Solai’s Nails (2026)

15/06/2022

OMBRÉ NAILS 🍭

-

11/06/2022

عايزه حل لضوافرك! طيب هتعرفي تعالجيها ازاي و انتي مش عارفه ايه المشكله اساساً 👇🏻

تعالو اقولكوا على اكتر 4 حاجات بنعملها غلط لضوافرنا فـ بالتالي بيحصل ( تقصف ، تكسير ، انشقاقات، جفاف الخ .. )

تقريباً دي اغلب مشاكل الضوافر ال بتقابلنا كـ بنات عشان بنبقى حابيين نهتم بيها فـ اولاً :

‎1 - جفاف الضوافر ❌

‎ عارفه بيحصل ايه لما مبترطبيش ضوافرك! ايه دا هي الضوافر بتترطب؟!
اه طبعاً و لو مترطبتش كفايه بيحصل 50% من مشاكل الضوافر ان مكنتش كلها زي ( التقصف ، التقشير ، قابليه للتكسير من اقل سبب ) طب ارطب ضوافري ازاي .. ؟!
هقولك ..
فيه products مُخصصه لترطيب الايد و الضوافر فقط زي ( Vaseline nail cream , Amanda nail cream ) مكونين من Vitamins الجلد محتاجها لو معندكيش حاجه منهم ممكن ب اي كريم مرطب او فازلين العادي ترطبي المهم يكون فيه ترطيب مستمر صدقيني هيغنيكي عن مشاكل كتير و حاجه بسيطه جداً بس بتفرق ف صحة الضافر .

‎2 - ازالة الجلد الميت❌

ازالة الجلد الميت من اخطر و اكبر الاخطاء ال بتعلمها اي بنت و هي مش حاسه .. تعالي اقولك انتي بتعملي ايه
اقولك الاول ايه وظيفة الجلد دا حتى لو ميت 😅 اه والله ليه فايده و عظيمه كمان ، الجلد دا هو المسؤول عن حماية الضافر الجديد خلي بالك ( الضافر الجديد يعني الضافر ال بيطلع او بيتسبب ف الطول ) بيحميها من جذر الضافر بيحميها من البيكتريا و الفطريات و اي infection ممكن يحصلها ف guess what?!
انتي مجرد م بتشيلي دا عرضتي الضافر للخطر بمعنى اصح بكتيريا بقى على فيروسات على تلوث و infections قد كدا تخلي ضوافرك تموت مش بس متتطولش!

منطقة الجلد الميت دي اكتر منطقه حساسه في تكوين الضافر عشان هي ال بتتحكم ف حماية الضافر و صحته ف سهل تصاب بالجفاف و الالتهابات و تلف و infections زي م قلت من شويه .
حبيت اعرفك حجم الدمار ال بتسببيه بشكل مستمر لضوافرك و مش كتير عنده علم بحاجه زي دي اتمنى تحافظوا عليها.

‎3- اهمال الـ Base coat ❌

طبعاً احنا لو نعرف ايه بيحصل للضافر لو حطينا مانيكير كدا عليه ع طول زي م ( اغلبنا بيعمل ) مش هنعمل كدا تاني
الـ بيحصل بقى لما مبنحطش طبقه اساسيه قبل اي مانيكير انه الضافر مهما مسحتي بياخد لون خفيف بنسبة 3% و لو ضوافرك ضعيفه النسبه بتزيد ، مرا على مرا هتلاقي ضوافرك صفرا و دا بيحصل كتير و مبنكونش عارفين السبب اهو دا سبب بنسبة 70% و ال 30% التانين سوء تغذيه و قلة كالسيوم ف الجسم هنبقى نتكلم عنهم بعدين .

الاسيتون ال كل شويه تمسحي بيه دا بيجفف الضافر جداً جداً فوق بقى اللون ال اتاخد ع الضافر ال هتحسي بيه مع الوقت هتلاقي ضوافرك ناشفه و جافه و لونها اصفر و مش هتحبي المنظر دا نهائي
ف لازم تحافظي على الطبقه الخارجيه للضافر ب استخدام الـ Base coat قبل اي حاجه .

‎4- برد الضوافر رايح جاي ❌

عارفه بيحصل ايه لما بتبردي ضوافرك بالطريقه دي ! انتي بتموتي خلايا الضافر الخلايا ال متكون منها الضافر نفسه بتهديها مبتديهاش فرصه تنمو ولا تنتظم ف بتموت الخلايات دي ،
لازم تبردي ف اتجاه واحد فقط حتى عشان تنظمي او بالبلدي تعودي خلايا ضافرك ع اتجاه معين ف ضوافرك تفضل بشكل معين ف لما تطول شويه تلاقي شكلها منظم حتى من قبل م تبرديها متكونش بشكل عشوائي .

فيه نصايح كتير هكلمكوا عليها ف الـ posts الجايه ب اذن الله مهمه جداً ولازم نخلي بالنا من الحاجات البسيطه دي عشان بتفرق جداً ف صحتنا

دُمتم جميلات🫰🏻💗