Reem Nagy - أخصائية تخاطب

ابني عنيف… أعمل إيه؟
العنف مش بييجي من فراغ 👇
• دوري على المصدر:
في حد في البيت بيزعق أو بيضرب؟ لازم نبدأ بنفسنا الأول
• راقبي اللي بيشوفه:
الأفلام أو الفيديوهات العنيفة بتأثر جدًا
• خلي بالك من كلامك:
الشتيمة أو التبكيت بيزودوا العنف مش بيقللوه
• ادعمي صورته عن نفسه:
لو دايمًا بتقولي "أنت عصبي ووحش"… هيصدقك
• علميه يعبر عن مشاعره:
يزعل ويتكلم… مش يضرب
• قدمي بدائل:
رياضة – رسم – لعب تفريغ طاقة
• اربطيه بالقيم:
فهميه إن القوة مش في الضرب… القوة في التحكم في النفس

🚫 بلاش زعيق وضرب عشان ابنك يسيب اللعب!
✅ الحل الأبسط:
حددي وقت واضح وقولي له:
"قدامك ربع ساعة وتكون جاهز للمذاكرة أو النوم" ⏰
وفضّلي فكريه بالوقت: • فاضل 10 دقايق
• فاضل 5 دقايق
• وبعدها العد التنازلي…
هتلاقيه استجاب بهدوء 👍
الأطفال بيحتاجوا اتفاق ومتابعة… مش صريخ وعصبية ❤️

أبنك يا ماما 👶✨
لو انتي بتركزي على السلبي وبتكرريه… هو هيصدّقه ويحفظه
ولو بتركزي على الإيجابي وبتكرريه… هيكبر جواه ويثبت 🌱
الطفل مع الوقت بينسى تفاصيل كتير…
بس بيفضل فاكر الصورة اللي اتكررت قدامه أكتر 📌
يعني ببساطة:
إنتي اللي بتشكّلي صورته عن نفسه 💛
✨ القاعدة التربوية:
شوفي الحلو فيه وكبّريه… هيزيد
وتجاهلي السلبي (مش كل مرة)… هيقل
لأن اللي بتركزي عليه… بيكبر 🙌

🌿 ابني خايف… إمتى نقلق؟
الخوف عند الأطفال طبيعي 👌
لكن بنعتبره مشكلة سلوكية لما يبدأ يعطّل حياته
(يرفض ينام لوحده – يخاف يخرج – يمنعُه من اللعب أو التعلم)
طيب نعمل إيه؟
✔️ احترمي مشاعره
ما تستهونيش بخوفه ولا تسخري منه
✔️ زوّدي ثقته بنفسه
شجعيه وذكّريه دايمًا إنه يقدر يتغلب على خوفه
✔️ علّميه يعبّر
ساعديه يتكلم ويقول هو خايف من إيه
✔️ صححي مفاهيمه
اشرحي له الحقيقة بطريقة بسيطة وواضحة
علشان يفرق بين الخيال والواقع
✨ الخوف مش عيب…
لكن دورنا نعلم ولادنا يتعاملوا معاه صح

🌿 تدريب الطفل على الانفعالات 🌿
لازم ماما تكون قدوة 👩‍👦
لأن الطفل بيتعلم بالملاحظة قبل الكلام.
✨ عبّري عن مشاعرك بهدوء ووعي
لو حسّيتي بالزعل أو الغضب، ما تخبيش إحساسك.
👶 لو ابنك سألك: "إنتي زعلانة ليه؟"
جاوبي ببساطة:
"أنا زعلانة شوية عشان حصل كذا، بس هاهدى وهبقى كويسة."
💡 كده الطفل بيتعلم:
يسمّي مشاعره (زعل – غضب – فرح)
يفهم إن المشاعر طبيعية
يعرف يعبر عنها بطريقة صح
🌱 اسأليه كمان:
"وإنت لما بتزعل بتحس بإيه؟"
بكده بنربي طفل واعي بمشاعره وقادر يتحكم فيها 💛

أحنا بنربي أولادنا ليه؟!!
عشان يطلعوا "أحسن ناس"؟
طب يعني إيه أحسن ناس؟ وأحسن من مين؟
مفيش حد كامل… ومفيش حد هيبقى أحسن من الأنبياء.
ارجعي لهدف التربية الحقيقي:
أولادك رزق من عند ربنا… وهتتسألي عليهم.
هيسألك:
عملتي إيه عشانهم؟
علمتيهم إيه؟
كنتي قدوة ليهم ولا لأ؟
مش هتتسألي هيطلعوا إيه،
لكن هتتسألي إنتي عملتي إيه.
دورك:
تديهم حقوقهم
تحتويهم
وتكوني قدوة حقيقية ليهم
إنما نتيجتهم… دي بتاعة ربنا.
متربيش ولادك عشان الناس،
ربيهم عشان ربنا ❤️

🌿 قبل ما تطلبي من طفلك.. علّميه الأول 🌿
ما ينفعش نقول “يلا لمّ اللعب” وبس ونستنى نتيجة صح وهو مش عارف الطريقة.
الأفضل: نشرح له بهدوء ونوريه إزاي يعملها خطوة خطوة 👌
“تعالى نحط اللعب واحدة واحدة في العلبة كده”
💡 الطفل مش بيرفض.. هو بس محتاج يتعلّم قبل ما نطلب منه.

"متشغليش بالك المهارة دي هتفيد ابنك في إيه دلوقتي... المهم إنه بيستغل وقته في حاجة مفيدة، وبيتعلم حاجة جديدة حتى لو نتيجتها مش باينة دلوقتي."

✨ الإنتباه والتركيز ✨
كتير بنخلط بينهم… بس في فرق مهم 👇
🔹 هل في انتباه من غير تركيز؟
نعم ✔️
الطفل ممكن ينتبه لصوت أو لاسمه لحظة سريعة… لكن من غير ما يكمل.
🔹 هل في تركيز من غير انتباه؟
لا ❌
لأن التركيز بيبدأ أصلاً من الانتباه.
🌿 الإنتباه:
هو إن الطفل ياخد باله لحاجة (صوت – اسمه – حركة) حتى لو لثواني.
🌿 التركيز:
هو إنه يستمر في نفس الحاجة… يفهمها ويتفاعل معاها لفترة أطول.
💡 مثال:
طفل سمع اسمه وبص 👀 → ده انتباه
قعد يسمع وينفذ المطلوب 🧠 → ده تركيز
📌 مهم تعرفي:
مش كل طفل عنده انتباه كويس هيبقى عنده تركيز قوي
لأن التركيز مهارة بتتدرّب مع الوقت
💛 ساعدي طفلك عن طريق:
✔️ تقليل المشتتات
✔️ الشرح البسيط
✔️ التدرّج في المهام
✔️ التشجيع المستمر
👩‍⚕️ أ / ريم ناجي – أخصائية تخاطب وتنمية مهارات

"ابنك لما يغضب ده طبيعي 👶
الغضب إحساس مش غلط…
لكن المهم يتعلم يعبّر عنه من غير ما يأذي نفسه أو اللي حواليه."

🌟 حمّلي طفلك مسؤولية استقبال الضيوف 🌟
إشراك الطفل في استقبال الضيوف يساعده على تنمية ثقته بنفسه، وتعزيز مهاراته الاجتماعية، كما يعلمه آداب السلوك والاعتماد على النفس.

✨ يمكنكِ تكليفه ببعض المهام البسيطة مثل:
🤝 استقبال الضيف والترحيب به.
🪑 الجلوس معه وإشعاره بالاهتمام.
😊 تقديم التحية بأسلوب مهذب.
☕ المساعدة في إعداد الشاي أو تقديم الإكرام.