Dr/Nada Rmadan

◍ طَريقة تُونر الخِيار 🤔.°⑅ :

_ تقطيع الخيار .
_ خلطه في الخلاط حتى يصبح قوامه كالماء .
_ تصفيته في قماش من الشوائب .
_ وضعه في علبة .
فوائده :
_ أصلاح وترطيب البشرة .
_ أعطاء حيوية للبشرة .
_ يساعد على التخلص من الدهون الزائدة والشوائب في الجلد .

تنضيف البشره اي تفصيله فيه بتفرق
شايفين الفرق

fungal_acne 😷🫵🏻

حبوب الجبهة اللي ملهاش علاقة بالمضادات الحيوية ! 🙄

اوقات كتيييييير بتلاقي حبوب ظهرت ف الجبهة بس او منطقة ال t zone (او أماكن تاني بس دي اشهرها) وندى ف المضادات الحيوية والكريمات و برضو بنت اللذينة مش راضية تمشي، تلاقيها متبتة ولا كإن البيت بيتها 🤨😡

وف الآخر نكتشف انها fungal acne و تلاقي العلاج اختلف ١٨٠ درجة.

🩸يعني ايه fungal acne او حبوب فطرية!

احنا متعودين ع حب الشباب العادي اللي سببه بكتيريا و ده اللي اغلبنا بيصاب بيه ف مرحلة المراهقة بيبقى اسمه حب شباب هرموني(hormonal acne) او حاجة عملتيها ف وشك او بتاخديها ف نشطت البكتيريا المسببة للحبوب (bacterial acne),,
بس الحبوب الفطرية دي غيرهم سواء ف طريقة علاجها او سببها.

دي بتبقى عبارة عن عدوى فطرية، بيجي الفطر يصيب ال follicle (البصيلة) ف يحصل التهاب وبنسميه (malassezia folliculities).

الفطر ده موجود على الجلد زيه زي البكتيريا ال كتييير الموجودة عليه، بس اول ما بيحصل خلل ف البيئة المحيطة يبدأ الفطر ده ينشط بزيادة و يحارب الجلد و يعمل التهاب.

الفطر بيحب البيئة الرطبة و الجو الرطب، مش بس كدة، ده كمان بيعشق حاجة اسمها زيت، ف اي بيئة فيها وسط زيتي هتلاقيه بينشط فيها (مدام المسبب موجود ).

➖➖➖➖➖➖➖➖➖➖➖➖➖➖➖➖

🩸 نفرق بينه و بين الحبوب التانية ازاي!

الوسيلة الأكيدة الوحيدة هو طبيب الجلدية، بياخد عينة و يشوفها لان ممكن يبقى ميكس بين البكتيريا و الفطريات.

بس ممكن بالنظر تتعرف.

الحبوب الفطرية غالبا بتبقى كلها حجم واحد وطالعة ف الأماكن اللي فيها افراز دهني اكتر زي الجبهة و ال t zone و الصدر و الضهر، وغالبا (مش دايما) بتبقى حبوب ب راس بيضا و من تحت حمرا (زي الهرم كدة قاعدته حمرة و راسه بيضا).

وممكن تتعرف بعد ما نكون اخدنا علاج حب الشباب العادي و مش جايب نتيجة او في نتيجة عكسية.

➖➖➖➖➖➖➖➖➖➖➖➖➖➖➖➖
🩸 خليني اقول كام حاجة بتزود لي نشاط الفطر ده : -

١) السكريااااااات و زيادة الكارب ف النظام الغذائي و ده اتكلمنا عليه كتيير ف بوستس قبل كدة.

٢) كتر استخدام المضادات الحيوية.

٣)وجود عدوى فطرية تاني زي التينيا الملونة او القشرة.

٤) المنطقة المصابة دايما مبللة و رطبة

٥)اي منتج بتحطيه ع البشرة يبقى في زيوت حتى لو كريمات.

٦) الحالة النفسية.

٧) الماسك (الكمامة) خصوصا المصنوعة من ال polypropylene ودي بتبقي شبه البلاستيك كدة، و ده لان المادة دي بتحفظلي الرطوبة و بتحلق وسط مناسب جدااا لزيادة نمو الفطر.

٨) اي حد قاعد ف المستشفى كتير من غير وقاية بيبقى اكثر عرضة.

➖➖➖➖➖➖➖➖➖➖➖➖➖➖➖➖

🩸عشان كدة احنا ف العلاج( الطبي) بنستهدف ٣ حاجات :

▪️نقلل الرطوبة و المنتجات الزيتية بقدر الإمكان
▪️نقتل الفطر
▪️نفتح الحبوب دي عشان مضاد الفطريات يعمل

بس خليني اقول حاجة قبل ماادخل ف العلاج،، وهو ان العلاج الطبي مش هو الأساس، الأساس هي المعدة و فعلا المعدة هي بيت الداء ف احنا ممكن العلاج يكون بس ب اننا نوقف السكريات و الكارب الزيادة بس و الدنيا هتبقى تمام معانا.

➖➖➖➖➖➖➖➖➖➖➖➖➖➖➖➖

🩸ندخل ف العلاج الطبي : -

⚠️ هنستخدم شامبو نيزورال او نيزابكس مرتين ف اليوم كل مرة بنسيبه ٥ دقايق و نغسله .

وده لان في مادة الكيتوكونازول ١٪ ودي هتقتل الفيروس.

⚠️ صابونة ساليسليك (ارخص حاجة) او سينوبار S او اكرين او اكنيميد او اي غسول فيه مادة ال ساليسليك (هحطلكو لينك بوست للغسولات اللي فيها المادة دي).

وده لان الساليليك بيفتحلي الحبوب و مضاد التهابات و مضاد فطريات.
من أفضل الحاجات الاقتصادية هي synobar s ودي لان فيها المادة اللي عايزينها + الكبريت وده بديني تأثير زيادة و بيخلقلي بيئة غير مناسبة لنمو الفطر

بنغسل بيها مرة ف اليوم.

⚠️ مقشر عشان يفتحلي راس الحبوب و يسمحلي اني اقتل الفطر و أطهر المنطقة.

زي اكرتين او اي كريم في ساليسليك او بنزويل بيروكسيد.
بيتحط مرة بالليل لمدة ساعة.

في كلينفيكس لوشن بنحطه زي التونر بعد غسيل الوش و ده بيتحط ويتساب عادي، بيبقى فيه ساليسليك مع زيت شجرة الشاي و الميكس ده بيفتحلي الحبوب وبيزودلي قتل الفطر.

في جل جاكودان (jackodan)
بكتبه للناس اللي بتعاني من المشكلة دي وبيبقي حلو جداا لان فيه ميكس بين السالسيلك و الكبريت و ال جليكوليك و شجرة الشاي و ال رتينول.
بنحط الجل مرة بالليل وننام بيه عادي، بس جربي اول يوم لمدة ساعة و زودي كل يوم عشان بس بشرتك تتعود عليه لان ممكن تتحسس من مادة فيه.

⚠️ مننساش نرطب ب حاجة مناسبة للبشرة الدهنية زي سيبيم هايدرا مثلا عشان الروتين اللي هنمشي عليه هيسببلنا جفاف حبتين تلاتة.

⚠️ لاااااازم نبعد تماما عن السكريات و الكارب عموما او المنتجات اللي فيها زيوت كتير زي الكريمات واللوشن.

⚠️ بلاش زعل و خلينا ماشين ف نور الله 😍

يارب تكونو استفدتو وقدرت أوضح المعلومة ب ابسط طريقة، ولو في حاجه مش واضحة هحاول بقدر الامكان ارد عليكو ف الكومنتس.

لو عجبك البوست شيره وشارك ف زكاة العلم، و تابع الصفحة عشان تعرف كل جديد ❤️

#معلومة
#السعودية #مصر #متابعة

شايفين البتاعه دي 🤔 اهي دي اهم حاجه تجبيها قبل ما تروحي تعملي ليزر
خدي بالك من الليزر لأنه ممكن يسبب السنطة التناسلية⚠️


السنطة عبارة عن زوائد جلدية بتنتشر في الجهاز التناسلي بيكون شكلها زي الزوائد اللي بتطلع حوالين الرقبة وفي الجلد عموماً، وللأسف ظهورها بيكون أول مؤشر للإصابة بالنوع ده من السرطان، ولازم يتم الشكف فوراً قبل ما يسبب سرطانات متعددة👌🏻

علشان كدا أهم حاجة تستخدمي سكين بروتيكتور وده بيكون خاص بيكي انتى بس بحيث الجهاز ميلمسش جلدك وجلد أي شخص تانى وينقل العدوى، ولو لاحظتي وجود أي زوائد جلدية ضروري تكشفي بسرعة🏃🏻‍♀️

الديرما بلاننج

❤❤❤❤❤Derma planning

هي خطوه من خطوات التنظيف العميق للبشره و هي

_ازالة شعر الوجه الوبري

تنظیف و exfoliation للبشره

ازالة الجلد الميت

٤_ توحيد لون البشرة وتخفيف البقع الداكنة (skin
(pigmentation

ه تنعيم البشرة

٦ ثبات مستحضرات التجميل بشكل أفضل علي الجلد

مساعدة منتجات الترطيب والعناية بالبشرة علي الامتصاص بعمق داخل البشره

جلسه مهمه جدااا يابنات هترجع بشرتك تتنفس من تاني❤️❤️