Dr/Nehad Ghareeb Salim Mohammed.

الاطفال دول لقيتهم ساكتين ف المترو وشفايفهم بتتحرك ..قربت منهم لقيتهم بيسبحوا ربنا … واحد فيهم ماسك عداد تسبيح والتانيين مغمضين عيونهم وبيسبحوا
زعلت علي حالي وحال عيالنا .
لقيت ابوهم بيكلم امهم علي افكار للناس اللي بتدور علي خير ومش عارفين يعملوا ايه ..لو عايز تعمل صدقة جارية ب 5 جنيه .
استئذنته اسجل كلامه واكتبه بعد كده في بوست
قالي :
‏١) ادخل أي جامع هتلاقي على رف المصاحف، مصاحف قديمة، امسك كل مصحف اقرأ فيه ٥ دقايق وبعدين امسك المصحف اللي بعده، ودا عشان الناس لما بتدخل الجامع بياخدوا المصاحف الجديدة وأصحاب المصاحف المركونة من زمان ماحدش بيتجة ليهم، فاقرؤا بنية ثواب لكم وثواب لأصحابهم، ياعالم عايشين ولا متوفيين، وفي الحالتين أكيد محتاجين ثواب ويكون جاي من ناحيتك ليه لا
‏
‏٢)سدد فلوس من على ناس غير مقتدرة ف الصيدلية / سوبر ماركت /مصاريف مدارس ..
‏
‏٣)في فكرة جميلة كنت قرأتها.
‏نشتري صابونة مثلاً ونسيبها في مسجد ونحط نية فيها إن يارب كما سهلت على عبادك الطهارة يارب طهرني من ذنوبي ونوايا كتير.
‏
‏٤) قرأت بوست قبل كده لحد كان بيعمل كالاتي
‏كفن كل شهر يحطه ف جامع او جمعية شرعية او مستشفي.
‏ييجي الميت يشهدلك عند ربنا بانك كنت سبب ف ستره
‏
‏ومرة تطلع رجالي ومرة اطفال ومره حريمي
‏
‏٥) ممكن تشتري تفاسير للقرءان و تسيبها ف اي مسجد عشان تكون قراءة بفهم و تدبر
‏
‏٦) اشتري مصاحف و اذكار الصباح و المساء و سيبهم في الجامع
‏
‏٧) لما تشتري طلبات بيتك حاول ميكنش من سوبر ماركت كبير خليه من شخص بسيط بنيه جبر خاطره وتوسيع رزقه ، ف كلتا الحالتين هتشتري ونفس المبلغ بس الفرق كبير
‏
‏٨) بدخل علي اي أكونت حد متوفي واقرأ بوستاته الدينية وأسمع فيديوهات القرآن اللي فيه ولو قابلني فيديو ب اغنية اقلبه ومسمعهوش وبدعي ليه بالمغفرة والرحمة
‏
‏٩)لما تعمل حاجه حرام طلع صدقه بعدها علطول
‏
‏١٠) اي حاجة اتعلمتها اعلمها لغيري وافضل معاه لحد مايتقنها حتى لو نفس مجال شغلي
‏
‏١١)كل ما سمعت أو علمت ب وفاة أحد قريب أو غريب اُخرج له صدقه بنية أن يرحمه الله ويخفف عنه الحساب وظلمة القبر ووحشته
‏
‏١٢)فيه فكره صدقة جارية تأثيرها كبير في الأطفال والثواب
‏نشتري أجزاء صغيرة من القرآن زي جزء عمّ او العشر الأخير تكلفتها من ٨-١١ ج
‏نوزعها على مدرسة او فصل او درس .
‏كده ثواب علي حفظ وقراءه القران
‏
‏ويبقى لنا أجر عظيم كل مرة يتعلموا أو يقرأوا فيها.
‏ويكون أثرها كبير في الدنيا والآخرة.
‏
‏١٣) ادعي دعوة سيدنا عمر بن الخطاب ف السجود "اللهم ارزقني الشهادة ف سبيلك و الدفن ف بلد رسولك "
‏
‏١٤)توزيع سبح عادية او إلكترونيه علي امهاتنا وقرايبنا ومحبين الذكر وتشجيعهم عليه
‏حيكون هدية حلوة وصدقة جارية
‏كتير منهم بيسبحو بالالاف
‏
‏١٥)لو طفل صغير بيبيع حلويات أو سمسمية أو أى حاجة تتاكل، إشتري منه وإفتحله واحدة ياكلها من اللي إشتريتها، هيفرح أوي وهتجبر بخاطره
‏
‏١٦)مصلية تحطها فى مكان شغل او فى الجامعة هتاخد ثواب اي حد هيصلي عليها ان شاء الله
‏
‏١٧)تطبع دعاء الخروج من المنزل و تحطه على بوابة عمارتك ف هتاخد ثواب اي حد يقرأه بسببك ان شاء الله
‏
‏١٨)لو لقيت اي قطة عند اي محل بتدور على أكل اشتري علبة زبادي و حطها عند المحل و هتاخد ثواب اي قطه هتاكل منها بسببك ان شاء الله
‏
‏اللهم اجعل أعمالنا صالحة ولوجهك الكريم خالصة ولا تجعل للناس ولا للشيطان منها حظا ولا نصيبا وتقبلها منا بقبول حسن يا ارحم الراحمين
‏
‏منقول

الحقيقة اللي محدش بيقولها بعد العيد…

المشكلة مش في أكلة العيد…
ولا في قطعة حلويات…
ولا حتى في الفتة والرقاق…

المشكلة إن ناس كتير بعد العيد بتستسلم. 😔

يقول:
“خلاص باظت…”
“أبدأ الشهر الجاي…”
“السكر اتلخبط ومفيش فايدة…”

بس الحقيقة؟

✨ 5 أيام فقط ممكن يفرقوا فرق كبير جدًا.

ممكن يرجعوا جسمك للتوازن.
ممكن يقللوا الانتفاخ والخمول.
ممكن يساعدوك ترجع تتحكم في شهيتك.
وممكن يكونوا بداية رجوع أرقام السكر للمسار الصحيح.

💙 علشان كده عملت لكم:

تحدي_الإنقاذ_5_أيام

التحدي مناسب لـ:

✔ مرضى السكر النوع الأول.
✔ مرضى السكر النوع الثاني.
✔ أي شخص هدفه خسارة الوزن واستعادة نشاطه.

ولأن احتياجات كل شخص مختلفة…
فأنا جهزت ملف خاص لكل فئة.

👇 اكتب في التعليقات:

💙 نوع أول
💚 نوع ثاني
🔥 خسارة وزن

واكتب هدفك الحالي:

“عايز أظبط السكر”
“عايزة أقلل الارتفاعات”
“عايز أخس”
“عايزة أرجع للطاقة والنشاط”

وأنا هبعتلك الملف المناسب.

🍽️ وعلى مدار 5 أيام هننزل وصفات وأفكار عملية وسهلة تساعدك ترجع للتوازن بدون حرمان وبدون تعقيد.

مين جاهز يبدأ معانا؟

اكتب:
**أنا معاكم في التحدي

🪬🙋‍♀️عاوزك تركز معايه علشان فى أدوية كثيرة بتسبب زيادة الوزن أو ثبات الوزن 🧑🏼‍🩰🧑🏼‍🩰🧑🏼‍🩰
بسبب زيادة الشهية، احتباس السوائل، أو تقليل معدل استهلاك الطاقة. من أهمها:

1. أدوية الاكتئاب والاضطرابات النفسية

* Paroxetine
* Mirtazapine
* Amitriptyline
* Lithium

2. مضادات الذهان

من أكثر الأدوية ارتباطًا بزيادة الوزن:

* Olanzapine
* Clozapine
* Quetiapine

3. الكورتيزون🎯

مثل:

* Prednisone
* Dexamethasone

يسبب زيادة الشهية واحتباس السوائل وتراكم الدهون خاصة في البطن والوجه.🤹🏼‍♀️

4. أدوية السكر🧁🧁

بعضها قد يزيد الوزن:

* Insulin
* Glimepiride
* Gliclazide

5. بعض أدوية الضغط والقلب❤️

* Metoprolol
* Atenolol

بتقلل النشاط البدني وتؤثر على معدل الحرق لدى بعض الأشخاص.

6. أدوية الصرع🫟

* Valproic Acid
* Gabapentin
* Pregabalin

7. وسائل منع الحمل الهرمونية💊💊

ممكن تعمل زيادة بسيطة في الوزن أو احتباس سوائل عند بعض السيدات.

إذا كان الوزن ثابتًا رغم الدايت
كمان فى اسباب ندور فيها🧲🧲🧲

* قصور الغدة الدرقية.
* مقاومة الإنسولين.
* اضطرابات النوم أو انقطاع التنفس أثناء النوم.
* التوتر المزمن وارتفاع هرمون الكورتيزول.
* نقص النشاط البدني.
* بعض الاضطرابات الهرمونية مثل Polycystic O***y Syndrome لدى السيدات.pco

١٠ علامات بتبين إنك بتنزل دهون بشكل صحيح 👌
1- مقاسات جسمك بتقل حتى لو الميزان ثابت
2- هدومك بقت أوسع ومريحة أكتر
3- نسبة الكرش أو الدهون في مناطق معينة بدأت تقل
4- طاقتك ونشاطك أحسن طول اليوم
5- نفسك في الأكل بقى أهدى ومفيش نهم مستمر
6- نومك اتحسن وبقيت تصحى أريح
7- جسمك بقى مشدود أكتر مش مرهق أو “مطفّي”
8- قوتك في التمرين ثابتة أو بتتحسن
9- نزول الوزن بيكون تدريجي ومنطقي مش سريع جدًا
10- حالتك النفسية أحسن ومفيش عصبية أو دوخة طول الوقت

نزول الدهون الصح مش معناه تجويع…
نزول الدهون الصح إن جسمك يخس ويحافظ على صحتك وعضلك في نفس الوقت 🤍

أي حقن تخسيس ممكن يكون ليها أعراض جانبية
لكن غالبًا بتكون بسيطة ومؤقتة زي 👇🏻
غثيان
انتفاخ
إحساس بعدم الراحة في المعدة
فقدان شهية
📌 وده بيحصل لأن الجسم لسه بيتأقلم
لكن في حالات لازم ننتبه لها ⛔
لو الأعراض شديدة أو مستمرة لازم ترجع للدكتور
💡 نقدر نقلل الأعراض عن طريق 👇🏻
انك تبدأ بجرعات تدريجية ✔️
الأكل بشكل متوازن ✔️
شرب مياه كفاية ✔️
📌 المهم تعرف إن المتابعة الصح هي اللي بتفرق
💬 لو عندك تجربة مع الأعراض دي قولنا حصل معاك إيه 👇

الوزن مش بيرجع بسبب الدايت
بيرجع لما ترجع لنفس عاداتك

لو رجعت لنفس الأكل العشوائي 🍔
وقلة الحركة 🛋️
والسهر ونفس روتينك قبل كده
طبيعي جسمك يرجع لنفس النتيجة
💡 التخسيس الحقيقي مش فترة مؤقتة
ده أسلوب حياة تقدر تكمل عليه 🔄
علشان كده مش أهم حاجة تنزل بسرعة⛔
الأهم إنك تعرف تحافظ علي روتينك

💬 شاركنا ايه أكتر عادة حاسس إنها بتعطلك؟ 👇

لو بتاكل كتير ومن غير سبب؟ 🫵
دي حاجه إسمها FOMO ⛔
أو Fear Of Missing Out
الخوف إننا نفوت لحظة حلوة 😅
عيد ميلاد؟ لازم آكل تورتة 🎂
خروجة؟ لازم أكل فاست فود وأبوظ الدنيا 🍕
أوبن بوفيه؟ أكل زيادة عشان الفرصة مش هتتعوض 🍽️
العيد؟ يبقى نفطر ونتغدا ونتعشا فتة🍲
المشكلة إننا ساعات بناكل علشان المناسبة...مش علشان إحنا جعانين فعلًا
ومع الوقت بنفقد القدرة نفرق بين👇🏻
✔️ الجوع الحقيقي
❌ والجوع العاطفي او الرغبة في المشاركة
أو الخوف من فوات اللحظة
وده ممكن يخليك تاكل أكتر من احتياج جسمك من غير ما تاخد بالك
📌 استمتع بالمناسبة عادي جدًا...بس اسأل نفسك الأول
هو أنا جعان فعلًا؟ ولا خايف أفوت اللحظة؟
💬 حصلت معاك قبل كده إنك أكلت لمجرد إن اللي حواليك بيأكلوا؟ 😅👇

٧٠٪؜ من المرضى اللى عندهم سمنه ومقاومه انسولين عندهم التهابات شديده جدا وشوارد حره بتدمر اسطح التمفصل … علشان كدا هتلاقى عندهم اوجاع الخشونه فى مفصل الركبه او الم شديد اسفل الظهر .
الناس دى ليها عندى النصيحه👇🏻👇🏻👇🏻👇🏻👇🏻
اولا 👈👈ظبط الفيتامينات بعد التحاليل
Vitamin D3,, k2 ,,,zinc,,calcium,,,magnesium
ثانيا
متنساش شوربه الكوارع 🥘🦴🦴والبنجر دول مهمين جدا لانهم هيوفروا الكوندروتين والكولاجين والطاقه ومضادات الاكسده اللى هتساعد فى ترميم المفصل
ثالثا
لازم تاكل ٣ مرات اسبوعيا اسماك
سالمون سردين تونه 🤚🏻مش جمبرى ياصديقى الكلام واضح 🤛🏼
رابعا
خد الوصفه دى واعملها شهر وادعى لى 🙌🏻
معلقه من حب الرشاد ومعلقه من كركم ورشه فلفل اسود على كوب لبن رايب مره يوميا 👈سحر فى تقليل الالتهاب🫣
خامسا
بالله عليك وقف عيش بدقيق ابيض 🥐🥯🍞🥖🍕ومكرونات وسكريات والالبان وبقوليات والكربوناتت درينك يعنى المياه الغازيه😎
سادسا
كدا كدا هتقلل وزنك 🧑🏼‍🩰🧑🏼‍🩰وتظبط سعراتك علشان نزول وزنك هو الحل الوحيد لوقف زياده القوى الاحتكاكية لاسطح التمفصل اللى بدمر المفصل👀👀مركز معايه
سابعا
متنساش الكمدات الدافئ للمفصل💦🫧🦿 واتعرض للشمس 🌝وقلل الوقوف فترات طويله 🦵او طلوع السلم. 🤚🏻لكن لازم تتمشي حتى لو عشر دقايق يوميا🚶🚶👌🏻
اخيرا
قلل التوتر والعصبيه علشان دا هيقلل من شده ووتيره جسمك وهيساعد على الاسترخاء وتقليل الالم بصفحه عامه لانه هيقلل هرمون الكورتيزول🥹🫵🏽🫵🏽🫵🏽

لو عجبتكم الحكايه اكتبلى وانا هحكى لكم حكايات طبيه هتفيدنا فى حياتنا اليوميه
اخصائيه تغذيه علاجيه للسمنه والنحافه وأمراض مزمنة
نهاد غريب سليم

الجديد عندي بفضل الله ✌🏻✌🏻✌🏻✌🏻