسبب ظروف عندنا

👈🏼وللتعويض مجهزين لكم معلومات
ووصفات صحية

تابعونا 💫

🥗 غير طبقك تتغير حياتك 🧍🏻🧍🏻‍♀️