SolaYoga

Сонсох бүрд тухайн нас, амьдралын мөчлөг, амьдралд тохиолдож буй юмс үзэгдлээс шалтгаалаад шинэ мэдлэгийг авч байдаг лекцүүд.
5 ЖИЛИЙН ТУРШ СОНСОЖ БАЙГАА Ч ХЭЗЭЭ Ч ХУУЧИРДАГГҮЙ ЛЕКЦҮҮД🤍 Гоодаль

"Гэрээ гийгүүлье, Зөвхөн эмэгтэйчүүдэд, Ангижрал, Зүрхний улирал, Уй гашууг даван туулахуй, Увдис төгс, Янз учир" 7 бол цуврал юм. Цуврал тус бүр дотроо 3-6 лекцтэй. 1 лекц 2 цаг орчим үргэлжилдэг.

Зарим захиалагч 1 лекцийн үнийг 1 цувралын үнэ гэж андуураад байна. 1 лекцийн үнэ гэхлээр "Өө ямар үнэтэй юм бэ. Ном аваад уншчихсан нь дээр юм байна" ч гэдэг. Авах эс авах нь таны сонголт.

Миний лекц номноос үнэтэй. Олон жил миний уншсан олон номын шим өрөм, надад үр дүнгээ өгч, амьдрал дээр батлагдсан миний туршлагуудын охь дээж болохоор үүнээс хямд байх учиргүй. Ганцхан ном уншчихаад эргүүлээд ярьж өгөөд байгаа юм биш ээ. Харин миний 1 лекцэндээ багтаагаад өгч байгаа тэр бүх зүйлийг шингээсэн ямар ном байгаа бол, та тэр номыг олсон бол хэлээд өгөөрэй, би ч гэсэн аваад уншъя. Тийм охь шимтэй ганц ном байсаар байтал би энэ олон жил ийм олон ном уншиж, олон тренингээр дамжиж, одоог хүртэл суралцсаар яваа юм биш биз дээ?

Миний лекцийг авдаг, хөтөлбөрт хамрагддаг, үзэл бодлыг минь хуваалцдаг хүмүүсийг би ухаантай гэж үнэлдэг. Энэ бол намайг биш, миний үзэмжийг биш, миний багш нарыг үнэлж байгаа, зөвхөн тэднээр ч зогсохгүй дээш дээших багш мэргэдийн цэцэн ухааныг үнэлж байгаа хэрэг учраас тэр үнэ цэнийг олж харж чадаж байгаа хүмүүсийг ухаантай гэхээс биш яахав.

Миний хийж байгааг шүүмжилдэг хүмүүсийг ч би хүлээн зөвшөөрнө. Хүн бүр өөрийн гэсэн харцтай байх эрхтэй. Хүний харц бас байнга өөрслөгдөж байдаг. Хэсэг хугацааны дараа, "... лекцийг чинь шоолж байхын оронд аль 3 жилийн өмнө авах минь ч яалаа" гэсээр эргээд ирдэг юм. Цагийн юм цагтаа болдог. Андуурч үзээгүй, алдаа гаргаагүй, төөрч буцаагүй амьдрал гэж байдаггүй ээ. Харин соёлтой л байх хэрэгтэй.

Гэхдээ та харан байж болоорой. Миний үгээр сонголтоо бүү хийгээрэй. Намайг судал, лекц, хөтөлбөрүүдийг маань сайтар нягтал. Ам руугаа хийх юмаа хэрхэн шалгадаг билээ, оюун санаа руугаа хийх гэж байгаа юмаа бүүр ч няхуур шинжил.

2027 оны 4-р сарын 7-нд эхлэх сэтгэл зүйн гүнзгий шатны ЦЭНХЭР ШУВУУ® цахим хөтөлбөрөөс өмнө сонсох цомог лекцүүд болон хамрагдах анхан, ахисан шатны цахим хөтөлбөрүүд ГООДАЛЬ™ платформ дээр үргэлж нээлттэй!

“ЕРТӨНЦИЙН ӨГЛӨГИЙГ АВАХ АЛГАА ДЭЛГЭГТҮН!” видеог үзэхийг хүсвэл дараах холбоос дээр дараарай: https://www.youtube.com/watch?v=dcNap8OIx0Q&t=30s