Partoh Msafi

Wale mko singles join huku nikupe connection

Join now 👉 partoh 💞

NKIMA Ya MEEYIA (One)

Nja yetu yaari ya mantu ja Mbere aki (family of firsts). Baba mukuru Mwanirua nwe wari muntu wa mbere ntureene yetu gukunda soda. Amikundire riria akaraga Nairobi na agucooka areeja nacio na 'crate'. Ntagu okwa arakunda muthumba akithugaanagia i ncoobi riua rirathwaa etereete kwogita. Baba mwanake Kathurima nwe waari wa mbere kuruga nkima nani nini ndaari mwiji o mbere ntureene kuriithia ngituju muthemba jwa 'Chinchilla'.

Nandi Kathurima aracooka kuuma mwambasa naria aritaga ngugi ja 'chef' hoterine ya Mwarabu arina utea bwa kuruga. Augaa kinya agakaranga ntharu cia mburi no kurea turia tutikumenya kethira i cio. Arumagua irio au nja akarea abitimbite akiugaa ariigua ja birugi na muthetu. Mbere twathugaanagia i rambu e njetu yamugwete nontu kinya juuju Ciomutiga nyuma ya kunanurwa na tunyama i ntagu atingiruma nyani cia nthoroko. Ooragia "kabumpeethetie nthia?".

Nandi turoona Kathurima nathangikagua mono i miriire yetu na Ntagu araaria na mwekuru owe iguru ria thiina iu. Kuratwika Kathurima netikiirue akurukage riiko akarugu biakurea na utaaramu bwa 'chif' o Mwarabu. Nagwe aratua kurugaa mithemba yonthe ya biakurea indi mono mono nkima. Muntu wonthe namukaathaga mono nontu nkima yaari irio bigeni ntureene yonthe. Kinya kiathone kia athoni ba Mwonera no Kathurima warugite nkima mwanka athoni baretikiiria kurita ng'ombe mugwanja cia ruraacio i kugwirua nontu bwa kuruma murio jwa nkima. Nkuma ya urugi bwa Kathurima iratamba Kiirua yonthe na nyuma e mieri ithatu muntu wonthe amwitaga 'chef' na aratwika 'busy' nkuruki e nguku ikwenda kurekia.

Mwekuru o Kathurima nagwe eetagwa kibobori. Aari wa uraja bwa kiugu kia nguku na rangi e cuburia inkuru. Gukira nakiri mono indi ngugi atendete kurita tiga aki e kurea. Kaju nako natharimi nako nontu eetaga mwiji ogwe ari muthia jwa munda (na ti kamunda kaniini) agakara ja ari o aja. Ndaigagua kinya nagondokerete nguku irumite gikwacii kiagwe irakua. Nandi kibobori arageria mono kuthooma utea bwa kuruga nki