Eman blues

كوثر العسال كانت من الفنانات اللي دايمًا بيظهروا في الأدوار التانية بس ليها بصمة قوية جدًا، خصوصًا في شخصيات الست الأرستقراطية أو الراقية. عمرها ما كانت بطلة مطلقة، بس كانت دايمًا مميزة وبتشد الانتباه.

كوثر خدت شهادة الثقافة كان عندها ميول فنية من بدري. أول ما دخلت المجال الفني، انضمت لفرقة إسماعيل ياسين، ودي كانت انطلاقة حقيقية ليها. أول فيلم ظهرت فيه كان سنة 1964، وكان اسمه "امرأة في دوامة"، وشاركت فيه مع الفنانة الكبيرة شادية وعماد حمدي.

من الستينات لحد سنة 1996، كانت كوثر العسال شغالة في الفن، يعني حوالي ٣٠ سنة من التمثيل في أفلام ومسلسلات كتير. اشتغلت في حوالي 60 عمل فني ما بين السينما والتلفزيون والمسرح، ومن أشهر أعمالها :
نحن لا نزرع الشوك
أنف وثلاث عيون
الحرام
صباح الخير يا زوجتي العزيزة
لن أعيش في جلباب أبي (دورها الشهير "درية" مرات الوزير)
القاهرة والناس
البرنسيسة (وكان ده آخر عمل ظهرت فيه سنة 2001 قبل ما تعتزل الفن تمامًا

كوثر العسال للأسف تعبت جدًا بعد إصابتها بـ سرطان في الطحال و فضلت تعاني منه لفترة طويلة، ولما تعبها زاد، حالتها الصحية اتدهورت جدًا. لحد ما فارقت الحياة يوم 29 سبتمبر 2013، وكانت عندها 74 سنة.
قولولنا ايه اكتر فيلم او مسلسل بتحبوه ليها
وأدعو لها بالرحمة والمغفرة

مايكل جاكسون و برنس الموضوع بينهم عدى المنافسة في الغنا والمزيكا، لان كان فى كمان مواقف شخصية غريبة أوي.

الرابر will.iam اللي اشتغل مع الاتنين، حكى في برنامج Drink Champs إنه مرة عزم مايكل جاكسون ييجي لاس فيجاس يتفرج عليه وهو بيغنى مع برنس، لكن رد مايكل كان قاطع: "لأ… برنس ده أصفر".

مايكل وضح السبب، وقال إن برنس في مرة حاول يدوسه بالعربية!
و كوينسي جونز (المنتج اللي كان مايكل بيثق فيه جدًا) أيد كلامه، وقال إن برنس كان زعلان بسبب حفلة كده مع جيمس براون، وكان فاكر إن مايكل هو اللى بوّظله الحفلة .

إنما أغرب موقف حصل بينهم كان في الاستوديو، وقت ما برنس كان بيشتغل على موسيقى فيلم Under the Cherry Moon. هناك كان فيه ترابيزة بينج بونج، وأول ما مايكل جه، برنس قاله: "تعالى نلعب ماتش".

مايكل وافق، لكنه قال ببراءة: "أنا عمري ما لعبت قبل كده بينج بونج ". برنس سأله: "لا ده أنت تيجى أغلبك بقى؟" مايكل اتوتر لما بدأ، ووقع المضرب من إيده، وقام برنس ضرب الكورة على طول في منطقة حساسة عنده!

مايكل صوط ومشي، وبرنس قعد يضحك ويقول للي حواليه: "شوفتوا؟ بيلعب زي هيلين كيلر!" في إشارة كده لإنها كانت مبتشوفش !

و لغاية دلوقتى تلاقى ناس تقول لا ده مايكل هو اللى قضى على مسيرة برنس لكن الله أعلم الحقيقة فين !
ملحوظة : الصورة دى متركبه و هما الاتنين ملهمش صورة واحدة سوا .. و دى حاجة غريبة جدا !
#بقلمي

"إنتوا عايزينى أكذب و أنا بتكلم عن مايكل جاكسون عشان تمشوا السيناريوهات المريضة اللى فى دماغكم، لكن الحقيقة إنه عمره ما أذانى ولا أذى أى طفل ."
دى تصريحات ماكولى كولكين عن مايكل و دى مكنتش أول مرة يتكلم عن ذكرياته مع مايكل جاكسون، و قال قبل كده:
"هو ماعملّيش أى حاجة، و عمرى ما شوفته بيعمل أى حاجة لأى حد، كنا بس بنلعب فيديو جيمز أو نلعب فى الجنينة و مدينة الألعاب."
كولكين اتعرف على مايكل فى التسعينات، و كان واحد من الأشخاص اللى شهدوا لصالحه وقت القضايا و الجدل الكبير اللى حصل حواليه، وأكد أكتر من مرة إن أهله ماكانوش بيجبروه يروح هناك عنده ، لكنه كان بيروح لأنه كان بيفرح جدًا هناك .

الفنان نجاح الموجي كوميديان سيرته اتحفرت في قلوب الناس و أسرته كانت كبيرة جدًا، عنده 14 أخ وأخت، لكن للأسف 11 منهم توفوا، وفضل هو مع 3 بس.

نجاح طفولته مش سهلة، كان بيعاني من التــ نمر لأنه رفيع اوى ، وكانوا الأطفال بينادوه "قرقر". كمان كان له أخ اسمه نجاح بيعاني من مرض ضمور اليدين، وفضل عبد المعطي يرعاه لحد ما توفى سنة 1986، ومن هنا قرر يستعير اسمه ويكون اسمه الفني "نجاح الموجي" عشان يخلد ذكرى أخوه.

بدأ حياته الفنية من خلال مسرح الجامعة، بعد ما دخل كلية التجارة وسقط في الإنجليزي، و قرر يحول لكلية الخدمة الاجتماعية، وهناك اتعرف على فرقة ثلاثي أضواء المسرح وبدأ معاهم في أدوار صغيرة. و أول دور كبير ليه كان في مسرحية "فندق الأشغال الشاقة" سنة 1969. وبالرغم من شهرته، عمره ما ساب شغله الحكومي في وزارة الثقافة، وفضل فيه لحد ما بقى وكيل أول وزارة.

نجاح الموجي قدم أكتر من 170 عمل فني بين مسرح وسينما وتلفزيون. أشهر أدواره كان في مسرحية "المتزوجون" وفيلم "الكيت كات" بشخصية "الهرم"، وكمان أفلام زي "أيام الغضب"، "المساطيل"، و"ليه يا بنفسج". بجانب التمثيل، كان عنده موهبة الغناء، وأشهر أغانيه كانت "اتفضل من غير مطرود" اللي قدمها في فيلم "أيام الغضب".

نجاح كان فقرى و ليه مواقف تحس كده ان الدنيا جايه عليه من غير ما يعمل حاجة !
رمى افيه خرج بيه عن النص وهو بيهزر، وقال "المطربة ألغام"، والناس فطست من الضحك، زي ما كان معروف عنه خفة الدم والارتجال في المسرح.

لكن أنغام وقتها ماخدتش الموضوع على إنه هزار، واعتبرته إســ اءة ليها، فقامت رفعت قضية ضده. المحكمة حكمت عليه بالحبس 3 شهور، وفعلاً اتحبس لمدة 15 يوم. بعد كده، محاميه عمل استشكال على الحكم، و طلع براءة في النهاية عشان افيه .. تخيل ؟؟.

كان شخص حكيم ومحبوب جدًا، خصوصًا من بناته اللي كانوا بيحكوا عن خفة دمه وعلاقته القريبة منهم. بنتُه أيتن حكت إنه كان بيهزر معاها لما اكتشف إنها بتدخن، وعلمها بخفة دم وذكاء إنها تبطل العادة دي.

للأسف، نهاية نجاح كانت مأســ اوية. يوم 25 سبتمبر 1998، رجع من المسرح بعد ما خلص عرض "مولد سيدي المرعب"، وجاتله أزمة قلبية و بنته حاولت تجيب له دكتور، لكن لما رجعت لقت إنه توفى بسبب تأخر الإسعاف. كان عمره وقتها 53 سنة.
قولولنا ايه اكتر عمل بتحبوه ليه

مسلسل "امرأة من زمن الحب" لما اتعرض سنة 1998، وقتها شد انتباه ناس كتير جدًا من أول حلقة، لإنه كان مختلف في طريقته، و في شخصياته، و في الحوار، وحتى في القيم اللي بيقدمها.
كتب القصة والسيناريو والحوار العبقري أسامة أنور عكاشة، وأخرجه المخرج الكبير إسماعيل عبد الحافظ، والموسيقى الجميلة كانت من توقيع عمار الشريعي.

الحكاية عن أب شغال دبلوماسي (اللي قام بدوره الفنان أحمد خليل)، بيضطر يسافر بره مصر في شغل مهم في الأمم المتحدة، وبيضطر يسيب ولاده الأربعة في القاهرة. مراته ماتت من بدري وسايباهم في سن حساس وصعب، خصوصًا إنهم شباب في سن المراهقة.
فبيطلب من أخته "وفية" (اللي لعبت الدور الفنانة سميرة أحمد) إنها تيجي من الصعيد وتقعد معاهم وتربيهم. من هنا بتبدأ الحكاية.

"وفية" ست صعيدية مؤمنة بالعادات والتقاليد، و عندها عقل راجح وقلب كبير، وبتتعامل بحنية وفي نفس الوقت بشدة وقت اللزوم. أول ما بتوصل بيت أخوها، بتتصدم من تصرفات العيال وطريقة تفكيرهم، خصوصًا إن فرق الجيل بينهم كبير، بس هي ما استسلمتش، بالعكس، فضلت تصبر وتحاول تغيرهم بالحب والعقل.

الولاد الأربعة بقى شخصياتهم مختلفة عن بعض و ده سر جمال المسلسل ..
أدهم (محمد رياض): الكبير، وعاقل، لكن محبط ومش لاقي شغل، فبيفكر يسافر.
جيهان فاضل: الأخت اللي عندها تمرد ناعم كده، بس طيبة.
هايدي (ياسمين عبد العزيز): شخصية مميزة جدًا، طايشة شوية، بتتعامل بسطحية لكن وراها قلب حساس.
هاني (كريم عبد العزيز): شخصية متمردة، دخل في طريق غلط واتورط في حاجات زي الإدمان و"عبدة الشيطان".
إلهامي (يوسف شعبان): خال العيال، وعنده نكهة مختلفة، ساخر شوية بس عنده مواقف.
لبيبة (عبلة كامل): اخت جوزها الطيبة، اللي تعتبر هي كمان واحدة من البيت، وبتساعد "وفية" في التربية.
أشرف (هشام سليم): شخصية صحفي، بيناقش من خلالها قضايا سياسية مهمة .

حوار المسلسل راقى اوى و الكلام كان واقعي جدًا، وكل جملة كانت فيها معنى ورسالة.
و الجيران السوريين في آخر المسلسل، ظهرت أسرة سورية جارهم، وده زوّد من عمق المسلسل، وورانا إن العلاقات الإنسانية مش مرتبطة بجنسية، وإن المواقف بتجمع الناس.

قولولنا رأيكم ايه فى المسلسل؟

كيتي فوتساكي اتولدت يوم 21 أبريل 1927 في إسكندرية وسط عيلة يونانية أرثوذكسية. من وهي صغيرة كانت بتحب الرقص، وبدأت تتعلم الباليه وهي عندها 6 سنين، وبعد كده دخلت عالم الرقص الشرقي والاستعراضي، واشتغلت تحت إشراف بديعة مصابني، اللي كانت وقتها أشهر مدرسة ومالكة كازينو للرقص.

كيتي من وهي صغيرة كانت نجمة، في سن 13 سنة طلعت في حفلات مع المطربة اليونانية صوفيا فيمبو، ومن هنا بقى طريقها للسينما مفروش بالنجومية.

بدأت كيتي تظهر في السينما المصرية سنة 1946، ومن أول لحظة لفتت الانتباه بخفة دمها وملامحها الجذابة ورقصها اللي كان مزيج من الشرقي والغربي. اشتغلت مع كبار النجوم والمخرجين، وأهمهم طبعًا إسماعيل ياسين، اللي عملت معاه أفلام زي عفريتة إسماعيل ياسين (1954)، واللي كان من أشهر أدوارها، ظهرت فيه كراقصة شبح بتساعد إسماعيل يكشف جريمة.

فضلت تقدم أفلام وشاركت في حوالي 70 فيلم من سنة 1946 لحد 1965، وكانت دايمًا بتظهر كرَقّاصة أو بطلة استعراضية بتدمج الرقص الشرقي باللاتيني والأوروبي، وده خلّى ليها بصمة فنية فريدة.

كيتي كانت واحدة من أشهر راقصات مصر في الخمسينات، وكانت في منافسة شرسة مع أسامي تقيلة زي تحية كاريوكا، وسامية جمال، وهاجر حمدي، وزينات علوي، ونعيمة عاكف. وبرغم المنافسة دي، قدرت كيتي تكتسب شهرة وحب من الجمهور المصري، وده كان بسبب خفة دمها، وشخصيتها الشقية، ورقصها المختلف.

في فترة الخمسينات، تعاونت كتير مع المخرج والمنتج حسن الصيفي، واشتغلت معاه في أفلام زي ابن ذوات، الظلم حرام، عفريتة إسماعيل ياسين، وأبو عيون جريئة. التعاون ده خلّى الناس تتكلم عن علاقتهم، وطلعت إشاعات إنهم اتجوزوا في السر، بس الموضوع مكنش مؤكد.

لما اتفتح التليفزيون المصري سنة 1960، بدأت كيتي تتحول من السينما للتليفزيون، وظهرت في شوية مسلسلات درامية. لكن سنة 1965، ظهرت آخر مرة في فيلم العقل والمال مع إسماعيل ياسين، وبعدها اختفت تمامًا من مصر.

في إشاعات كتير اتقالت بعد اختفاء كيتي، زي إنها كانت جاســ. وسة اسمها راشيل وإنها اشتغلت للمو.. ساد، أو إنها كانت على علاقة برأفت الهجان. لكن الحقيقة، زي ما قالت نجوى فؤاد وناس قرايب ليها، إنها مسيحية وماكانش ليها علاقة بالجاسو.. سية أبدا.

السبب الحقيقي لاختفائها هو إن الحكومة وقتها (تحديدًا الوزير أنور سلامة) قررت تلغي تصاريح الشغل للفنانين اللي مش مصريين لدعم الفنانين المحليين وده خلّى كيتي تضطر تسيب مصر وتروح تستقر في اليونان، زي غيرها من الفنانين

بعد ما راحت اليونان، مثلت 6 أفلام يونانية، بس عمرها ما كانت بتحكي عن شعبيتها الكبيرة في مصر، مع إنها فضلت ترقص في المسارح هناك على أغاني مصرية زي اللي في فيلم تمر حنة ولما الناس في اليونان عرفوا إنها كانت مشهورة في مصر، اتفاجئوا جدًا وافتخروا بيها.

في 14 يناير 2020، تم تكريمها في المسرح الوطني في أثينا من جمعية الممثلين اليونانيين لدورها في تعزيز صورة اليونان في الفن على المستوى الدولي.

قولولنا ايه اكتر فيلم او مسلسل بتحبوه ليها
#بقلمي

مسلسل "Buffy the Vampire Slayer" أو "بافي قاتلة مصاصين الدماء" عمله الكاتب والمخرج جوس ويدون اللى كان المنتج التنفيذي وكمان المشرف على المسلسل من أول حلقة لآخر حلقة، وده من خلال شركته الإنتاجية اللي اسمها Mutant Enemy. أول حلقة اتعرضت يوم 10 مارس 1997 على قناة اسمها WB، والمسلسل خلص يوم 20 مايو 2003 على قناة تانية اسمها UPN.

المسلسل بيحكي عن بافي سامرز (قامت بدورها سارة ميشيل جيلار)، بنت مراهقة عادية لكن بيطلع إنها واحدة من سلسلة بنات بيتقال عليهم "القا.. تلات"، وبيتم اختيارهم بالقدر عشان يحــ. اربوا مصاصين الدماء، والشياطين، وكل الشرور الخارقة للطبيعة. بافي كانت بتحاول تعيش حياة طبيعية، بس مع الوقت بتتقبل قدرها وبتبدأ تواجه مصيرها بشجاعة.

عادةً القا.. تلة بيبقى معاها "مشرف" يعلمها ويدربها ويقف جنبها، وده بيبقى شخص كبير في السن وخبير. بس بافي كانت مختلفة عن اللي قبلها، لأنها ما كانتش لوحدها، كان حواليها مجموعة أصحاب بيحبوها وبيساعدوها، وسمّوا نفسهم "السكوبيز".

المسلسل أغلبه بيحصل في مدينة خيالية اسمها Sunnydale في كاليفورنيا، المدينة دي مبنية فوق بوابة جهنمية (Hellmouth)، يعني فتحة بين العالم ده وعالم تاني، وكل الكائنات الخارقة بتتجمع فيها، سواء كانوا طيبين أو أشرار. وعلشان كده دايمًا بتحصل مصايب وأحداث خارقة هناك.

المسلسل نال إعجاب الجمهور والنقاد، واتقال عليه إنه من أعظم المسلسلات اللي اتعملت في التاريخ. كان بيتفرج عليه ما بين ٤ لـ ٦ مليون مشاهد في الحلقة، وده كان نجاح كبير لقناة WB اللي كانت وقتها قناة صغيرة ولسه جديدة.

نجاح بافي خلّى فيه حاجات كتير مرتبطة بيه: روايات، كوميكس، ألعاب فيديو، وأفلام هاوية من المعجبين. كمان المسلسل دخل مجال الدراسة الأكاديمية، واتعمل عنه أبحاث ومناقشات. وكتير من المسلسلات اللي جت بعده اتأثرت بيه، خصوصًا في فكرة البنت القوية اللي بتواجه الشر. وكان جزء من موذجة مسلسلات في التسعينات وأوائل الألفينات زي Charmed وXena وAlias اللي أبطالها نساء قويات.

هنبقى نكلم عنهم
يتبع

اكتبولنا رأيكم في المسلسل

وشوش المصريين فيها تركيبة فريدة: خليط من ملامح فرعونية، عربية، نوبية، متوسطية، إفريقية، وأحيانًا حتى أوروبية. وده مش غريب، لإن مصر عبر التاريخ كانت ملتقى حضارات، وكل حضارة سابت أثرها في وشوش الناس.

عشان كده، مش بعيد تلاقي ممثل برا، أو مغني، أو شخصية مشهورة، وتقول: "ده شبه خالي!" أو "دي لو لبست جلابية هتبقى من عندنا!"

عشان كده فيه مشاهير كتير شبهنا و ده بسبب التنوع في الملامح المصرية .. مصر فيها طيف واسع من الأشكال والأنواع – من البشرة الفاتحة للغامقة، من العيون الواسعة للرفيعة، من الشعر الناعم للأفريقي. فمهما كانت ملامح الشخص، غالبًا هتلاقي شبه ليه عندنا.

و كمان الجينات والامتداد الحضاري .. الجينات المصرية ممتدة ومختلطة على مر العصور. تلاقينا لينا أصول من الشام، المغرب، الحبشة، أوروبا حتى. فمش غريب إن ملامحنا تبقى مألوفة لأعراق كتير.

تعالوا نشوف مع بعض نماذج للشباب ده

اكتبولنا رأيكم في الكومنتات
#بقلمي

بيرين سات و هى بتدرس في جامعة باشكنت، دخلت مسابقة اسمها "نجوم تركيا"، وخدت المركز التاني، ومن هنا بدأ حلمها يتحقق. لان واحدة من المخرجات الكبار في تركيا اسمها تومريس غيريتلي أوغلو لاحظت موهبتها، وبدأت تديها أدوار مهمه .

أول دور ليها كان سنة 2004 في مسلسل اسمه "نعم هناك حب الموت". بعد كده في 2005–2006 مثلت في مسلسل "حكاية سمر"، اللي كان من إخراج نفس المخرجة اللي اكتشفتها.

لكن أشهر مسلسلاتها اللي خلتها نجمة :
ياسمين (2006–2008) و العشق الممنوع ده اللي فجر شهرتها، لعبت دور "سمر" وناس كتير اتكلمت عن جرأة المسلسل، بس رغم كده كسر الدنيا في نسب المشاهدة واتعرض في دول كتير.

و مسلسل فاطمة أو (ما ذنب فاطمة جول؟) اللى بيحكى عن بنت اتعرضت للاغتــ. صاب، وده خلى المسلسل يناقش قضايا حقوق المرأة، واتعرض على البرلمان التركي واتمنع في أماكن واتكرم في أماكن تانية.
و السلطانة كوسيم (2015): و اللى كان عمل تاريخي ضخم، جسدت فيه شخصية واحدة من أقوى الستات في تاريخ الدولة العثمانية.

بيرين من الممثلات اللي ليهم مواقف إنسانية، زي دعمها لقضايا المرأة و رفض مشاهد معينة في أفلامها.
و تقدر تقول عليها واحدة من أيقونات الدراما التركية في الجيل الجديد. موهبتها مش بس في التمثيل، لكن كمان في قدرتها توصل مشاعر معقدة جداً بأداء هادي وبسيط يخليك تصدق كل كلمة وكل دمعة. اختياراتها في أدوارها دايمًا جريئة ومختلفة، و ما بتحبش تكرر نفسها، وده واضح في التنقل ما بين الشخصيات و اختياراتها
قولولنا ايه اكتر مسلسل بتحبوه ليها
#بقلمي

في أوائل التمانينات، ستينغ كان عايش حياة اى حد يحلم بيها .. هو قائد فرقة The Police اللي كـ.سرت الدنيا في العالم كله.
ومتجوز من الممثلة فرانسيس توميلتي، و هى نجمة مهمة جدا في فرقة شكسبير الملكية.
وعندهم عيلة وأولاد وبيت كبير في لندن وشكلها حياة كاملة مفيهاش غلطة.. لكن ورا الصورة دي ستنج كان مخبي سر خطير.
فرانسيس كان لها أعز صديقة و اسمها ترودي ستايلر وهى ممثلة برضه، و جارتهم و لان هى صاحبتها المقرّبة فهى بقت قريبة من بيتهم و اسرتهم و من ستنج .. والقرب ده بدأ عادي جدا ..
لكن هى كانت كل شوية عندهم فى البيت و مع الوقت ترودى بدات تستغل غياب فرانسيس لأوقات فى التصوير و بقت عايشه فى علاقة سرية مع جوزها ستينغ.
المصيبة إن في الوقت ده بالذات، فرانسيس كانت حامل في طفلهم التاني من غير ما تعرف عن موضوع صديقتها و جوزها !.
لكن مع الوقت كل حاجة فضـ .حتها الجرايد و المجلات.. و لقطوا ليهم صور كشفت الشك اللي كان بيدور حواليهم .. و الصحافة البريطانية مسكت الموضوع و حلبته و انتشر فى كل حته.
لان الخيانة مكانتش بس عاطفية، دي كانت كمان خيانة عائلية قاسية بين زوجة وصديقتها المقربة.
ستينغ نفسه كان بين ذنب إنه جرح الناس اللي بيحبهم و ملل من جوازته وحيرة وخوف من اللي عمله.
وفي وسط الزوبعة دي، ستينغ قرر يهرب على جامايكا وراح ل نفس البيت اللي كان بيكتب فيه إيان فليمنغ روايات جيمس بوند.
و هناك، قعد مع نفسه يفكر هو بيهبب ايه ؟ .. وهو لوحده ومحتار من جواه،واكتشف انه بيحب صديقة مراته بشكل هوس مرضى و مهما عمل هيرجعلها و هيأذى مراته اكتر و اكتر .. و بعدين قعد كتب الأغنية المعروفة اوى: Every Breath You Take.
اللحن كان رومانسي في ودنه، لكن الكلمات كانت عكس كده تمامًا: "كل نفس بتاخديه، كل حركة بتعمليها و كل خطوة بتعمليها أنا هفضل أراقبك."
كتبها و هو فاهم انه مش حب، لأ
ده هوس، وسيطرة،و مراقبة.. وستينغ نفسه اعترف: "الأغنية دي عن فترة الخيانة مظلمة. وبتفكرني بالجحيم اللي عشته .. وكل مرة بغنيها بحس إني راجع للوقت الأسود ده ."
الغريب إن الأغنية دي بقت أكبر زنجاح لفرقة The Police! .. والأغرب إنها بقت بتتغنى في الأفراح وكأنها أغنية رومانسية، رغم إنها معمولة من خيانة وذنب.
يعني بالنسبة للجمهور: "أنشودة حب"، لكن بالنسبة لستينغ: "أكبر خيانة و مرار في حياته".
مع مرور السنين، ستينغ و مراته أطلقوا وهو وترودي قرروا يخاطروا زواتجوزوا!
طبعا حضرتك متوقع "داين تدان" و خيانه هتحصل تانى
لكن لأ .
ستينج عمل كل حاجة صح فى الجواز التانية .. عمل عكس اللى كان بيعمله مع فرانسيس .. و اداها وقته و اهتمامه و عاشوا سوا سنين طويلة وخلفوا ٤ أولاد، وعدّوا أكتر من ٣٠ سنة جواز سوا.
و ترودي بقى كان عندها ماضي صعب وهي صغيرة اتشوهت في وشها بعد ما عربية خبطتها. . ستينغ بيقول عليها: "ملاكي المجروح."

ودلوقتى ستينغ وترودي بقوا بيشتغلوا مع بعض في الفن، و في النشاطات الإنسانية، وفي الحياة اليومية.
والماضى اتحوّل لجزء من قصة هوس عاطفى غريبة للاسف بتتحدى الأخلاق !!!!

#بقلمي

أنجلينا جولي وأبوها، جون فويت حياتهم كانت مليانة مشاكل من زمان، و بدايتها كانت بسبب أمها، مارشلين برتراند، اللى لما اتجوزت جون سنة 1971، وخلفت أنجلينا وأخوها جيمس هيفن، الجوازة ما كملتش وانفصلوا بعد 6 شهور بس من ولادة أنجلينا بسبب خيانة جون لأمها .. اللى كرست حياتها كلها لأولادها بعد الطلاق، وده خلّى أنجلينا ترتبط بيها أكتر وتحس إن أبوها أناني أوى.

و في 2001، جون فويت ظهر في فيلم Lara Croft: Tomb Raider مع أنجلينا وكان بيلعب دور أبوها، ووقتها الناس افتكروا إن علاقتهم اتحسنت، بس ده ما حصلش. في 2002، جون لما دخلت فى مشــ. اكل الطلاق قال في مقابلة إن طلاقها ده بسببها و ان عندها "مشــ. اكل نفسية خطــ. يرة" وإنها محتاجة مساعدة، وده زوّد الأزمة بينهم جدًا.
أنجلينا أصلا مكنتش غفرت لابوها هجره ليها و هى طفلة و خيانة أمها، وشالت اسمه "فويت" من اسمها بشكل رسمي من البطاقة علشان تقــ. طع علاقتها بيه نهائيًا.

بعد فترة، بدأوا يتكلموا تاني وظهر بينهم نوع من الصلح، خصوصًا بعد ما أنجلينا بقت أم، بس دايمًا كان في توتر بينهم. و في 2014، لان جون ما حضرش فرح أنجلينا على براد بيت من الاساس ، وعرف الخبر من التليفزيون.

أما عن طلاقها من براد بيت، فده كان من أسوأ الفصول في حياتها، خصوصًا إن المعــ. ركة القانونية استمرت سنين حوالين الحضانة والممتلكات.
و أولادها، هما كمان شالو اسم أبوهم براد بيت من اسمهم رسميًا، وعملو نفس اللى عملته أنجلينا مع أبوها.

أنجلينا علّقت قبل كده عن علاقتها بأبوها وقالت:
"إحنا بنحاول نلاقي علاقة جديدة، بس كل حاجة بتمشي على حسب راحة الأطفال" لكن بعد تعليقاته عن مواقفها السياسية كمان ، الدنيا رجعت تتوتر بينهم .

بعد ما نزلت بوست سيا.. سى بتدعم فلـ.سطـ .ين ، و أبوها جون فويت انفجر فيها، واتهمها إنها مجنونة و بتردد "دعاية كاذبة" وإنها متأثرة بناس عندهم مواقف معــ. ادية.

والتصريح بتاعه ده زوّد التوتر بينه وبين أنجلينا، اللي أصلًا علاقتهم ببعض مش مستقرة من سنين و الأمور بينهم بقت أسوأ و لغاية انهارده الخلاف مستمر .. خناقات من غير حل ..


#بقلمي