NOT OM younis

ان القيصري من اصعب العمليات حرفيا . دي اصلا عالميا متصنفةمن أخطر العمليات اللي تؤدي للوفاة.

حضرتك بتستهين ب الولادة القيصري علي اساس انها بدون ألم والستات مش بتتعب فيها زي الولادة الطبيعية.

طيب احب افاجيء حضرتك واسالك .. عارف يعني ايه حقنه بنج نصفي في النخاع الشوكي ؟! عارف ألمها عامل ازاي ؟ عارف لو اتحركت حركة بسيطة ممكن تجيبلك شلل؟ او عالاقل تحس بكهربا في جسمك كله كأنك اتوصلت ب صاعق كهربا.

طيب عارف يعني ايه فتح سبع طبقات بطن.. كل طبقة منهم سميكة بتترفع زي المرتبة كدة .. سبع طبقات تتفتح عشان يوصل للقرار المكين اللي جواه البيبي.

طيب سمعت حضرتك عن الألم اللي بتحسه الأم اول ما تفوق من البنج سواء النصفي او الكلي وتبدأ تحس بوجع وألم لا يحتمل لان كل طبقات بطنها مفتوحة

طيب جربت حضرتك تكون كل طبقات بطنك مفتوحة كدة وبتتألم وتيجي ممرضة تضغط بكل قوتها علي بطنك . زي ما الحوض بيتسد وتخبطه ب ايدك كدة عشان يتصفي.. هي تقعد تخبط كدة عشان بواقي الدم ينزل ؟؟؟!! متخيل الألم..

تعرف حضرتك ايه عن وسط كل احساسك ده يحطو بيبي علي ايدك يلا رضعه!!

طب تعرف ايه عن الاحساس اللي بتحسه الأم بعد كل ده مباشرة لما يقولولها لازم تتمشي في طرقة المستشفي عشان الجرح ؟ قادر تتخيل يعني ايه بطن مفتوحة ولازم تمشي علي رجلك قادر تستوعب العياط والالم اللي مع كل خطوة ..

تعرف ايه انت عن البنج الكلي اللي بيسبب كحة وما أدراك يعني ايه كحة ولا عطسة وبطن مفتوحة .

تعرف ايه سيادتك عن ان قبل ما تكمل ٢٤ ساعه علي كل ده بيدولك بيبي تروح بيه يسهرك طول الليل عياط وصريخ وانت مش فاهم ايه اللي بيحصل اصلا ولا عارف تلاحقها من وجع القيصري اللي لا يحتمل ولا من صريخ الطفل.. اللي بيفضل شهور مخليك لا تعرف تنام ولا تاكل ولا تشرب .

جربت حضرتك وجع البنج النصفي وتأثيره بالسنين علي ان الضهر تحس فيه بألم؟ ورغم كدة تشيل طفلك ال ٢٤ ساعه !

جربت سيادتك صداع البنج النصفي اللي بيستمر اسبوع تقريبا بعد الولادة .. كأن حرفيا بدون مبالغة حد ماسك هون بيخبط بيه جوا دماغك .. دماغك من جوا بتترج حرفيا وعينيك مش قادر تفتحها
انا كنت بحط ابني علي صدري يرضع ومش قادرة اوطي دماغي ولا افتح عينيا اشوف اصلا بيرضع ولا لا .. كنت بقول لماما شوفي انا مش قادرة احرك راسي

لو الممرضة بتاعه حقنة المسكن اتأخرت كنت بموت من ألم الصداع .. وسط كل ده في بيبي قد ما ايدك عايز معاملةخاصة في القلع واللبس والحما و الرضاعه والبامبرز.. كل ده وانت مفوقتش اصلا من عملية مفتوح فيها بطنك
جربت حضرتك تعيط بسبب ألم الرضاعه وان النابلز بتاعة صدرك تموتك من الألم وتنزل دم وكأنها بتتدبح وبرضه لازم ترضع ؟!

تعرف ايه عن لو ربنا أراد تحمل تاني فجأة ف تفتح قيصري تاني بعدها ب سنة او سنتين و انت لسة مفوقتش من ألم القيصري الاول اصلا

تعرف ايه انت عن قوة الستات في تحملها الألم اصلا بتاع القيصري عشان تقلل منه وتحس ان القيصري سهلة ؟!
جربت ايه حضرتك مؤلم في الحياة اصلا يعادل الألم اللي انا كتبته ؟!

ايه بطولاتك في تحمل الألم اصلا مقارنة ب نص الألم بتاع القيصري؟

ملحوظة : مرضيتش احط صورة صعبة للقيصري مراعاة لمشاعر الحوامل والاطفال . واكتفيت بصورة زي دي .

كلُّ شيءٍ بجوارك أحنُّ، أخفُّ، وألطف،
يا ليتَ عالمي كلهُ بجوارك. 💗

القفلة أصعب بكتير من الزعل
جايز لما تزعل من حد تتراضى مع الصلح أو حتى مع الوقت بس تكون متقبل وجود الشخص
لكن لما تتقفل من حد عرفته بعد ما كنت متخيل إنك عارفه تكون مش متقبل وجوده وكأن وجوده وتصرفاته بتفكرك أد إيه انت كنت مغفل وانت فاكر إنك فاهمه

مع الأسف كل يوم وكل دقيقة بنتعلم فيها أكتر وبنفهم فيها طبيعة الناس أكتر من اليوم اللي قبله وبنفهم حقيقة إن مش كل الناس كيوت ولطيفة وجميلة زي ما بنشوفهم.

لما بتضايق من حد غضب عني، بفضل أفتكر كل المواقف القديمة اللي ضايقتني فيها.

بزعل قوي من نفسي لما أجمّع الخيوط وألاقي إني استحملت حاجات مكنش المفروض استحملها، أو عديت حاجات مكنش لازم تعدي.

وبزعل أكتر إن بدل ما دي تكون رسالة إني باقية على وجوده ومستعدة أجي على نفسي - أحيانًا - بقت رسالة إنه ممكن يسوق فيها عادي، وإني طالما عديت الموقف مرة، هعديه التانية والتالتة والعاشرة والعشرين.

اكتشفت إني ممكن أعدي نفس الموقف فعلًا عشرين مرة، بس مع كل موقف بعديه، في حاجة فيا بتتغير، وأسوأ حاجة ممكن حد يعملها معايا إنه بمواقفه يغير من شعوري ناحيته من غير ما يحس، عشان بعدها معرفش أرجع زي الأول، مهما حاولت.

اللي عدّى مرة واتنين وتلاتة مش هيعدّي طول الوقت.

واللي سكت مرة واتنين وتلاتة مش هيسكُت على طول.

واللي إشترى خاطرك ورِضاك مرة واتنين وتلاته مش هيعمل كدا باقي عُمره.

بلاش تتعاملوا مع الناس اللي في حياتكوا على إنكو ضامنينهم أوي كدا .. وما تراهنوش على طيبة حد طول الوقت .. كُل واحد وعنده طاقة وفي لحظة واحدة مُمكن اللي قُدامك يجيب أخره وتسمع منّه لقد نفذ رصيدك .. وكدا خِلصت خلاص.

‏"بيني وبينك ما هو أعظم من الحب، بيننا أُلفة وكأنك بجواري منذ مئة عام." ♡

‏فكرة إنك تحاول تتخطى حاجة جواك مسببالك حزن جامد و تعباك نفسيًا دي حاجة مش سهلة خالص الحقيقة إن الواحد بيعافر وقت طويل وممكن أوي يلاقي نفسه لسه واقف مكانه زي ما هو والمجهود والمعافرة دي كلها كانت علىٰ الفاضي فـِ حقيقي ربنا يعين كُل واحد بيحاول يتجاوز مرحلة معينة كانت سبب فـِ تدميره نفسيًا .

متعاتبشِ إعملُ زيَهم وهما هَيفهمو.!

بمناسبة الناس اللي بتتكلم عن التسامح في رمضان :

حسبي الله ونعم الوكيل في من اذانا وظلمنا وقهرنا وخذلنا وتعدي علي حقوقنا واستحل مالنا وقلوبنا وخاننا وخذلنا وكسر بخاطرنا ومن احببناه وغدر بنا ومن ذكرنا بسوء اولئك الذين مروا وتركوا فينا ندوبا" شوهت كل جميل بداخلنا ولو للحظات ولا سلاما علي من استهلكونا حتي اهلكونا.
عند الله تجتمع الخصوم

شرط التسامح في الدنيا رد المظالم .

فاڪريني اني عبيط وانا فاهم ڪل حاجه .