Zuber midnimo

Shacabka sharafta leh ee Soomaaliyeed ee ku nool Dawlad Deegaanka,
Waxaan maanta halkan ka istaagnay si aynu runta u sheegno oo aynu u dhaliilno hoggaanka Madaxweynaha hadda jooga, Mustafe Cagjar.
Mudane Mustafe wuxuu ku yimid rajo iyo balanqaadyo badan. Wuxuu sheegay inuu bulshada u keeni doono cadaalad, horumar iyo hoggaan cusub. Laakiin maanta, runta ka muuqata deegaanka waa mid aad uga fog hadalladii iyo balanqaadyadii uu sameeyay.
• Hoggaankiisu waa mid aan joogto lahayn – Maanta wuxuu leeyahay hal qorshe, berrina mid kale ayuu la yimaadaa. Ma jiro jihayn cad oo bulshada lagu hago.
• Go’aamada waxaa gacanta ku haya koox kooban – Shacabka iyo golayaasha sharci dejinta laguma tixgeliyo, taasina waxay meesha ka saartay dimuqraadiyaddii iyo ka qaybgalka bulshada.
• Qabiil iyo kooxaysi – Halkii uu hoggaaminta ka dhigi lahaa mid mideysa bulshada, wuxuu u muuqdaa hoggaan dano gaar ah iyo qabiil ku xeeran, taas oo kala qaybin ku sii kordhisay deegaanka.
• La xisaabtami la’aan – Maamulka Mustafe waa mid ka fog isla xisaabtan. Musuq iyo maamul xumo ayaa ku fiday, balse jawaab dhab ah looma helo.
• Hadal badan, ficil yar – Madaxweyne Mustafe waa nin hadal fiican, laakiin fulinta iyo waxqabadka shacabka wax loogu qabto waa mid aad uga hooseeya hadalladiisa.
• Shacabka lama tixgeliyo – Waxbarashada, caafimaadka, shaqo abuurka iyo adeegyada bulshada muhiimka ah waa la dayacay, iyadoo mudnaanta lagu xareeyo siyaasad iyo sawir siyaasadeed.
Shacabweynaha deegaanka, hoggaan sidan oo kale ah maaha mid na gaadhsiin kara horumar, cadaalad iyo nabad waarta. Waxaan maanta cod dheer ku sheegayna: ninkani waa hoggaan fashilmay, oo bulshada ka fog, waxaana lagama maarmaan ah in hoggaan cusub oo dhab ah, hufan oo dadka u adeega la keeno.

Bismillaahi Raxmaani Raxiim.
Asalaamu Calaykum waraxmatullaahi wabarakaatuh,
Mudane/Maro sharaf leh, iyo dhammaan dadweynaha qiimaha badan ee halkan na kala socoda
Waxaan maanta khudbaddayda ku soo qaadanayaa laba qodob oo aad muhiim ugu ah bulshada Soomaaliyeed ee ku nool Dawlad Deegaanka Soomaalida.

• Sanadkan waxa dhacday arrin naxdin leh oo ah in kumannaan arday ay ku dhacaan imtixaankii fasalka 12aad.
• Dhicitaankaasi ma ahayn mid ku salaysan kartida ardayda oo keliya, balse wuxuu ahaa natiijo ka dhalatay dayacaad iyo nidaam la’aan dhanka waxbarashada ah.
• Arday badan waxa ay ahaayeen kuwo dadaalay, balse waxaa la waayay manhaj mideysan, macallimiin tayo leh iyo agab waxbarasho oo ku filan.
• Dhicitaanka ardaydu waa dhaawac maskaxeed iyo niyad-jab ku dhacay qoysas iyo waalidiin badan oo maal iyo waqti badan ku bixiyay waxbarashada carruurtooda.
• Waxa la ogaaday in imtixaanka iyo diyaarintiisii ay ahayd mid lagu sameeyay qaladaad badan, taasoo muujisay maamul xumo weyn.

• Dawlad Deegaanka Soomaalida ayaa dayac weyn ka muujisay waxbarashada, iyadoo aan mudnaan siin manhaj tayo leh iyo agab lagu baro ardayda.
• Wasiirka iyo masuuliyiinta waxbarashadu waxa ay ku fashilmeen sidii loo ilaalin lahaa tayada imtixaanka iyo nidaamka waxbarashada guud ahaan.
• Maamulka waxbarashada deegaanka waxa uu noqday mid ku shaqeeya siyaasad iyo eex, halkii uu ka ahaan lahaa mid ka shaqeeya mustaqbalka ardayda.
• Waxaa muuqata in lacag badan la geliyo meelo kale, halka waxbarashada carruurta Soomaaliyeed lagu dayacay si cad.
• Dhicitaanka ardayda oo kumannaan gaadhaya waxa uu muujinayaa fashilka nidaamka waxbarashada, waxaana masuuliyadda dusha looga tuuri karin ardayda keliya.
• Bulshadu waxay xaq u leedahay in ay su’aalo adag waydiiso maamulka deegaanka: Maxaa loo dayacay waxbarashada? Maxaa loo diyaarin waayay imtixaan tayo leh? Maxaa ardayda loogu ciqaabay qaladaad maamulka ka dhacay?

Ardayda dhacday waa carruur Soomaaliyeed oo mustaqbalkooda la burburiyay, waana waajib in mar labaad loogu celiyo waxbarashada? Maxaa loo diyaarin waayay imtixaan tayo leh? Maxaa ardayda loogu ciqaabay qaladaad maamulka ka dhacay?

Ardayda dhacday waa carruur Soomaaliyeed oo mustaqbalkooda la burburiyay, waana waajib in la raadiyo xal degdeg ah.
Waxbarashadu waa laf-dhabarta horumarka, haddii la dayaco, mustaqbalka bulshada oo dhan ayaa mugdi galaya. Sidaas darteed, waxaan ku baaqayaa in:
• Dib-u-habayn degdeg ah lagu sameeyo nidaamka waxbarashada.
• Wasiirka waxbarashada iyo masuuliyiinta kale ay ka jawaabaan fashilka dhacay.
• Ardayda dhacday fursad labaad la siiyo si cadaalad ah.
Wa Bilaahi Towfiiq.