Tola ASD News

សូមអរគុណយ៉ាងជ្រាលជ្រៅចំពោះការយកចិត្តទុកដាក់ និងការលើកទឹកចិត្តរបស់បងប្រធាន។ ការផ្តល់តម្លៃលើវគ្គបណ្តុះបណ្តាលផ្នែកវិជ្ជាជីវៈ គឺជាកម្លាំងជំរុញដ៏សំខាន់សម្រាប់ភ្នាក់ងារសារព័ត៌មានទាំងអស់ ក្នុងការពង្រឹងសមត្ថភាព និងអនុវត្តការងារឱ្យកាន់តែមានប្រសិទ្ធភាព។ខ្ញុំសន្យាថានឹងខិតខំយកចំណេះដឹងដែលទទួលបានពីវគ្គបណ្តុះបណ្តាលទាំងនេះ ទៅអនុវត្តក្នុងការងារព័ត៌មាន ដើម្បីបម្រើសង្គម និងជួយលើកស្ទួយសិទ្ធិ និងយុត្តិធម៌ជូនបងប្អូនប្រជាពលរដ្ឋ។
សូមអរគុណ។

ឯកឧត្តម ហែម សុវត្ថិ និងលោកជំទាវ នេត ធីតាវិឈុណា រួមជាមួយសប្បុរសជន ឧបត្ថម្ភអំណោយជាម៉ូតូចំនួន ៣២គ្រឿង ដល់កងទ័ពជួរមុខ តាមរយៈកងពលតូចលេខ៧០ បញ្ជាការដ្ឋានកងទ័ពជើងគោក
(ភ្នំពេញ)៖ នារសៀលថ្ងៃទី២៣ ខែកុម្ភៈ ឆ្នាំ២០២៦ ឯកឧត្តម ហែម សុវត្ថិ បានដឹកនាំក្រុមការងារ រួមទាំងសប្បុរសជន អញ្ជើញជួបសំណេះសំណាលជាមួយ ឯកឧត្តម ឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ តំណាងឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក។
ក្នុងឱកាសនោះ ឯកឧត្តម ហែម សុវត្ថិ និងក្រុមការងារ បានប្រគល់ម៉ូតូចំនួន ៣២គ្រឿង ដែលបានមកពីការកៀរគរសប្បុរសជន ឧបត្ថម្ភដល់កងទ័ពជួរមុខ តាមរយៈកងពលតូចលេខ៧០ បញ្ជាការដ្ឋានកងទ័ពជើងគោក សម្រាប់បែងចែកជាមធ្យោបាយប្រើប្រាស់នៅតាមសមរភូមិជួរមុខ។
គួរបញ្ជាក់ថា ក្នុងឱកាសដ៏មានន័យនេះ ឯកឧត្តម ហែម សុវត្ថិ និងក្រុមការងារ បានសន្យានឹងបន្តឧបត្ថម្ភម៉ូតូបន្ថែមយ៉ាងហោចណាស់ ៥០គ្រឿងទៀត ដើម្បីចូលរួមចំណែកគាំទ្រ និងលើកទឹកចិត្តដល់វីរកងទ័ព ដែលកំពុងឈរជើងការពារបូរណភាពទឹកដី នៅតាមខ្សែបន្ទាត់ព្រំដែនកម្ពុជា–ថៃ។

នៅព្រឹកថ្ងៃទី១៩ ខែកុម្ភៈ ឆ្នាំ២០២៦ វេលាម៉ោង ៧:៣០នាទី រដ្ឋបាលស្រុកស៊ីធរកណ្តាល ដឹកនាំដោយលោក ស៊ាន ចិន្តា អភិបាលនៃគណៈអភិបាលស្រុក បានសហការជាមួយ រដ្ឋបាលឃុំព្រែកចង្ក្រាន និងសិស្សានុសិស្សនៃ វិទ្យាល័យ ហ៊ុនសែន ព្រែកសណ្តែក ចូលរួមរៀបចំសម្អាតបរិស្ថាន តាមបណ្តោយដងផ្លូវចុងផ្សារព្រែកសណ្តែក រហូតដល់គល់ស្ពាន។
សកម្មភាពនេះមានអ្នកចូលរួមសរុបចំនួន ១៨១ នាក់ ក្នុងនោះស្រី ១២៥ នាក់ ដើម្បីរួមចំណែកលើកកម្ពស់សោភ័ណភាព សុខាភិបាល និងបរិស្ថានស្អាតនៅក្នុងមូលដ្ឋាន។
#រដ្ឋបាលខេត្តព្រៃវែង
#រដ្ឋបាលស្រុកស៊ីធរកណ្ដាល
#វិទ្យាល័យហ៊ុនសែនព្រែក

👍 បុរសខ្លាំង អភិបាលស្រុកទើបឡើងថ្មី ស្រុកស៊ីធរកណ្ដាល ខេត្តព្រៃវែង
ពិតជាមានសមត្ថភាព និងភាពដាច់ខាតក្នុងការដឹកនាំ។
សំណង់ដែលរំលោភបំពានលើច្រាំងទន្លេ នៅតំបន់ផ្សារព្រែកសណ្ដែក ត្រូវបានលោកអភិបាលស្រុក ដឹកនាំឲ្យកម្លាំងជំនាញចុះអនុវត្តច្បាប់ វ៉ៃកំទេចចោលរួចរាល់ហើយ ដើម្បីថែរក្សាប្រយោជន៍សាធារណៈ និងសណ្តាប់ធ្នាប់សង្គម។
ប្រជាពលរដ្ឋ សូមថ្លែងអំណរគុណយ៉ាងជ្រាលជ្រៅ ដល់លោកអភិបាលស្រុក
សូមជូនពរឱ្យលោកមានសុខភាពល្អ សំណាងល្អ និងជោគជ័យគ្រប់ភារកិច្ច ក្នុងការដឹកនាំអភិវឌ្ឍស្រុកឱ្យកាន់តែរីកចម្រើន 🙏🇰🇭❤️

អង្គភាពសារព័ត៌មានយើង សូមថ្លែងអំណរគុណយ៉ាងជ្រាលជ្រៅ ដល់រដ្ឋបាលសាលាស្រុកស៊ីធរកណ្ដាល ខេត្តព្រៃវែង ដែលបានធ្វើការឆ្លើយតប និងចាត់វិធានការយ៉ាងទាន់ពេលវេលា តាមសំណើរបស់ប្រជាពលរដ្ឋ។ ការឆ្លើយតបនេះ បានបង្កើនក្តីសង្ឃឹម និងទំនុកចិត្តដល់ប្រជាពលរដ្ឋយ៉ាងខ្លាំង 👇
#រដ្ឋបាលស្រុកស៊ីធរកណ្ដាល សូមបញ្ជាក់ថា៖
បន្ទាប់ពីក្រុមការងារជំនាញ បានចុះពិភាក្សា និងដោះស្រាយជាមួយភាគីពាក់ព័ន្ធ កាលពីថ្ងៃព្រហស្បតិ៍ ទី២២ ខែមករា ឆ្នាំ២០២៦ រួចមក និងបន្ទាប់ពីលោកអភិបាលស្រុក បានចុះពិនិត្យទីតាំងផ្ទាល់ម្តងរួចហើយ នោះ ក្រុមការងារ បានសម្រេចផ្អាកការសាងសង់ និងបញ្ឈប់ការសាងសង់បន្ថែមទៀតជាបណ្តោះអាសន្ន។
ជាមួយគ្នានេះផងដែរ នៅថ្ងៃសុក្រ ទី៣០ ខែមករា ឆ្នាំ២០២៦ វេលារសៀល ក្រុមការងារថ្នាក់ស្រុក នឹងបន្តចុះទៅជួបជាមួយអាជ្ញាធរ និងភាគីពាក់ព័ន្ធ ដើម្បីធ្វើការពិភាក្សា និងដោះស្រាយបន្តឲ្យបានច្បាស់លាស់។
សូមជូនជ្រាប!

ប៉ះទង្គិចទស្សនៈការងារ រវាងចៅសង្កាត់ចោមចៅទី១ និងអភិបាលរងខណ្ឌពោធិ៍សែនជ័យ
មានការចាប់អារម្មណ៍ពីមហាជន បន្ទាប់ពីលោក កង វង ចៅសង្កាត់ចោមចៅទី១ បានចេញវីដេអូមួយ រៀបរាប់អំពីបញ្ហាប្រទាំងប្រទេសក្នុងការងារ ជាមួយលោក ប៉ាង លីដា អភិបាលរងខណ្ឌពោធិ៍សែនជ័យ ពាក់ព័ន្ធនឹងការចុះពិនិត្យសកម្មភាពចាក់ដីខ្សាច់បិទប្រឡាយ នៅតំបន់ទួលពង្រទី១ សង្កាត់ចោមចៅទី១។
តាមការបញ្ជាក់ លោក ប៉ាង លីដា បានសហការជាមួយផ្នែកជំនាញពាក់ព័ន្ធ ចុះពិនិត្យ និងវាស់វែងទីតាំង បន្ទាប់ពីទទួលបានព័ត៌មានថា មានការចាក់ដីខ្សាច់បិទប្រឡាយ និងរៀបចំសាងសង់របងថ្ម ដោយមិនទាន់មានច្បាប់អនុញ្ញាតត្រឹមត្រូវ។ ការចុះពិនិត្យនេះ ត្រូវបានអនុវត្តតាមតួនាទី និងភារកិច្ចរដ្ឋបាល។
ទោះជាយ៉ាងណា សកម្មភាពខាងលើ បានបង្កឲ្យលោក កង វង កើតមានការមិនសប្បាយចិត្ត រហូតចេញវីដេអូ ហៅឈ្មោះលោក ប៉ាង លីដា ដោយផ្ទាល់ និងប្រើពាក្យសម្ដីធ្ងន់ៗ ព្រមទាំងបង្ហាញបំណងស្នើសុំឲ្យផ្ទេរលោក ប៉ាង លីដា ចេញពីតួនាទីអភិបាលរងខណ្ឌពោធិ៍សែនជ័យ និងឆ្លងយោបល់ទៅកាន់លោក ឃួង ស្រេង អភិបាលរាជធានីភ្នំពេញ ដើម្បីពិចារណាលើបញ្ហានេះផងដែរ។
បច្ចុប្បន្ន បញ្ហានេះកំពុងទទួលបានការចាប់អារម្មណ៍យ៉ាងខ្លាំងពីសាធារណជន ដែលរំពឹងថា អាជ្ញាធរពាក់ព័ន្ធ នឹងពិនិត្យ និងដោះស្រាយតាមនីតិវិធីច្បាប់ និងគោលការណ៍រដ្ឋបាល ដើម្បីរកដំណោះស្រាយសមស្រប និងរក្សាសណ្តាប់ធ្នាប់សង្គម។