RAHAF AL-Atawneh

لقد عدت ...
‏
‏اجل! عدت إلى هوايتي التي تجاهلتها كثيرا
‏ لا ادري إذ كانت عودتي نابعة عن رضاي
‏او عدت لأنني بحاجة لإفراغ ما بداخلي
‏إلي الآن لا اعرف ماذا أريد اخطو بهذه الحياة
‏وانا أجهل ماذا سيحل
‏حتما اني اكذب! نعم ! كم انا سيئة للغاية
‏اخادع نفسي التي تستحق مني أن أجعل منها تمثالا ذهبياً
‏احاول خداع نفسي بأنه لا يوجد شيء سيحدث اسوء من الذي حدث من قبل
‏لكن يا ترى هل أنا محقة!
‏لا أدري. لكن ما باليد حيلة
‏طاقتي قد نفذت
‏خلايا عقلي تكاد الوقوف
‏مشاعري أصبحت أشبه بالثلج
‏لا استطيع المحاولة كثيرا وغالبا لا اريد انا أحاول
‏لانني قد سئمت من المحاولات التي لا جدوى منها
‏قدرتي على الكفاح أوشكت على النفاذ
‏ينتابني شعور دائم بأنني لا اريد السعي وراء شيء
‏هل يعقل أن استسلم بعد كل تلك التجاوزات !؟
‏لا اعلم
‏كم انا ضعيفة.أو صبورة أو ضائعة .أو قوية
‏لا أدري من انا
‏عجزت عن إيجاد نفسي واللحاق بي من مأزق لمأزق
‏عجزت عن الكذب وخداع نفسي بأني قوية وقادرة على تحمل كل ذلك
‏انا لا أريد أن أكون تلك الفتاة القوية القادرة عن التخلي والعيش بمفردها
‏اريد أن اعيش بدون تفكير بدون تشويش بدون أي مسؤولية حتى لو كانت نفسي
‏أين أنا.!؟ وإلى أين سأذهب ولماذا سأذهب .
‏اتمنى أن اجد أجوبة للخيوط المبعثرة داخلي
‏و تحيى روحي بسلام.
‏
‏
‏
‏

بدي احكي بموضوع منتشر بشكل مش طبيعي
التعنيف الأسري والتنازلات الي بتقدموها بحجة ولادي وعندي اطفال وبقدرش وهالحكي
عفواا منك لا الدين ولا القانون سامح انه يصير فيكي هيك
الي بتيجي تتشكون جوزي ضربني جوزي بصرفش علي جوزي وجوزي وعندي اطفال يختي شدخل الاطفال بالنص مين الي مفهمكم انه اللي عندها اطفال مجبورة ترضى بالإهانة والضرب والذل تحت مسمى انها أم
يختي مش دايما وجود الأهل دافع لتكوين اسرة صحية او اطفال سويين بدون عقد نفسية
بالعكس ممكن ولادك ياخذوا طبع قلة الشخصية والتنازلات منك وبالتالي بكره بصيروا مثلك
وممكن اطفالك يطلعوا معقدين مكتأبين عندهم نقص
من ورا صبرك اللي ملوش داعي بحجة الاطفال
القانون موفرلك نفقة ومسكن وين حجتكم اهلك مبدهم اياك تسكني لحالك طز بأهلك طالما هدفك تربي اطفالك وتكبريهم وتطلعيهم سويين بدون عقد
جوزك مش رح يدفع خلي القانون يتصرف
اما تنضربي وتنذلي وبالاخير تيجي تحكي شو اعمل وعندي اطفال وبديش اخرب داري لا يحبيبتي انت وحدة مهزءة بتستاهلي اللي يصير فيك لا تيجي تصرعينا وتتشكوني
عشان هيك من اول كف او من اول بهدلة وقفيه عند حده الي بتسكت عن اول كف تستاهل الثاني والثالث حبيبتي جوزك مضغوط يروح يتفشش بأهله جوزك مخنوق يطلع خنقته بعيد عنك طالما رح يكب عليكي طاقة سلبية واذى نفسي هو مش جايبك عشان يهينك ويقلل منك
ولا الله خلقكك عشان تنذلي وتنهاني انت عظيمة وربنا كرمك وجعل الجنة تحت اقدامك ليش مصممة تتنازلي عن هيك مكان
وفي نقطة ثانية اللي بتيجي تتشكون وتطلب حليب وفوط لأولادها عفوا منك جوزك ما بشتغل ليش بتخلفي
مقولة بتيجي رزقته معه احنا فاهمينها غلط
ربنا رح يرزقكك بحسنة طفلك لما جوزك يكون بشتغل وبسعى مش قاعد بدو اللي يطعميه ربنا رح يبارك بمالكم لما تسعوا
مش تكونوا فش وراكم غير تخلفوا وتشحدوا مش تروحوا تخلفوا الف واحد ورا بعض بحجة عزوة لا يحبيبتي ربي الي عندك بعدين فكري بالثاني لا تظلموا اطفالكم اعطوا كل طفل حقو قبل لتجيبوا الثاني
الاطفال المشردين والي بشحدوا عالاشارة وبنات الليل
شو ذنبهم يعيشوا هيك عيشة
لو الاهل عرفت تربي وتشيل وتتقي الله وتعطي كل طفل حقه كان الدنيا مش هيك
لو سمحتم فكروا الف مره قبل لتخطوا اي خطوة
لما بدك تخطبي او تتزوجي اختاري اب قبل الزوج اختاري شريك حياة الجيزة مش دبلة وبدلة وصالة
ولادك بكره رح يدعوا عليك زي ما انا بدعي وبلوم اهلي ع اختياراتهم .

من خبرتي بالحياة ومن اغلاطي واغلاط غيري والبيئة الي نشأت فيها والسنين والايام الي مرقت علي وحكيت متى رح تخلص
وبعد الف اكتئاب وانهيار وفشل وعياط وصراخ
وبعد المحاولات اللانهائية واستنزاف الطاقة وفقدان الشغف المتلازم
هيني حاليا بضحك على كل الايام الي راحت
قاعدة بتذكر الي فات وبحكي يا الله معقول انا قدرت اتخطى معقول انا قوية لهدرجه مع أنه بالوقت الي كان يصير في الموقف كنت اتمنى لو أنه هاد كله حلم من صعوبة الموقف
بس اخر فترة حضرت بودكاست في ما معناه أنه ربنا مستحيل مستحيل يظلمنا وأنه لولا ربنا عارف مدى قوتي وشجاعتي ما حطني بكل هالاختبارات وفعليا طلعت قدها
كنت دائما وطول حياتي احكي فوضت امري لله
وأنه الي ربنا كاتبه هيصير
بس ما كان عندي إيمان ويقين قوي الي يخليني احكيها ونا واثقة ومتأكدة أنه الحل فيها
رح اختصر حاليا
وحابة احكيلكم أنه هاي الصفحة نعملت الي والك ولكل حد حابب ينصح ويستشير
#أنت قوية