Dr.Bassant Ezzat

✨️
كل يوم نفس السؤال؟
«أحط إيه في اللانش بوكس بكرة؟» 🤔

🥙 عشان الموضوع مايبقاش محتاج تفكير كل يوم، جمعتلك أفكار مختلفة لتكوين اللانش بوكس، بحيث يكون فيه تنوع ومكونات تشبع ابنك وتناسب يومه في المدرسة.

👧👦 مش لازم تلتزمي بنفس التكوين كل مرة… بدّلي بين الأفكار حسب اللي ابنك بيحبه والمتاح عندك.

📍و متنسيش إضافة زجاجة المياه 🍶

💡هتلاقي وصفات (المافن و البيتزا و الفينو و الكيزر الصحي و البطاطس و الحمص و اللانشون و البراونيز و الكوكيز و البسكويت المملح) فى بوست وصفات صحية وسهلة للمدرسة 👌🏻

📌 احفظي الكاروسيل عشان يبقى عندك مرجع سريع؛ كل ما تحتاري في اللانش بوكس.

✉️ و ابعتِيه لماما تانية بتجهز لانش بوكس كل يوم 🤍

💬 و قوليلى لو ابنك قدامه كل الأفكار دي… تفتكري هيختار أى لانش بوكس؟ 👇🏻

🌯 البانية
🍔 البرجر
🍕 البيتزا
🥚 البيض

✨️
عارفة إحساس أول أسبوع؟
مواعيد نوم اتقلبت، فطار بسرعة، لانش بوكس، مدرسة، مذاكرة، وواحد بيقول «مش جعان» والتاني «أنا جعان» طول اليوم 😂

وعشان كده متحاوليش تخلي كل حاجة مثالية من أول يوم.

ابدئي بالأساسيات:

▪️ ثبتي مواعيد النوم والصحيان تدريجيًا.

▪️ اهتمي إن ابنك يبدأ يومه بوجبة مناسبة.

▪️ جهزي اختيارات بسيطة للمدرسة تكون مناسبة وممكن فعلًا يأكلها.

▪️ خلي الوجبات الرئيسية منتظمة قدر الإمكان، بدل ما اليوم كله يبقى أكل عشوائي.

▪️ وسيبي مساحة للتغيير… لأن الأطفال مش الآت 🤖

نجاح روتين الدراسة مش معناه إن كل يوم يمشي كما الكتاب بيقول؛ معناه إنك تعرفي ترجعي للروتين لما اليوم يتلخبط 👌

👈سؤال لكِ: إيه أكثر حاجة بتتعبك في بداية الدراسة: النوم، الفطار، اللانش بوكس ولا تنظيم اليوم كله؟

✉️ ابعتي البوست لماما داخلة على معركة أول أسبوع دراسة 🙈🎒

✨️
أول الدراسة بتبقى مليانة تفاصيل، وكل أم بتحاول تعمل الأفضل لأبنها 🤍

لكن أحيانًا حاجات بنعملها بحسن نية ممكن تأثر على أكله ويومه من غير ما ناخد بالنا.

من الـ5 أخطاء… أى واحدة كنتِ بتعمليها بحسن نية ومخدتيش بالك إنها ممكن تأثر على يوم ابنك؟ 👇

✉️ احفظي البوست عشان ترجعي له، وابعتِيه لماما تانية ممكن يفيدها 🤍

✨️
النزول السريع في الوزن مش دايمًا آمن للمرارة ...
وأنتِ بتخسى… ممكن تحصل حاجة مش متوقعة!👀

هل فعلًا خسارة الوزن ممكن تسبب حصوات في المرارة؟ وإيه علاقة الأكل بالموضوع؟👇

1️⃣ دور المرارة إيه؟

▪︎ المرارة بتخزن العصارة الصفراوية اللي بيصنعها الكبد.
▪︎ العصارة دي بتساعد على هضم وامتصاص الدهون.
▪︎ بعد الأكل، خصوصًا الوجبات اللي فيها دهون، المرارة بتنقبض وتفرغ العصارة في الأمعاء.

2️⃣ إيه أعراض حصوات المرارة؟

▪︎ ألم في الجزء العلوي الأيمن من البطن، وقد يمتد للظهر أو الكتف الأيمن.
▪︎ غالبًا يظهر بعد وجبة كبيرة أو عالية الدهون.
▪︎ ممكن يصاحبه غثيان أو قيء.
▪︎ لكن وجود حصوات مش معناه بالضرورة وجود أعراض.

3️⃣ إيه الأكلات اللي ممكن تزود أعراض المرارة؟

▪︎ المقليات والوجبات الدسمة.
▪︎ اللحوم عالية الدهون والجلود.
▪︎ الأطعمة الغنية بالدهون المشبعة.
▪︎ الوجبات الكبيرة جدًا.
▪︎ والأعراض بتختلف من شخص للتاني، فمش كل أنواع الأكل بتسبب نفس المشكلة لكل مريض.

4️⃣ هل لازم أمنع الدهون تمامًا؟

❌ لأ.

▪︎ منع الدهون تمامًا مش هو الحل.
▪︎ الأفضل تقليل الكمية واختيار مصادر دهون صحية بكميات مناسبة.
▪︎ زي زيت الزيتون، المكسرات والأفوكادو، حسب قدرة الشخص على التحمل واحتياجاته.

5️⃣ إيه الأكل المناسب لمريض المرارة؟

🥗 ركّزي على:

▪︎ الخضار والفاكهة.
▪︎ الحبوب الكاملة والألياف.
▪︎ البروتين قليل الدهون: السمك، الدجاج منزوع الجلد، والبقوليات.
▪︎ وجبات صغيرة ومتوازنة بدل الوجبات الكبيرة.
▪︎ شرب كمية كافية من المياه.

6️⃣ هل خسارة الوزن السريعة ممكن تسبب حصوات؟

📌اه، ودي نقطة مهمة جدًا.

• النزول السريع في الوزن، خصوصًا مع الأنظمة شديدة الانخفاض في السعرات، ممكن يزيد خطر تكوّن حصوات المرارة.
• الأفضل يكون النزول تدريجيًا مع نظام غذائي متوازن.

7️⃣ إمتى لازم أرجع للطبيب بسرعة؟ 🚨
لو ظهر:

▪︎ ألم شديد أو مستمر في البطن.
▪︎ حرارة .
▪︎ قيء متكرر.
▪︎ اصفرار العين أو الجلد.
▪︎ بول غامق أو براز فاتح.

⚠️ التغذية تُساعد على تقليل الأعراض وتحسين نمط الحياة، لكنها لا تُغني عن تقييم الطبيب وعلاج الحصوات أو التهاب المرارة عند الحاجة.

💬 قوليلى: إيه أكثر معلومة عن المرارة كنتِ فاكراها صح وطلعت غلط؟

📌 و احفظي البوست وابعتيه لأي حد ممكن يستفيد منه.