Mariam Esmail Beauty Corner

هربس ؟؟ ولا بكتيريا !!!

- الولد سخن مولع وكل اما ياخد الخافض يسخن تانى 😱😱
واديته اوجمنتين وهايبيوتك ودكتور تانى اداه سوبراكس وابر سيفوتاكس ومفيش اي نتيجة 😭😭

-- ورينى كده زوره يا ماما ،، حضرتك ده هربس ..!

والعلاج مختلف ،، !

مين فيكو يا ماميز مرّ بالقصة دى وحابب يفهم اي الهربس وليه بتلخبط في تشخيصه ؟؟

تعالوا ندردش شوية 👍

بسم الله ...

نظراً لانتشار الهربس كالنار في الهشيم - هوا أصلاً ماختفاش ، قل شوية ورجع بقوة ..
نقول كده وبالله التوفيق شوية قواعد ..:

* القواعد ال #١٠ للهربس*

١. الهربس ده ڤيروس ،، والله العظيم ڤيروس ،، يعنى علاجه مش مضاد حيوى !

٢. المنتشر اليومين دول هربس اللوزتين والحلق ،، وده تشخيصه سهل بس ساعات بيكون في قمة الصعوبة والله..

٣. النوع اللي معاه أوبشن سهل التشخيص ده مبقاش بينزل خلاص 😭 يعنى ستّى وستّك عارفين ان القرح والاكياس اللى في الفم واللثة وتحت الشفتين دي هربس ،، أهو ده بالذات قل جداً!
فين أيام الهربس الوسطى الجميل 😁😂

٤. النوع التانى : الأعراض هيا هيا أعراض التهاب الحلق ، حرارة عالية ، فقدان شهية فظيع -ميطيقش حاجة في الفم- ، حيل-غدد- تحت الفكين ، الأهم بأه ،، -الزتونة زى ما بيقولوا -،،
وجود قرح او اكياس Vesicles على اللوزتين او في الحلق ،، مع التهاب الحلق طبعاً.

٥. الفكرة في صعوبة التشخيص ،، ان ساعات يبقى الحلق فيه صديد ،، الفكرة هنا ان صديد البكتيريا بيبقى على شكل "نُقط" ،، عكس الهربس اللى بيبقى على شكل "بُطش أو كُتل" مفروشه داخل " grooves حفر او اخاديد" !!

٦. للأمانة العلمية موضوع النقط والبطش ده اجتهاد شخصى و ساعات التفرقة بتبقى مستحيلة طالما مش في Vesicles،، ساعتها بنلجأ للسؤال عن الاختلاط باطفال عندهم هربس آخر ٢-٣ اسابيع ،، ولو متاح تعمل صورة دم كاملة و crp اعمل ..وبنبدأ علاج الهربس طالما التشخيص أقرب ليه..!

٧. الكلام العلمى :

التحسن على أسيكلوڤير (زوڤيراكس- لوڤير-ڤيروستات) خلال٣-٥ ايام.

الخبرة العملية :

الحرارة بتتحسن تماماً خلال ٢٤-٤٨ ساعه من العلاج ( لو استمرت راجع التشخيص تانى)
والشهية بتتحسن خلال ٣-٥ ايام !

٨. ايزوبرينوزين مش علاج اطلاقاً ،، ماهو إلا منشط للمناعه و مساعد في العلاج للهربس المتكرر. العلاج زوفيراكس - مضاد الڤيروس.

٩. ايوا ممكن جداً الطفل يصاب بهربس ،، بعد كده يصاب بالتهاب بكتيرى ثانوى في الحلق ،، يعنى لو الدكتور كتب لحضرتك زوفيراكس في الكشف و مضاد حيوى في الاستشارة الدكتور مش غلطان هوا بيدى علاج حسب الكشف وهوا لا يعلم الغيب على فكرة..!

١٠. الهربس بيخفّ لوحده والعلاج بيسرّع الشفاء باذن الله وساعات بيقعد في الخلايا العصبية للجسم ويتكرر بشكل بايخ ومستفز كل شهر او سنة او اقل او اكتر ،، ممكن نستخدم سبراى مخدر للفم قبل الاكل ،، وندهن القرح والاكياس الخارجية أسيكلوڤير كريم ،، وداكتارين چل ملوش قيمة في العلاج إلا لو معاه فطريات .. كمان مسحة الحلق والمزرعة مش موجوده للڤيروسات في مصر كلها Viral culture فمش هتبقى ذات قيمة الا لو الالتهاب بكتيرى،، ودي بتقعد ٣ ايام اصلاً يعنى يكون الطفل اتبهدل منك فلازم تعتمد على الحس الاكلينيكى،، 👍

يا رب نكون افدناكم بالمعلومات البسيطة دى ،، ونساعد بيها أمهات بيعانوا ،، واطفال بيسخنوا ،، وزملاء بيتابعونا ... 💡

السلام عليكم يا ماميز 🌷
حبيت أنبهكم لحاجة يمكن تفيد حد. لو طفلك عنده حرارة عالية والتهاب في اللوز مع وجود صديد، متكتفوش بمتابعة الحرارة والحلق فقط، لكن راقبوا جسمه كويس كل فترة، خاصة خلال اليومين أو التلاتة الأوائل.
في بعض الحالات، قد تظهر بعد ذلك فقاعات أو طفح جلدي، ويكون السبب عدوى فيروسية الهربس، وبالتالي يحتاج الطفل لإعادة الكشف وتقييم الطبيب، لأن العلاج قد يختلف حسب التشخيص.
طبعًا مش كل طفل عنده سخونية أو التهاب لوز هيكون عنده هربس، لكن المتابعة الجيدة وأي طفح جديد يستدعي مراجعة طبيب الأطفال في أسرع وقت.
ربنا يحفظ أولادنا جميعًا ويشفي كل طفل مريض. 🤲💙

📢 إعلان هام لعملائنا الكرام
نحيطكم علمًا بأن المركز سيكون مغلقًا خلال هذا الأسبوع، على أن نعاود استقبالكم قريبًا إن شاء الله 🤍
ونحب نطمنكم إننا راجعين بعروض مميزة جدًا ومفاجآت حلوة تستنوا تفاصيلها خلال الفترة الجاية ✨
شكرًا لتفهمكم وثقتكم الدائمة فينا 🌸
في انتظاركم قريبًا 💖