Nada Haredy Make up Artist

سبحان الله والله العظيم ي جماعه انا بكتب البوست ده وانا بعيط بقول لنفسي اد اي ربنا بيحبني وبسال نفسي وبقول انا عملت اي حلو ف حياتي ع ربنا يخلي كميه الناس دي كلها تقف جمبي وتبقي معايا وف صفي سبحان الله والله هي كانت بتعمل ع تأذيني وتوقف حالي وتضرني ف اكل عيشي ورزقي وسبحان الله انقلب السحر ع الساحر بدل م الناس تهاجمني بسبب كلمها الناس سبحان الله ربنا نور بصيرتهم وخلاهم كلهم ف صفي اكتر من الف ونص لايك واكتر 1000كومنت ع البوست بتاعها وبتاعي ووالله العظيم ملقيتش حد مكانش جمبي معن كنت خايفه الناس تصدق كذبها وافتراها عليا انا ممتنه ل ربنا اوي اوي وممتنه ليكو ع وقفتكو جمبي وع كل حد دخل وبذل جهد وبعتلي رساله وجبر بخاطري واطمن عليا شكرا اوي ي جماعه والله انا كسبت اخوات وصحاب جديده واد اي الدنيا لسه فيها خير والناس اعرف تميز بين الظالم والمظلوم وعايزه اقولك شكرااااا اوي بسببك صفحتي كبرت وعددها ذاد سبحان الله وجالي شغل والريتش علي سبحانك يارب انتي كنت بتدوريلي ع مكيده ولكن سبحان الله (ويمكرون ويمكر الله والله خير الماكرين )

رڤيوهات بعض العملا الحمدالله كلهم بعد كده بيبقوا صحابي

السلام عليكم ي جماعه عايزه احكي تجربه زباله حصلتلي
ولو بكدب بحرف ربنا يحاسبني ويتردلي واحده حجزت معايا ميكب باكدج 700ج سواريه وبعد كده قالتلي انا ومامتي ونزلي ل مامتي وست كبيره وكده وانا اليوم ده كان عندي كذه حجز وانا عشان حامل مبقدرش اخد عدد كبير ف المهم رفضت ال 2ال كانو هيحجزوا وقولت خلاص هخدها هي ومامتها وقفلت عليهم اليوم ونزلت ل مامتها ف الفلوس وهي كان هتعمل طرحه تمام

المهم بعتتلي ديبوزت 600 ج 300 من حسابها و300من حساب مامتها ومبعتتش حاجه من حساب الطرحه وانا مش مديه اي خوانه ف الموضوع زيه زي اي شغل وعادي بتعامل بصفاء نيه وان بتعامل مع ناس محترمه

المهم من يوم محجزت وهي اقسم ب الله كل يوم تكلمني وف اليوم كذه مره وتصحيني م النوم وتقعد تقولي المعاد وتفاصل ف السعر بتاع الشعر واطرحه ولمامتها وتقولي حلوين 200ج اعمليلي بيهم انا شعري ناعم

وشغاله تاكد عليا المعاد هاجي 12اوعي تسوحيني واوعي ملاقيكش وكأني عيله صغيره المهم ال عايزه تيجي 12وعماله تاكد عليا جتلي الساعه 3ونص وعلي ملبست وجهزت بدات حولي الساعه 4وشويه وانا صاحيه من 11

المهم ي جماعه من ساعت م بدات وهي شغاله تقولي انا جميله ومش محتاجه ميكب وعماله اعاملها بكل احترام وزوق واقولها انتي جميله لان متعودتش اقلل من حد وعموما خلقه ربنا كلها حلوه ومن ساعت مبدأت وهي ماسكه المرايا خطوه ب خطوه بوريهالها لان هي موسوسه وكل خطوه تقولي تمام ادخل ع غيرها وده بياخر طبعا الميكب ال بيخلص ف ساعه ب الوضع ده بيخلص ف ساعتين وصحابي الميكب ارتست ف المجال عارفين طبعا وشغاله تقول ل مامتها حلو تقولها حلو وقالتلي صغريلي مناخيري ب الكنتور عملتهالها رجعت تقولي لا شيليه شيلته وبعدين قالتلي مناخير كبرت اعمليه تاني عملته وبعدين قالت لا شليه رحت شيلته برغم ان ده غلط وانا مش عايزه ازعلها وكان شغاله عندها ولا مراعيه ان حامل وقولتلها اختاري درجه الروح اختارت درجه وقالت لا امسحيها مسحت وعملتلها درجه جميله وقالتلي لا امسحيها مسحتها وقولتلها اختاري ع دي اخر مره هغير ع الميكب ميبوظش راحت اختارت درجه وثبتت عليها تقولي صغري شفايفي اصغر تقولي لا اكبر تقولي لا اقسم ب الله ي جماعه فرهدتني

هي مناخيرها كبيره وبوقها كبير انا اعمل اي انا مش ساحره والله

المهم ي جماعه قبل مخلص بحاجات بسيطه مامتها بتقول انا مش هعمل مش هلحق بقولها ازاي ي طنط انا قفلت اليوم عليكو ومرضتش اخد حد تاني تقولي لا خلاص ومن ساعت مطلعت مامتها بتقول مش هتعمل طبعا معروف ف الحاله دي ان العربون مبيرجعش لان رفضت حجوزات عشانهم ف قولتها براحتك بس العربون مبيرجعش وبتعامل بكل زوق وخلصت للبنت الميكب راحت قالت خلاص ي ماما اعملي وهي هتخلصك ع. طول وكانت مامتها بتلبس ع تعمل فجأءه لقيت البنت بتصوت وبتقول لا خلاص مش هلف طرحه ومش وماما مش هتعمل وملكيش فلوس انتي اخدتي 600ج خلاص كده قولتلها ازاي يعني الميكب بتاعك بس ب 700ج يعني ليا 400ج لان دفعالي 300من حسابها تقولي لا ماما معملتش خلاص مش هتخدي ال 300قولتلها مينفعش الديبوزت مبيرجعش ف حاله انك مش عايزه تعملي بيقعد لاي وقت وتعمل عادي تقولي لا ملكيش حاجه عندي قولتلها مش هتنزلي غير لما تديني بقيت حسابي وكل الوقت ده بتكلم بحترام

لقيتها جريت ع الصاله وبتفتح الباب وتصوت وتقولي نزليني قولتلها هاتي بقيت حسابي وانزلي فضلت تصوت بطريقه هستريه وتقولي انتو حابسيني وقعدت تكسر ف الحاجه ال ف البيت برفيم وفاظه كانت ع الترابيزه وتزق فيا وتقولي هسقطك وهي ومامتها يزقوا ف ماما وعوروها ف رجلها وماما ست كبيره بتجيلي وقت الشغل ع اقعد مع ابني لحد مخلص وهي تزق فيا وزرقتلي رجلي وورمتلي ايدي وتدخل قوضه الليڤنج عايزه تفتح الشباك وتصوت وتلم عليا الناس كل ده ع متدنيش بقيت حسابي !!!؟انتو متخيلين فرهدتني وساعتين واقفه ع حيلي وحامل وشغاله اعملي و صلحي وغيري وف الاخر تعمل كده

اما لقيتها كده خليتها تنزل وقولت هستعوض ربنا مش ناقصه فضايح اكتر من كده وهي نازله ع السلم تصوت وتشتم وهي عندي فوق تشتمني انا وماما وتقولنا ي ولاد الوس…
ونزلت والفون بتاعها وقع وطلعت حد م الجيران اخدو
ونزلت الشارع قلعت الطرحه وقعدت تشتمنا وهي ماشيه وتشتم ب اقذر شاتيم

وانا مرضيتش انزل حاجه ع هي بنت واستعرضت ربنا لكن بعد ال هي عملتو انا هعمل محضر والله مسكت ع حقي وحسبي الله ونعم الوكيل فيها وف مامتها

:
‏Book your appointment now to shine like a princess! 👰‍♀️💄”

— for Reservations call us ☎️📞01015066292

Morning ✨🤍

ي جماعه اي حد يبعت رسايل يبعت ع البيدج مش ع الواتس لان في مشكله او للحجز. يتصل فون 01015066292
لحد م المشكله تتحل

هتكلم ف الموضوع ده ب التفصيل عشان انا عانيت منو بجد 👍🏻👍🏻

بصوا بقي 🫠
لما العروسة بتكون عاملة بخار او دخلت غرفة استيم تعمل حمام مغربي او عاملة شمع او حاطة مرطب حتي لو قبلها وعدي كذا ساعة
الحاجات دي بتعمل طبقة عازلة عن الميكب
مهما حطيت البيز ومهما حاولنا ندمج البشرة نفسها بتطرد الميكب
ده مش بيكون عيب ميكب ولا ميكب ارتست
ده مشكلة ان البشرة مش قابلة الميكب كل الحاجات دي ممنووووووعةةةةةةةةةة
احنا مش بنغلس عليكم نمنعكم من الحاجات دي غلاسة ده لمصلحتك وعلشان فينش الميكب وثباته
اسمعوا الكلام بقي هنهار والله 😭😭😭

تعديل الحل اهو يبنات :
المرطب ممنوع تحطيه لي قبل متجيلي السنتر يوم مناسبتك ؟

لان في انواع مرطبات بتسيح الميكب وفي انواع بتطلع ميه من البشره كده دي مش مناسبه ليكي فبالتالي مع طلوع الميه بتطرد الميكب 🩷