Dr. Jihad Ashraf

حاجات مهمه في الصيدليه مافيش استغناء عنها
#صحتك #مهمتنا
دمتم سالمين

🚨لو عندك كرش… حبوب… وشعرك بيقع🤰

❗ متجريش تشتري كريمات وتبوّظي الدنيا أكتر!

😮 تعالي أقولك السبب ممكن يكون إيه…

المشكلة ممكن تكون في هرموناتك أصلاً 🤷🏼‍♀️وما أدراكي من الهرمونات 🙆🏼‍♀️😂

❓ ليه فجأة وزنك بيزيد؟
❓ ليه الحبوب مش بتختفي مهما جربتي منتجات؟
❓ وليه شعرك بيقع رغم إنك بتعتني بيه كويس؟

الإجابة أحيانًا بتكون: اختلال في الهرمونات.

جسمك بيبعت إشارات لازم تنتبهي لها 👇

1️⃣ عدم انتظام الدورة الشهرية
2️⃣ زيادة الوزن خصوصًا في البطن
3️⃣ حب الشباب والبشرة الدهنية
4️⃣ نمو شعر زائد في الوجه أو الجسم
5️⃣ تساقط أو ضعف الشعر
6️⃣ تقلبات المزاج 😣
7️⃣ تعب وقلة طاقة 😴
8️⃣ اضطرابات النوم

📌 لو عندك أكتر من عرض من دول
يبقى الأفضل تطمني وتعملي الفحوصات المناسبة.

💬 اكتبي في الكومنت “رقم العرض اللي موجود ”
وهنقولك أهم التحاليل اللي تكشف مشاكل الهرمونات.

/
دمتم سالمين ♥️

استخدمتي كام غسول لحد دلوقتي…🙂🙂
وبوظتي بشرتك بإيدك من غير ما تاخدي بالك؟

خلينا نعترف بحاجة…

كل شوية نجرب غسول جديد.
واحد صاحبتي قالت عليه حلو.
واحد طالع ترند.
واحد رشحه في الصيدلية.

وفجأة تلاقي:

❌ الحبوب زادت
❌ بشرتك بقت حساسة
❌ جفاف وتهيج
❌ إحساس شد بعد الغسيل

فتفتكري إن الغسول هو المشكلة…
فتغيريه تاني.

وبكده تدخلي في دايرة التجارب اللي بتبوّظ البشرة.

اللي بيحصل في الحقيقة إن كتر تغيير الغسول
بيأثر على حاجز حماية البشرة
فالبشرة تبدأ تتلخبط وتظهر المشاكل دي.

طيب نعمل إيه؟ 🤔

مش إننا نجيب غسول جديد كل أسبوع…
لكن إننا نفهم بشرتنا محتاجة إيه فعلًا
ونختار الغسول المناسب ليها.

عشان كده خلينا نعرف 🤦‍♀️

إيه أكتر غلطة عملتيها في بشرتك قبل كده؟
جربتي كام غسول لحد دلوقتي؟ 👀



دمتم سالمين ♥️♥️

فاكر دوا التخسيس هيخليك تصحى تلاقي نفسك موديل؟!🙆🏼‍♀️🤦‍♀️

الحقيقة الصادمة 👇
❌ لا خسّيت
❌ نفسيتك باظت
❌ وممكن تدخل في اكتئاب بسبب استخدام غلط!

اللي محدش بيقولهولك إن
بعض أدوية التخسيس لو اتاخدت من غير إشراف
ممكن تعمل نتيجة عكسية تمامًا ⚖️💔

يعني بدل ما الميزان ينزل…
المود هو اللي بينزل! 😔

بلاش تمشي ورا أي إعلان
وبلاش تسمع تجربة صاحبك وتقلّدها.
جسمك ليه حساب مختلف 👌

لو عايز نفتح الموضوع على الآخر
اكتب “تم” في كومنت 🔥

ولو عندك أي سؤال
اسأله في التعليقات
أو ابعتلنا رسالة على الصفحة 📩





#صحتك #مهمتنا
دمتم سالمين وحلوين ♥️

يا دكتورة الحقيني.. إيفرزين بقى أغلى من الدهب! 😱💰
يا دكتوره مش لاقيه ورجلي تعبتني من كتر اللف عليه 🙆🏼‍♀️
قصه الايفرزين لا تنتهي 🤷🏼‍♀️

عارفة الإحساس وإنتِ داخلة الصيدلية تسألي:
“لو سمحت.. في إيفرزين؟”
والرد يبقى: “للأسف لسه خلصان !” 😭

طب قبل ما تجري عليه أول ما تلاقيه… تعالي أقولك تستخدمِيه صح عشان يجيب نتيجة فعلًا 👇

🛑 ليه إيفرزين عامل تريند؟

لأنه بيحتوي على مادة إيفرمكتين (Ivermectin)
واللي بتستخدم في علاج:
• القمل
• الجرب
(بس حسب الحالة وتشخيصها 👩🏻‍⚕️)

📝 الطريقة الصح لعلاج قمل الشعر:

1️⃣ الشعر يكون ناشف تمامًا
ممنوع يتحط على شعر مبلول.

2️⃣ يتوزع كويس على فروة الرأس والشعر كله
من الجذور للأطراف.

3️⃣ مدة الاستخدام حسب النشرة المرفقة
(غالبًا حوالي 10 دقائق) وبعدها يتغسل كويس.

4️⃣ التسريح بمشط ضيق جدًا (الفلاية)
خطوة أساسية بعد الغسيل.

5️⃣ إعادة الجرعة بعد 7 أيام
عشان لو في بيض فقس نلحقه بدري.

🛑 في حالة الجرب:
• يُستخدم للجسم من الرقبة لحد القدمين.
• يتحط قبل النوم ويتغسل الصبح.
• لازم كل أفراد البيت يتفحصوا.

⚠️ تحذيرات مهمة:

• لا يُستخدم للأطفال أقل من 6 شهور.
• لو مفيش تحسن، لازم تقييم الحالة تاني.

🔥 سؤال بقى:
لفيتي على كام صيدلية عشان تلاقيه؟ 😂👇
#صحتك #مهمتنا
#صيدليه #د/ #جهاد #اشرف

من أكتر المشكلات اللي بتظهر وبتتسأل عليها كتير 👇
اسمرار حوالين الفم 😔👄

وكل شوية يجيلنا سؤال:
“سببه إيه يا دكتورة؟”
“أعالجه إزاي يا دكتورة؟”

طيب خليني أقولك 👇

🔎 أسبابه ممكن تكون:
☀️ شمس من غير واقي
💄 تهيّج من إزالة الشعر أو كريمات مش مناسبة
💧 جفاف شديد
😷 احتكاك كتير أو ل*ق الشفايف
🩸 وأحيانًا نقص فيتامينات

💡 طب أعمل إيه؟

✔️ استخدمي غسول لطيف
✔️ حطي سيروم فيتامين C الصبح
✔️ واقي شمس يوميًا (حتى لو مش خارجة)
✔️ بالليل استخدمي كريم فيه نياسيناميد أو ألفا أربوتين أو أزيليك أسيد
✔️ رطّبي كويس جدًا

🚫 بلاش خلطات الليمون أو معجون الأسنان عشان بتزوّد المشكلة

ومع الانتظام هتلاحظي فرق خلال شهر تقريبًا ✨

ولو الاسمرار شديد أو منتشر في أماكن تانية، الأفضل نكشف عشان نعرف السبب ونعالجه صح 💕

📩 ولو عندك سؤال سيبيه في الكومنتات وإحنا هنرد عليكي 💬💖


#صحتك #مهمتنا
دمتم سالمين