Bump & Beyond

當你有機會，你會唔會願意比時間自己，咩都唔做，只係靜靜地飲杯花茶？🍵

每日為工作、為生活忙碌，好多女仔嚟到工作室，坐喺梳化第一句就係話：「過埋今日終於可以唞下。」

喺香港呢個急速嘅環境，我哋太習慣要「有用」、要「有生產力」，口邊成日掛住「做埋先，聽日先唞」。

適當嘅留白唔代表浪費時間，而係喺「呢一刻」寬容自己，可以暫時放低各種角色，俾一直繃緊嘅身心叉下電。

其實店主我自己有時都會唔覺意排到啲 schedule 好密，成日心諗「過多一個星期就有得唞啦」，但事實上永遠都係去到中途，就突然有一日會 burnout（以前仲要死都唔肯認，死頂）
[大家唔使懷疑，我係獅子座 🙂‍↕️🦁]

結果發現呢個惡性循環，反而會更影響效率、生活，甚至健康。

適當咁留白，學習同自己相處，有時真係會有意想不到嘅收穫。🙌🏽

遲啲再同大家分享下，我平時會點樣俾自己放空同「頹廢」一下！😆

留言話我知，你平時最鍾意點樣俾自己「停一停」？🫶🏼