Rody Makeup Artist

😉😍
القمر بتاعتنا اشطر شيف ف الدنيا ♥
بعد فترة غياب… رجعتلكم من تاني 🤍✨
قررت أعمل عروض وخصومات قوية جدًا على الميكب لفترة محدودة 🔥😍
اسألوا علي العروض الجامدة وألأسعار مميزة جدًا ❤️

لكل الناس اللي سألت عني، وعزتني، ودعتلي و دعت لامي واستحملتني ... شكرا من كل قلبي. والله ما هنسى وقفتكم معايا

انا في فتره من أصعب الفترات في حياتي بعد وفاة أمي، وكنت مضطرة أوقف الشغل اسفه لكل الحجوزات اللي اتلغت ، وأنتوا قدرتوا ظروفي بكل ذوق وإنسانية، وده دين في رقبتي ليكم

إن شاء الله خلال أيام قليلة هبدأ أرجع للشغل بالتدريج، وكل عميله هيتم التواصل معاها.

أمي الله يرحمها كانت دايما تقولي: "إوعي تسيبي شغلك، و دايما بتحب تشوفني ناجحه و بكبر في شغلي وعشان كده هرجع أكمل، وأنا بدعيلها في كل خطوة أخطيها ، وأسأل الله ان يجعل كل نجاح أحققه في ميزان حسناتها.

شكرا لصبركم، وشكرا لوقفتكم معايا وربنا يديم عليكم نعمة وجود حبايبكم في حياتكم، وما يوريكمش وجع فقد حد غالي
أبدا.

نصايح للعروسه :
١- اهتمى بالترطيب كويس جداً .. ترطيب جسمك شفايفك بشرتك .. ابدأى ب دا علي الاقل شهرين قبل الفرح .
*المايه من احسن المرطبات اشربي كتير جداً منها 👆
٢- متلبسيش عدسات جديده يوم الفرح الاحسن عدسات تكونى مجرباها قبل كدا ( الجديده بتكون انشف على عينك و
بتعمل شويه احمرار ) .
٣- اللي عندهم جفاف ف عنيهم لازم يحطوا قطرات مرطبه قبل اللينسيز مش شرط دكتور يكتبها روحى صيدليه كويسه هيديهالك .
٤- ضرورى تنضفى وشك من الشعر ( مش تشقير❌) تشيلي الشعر لازم ولا شعره
* الشعر بيخلي الفاونديشن رمادى و يحركه بسرعه جداً مهما ثبتيه 👎
٥- متعمليش واكس_فتله_ليزر لوشك قبل الفرح على طول لازم اقل حاجه ٥ ايام و لو بتعمليهم لاول مره متغامريش اساساً اعملي اللى وشك متعود عليه .
٦- كوى الطرح بالبخار مش بالمكواه الحراريه عشان متبوظش او تتقطع و تحتاسى 👌 ..

٧-حضري حاجتك كلها ع مدار اسبوع ف شنطه عشان كل متفتكري حاجه تحطيها ف الشنطه دي
٨-هاتي حاجات الطرحه و الاكسسوارات اللي حاباها معاكي

٩- خدى معاكى واحده بس ف الاوضه تكونى بترتحلها وواثقه ف رأيها جداً العدد الكتير هيوترك و يبوظلك اليوم 👭👭👭👭👭👭👭 .
١٠- اشربوا حاجه دافيه عشان تهدوا أعصابكم و يكون يوم جميل زيكم ❤️

منشن لصحبتك اللي فرحها قرب 👆💜

لو انتي عروسه هقولكم شويه نصايح هتفيديكم اسرار للميكب الحلو😍
١-تنضيف البشره بيكون قبل المكيب ب ١٠ ايام مش اقل
٢- شعر الوش بنشيلو ب شيفينج فلامنجو مش بنشيله ب فتله ولا واكس عشان بتطلع حبوب واللتهابات
٣- الترطيب مهم جدا وشرب مياه كتير مهم
٤- لو عندم مسام واسعه ممكن تعالجيها قبل فرحك بفتره تعملي جلسات ديرمابن وبلازما وميزوثربي بلاش بلاش تقشر لانه بيبوظ حاجز البشره وبشرتم هتبقي وحشه ف المكيب
٥- لو هتعملي حمام مغربي او بخار يبقي قبل الفرح ب اسبوع او ١٠ ايام عشان البخار بيبقي غلط مع المكيب ومش بيخليه يثبت
٦- اخر حاجه ممنوع تحطي صن بلوك وانتي جايه الصبح للمكيب ارتيست مش بيخلي المكيب يثبت😂♥️بس ياحلوين