DR Kauthar pharmacy

سلسلة التداخلات الدوائية

⚠️ هل "أولفنت" آمن للكل؟ خلينا نفهم قبل ما ناخد الدواء!

كتير من الناس بتدخل الصيدلية وتطلب دواء للكحة، وياخدوا "أولفنت شراب" على طول من غير ما يوضحوا نوع الكحة أو الحالة الصحية!
لكن هل ده آمن؟ تعالوا نفهم مع بعض:
___

أولفنت All-Vent بيحتوي على:

تيربوتالين (Terbutaline): موسّع للشعب الهوائية.
جوايفينيزين (Guaifenesin): طارد للبلغم.
برومهكسين (Bromhexine): مذيب للبلغم.
أمونيم كلورايد: يساعد على طرد البلغم.

- يعني هو مخصص أكتر للكحة المنتجة للبلغم، مش الكحة الجافة!
___

- لكن فيه نقطة مهمة جداً: مادة تيربوتالين بتشتغل على مستقبلات معينة في الجسم (β2)، وده ممكن يؤدي إلى:

❗ زيادة في ضربات القلب (خاصة عند مرضى القلب).
❗ ارتفاع في سكر الدم (مهم جداً لمرضى السكري).
❗ رعشة بسيطة أو قلق أو دوخة عند بعض الناس.

وغالبًا الأعراض دي تظهر خلال أول ساعة بعد تناول الجرعة، خاصة لو الجرعة كبيرة أو المريض عنده مشاكل صحية.
___

⚠️الخلاصة:

ـ لازم نعرف نوع الكحة (ببلغم ولا ناشفة).
ـ مريض القلب أو السكر لازم يستشير الطبيب أو الصيدلي قبل ما ياخد الدوا.

� نصيحة صيدلية كوثر:
لو الكحة مستمرة أكتر من أسبوع… متستهونش، وراجع طبيب فورًا



#أولفنت

سلسلة التداخلات الدوائية – Part 5

أدوية البرد + الضغط… مش دايمًا ينفع!

ناس كتير عندها ضغط عالي،
وبتروح تاخد أدوية برد مشهورة زي:
• Congestal
• Flurest
• Decrol

لكن المصيبة إن أغلب أدوية البرد دي بتحتوي على سودوإفدرين (Pseudoephedrine)
ودي مادة بترفع الضغط جدًا!

النتيجة؟
• زيادة كبيرة في ضغط الدم
• صداع
• خفقان
• وحتى خطر على القلب

الحل؟
لو مريض ضغط:
• لازم يبعد عن أي دواء برد فيه سودوإفدرين
• ويفضل يستخدم حاجات زي:
باراسيتامول + مضاد هيستامين من غير سودوإفدرين

مثال:
• تلفاست مع بانادول
• أو استشارة الطبيب أو الصيدلي لاختيار الأنسب

الوقاية خير من أزمة ضغط مفاجئة!

سلسلة التداخلات الدوائية -Part 4

الفولتارين (Diclofenac) مع أدوية الضغط؟ خطر مش بسيط!

لو مريض ضغط بياخد علاج زي:
• كونكور (Bisoprolol)
• تينورمين (Atenolol)
• نورفاسك (Amlodipine)
• أو أي أدوية ACE inhibitors زي Enalapril أو Captopril

وجالك بياخد معاهم فولتارين (أو أي مضاد التهاب غير ستيرويدي NSAID)،
لازم توقفه وتفهمه إنه كده بيعرض نفسه لمشاكل كبيرة.

ليه؟
• الفولتارين بيقلل تأثير أدوية الضغط
• بيرفع ضغط الدم
• وكمان ممكن يأثر على الكلى بشكل خطير

الحل؟
• يبعد عن مضادات الالتهاب دي تمامًا أو يستخدمها بحذر شديد وبمدة قصيرة
• أو يتحول لمسكنات أأمن زي باراسيتامول بعد استشارة الطبيب

سلامة الكلى أهم من تخفيف الألم!

صيدلية كوثر بتوفرلك اللي مش لاقيه!

في ظل نقص أدوية كتير في السوق…
احنا وفرنالك مجموعة من النواقص المهمة
ودي بعض الصور للأصناف اللي متوفرة عندنا دلوقتي

لو بتدور على دوا مش لاقيه؟
ابعتلنا اسمه، أو شوف الصور دي…
وممكن تلاقي اللي بتدور عليه!

ولو مش متوفر، بنحاول نوفره ليك بأسرع وقت

اسألنا على الخاص – أو زورنا في الفرع

خليك مطمن… واحنا معاك!
في صيدلية كوثر دلوقتي تقدر تطمن على صحتك بكل سهولة

قياس الضغط والسكر متوفر يوميًا داخل الصيدلية
بأدق الأجهزة، وفي أقل من دقيقة!

لو بتاخد علاج ضغط أو سكر… أو حتى حاسس بتعب مفاجئ؟
ماتتأخرش، إحنا هنا نساعدك

الخدمة متاحة لأي حد… في أي وقت خلال مواعيد العمل

العنوان:
صيدلية كوثر – الشوبك الشرقي، أمام الجمعية الشرعية

دلوقتي من صيدلية كوثر
جهاز البخار مجانًا… بس بالبطاقة!

لو ابنك أو حد من أسرتك محتاج جلسات بخار،
مش لازم تشتري جهاز… إحنا وفرنالك الحل!

أجهزة البخار متاحة مجانًا للاستعارة
بضمان البطاقة الشخصية فقط
علشان صحتكم أهم، وسلامة أطفالكم أولويتنا

الكمية محدودة – اسألنا في الفرع أو كلمنا على الخاص للحجز

العنوان:
صيدلية كوثر – الشوبك الشرقي، أمام الجمعية الشرعية





ًا_في_الأمان

سلسلة التداخلات الدوائية – (الجزء الثالث)
من صيدلية كوثر

“خدت بروفين على الريق، وبعدها بطني ولعت!”

مشهد بيتكرر كتير جدًا…

البروفين (Ibuprofen) من أشهر المسكنات في العالم
بس ليه تأثير مباشر على جدار المعدة، خصوصًا لو اتاخد على معدة فاضية

النتيجة؟
• حرقان في المعدة
• تقرّح في جدار المعدة
• نزيف داخلي (في الحالات الشديدة)

يعني:
البروفين + معدة فاضية = خطر على المعدة

الحل؟
• خد البروفين بعد الأكل
• ولو بتاخده بشكل منتظم، اسأل الدكتور أو الصيدلي لو تحتاج دوا يحمي المعدة (زي أوميبرازول أو فاموتيدين)
• ولو عندك قرحة أو مشاكل في المعدة، ممكن تحتاج مسكن بديل زي باراسيتامول

شارك المعلومة دي… لأن الناس بتاخد البروفين وكأنه لبان!

سلسلة التداخلات الدوائية – (الجزء الثاني)
من صيدلية كوثر

“أنا حامل وباخد كالسيوم وحديد مع بعض… كده تمام؟”

الحقيقة: لأ، كده مش تمام!

ليه؟
لأن الكالسيوم والحديد بيتعاركوا مع بعض في الامتصاص، واللي بيخسر دايمًا هو الحديد!

النتيجة؟
الحديد مش هيمتص كويس = الأنيميا مش هتتحسن = خطر على الأم والجنين

الحل؟
تاخدي الحديد والكالسيوم في أوقات مختلفة، ويفضل يكون في بينهم على الأقل ساعتين فرق.

نصيحة سريعة:
• خدي الحديد على معدة فاضية أو مع عصير برتقال
• خدي الكالسيوم بعد الأكل عشان ما يتعبش المعدة

شارك المعلومة دي مع أي أم أو حامل، لأنها بسيطة بس ممكن تفرق كتير!

سلسلة التداخلات الدوائية – (الجزء الأول)

واحد جاي الصيدلية بيقول:
“هاتلي علبة فلاجيل لابني، بطنه بتوجعه وشربة الديدان مش جايبة نتيجة…”

استنى كده شوية!
• الفلاجيل أو الأمريزول (مادته: Metronidazole)
• وشربات الديدان زي انتيفير أو فيرم وان (مادتها: Mebendazole)

الاتنين دول مينفعوش مع بعض نهائيًا!

ليه؟
عشان الجمع بينهم ممكن يسبب حالة خطيرة جدًا اسمها:
“متلازمة ستيفن جونسون”
ودي ممكن تبدأ بحساسية شديدة في الجلد وتوصل – لا قدر الله – للوفاة.

يعني ببساطة:
Metronidazole + Mebendazole = خطر كبير جداً

شارك المعلومة دي، ممكن تنقذ بيها حد!

وانت نازل من عند الدكتور ابعتلنا صورة الروشتة على طول وإحنا نجهزلك العلاج ولما توصل الصيدلية هتلاقيه مستنيك من غير ما توقف أو تستنى ولو حابب نوصلّه لحد باب بيتك كمان مفيش مشكلة، صيدلية كوثر دايمًا جاهزين نخدمك بسرعة وسهولة
تقدر تبعتلنا علي رسايل الصفحه او الجروب الخاص بينا

https://chat.whatsapp.com/GmXQ0pcnYlgKq8z7cvdSxp