Novel Flower

😊

🥀

ខ្ញុំអាចស្វែងរកអ្នកក្នុងរយៈពេលមួយយូរជាងអ្នកដទៃ តែអ្វីដែលខ្ញុំបានទទួលគឺភាពច្បាស់លាស់ ដែលអ្នកផ្សេងមិនអាចមាន👩‍❤️‍👨

One day

នៅពេលដែលយើងចេះស្រឡាញ់មនុស្សម្នាក់ពិតប្រាកដ យើងប្រាកដជានឹកគេស្ទើរគ្រប់ដង្ហើមចេញចូល បារម្ភពីគេ ចង់ដឹងពីគេ ចង់មើលមុខគេ ចង់ឮសំឡេងគេស្ទើរគ្រប់ពេល ♥️

នៅពេលដែលវត្ដមានមនុស្សដែលយើងស្រឡាញ់បង្ហាញខ្លួនលើខ្សែជីវិត នោះយើងនឹងយល់រសជាតិនៃក្ដីមេត្ដាករុណា ការយកចិត្តទុកដាក់ ការព្រួយបារម្ភ ការមើលថែនោះថាផ្អែមប៉ុនណា។ យើងបានឱ្យតម្លៃលើមនុស្សដែលយើងស្រឡាញ់ខ្លាំងណាស់ ពេលខ្លះយើងក៏បានក្លាយជាមនុស្សថ្មី គឺមនុស្សដែលចេះរៀបឬកដើម្បីគេ ធ្វើរឿងដែលមិនធ្លាប់ធ្វើពីមុន ទទួលយកទម្លាប់ដែលមិនធ្លាប់មានពីមុន ។ ដើម្បីភាពចុះសម្រុង យើងបានព្យាយាមដើម្បីគេ ស្ទើរតែគ្មានចំណែកដើម្បីខ្លួនឯង ♥️

ប៉ុន្ដែតើការលះបង់នេះមានតម្លៃទេ ? សម្រាប់មនុស្សដែលព្រមលះបង់ គេគង់នឹងមិនស្ដាយក្រោយឡើយ ព្រោះអ្វីដែលគេចង់បាន គឺស្នាមញញឹមនៃមនុស្សដែលគេស្រឡាញ់ ហើយអ្វីដែលបានត្រឡប់មកវិញគឺអារម្មណ៍រំភើប ដែលគ្រប់គ្នាតែងហៅថាស្នេហា ♥️

មនុស្សដែលស្រឡាញ់យើងពិតប្រាកដ គេប្រាកដជាមិនខ្វល់ថាយើងជានរណា ឬមកពីណាទេ អ្វីដែលគេដឹងគឺវត្ដមានរបស់យើងក្នុងដំណើរជីវិតរបស់គេ ។ តើមនុស្សបែបនេះមានប៉ុន្មាននាក់ទៅ ប្រហែលជាច្រើនណាស់ គ្រាន់តែពេលខ្លះយើងមើលរំលងគេ ឬគ្មានសំណាងជួបគេប៉ុណ្ណោះ 🙂♥️