Ahmed Gabr

دي سلسله بنتكلم فيها عن مرض شائع :تعريفه /اسبابه /مضاعفاته /طرق الوقايه
اول مرض هنحطه تحت المجهر هو الصغط
علشان في ١.٢٨مليار بني ادم مصابين بيه

#اول حاجه يعني إيه أصلا ضغط الدم ؟؟

ده مرض مزمن مزمن مزمن يعني مستمر مع الإنسان طول الحياه
بيحصل لما الصغط جوه الشرايين يزيد لفتره طويله وده بيحصل غالبا والإنسان مش مدرك ده علشان كده اسمه القاتل الصامت لأنه بيحصل غالبا بدون أعراض يعني ممكن الإنسان يكون عنده المرض ده وهو مش حاسس يفضل عايش بقا منغير أدويه الضغط لحد ما يبداً يظهر عليه أعراض وهنا بتكون حصلت مشاكل كتير

والمعدل الطبيعي ليه ١٢٠/٨٠

#نيجي للأسباب

*ممكن يكون بسبب عوامل وراثيه : لما بيكون اكتر من فرد في العيله مصاب بالمرض ده في الحاله دي ممكن يكون الفرد فعلا عنده الضغط أو نسبه خطر الاصابه بيكون مرتفع عنده
*أو ممكن يكون بسبب عادات غير صحيحه زي التدخين والكحولات ونظام غذائي غير متزن زي الملح الكتير
*أو ممكنً يكون بسبب السمنه وقله الحركه
*وممكن يكون بسبب أمراض تانيه زي السكّر والكلى
*وبردّه التوتر والضغط النفسي ممكن ينتهوا بالاصابه بالضغط

#زي ما قولنا انه القاتل الصامت غالبا ممكن ميكونش مصاحب ليه أعراض علي الأقل في البدايات إلا انه ممكن يظهر معاه بعض الأعراض زي مثلا

الصداع ،دوخه،عدم اتزان،رؤية مشوشه،نزيف الأنف ،ضيق تنفس

#نروح بقي لأخطر حاجه المضاعفات
حدث ولا حرج
نوبة قلبية أو سكته دماغية
مشاكل في الكليه ممكن تنتهي بالفشل الكلوي
مشاكل في الرؤية والعين ممكن تنتهي بفقدان البصر
ضعف الذاكرة
تضخم عضله القلب


مينفعش نستنى المرض لحد ما يجي وادخل في دوامه من الادويه طالما بإستطاعتنا ان نمنع ده

*لازم على قد ما نقدر نقلل الملح في الأكل يعني حولي ملعقه صغيره بالكتير خالص في اليوم

*الرياضه على الأقل المشي ٣٠ دقيقه

*المحافظة على الوزن الصحي دايما افتكر ان كل كيلو زياده ده حمل على قلبك

*وقف أي نوع من أنواع التدخين وتجنب الوجود في اي مكان فيه ناس بتدخن

*تقليل الكافيين والمواد المنبهة خصوصا لو بتشرب قهوة أو مشروبات طاقة كتير

*النوم الكافي من ٧ل٩ ساعات يوميا

*الابتعاد عن أي مسبب للتوتر والضغط النفسي

*نظام غذائي متوازن على قد ما نقدر
آخر حاجه لازم نعمل فحوصات دورية بشكل منتظم علشان نكتشف أي مرض اول بأول لأنه ده بيفرق جدا في تحديد مرحله أي مرض
ودايما كل ما بنكتشف المرض بدري بيكون علاجه اسهل

وافتكر دايما ان
واخيراً ده كان