سيليا استور Celia store gold

*ايه هي النصايح والإرشادات اللي ممكن نقولها للناس اللي حوالينا وننصحهم بيها للوقاية من الإضطرابات النفسية بصفة عامة ؟

١- من الحكمة في عصرنا دلوقتي إن الشخص يحاول إنه على اد ما يقدر يحافظ على اتزانه النفسي وميسبش الإحساس بالهدوء والأمان يروحوا كلهم من جواه وهو بيواجه الضغوطات اللي حواليه لا يحاول يحافظ عليهم جواه على اد ما يقدر والكلام ده منوجههوش بس للي بينفعلوا بسرعة أو عندهم اضطراب نفسي تاني لا احنا نوجهه للناس كلها انها تحاول تعمله.

٢- نحاول على اد ما نقدر إننا نهون على نفسنا امور الحياة اللي بتحصلنا ومناخدش كله على اعصابنا لا فيه حاجات ناخدها بالتحليل اللي هو ناخد الحاجة طب ديه هينفع نفكر فيها في حل نعمله ولا مفيهاش حل غير اننا نحاول نتأقلم عليها ونمشي دنيتنا لأن اننا ناخد كل حاجة على اعصابنا ده مش هيحللنا حاجة وحياتنا هتقف على الفاضي.

٣- لازم نرضى ونقتنع باللي عندنا لأن الرضا من اهم الحاجات اللي بتخلي الفرد في سلام نفسي والواحد لازم على اد ما يقدر يقبل الحياة حواليه علشان يقدر يتعايش ويكمل يومه ويقدر يشارك تفائله مع اللي حواليه لأن مينفعش طول الوقت يبقى يأس وتشاؤم ومش كل الصراعات لازم ننفعل فيها لا فيه صراعات لو عبرنا فيها بهدوء هنقدر نوصل لحل ولازم بين الوقت والتاني ناخد نفسنا بعيد عن اي مسؤوليات وضغوطات ناخدها في مكان هادي أو بنحبه نرتاح شوية من الضغوطات هنا هيحصل تنفيس للنفس وهتقدر تكمل يومك التاني من جديد ب طاقة جديدة.

٤- الإنسان لازم يتمسك بقيمه الدينية؛ لأن الإيمان بيساعد على انك تتبنى أفكار إيجابية وانك متتهزش في مواجهة ضغوط الحياة وكمان الإيمان سلاح فعال بيمنع الإستسلام لليأس وبيدخل جواك الطمأنينة والراحة، وبيساعد الإنسان علي تحقيق السلام النفسي.

*عجلة المشاعر*
- دي بتتعمل بناء علي الأفكار أو المشاعر الخاصة بالمريض في العلاج، والفرق بين الدايرة الأولى والدايرة التانية :

١- الدايرة الأولي هي المشاعر الأساسية وكل شعور بيكون ليه مشاعر ثانوية متفرعه منه يعني الإرتباك وعدم الاستقرار أصلها القلق والقلق اصله الخوف وهكذا.

انهاردة هنتكلم عن نوع علاج من انواع العلاج النفسي وهو العلاج بالقراءة🤍

- العلاج بالقراءة نوع من انواع العلاجات في علم النفس اللي بيتم استخدامها بيتقال عليه بردوا مصطلح تاني زي القراءة العلاجية، والعلاج بالقراءة فايدته كبيرة في معظم الأوقات وكان فيه كزا عالم مهتم بنوع العلاج ده ومنهم العالم مكيني، فيه تعريف بسيط كدة اتقال عرفنا ايه هو العلاج بالقراءة التعريف ده بيقول ايه بقى بيقول إن العلاج بالقراءة بيشير لعملية تعلم بيتم فيها استخدام مواد مكتوبة للمساعدة في انها تحل المشاكل وتعالج الإضطرابات النفسية، وفيه تعريف تاني اتقال عنه وهو انه استخدام مواد مكتوبة بيقراها المريض وبيتفاعل معها ويستفيد منها فتقدر تساعده وتوصله لصحة نفسية كويسة، نوع العلاج ده كان ليه فكرة اتعمل علشانها طب ايه هي الفكرة؟ الفكرة انهم بيشوفوا مشكلة الشخص النفسية ومن خطة العلاج ساعات لو حسوا الشخص ده العلاج بالقراءة هيفيدوا في مشكلته بيحطولوا النوع ده من ضمن الخطة، وبيتحددلوا كتب يقراها عارفين انها هتفيدوا في نطاق مشكلته.

- بداية استخدام العلاج بالقراءة كان زمان وقت ما اكتشفوا إن فيه ناس عندها مشاكل نفسية اما بدأت تقرا بإنتظام الكتب المقدسة فكانت بتساعدهم وبتدعمهم، وفي القرن ال ١٩ كانت خلاص بدأوا الدكاترة في المستشفيات النفسية بيقدموا كتب للمرضى وبيستعملوا معاهم العلاج بالقراءة من ضمن طرق العلاج المخصصة ليهم، فيه دكاترة قالوا إن بشكل عام افضل مصادر للقراءة علاجيًا هي السير الشخصية والقصص اللي بتتناول الخبرات البشرية المتنوعة زي الحياة الأسرية و الحياة الإقتصادية والإنفعالات ومشكلات الحياة اليومية؛ لأن كل القراءات ديه بعد كدة بيبدأ يربطها المريض بمشكلاته واضطراباته السلوكية وبتبقى ديه بداية للمناقشة وطريقة للتدريب على مهارات سلوك مطلوبة في عملية العلاج بتاعته، والقراءة كمان بتساعد المريض في انه يعرف اكتر عن حياته المهنية والإجتماعية، ومن فايدة القراءة كمان للمريض انها بتطمنه وبتعرفه إن فيه زيه كان عندهم نفس المشاكل وطلع ليها حلول واتحلت.

*طريقة العلاج بالقراءة*
١- بيتم تحديد المادة اللي هيقرأها المريض وبيكون ده في ضوء اهداف عملية العلاج وبيتم مراعاة عمره وجنسه ومستوى فهمه وتعليمه وخبراته ومشكلاته.

٢- القراية هتتقدمله على انها اقتراح كويس ممكن يعمله هيفيده لكن مش هنحسسه انها حاجة اجبارية لازم تتعمل مع تشجيعه على انه يقرأ بوقت معين علشان بردوا ميقعدش ليل نهار يقرأ ويزهق.

٣- بيتم مناقشة اللي المريض قرأه علشان نتأكد من الإستفادة بتاعته والأفكار اللي اكتسبها والنتايج.
٤- بتدوا فرصة للمريض انه يسأل لو فيه حاجات مش واضحاله.

*ايجابيات العلاج بالقراءة*
١- ينفع لكل الأعمار ، بيوفر الوقت في عملية العلاج النفسي، بيقدر يخلي المريض يتحمل جزء من مسؤولية علاجه، بينمي معرفة المريض وبيقدر يقلل من مستوى توتره.
* استخدامات العلاج بالقراءة*
١- بيتم استخدامه في حالات كتيرة زي الإضطرابات النفسية والإجتماعية والإنفعالية وفي الإرشاد العلاجي للكبار.

* موانع استخدام العلاج بالقراءة*
- مبيفضلش استخدام العلاج بالقراءة في الحالات ديه :
١- المرضى اللي بيبرروا سلوكهم المضطرب لما بيقروا عن حاجة شبهه.
٢- المرضى اللي بيفضلوا انهم يكملوا علاجهم بالقراية بس في اعتقادهم انهم هيخفوا بالطريقة ديه بس فبيبطلوا يكملوا باقي جلسات العلاج،.
٣- المرضى اللي قلقهم بيزيد نتيجة القراية عن المشاكل الإنفعالية والأمراض النفسية فبيبدأوا يشوفوا نفسهم في كل حالة بيقروها وبيفتكروا إن كل الأعراض المزجودة في الحالة ديه عندهم.
بس كدة ده كان بوست النهاردة💙💙

- فيه خطر من اخطار التدخين ممكن معظمنا ميعرفهوش إن علم النفس العصبي قالنا معلومة بسيطة لكن في غاية الخطورة للمدخنين إن التدخين بيعمل تلف للخلايا العصبية وده بيكون سبب من اسباب الزهايمر يعني وقتها الشخص بيبقى فيه حاجة معينة قصاده وعارفها وفاهم هي ايه بس مش قادر يقول اسمها ولا فاكره وده لأن حصل ضعف للخلايا اللي بتوصل للمخ بسبب التدخين - علشان كدة حاولوا تبطلوه صحتكوا اهم ولو مقدرتوش تبطلوا واحدة واحدة مع نفسكوا الجئوا للعيادات النفسية اللي هيمشوا معاكوا على برنامج معين لحد ما تبطلوا تدخين
#علمـنفس
#خطرـالتدخين
#الزهايمر
#علمـالنفسـالعصبي

- المراهقة قالتلنا إن المراهق في فترة المراهقة اوقات بيبقى متردد إنه يبين انفعالاته لحد سواء كانت حزن أو غضب أو فرح وبيكتمها في نفسه بسبب خوفه من الناس إنه يتعرض للنقد منهم ومبيرتاحش شوية غير وهو وسط اقرب اصدقاء ليه وهو بيقولهم شعوره اللي مخبيه على اللي حواليه،
فلما تلاقي صاحبك في حالة زي كدة خليك جنبه حتى لو هتسمعه بس مش هتدي رد ده اللي بيبقى محتاجه

أعراض القولون العصبي الجسمية 1- أرق قلق قلة نوم فقدان الشهية فقدان الوزن فقر الدم ضيق التنفس تسارع ضربات القلب عدم توازن الجسم، الإمساك أو الاسهال، يتبع.....

العقد الفرزاتشي اللي مكسر الدنيا عيار 27 😂😂♥️
السعر 250🔥🔥

بما ان الدهب راكب الصاروخ كدا ف يلا بينا ع الصيني والاستالس حبايبنا 😂🙈♥️♥️♥️♥️مفاتيح قلبك معايا 😂♥️
السلسله القفل احدث موديلات الدهب ♥️
اسال علي السعر 🔥
فقط وحصري في مجوهرات Celia Store 🙈♥️