Oromiyaa Jiituu

Baga Irreecha Malkaa nagaan geessan.

‎Irreechi sirna galateeffannaa Oromooti. Oromoon ‘Sanyiin namaa horee kan baay’atu, kan faca’e du’aa ka’ee ija kan godhatu, atoomsaafi gargaarsa humna waaqaatiini’ jedhee dhugeeffata. Irreechi yoo gahu Waaqa Leemmoo garaa Taliilaa waan isaa godheef galateeffatee; kan dhufuuf araaraafi wagii gaafachuuf ‘hoo quba’ kan jedhuuf kanaafi.
‎Akka falaasama Oromduriitti, Oromoon bishaaniif iddoo guddaa qaba.Bishaan madda qulqullinaa, bu’uura uumamaafi jireenyaa godhee dhugeeffata. Yoo kadhatus ‘Waaqa uumaa, Waaqa uumamaa, Waaqa Burqaa Walaabuu’ jedha.
‎Irreechi bara kanaa wayita Itiyoophiyaan bishaan laga Abbayyaa fedhii Anniisaa lammiilee ishee guutuuf ,Hidha Haaromsaa Guddicha Itiyoophiyaa eebbifattetti, kabajamuun isaa gammachuu keenya dachaa taasisa.Baga gammaddan! Baga gammanne !
’Sabni malkaa hin qabne, Saba mataa hin qabne’! akkuma Oromoon jedhu, biyyi ulaa galaanaa hin qabne, biyya jiruu hin qabne jennee, uummata keenyaaf badhaadhina fiduuf; Hulaa Galaanaa karaa seeraafi nagaa bu’uureffateen qabaachuuf hojjachaa jirra. Tattaaffiin roga Kanaan gochaa jirrus addunyaa biratti fudhatama argachaa jira.
Waggoottan darban keessatti; ilaalama haaraa, falaasama ida’amuutiin masakamnee; qabeenya, muuxannoofi beekumsa biyyi qabdu,uummata keenya waliin hooggansa bilchaataafi kutannoon guutame kenninee, Waaqnis nu gargaaree rakkoowwan heddu keessatti jijjiiramoota raajii ta’an galmeessinee jirra.
‎Bara 2018ttis, duudhaalee Irreechaa; nagaa, araaraafi tokkummaa kudhaammannee, olka’iinsa biyya keenyaa mirkaneessuuf, qormaataaf osoo hin jilbiiffatin cichinee akka hojjannu dhaamuun barbaada.
‎Irra deebiin Irreechi kan milkii nuuf yaa ta’u! Qarruu Malkaa oofkalaa ! Gadaan Quufaaf Gabbina.
‎Itiyoophiyaan tattaaffii ijoollee ishiitin sodaatamtee, kabajamteefi badhaatee bara baraan haa jiraattu !
‎Waaqni Itiyoophiyaa fi ummattoota ishee haa eebbisu !
‎Fulbaana 23, bara 2018

Barreessaa fi Daarektara Diraamaa Araddaa Galataa Ijaaraa tiif Jaalala Kessaan Ibsaafi.....
Guyyaa Gaarii Isiniif Haata'u.

GALAANOO - Kemer Yousuf and Yosan Getahun - New Ethiopian Oromo Music 2025 (Official Music Video) GALAANOO - Kemer Yousuf and Yosan Getahun - New Ethiopian Oromo Music 2025 (Official Music Video)Lyrics and melody: Yosan GetahunMusic Arr and Mixing: Ras Ha...

With Yasin Bula – I'm on a streak! I've been a top fan for 9 months in a row. 🎉

MAAL SI GOONE BISHOOFTUU?
(Walaloo kana bara 2016 G.C dhumaatii Irreechaa boodan barreesse. Har’a dhugaan isaanii dagatameera.)

Madaan jiru xiqqaannaan
Ammas madaa dhalchitee?
Ililleedhaan nu simtee
Boo'ichaan nu galchitee?
Maal si goone Bishooftuu
Maaf nutti taate burree?
Ati dur durii kaastee
Bakka nagayaa hin turree?
Gala malee hambiste
Warra galataaf yaa'e
Dhiigni lammiifi fira kee
Akkamiin siif sifaa'e?

Sin gaafadha Bishooftuu
Naaf deebisi dirqama
Eessa deeme eebbi kee
Inni jaarraa digdamaa?
Akkamiin nu galchitee
Dacheefi biyyoo kee gidduu
Lammii koo hin nyaadhu jettee
Afaan cufattee hin didduu?
Gammachuufi eebba malee
Hin beektu dhiiga agartee
Har'a maaltu hammaannaan
Seenaa darbe dagattee?
Maaliif nu boossistaree
Atis akka alagaatti?
Namni yoo garaa jabaate
Laftis garaa jabaattii?

Onkolooleessa 03, 2016 G.C
Yaadannoo uummata keenya Irreecha Bishooftuurratti wareegamaniif!

Waaqayyo nagaan nu baasee nagaan nu haa galchu! Hamaafi gadda nu haa oolchu!