Dr:Nagwa Hassan

👀👀

النرجسي لما تكوني عيانة أو تعبانه …يقولك:"إنتِ مكبرة الموضوع""كل الناس بتتعب""قومي اتحركي بدل الدلع ده"

لكن أول ما هو يتعب يانهار ابيض ؟البيت كله لازم يقف على رجله…وصوته يبقى أعلى من المرض نفسه،ولو ما اهتميتيش بيه يحسسك إنك مقصرة وعديمة الإحساس.

النرجسي ياجماعه ما بيتعاملش مع تعبك كإنسان محتاج دعم…هو بيتعامل معاه على حسب: هل تعبك هيخليه يخسر اهتمامك ليه ولا لأ؟

علشان كده هتلاقيه: دايما • يقلل من ألمك.• يسخر من شكوتك.• يختفي وقت ضعفك.• لكن يطلب منك تكوني ممرضة، وطبيبة، ودعم نفسي وقت تعبه هو.

المشكلة إن مع الوقت بتتعلمي تخبي وجعك وتعبك وألمك…عشان ما تسمعيش:"إنتِ حساسة زيادة""كل شوية تعبانة""هو أنا ناقص؟"

بينما هو بيكون مسموح له ينهار على أقل دور برد،والكل لازم يتجمع حواليه.

العلاقة الصحية ياجماعة
فيها احتواء متبادل…لكن مع النرجسي؟أنتِ مطالبة تفهميه طول الوقت،وهو عمره ما حاول يفهمك حتى وأنتِ مكسور

د/نجوى حسن

" كي تبني ثقتك بنفسك ،اذهب إلى حيث لا تَثِقُ بِنَفسِك."

الإنسان يستطيع بناء ثقته بنفسه عن طريق مواجهة المواقف أو الظروف التي يشعر فيها بعدم الثقة ، الفكرة الأساسية هي أن التحديات والمواقف الصعبة التي تخرج الشخص من منطقة الراحة تُعد فرصة لتعزيز الثقة بالنفس.

من خلال التعامل مع المواقف التي يشعر فيها بعدم الثقة، يمكن للشخص تطوير قدراته والتغلب على مشاعر الشك، مما يساعده على بناء ثقة أكبر في المستقبل.

❤️ د/ نجوى حسن

الحياة ليست دائمًا كما نريد،
لكنّها تصبح أجمل حين نختار أن نعيشها بروحٍ أخفّ وقلبٍ ممتن. 🌿

أحيانًا تكون السعادة في أبسط التفاصيل:
ضحكة صادقة، لحظة هدوء، أو شعور بالسلام الداخلي.

كلما تصالح الإنسان مع نفسه،
أصبح أقرب للحياة التي يستحقها.

❤️د / نجوى حسن

ساعات "العزلة" بتبقى محاولة لـ "النجاة"....
فيه أوقات بتيجي علينا بنبقى مش عاوزين نتكلم، ولا نرد على موبايل، ولا نقابل حد.. بنبقى عاوزين 'نختفي'. الناس بتشوف ده كسل أو غرور، بس هو في الحقيقة 'إرهاق روح'. طاقتك خلصت من كتر المحايلة والتمثيل إنك كويس.

مسموح لك تنسحب شوية عشان تجمع شتات نفسك. حتى الأنبياء كان ليهم خلواتهم. ﴿فَفِرُّوا إِلَى اللَّهِ﴾.. الهروب هنا مش ضعف، الهروب لربنا هو قمة القوة. خد وقتك في 'صوم الكلام'، واشحن روحك بالسكينة بعيد عن دوشة التوقعات. لما ترجع، ارجع وإنت 'إنت'، مش النسخة اللي الناس مستنياها منك.

خليك رحيم مع نفسك حبها كما هى

❤️د/نجوى حسن
Dr.Nagwa Hassan

إزاي تحطي حـــدود من غير ما تخســـري ابنك المُـــراهق!

في سن المُـــراهقة أكبر صـــراع بيحصل بين الأم وابنها هو:
"أنا عايز أكون حـــر " "أنا عايزة أحمـــيك "

فتلاقي الحـــدود بتتحـــول لخنـــاقات يومية

لكن الحقـــيقة المُهمة
المُـــراهق محتاج حـــدود و طريقة تعامل يحافظ بها على كرامته واستقلاليته
---

طيب ليه الحـــدود مهمة في المُـــراهقة ؟

بتدي إحساس بالأمـــان
بتحدد الصح والغلـــط
بتحمــيه من قرارات متهـــورة
وبتخليه يعرف إن في حد مهتم به

المُشكـــلة مش في وجود الحـــدود… المُشكـــلة في “طريقة فـــرضها "

خلينا نفهم #نفس ونفسية المُـــراهق تجاه الحـــدود

بيـــرفض التحـــم المباشر
حـــساس جدًا لفكرة "أنا كبير"
بيتمـــرد لو حس إنه مُجـــبر
سهل يتقبل أكتر لما يحس إنك بتشاركة وبتسأله مش بتفـــرض عليه

يعني هو عايز حـــدود بس يحس إنها اختياره مش فـــرض عليه

طيب إزاي تحطي حـــدود من غير صـــدام ؟

الإتفـــاق بدل من الفـــرض
بدل ما تقولي: "هتقفل الموبايل الساعة 10"
قولي: "إيه الوقت المناسب للنوم عشان تصحى مرتاح؟"
وخليه يشارك في القرار

اشرحي السبب
المُـــراهق مش هيقـــبل جُملة "عشان أنا بقولك كده"
لكن هيكون مُتفهم جداً لما يعرف "ليه"

خليكِ ثابتة و مـــرنة في نفس الوقت
في قواعد أساسية ما تتغيرش
لكن في حاجات قابلة للنقاش

احترميه قدام الناس
لا تنتقـــده أو تعـــاقبة أو حتي تتناقش قدام حد
ده بيكســـر العلاقة وبيزود العنـــد

استخدمي العواقـــب مش العقـــاب
لو كســـر القاعدة…خليه يتحمل نتيجة فعله بهدوء
بلاش تستخدمي الصـــراخ أو التهـــديد ( مش هيجيب نتيجة )

اسمعي رأيه بجد
حتى لو مش هتوافقي مجرد إنك سمعتيه… بيقـــلل الصـــدام

اختاري معـــاركك
مش كل حاجة تستاهل شـــد وجـــذب ركّزي على المهم فعلاً

العلاقة قبل القـــواعد
لو علاقتك به كويسة…هو بنفسه هيحترم الحـــدود

مهم جداً تعرفي:

السيـــطرة بتخلق تمـــرد… مش إلتزام
الحوار بيبني احتـــرام … مش ضعـــف
المُـــراهق اللي بيحس إنه مسموع…بيكون أقل عنـــاداً
ابنك مش محتاج قيـــود تخنـــقة هو محتاج حـــدود تحـــميه وتخليه يحس إنه كبير ومسؤول

( ابني جســـر بينك وبينه بدل ما تبني حـــيطة )

بس كدة زى ما بقولك كدة بظبط. صبحكم جميل

❤️ د٠نجوى حسن
Dr.Nagwa Hassan

معلومة...

الطفل بيكون عدواني في أول سنه من عمره لأنه مش عارف يعبر عن طلباته.. وبيبقي عنيد وبيحصله نوبات غضب في عمر السنتين والتلاته لأنه مش عارف ينظّم مشاعره ، نوقف رمي اللوم علي الأم❌ الموضوع ملوش علاقة بالتربيه ده سلوك طبيعي جداً و سهل بالارشاد الاسري نتحكم فيه

❤️سكينة النفس❤️
دكتورة نجوى حسن
Dr.NagwaHassan

حبّ النفس مش معناه إنك تشوفي نفسك أحسن من الناس، معناه إنك تبطلي تعاملي نفسك كأنها عدو.
يعني بدل ما تقولي: “أنا فاشلة”، قولي: “أنا بتعلّم، حتى لو ببطء.” 🌷
متستنيش الناس يدوكي القيمة اللي المفروض إنتِ تديهالِنفسك.
لأن اللي شايف نفسه قليل، أي كلمة ممكن تكسره… لكن اللي متصالح مع نفسه، كلام الناس بيعدّي عليه أخف.
سامحي نفسك على النسخة القديمة منك.
كلنا عملنا تصرفات غلط، واتخذنا قرارات بسبب خوف أو قلة خبرة أو تعب. ده لا يخليكي إنسانة سيئة، ده يخليكي بشر.
متربطيش قيمتك بالشكل أو الإنجاز أو اهتمام الناس.
لأن لو قيمتك متعلقة بالحاجات دي، هتفضلي طول الوقت خايفة تخسريها.
إنتِ ليكي قيمة حتى في الأيام اللي تبقي فيها تعبانة ومش منتجة.
خدي بالك من الكلام اللي بتقوليه لنفسك في سرك.
لأن العقل بيصدق التكرار.
لو طول الوقت جلد ذات، هتتعبي حتى لو الدنيا حواليكي كويسة.
طبيعي جدًا إنك تتغيري.
ناس، أحلام، طريقة تفكير… كله بيتبدل مع الوقت.
النضج مش إنك تفضلي ثابتة، النضج إنك تعرفي إمتى تتغيري بدون ما تضيعي نفسك.
حاولي تعملي لنفسك حياة فيها حاجات صغيرة تفرّحك:
مشروب بتحبيه، أغنية مريحة، مكان هادي، وقت لنفسك…
السعادة مش دايمًا أحداث كبيرة، أحيانًا هي تفاصيل لطيفة بتخفف الأيام.
متستعجليش الشفاء النفسي.
في حاجات بتحتاج وقت طويل علشان تهدأ، وده طبيعي.
أهم حاجة متبطليش تحاولي.
وفي جملة جميلة جدًا:
“عاملي نفسك كأنها شخص بتحبيه فعلًا.” 💛

❤️دكتورة نجوى حسن
Dr Nagwa Hassan