Uber kochi dude

മറ്റ് തൊഴിലാളികൾ പട്ടിണി കിടക്കുമ്പോഴും കുട്ടത്തിൽ നിന്ന് കുത്തുന്ന കരീം കാലികൾ

ലാസ്റ്റ് ഞൻ ഇട്ട വീഡിയോ കാര്യം അറിയാതെ എന്നെ തെറി പാർജവർ അറിയാൻ എല്ലാവർക്കും ഇഷ്ടം ഉള്ളത് choce ചെയ്യാനാ അവകാശം ഒക്കെ ഉണ്ട് പക്ഷെ അത് ഒന്നും ഇവിടെത്തേയ് നിയമത്തിൻ്റെ മുകളിൽ അല്ലാ തോന്നിയ പോലെ ജീവിക്കാൻ ഇത് നാഥൻ ഇല്ല കളരി ഒന്നും അല്ല ഒരു സിസ്റ്റം ഉണ്ട് സ്വകാര്യ ഇരുചക്ര വാഹനങ്ങളിൽ അനധികൃത യാത്ര: 1.18 ലക്ഷം രൂപ പിഴ ഈടാക്കി മോട്ടോർ വാഹന വകുപ്പ്

സ്വകാര്യ ആവശ്യങ്ങൾക്കായി രജിസ്റ്റർ ചെയ്ത ഇരുചക്ര വാഹനങ്ങളിൽ പെർമിറ്റില്ലാതെ അനധികൃതമായി യാത്രക്കാരെ കയറ്റിയ 36 വാഹനങ്ങൾക്കെതിരെ മോട്ടോർ വാഹന വകുപ്പ് നടപടി സ്വീകരിച്ചു. ആകെ 1.18 ലക്ഷം രൂപ പിഴ ചുമത്തി.

ആർ.ടി.ഒ എൻഫോഴ്‌സ്‌മെൻ്റ് എറണാകുളം, കാക്കനാട്, കളമശ്ശേരി, ഇൻഫോപാർക്ക് മേഖലകളിൽ നടത്തിയ പ്രത്യേക പരിശോധനയിലാണ് നിയമലംഘനം കണ്ടെത്തിയത്.

​മൊബൈൽ ആപ്ലിക്കേഷൻ അധിഷ്ഠിത സർവീസ് നടത്തിയിരുന്ന വാഹനങ്ങളിൽ പലതിനും ഇൻഷുറൻസ് പരിരക്ഷയോ മലിനീകരണ നിയന്ത്രണ സർട്ടിഫിക്കറ്റോ ഉണ്ടായിരുന്നില്ല. സ്വകാര്യ വാഹനങ്ങളിൽ ഇത്തരം സർവീസ് നടത്തുന്നത് നിയമവിരുദ്ധമാണെന്നും അപകടമുണ്ടായാൽ ഇൻഷുറൻസ് പരിരക്ഷ ലഭിക്കില്ലെന്നും അധികൃതർ മുന്നറിയിപ്പ് നൽകി.

അനുയോജ്യമായ മാറ്റങ്ങൾ വരുത്തി ആവശ്യമായ പെർമിറ്റ്, ഫിറ്റ്നസ്, ഇൻഷുറൻസ് രേഖകൾ ഉറപ്പാക്കിയ ശേഷം മാത്രമേ യാത്രക്കാരെ കയറ്റി സർവീസ് നടത്താവൂ എന്ന് ആർ ടി ഒ എൻഫോഴ്‌സ്‌മെന്റ് പറഞ്ഞു.

​എൻഫോഴ്‌സ്‌മെന്റ് ആർ.ടി.ഒ ബിജു ഐസക്കിന്റെ നേതൃത്വത്തിൽ അഞ്ച് സ്ക്വാഡുകളായി തിരിഞ്ഞായിരുന്നു പരിശോധന.

ആപ്പ് അധിഷ്ഠിത യാത്രാ സേവനങ്ങൾ കൂടുതലുള്ള ഐ.ടി.-വാണിജ്യ മേഖലകളിൽ വരും ദിവസങ്ങളിൽ പരിശോധന കർശനമാക്കും.

ആളുകൾ സഹകരിക്കുന്നത് കാണുബോൾ സന്തോഷം ആദ്യം കാണുന്നത് ഇന്നും രണ്ടാമത്തേത് സത്തരൻ ദിവസങ്ങളിൽ കാണുന്ന വണ്ടികളുടെ തിരക്കും നമുക്ക് എല്ലാവർക്കും വേണ്ടി ഉള്ള സമരം ആണ് കുടെ നിൽകുക സഹകരിക്കുക

🚖 ഓൺലൈൻ ടാക്സി ഡ്രൈവർമാരുടെ അനിശ്ചിതകാല സമരം – നമുക്കെല്ലാവർക്കും ഒരുമിച്ച് നിൽക്കാം

നാളെ, 2026 ജൂലൈ 21 (ചൊവ്വാഴ്ച) മുതൽ സംസ്ഥാന വ്യാപകമായി ഓൺലൈൻ ടാക്സി ഡ്രൈവർമാരുടെ അനിശ്ചിതകാല സമരം ആരംഭിക്കുകയാണ്.

Uber ഉൾപ്പെടെയുള്ള വിവിധ ഓൺലൈൻ പ്ലാറ്റ്ഫോമുകൾ സർക്കാർ നിശ്ചയിച്ചിട്ടുള്ള ന്യായമായ യാത്രാനിരക്ക് പോലും നൽകാതെ, ഉപഭോക്താക്കളെ ആകർഷിക്കുന്നതിനായി ഡ്രൈവർമാരെ വളരെ കുറഞ്ഞ നിരക്കിൽ റൈഡുകൾ സ്വീകരിക്കാൻ നിർബന്ധിതരാക്കുകയാണ്.

അതോടൊപ്പം കമ്മീഷൻ, ഡ്രൈവർ പാസ്, GST തുടങ്ങിയ വിവിധ ഇനങ്ങളിലൂടെ ഡ്രൈവർമാരിൽ നിന്ന് വൻതുക ഈടാക്കി അവരുടെ അധ്വാനത്തെ ചൂഷണം ചെയ്യുകയും ചെയ്യുന്നു.

ഇന്ധനവില, വാഹനങ്ങളുടെ അറ്റകുറ്റപ്പണി ചെലവ്, ഇൻഷുറൻസ്, മറ്റ് പ്രവർത്തനച്ചെലവുകൾ എന്നിവ തുടർച്ചയായി ഉയരുന്ന സാഹചര്യത്തിൽ അടിസ്ഥാന യാത്രാനിരക്കുകളിൽ അടിയന്തരവും ന്യായവുമായ പരിഷ്കരണം അനിവാര്യമാണ്.

ഈ ആവശ്യങ്ങൾ ഉന്നയിച്ചാണ് സമരം ആരംഭിക്കുന്നത്.

🤝 സഹപ്രവർത്തകരോടുള്ള അഭ്യർത്ഥന:
സമരത്തിന്റെ വിജയത്തിനായി എല്ലാ ഓൺലൈൻ ടാക്സി ഡ്രൈവർമാരും ഒരുമിച്ച് നിൽക്കുക. സമരകാലത്ത് Driver App ഓൺ ചെയ്ത് സർവീസ് നടത്തുന്നത് നമ്മുടെ കൂട്ടായ പോരാട്ടത്തിന്റെ ശക്തി കുറയ്ക്കും.

നമ്മുടെ അവകാശങ്ങൾ സംരക്ഷിക്കാൻ, നമ്മുടെ ഭാവിക്കായി, നമുക്ക് ഒന്നിച്ച് പോരാടാം.