SPL. Hadir Alaa & SPL. Sahar yaseer

🧩 طفلك مش بيتأخر في الكلام لوحده… أوقات كتيرة الأم من غير ما تحس بتكون سبب!

👩‍👦 الكلام مش مجرد أصوات… ده ترابط، أمان، وحوار يومي.
الطفل قبل ٥ سنوات محتاج يسمع صوتك، يشوف تفاعلك، ويحس إن كلامه مهم.

🔑 ٣ أخطاء بتأخر الكلام:
1️⃣ التجاهل: الطفل بيقول كلمة غلط → الأم تضحك أو تسكت.
2️⃣ الاستعجال: "خلص قووول بسرعة أنا مشغولة!"
3️⃣ الاعتماد على الموبايل والتلفزيون كوسيلة يشغل بيها وقته.

💡 ٣ حلول عملية:
✅ اقعدي معاه يوميًا ١٠ دقايق "وقت كلام" من غير أي تشتيت.
✅ رددي معاه الكلمة الصح في جملة كاملة.
✅ امدحي المحاولة حتى لو كانت نص كلمة.

✨ تخيلي إن كل كلمة بيقولها ابنك هي "طوبة" في بيت لغوي بيبنيه…
وإنتي الأساس اللي بيقف عليه البيت ده. 🏡💬

التشتت في التربية بيبدأ من هنا ⛔️⛔️

لما الأم تقول للطفل "لأ"
والأب أو الجد والجدة يقولوا "ماشي يا حبيبي عادي"..

ساعتها الطفل بيتلخبط!

بيشوف إن مامته "قاسية"، وإن الباقيين هما "الطيبين" اللي بيدلعوه وبيحققوا له كل رغباته..

وبكده بيتضيع هيبة الأم، وبيتلغبط توجيه الطفل من وهو صغير، وشخصيته بتطلع مهزوزة ومش عارف الصح من الغلط ⛔️

كيفية تعليم الاطفال #النطق


علشان نعلم طفل كلمة جديدة لازم الكلمة دي تمر بالعديد من المراحل
✨ بداية من التسميه
الى مرحلة التعميم
ازاى 🤔

الهدف : تعليم الطفل مفردة "موزة"

✨مرحلة التعرف:
استعين بموزة حقيقة او صورة حقيقية لها وابدأ اعرف الطفل بالموزة.
🍌 : دي موزة

✨مرحلة التمييز:
بطلب من الطفل انه يجيب الموزة أو صورتها من ضمن اشياء تانية كتير.
🍌🥊🌺 : هات موزة / فين موزة / اختار موزة.

✨مرحلة التسمية:
بطلب من الطفل انه ينطق اسم الموزة.
🍌 : ايه دي؟ موزة

✨مرحلة التعميم:
بعرض للطفل موز كتير بأشكال مختلفة واحجام مختلفة علشان اوصل معاه انه ينطق كلمة موزة علي اي موزة يشوفها مهما كان شكلها او حجمها.
دي موزة ودي كمان موزة ودي موزة ...
وهكذا

#مرحلة التعرف :
التطبيق بيضم صور طبيعية للخضروات والفواكه والطعام والملابس والحيوانات والطيور واصوات الحيوانات والطيور ونطقهم جميعا.

✨مرحلة التمييز:
التطبيق بيضم العاب تعليمية زي لعبة أبحث عن ولعبة الشكل وظله لكل كلمة.

✨مرحلة التعميم:
التطبيق بيضم حتي ١٠ صور لكل كلمة واحدة.

اهم التطورات عند الأطفال

آفة الآخصائيين

هي كونك أخصائي شاطر بس مهزوز أو كونك متعرفش أي حاجة وعمال تقول أنا عارف كل حاجة ..
حاول تضبط البوصلة عندك لأن حذاري من شعورك للحظة أنك فاهم وعارف ومحدش قدك .. أو شعورك أنك أقل ولا تستحق ومهما عملت فأنت فايتك كثير.

خليك متوازن تستحق الأفضل وتستحق الخير فكن أنت صاحب هذا الخير ❤️✨

🗣♥️من فاعليات ورشة مقدمه ف التخاطب
:المحاضرين
"الأخصائية هدير علاء "
"الأخصائية سحر ياسر"


#التخاطب

فرق بسيط يخليك تعرف تميز بين التوحد وتأخر النطق

🌟📢 فرصة لكل المهتمين بمجال التخاطب وتنمية مهارات الأطفال 📢🌟

هل عمرك فكرت تبدأ في مجال التخاطب ومش عارف منين تبدأ؟ 🤔
أو يمكن إنت بالفعل في المجال وعايز تطور نفسك وتكتسب خبرة عملية أكبر؟ 👩‍⚕️👨‍⚕️

دلوقتي فرصتك معانا ✨
📌 بنقدملكم ورشة تدريبية مميزة متخصصة في:
🔹 أساسيات التخاطب.
🔹 تنمية مهارات اللغة والكلام.
🔹 تطبيقات عملية وأدوات هتساعدك في التعامل مع الحالات المختلفة.

الورشة هتكون بقيادة أخصائيات تخاطب معتمدات:
👩‍🏫 SLP. Sahar Yasser
👩‍🏫 SLP. Hadir Alaa

🎯 ليه تشترك معانا؟
✔️ هتتعلم خطوات واضحة تبدأ بيها في المجال.
✔️ هتكتسب مهارات تساعدك في التعامل مع الأطفال وحالات التأخر اللغوي والكلامي.
✔️ هتخرج من الورشة وعندك أساس قوي تقدر تبني عليه سواء لبدء شغل أو للتطوير المهني.

💡 الورشة مناسبة:

للطلبة والخريجين اللي عايزين يدخلوا مجال التخاطب.

للأخصائيين اللي حابين يطوروا من مهاراتهم.

📞 للتفاصيل والحجز تواصلوا معانا على:
📱 01061421303
📱 01033561172

👶💬 هو مش بيعاااااااند… هو محتاج “تلميحة”!

في كتير من الأحيان، الطفل ما بيعملش السلوك مش لأنه مش عايز… لكن لأنه مش عارف يبدأ منين!

وهنا بييجي دورنا كمربين أو أهل إننا "نساعده ينجح" مش "نحكم عليه".

🎯 في تحليل السلوك التطبيقي (ABA)، بنستخدم أدوات عملية علشان نساعد الطفل يكتسب مهارات جديدة، ومن أهم الأدوات دي: التوجيه أو التلميح (Prompting).

يعني إيه؟
يعني نقدم له مساعدة بسيطة تخليه ينجح في السلوك، وبعدين نسحبها تدريجيًا علشان يعتمد على نفسه.

📌 أمثلة: – لما بنشاورله على الكرسي علشان يقعد
– لما نقوله بهدوء "قول شكراً"
– لما نبدأ نحرك إيده علشان يكمّل بازل

💡 السر مش في المساعدة… السر في تقديمها في الوقت الصح وسحبها في الوقت المناسب.

❌ دي مش دلع
✅ دي استراتيجية علمية هدفها "تعليم حقيقي واستقلال تدريجي"

---

📣 في تحليل السلوك التطبيقي، مش بنستنى الطفل يغلط… إحنا بنخلق له بيئة ينجح فيها من أول مرة، علشان يثق في نفسه، ويعرف إنه "يقدر".