Eelena Online Shop

គ្រីមលាបមុខបំបាត់ជាំ អាចម៍រុយយូរឆ្នាំផលិតផលស្តង់ដាអាមេរិក�� គ្រីមបំបាត់ជាំ អាចម៍រុយយូរឆ្នាំផលិតផលអាមេរិក��

17/11/2021

ពេលដែលប្ដូរពីប្រភេទឡេលាយ ឬពពួកផលិតផលមានជាតិកាត់ ជាតិម្ស៉ៅ ជាតិធ្វើឲ្យសខ្លាំង មកប្រើ Basic Skincare វិញ អ្នកត្រូវត្រៀមខ្លួនសម្រាប់រឿង ៣ យ៉ាង

1. ស្បែករបស់អ្នកអាចនឹងធ្វើការប្រតិកម្មខ្លាំងទៅលើផលិតផល skincare ធម្មតា ទោះបីជាផលិតផលនោះស្រាលយ៉ាងណាក៏ដោយ ជាពិសេសពេលប្ដូរដណបូងៗ។ មូលហេតុគឺដោយសារតែការដែលនៅប្រើផលិតផលផ្ដេសផ្ដាស ជាពិសេសពពួក Steroid ស្បែកនឹងបាត់បង់សមត្ថភាពធ្វើតំណបរំញោចមួយរយៈធំ របាំងការពារស្បែកខូចខាតខ្លាំង ធ្វើឲ្យស្បែកទៅជាបាត់បង់ភាពអត់ធន់ទៅនឹងបរិយាកាស ឬគេហៅថា Skin Tolerability! នេះជាកត្តាបង្ករឲ្យអ្នកអាចនឹងឡើងមុនខ្លាំង ហើមស្បែកខ្លាំង មុនឡើងហើម ធំៗ ក្រហម រលាកយ៉ាងដំណំ ហើយរយៈពេលដែលអាច recover មកវិញគឺអាស្រ័យលើកម្រិតខូចខាតរបស់ស្បែករបស់អ្នក។

2. ស្បែករបស់អ្នកមិនអាចព្យាបាលបានលឿននោះទេ ទោះបីជាអ្នកមានបញ្ហាដូចគ្នា ឬមានបញ្ហាតូចតាចក៏ដោយ បើធៀបនឹងពេលវេលា recovery របស់ស្បែកអ្នកដែលមិនធ្លាប់ប្រើផលិតផលជាតិកាត់ ឬឡេលាយ។ ឧទាហរណ៏ អ្នកមានបញ្ហាអាចម៍រុយ តែអ្នកធ្លាប់ប្រើឡេលាយ ឯម្នាក់ទៀតមានបញ្ហាអាចម៍រុយដែរ តែមិនធ្លាប់ប្រើឡេលាយទេ ដូចនេះរយៈពេលដែលស្បែកអ្នកនឹងត្រូវការសម្រាប់ព្យាបាលអាចម៍រុយឲ្យបាត់ គឺត្រូវការប្រើពេលយូរជាងអ្នកដែលស្បែកមិនដែលប៉ះឡេលាយសោះ។ មូលហេតុសាមញ្ញ គឺដោយសារកោសិកាស្បែករបស់អ្នកមិនអាច function បានល្អ ឬស្បែករបស់អ្នកបានខូចខាតដោយសារតែឡេលាយទៅហើយ។ អ្នកត្រូវត្រៀមចិត្ត អត់ធ្មត់ ហើយមិនត្រូវប្រៀបធៀបពេលវេលា និងដំណើរថែស្បែករបស់អ្នកជាមួយអ្នកផ្សេងទេ។

3. បន្ទាប់ពីឈប់ប្រើឡេលាយ ស្បែករបស់អ្នកនឹងប្រែប្រួលទៅតាមលក្ខខណ្ឌសុខភាពរបស់អ្នក ឬបរិបទរស់នៅ ហើយសូមចាំថាវាជារឿងធម្មតាទេ។ កម្រិតនៃការផលិតប្រេងរបស់ក្រពេញសេបូមពីក្រោមស្រទាប់ស្បែកគឺជាបុព្វហេតុនៃបញ្ហាមុន។ រីឯការផលិតជាតិពណ៌របស់ស្បែកវិញ គឺជាបុព្វហេតុនៃបញ្ហាស្នាម អាចម៍រុយ ជាំខ្មៅ ដែលទាំងពីរនេះគឺវាអាស្រ័យលើការបញ្ជារ ឬការធ្វើការឆ្លើយតបរបស់រាងកាយទៅនឹងលក្ខខណ្ឌណាមួយ។ ឧទាហរណ៏ បើរាងកាយអ្នកខ្វះជាតិទឹក ស្បែកនឹងប្រែជាស្ងួត ស្រអាប់ ឬក៏ប្រែជាមានប្រេងច្រើនខុសធម្មតា ឡើងមុន។ បើអ្នកដើរក្រោមកម្ដៅថ្ងៃដោយគ្មានឡេការពារកម្ដៅ ស្បែកអ្នកនឹងប្រែជាក្រហម ឬមានឡើងអាចម៍រុយ។ អ្នកមិនអាចមានស្បែក smooth 24/7 បានដូចពេលដែលអ្នកនៅប្រើឡេលាយនោះទេ។

ចង់ចាំ ៣ ចំណុចហ្នឹងហើយ ប្រើ skincare តាមសម្រួល មិនបាច់បង្ខំ! វាមិនលឿន តែវាពិតជាអាចធានាបានថាមិនប៉ះពាល់សុខមាលភាពស្បែករបស់អ្នកធ្ងន់ធ្ងរនៅថ្ងៃក្រោយឡើយ!

សូមផ្ដល់ស្រឡាញ់ឲ្យស្បែករបស់អ្នកកាន់តែច្រើនឡើងណា៎!

រីករាយថ្ងៃបុុណ្យអ៊ំទូក❤️

រឿងបីយ៉ាងសម្រាប់ស្បែក