Noya - نويا

بسم الله توكلنا على الله نسأل الله التوفيق والسداد 🤲🏼

خلونا متفقين من البداية ان بضاعتنا أصلية 100‎%‎ مع ضمان كامل في حالة كانت غير مطابقة او حتى لو شكيتي انها مش أصلية يمكن ارجاع المنتج بدون دفع رسوم💕


اول عروضنا ح تكون لشركة “The Ordinary” الكندية
واول منتج ح نبدو به هو مجموعة النضارة "The power of peptides set" وهي عبارة عن مجموعة من ثلاث قطع غنية بالبيبتايد "Peptides” سلسلة من الأحماض الأمينية تستهدف علامات تقدم العمر "تجاعيد الوجه والخطوط الرفيعه " كذلك الهالات السوداء وتغذي الرموش والحواجب .

1-Multi-peptide HA serum “30ml”
سيروم يعطي ترطيب عميق بسبب احتوائه على الهيالورونيك اسيد ويملئ البشرة ويعطيها نعومة ، كذلك يقلل علامات تقدم العمر كيف التجاعيد والخطوط الرفيعة بسبب احتوائه على البيبتايد .
2-Multi-peptide eye serum “15ml”
يقلل من التجاعيد اللي حول منطقة العين كذلك الإنتفاخات والتورم اللي تحت العين بالإضافة للهالات السوداء لانه يحتوى علي Niacinamide .
3-Multi-peptide lash and brow serum “5ml”
يملئ الفراغات ويكثف الرموش والحواجب كذلك يغذي ويطول الشعر خلال 4 اسابيع .

-المجموعة تناسب جميع أنواع البشرة "عادية + جافة + دهنية + مختلطة + حساسة "
-طريقة الإستعمال : بعد الغسول تستخدمي سيروم الهيالورونيك وبعدها تستخدمي سيروم المخصص للمنطقة اللي حول العين واخر شي سيروم الحواجب والرموش ، يستخدم الروتين صباحاً ومساءً

للطلب والإستفسار على بريد الصفحة 💌 او على رقم الوتس :
0914937827
رابط سريع للوتس : https://wa.link/kmtnqb

#نويا #ليبيا #ليبيا #تجميل #جلدية #ترطيب #طرابلس #بنغازي

💜 كيف تعرفي نوع بشرتك بطريقة علمية وبسيطة؟

الخطوة 1 : اغسلي وجهك بغسول لطيف وخالي من الزيوت، وبعدها نشفيه بلطف.
الخطوة 2 : استني ساعة كاملة بدون ما تضيفي أي كريم أو مكياج.
الخطوة 3 : استخدمي منديل جاف
• حطيه على مناطق مختلفة (الجبهة، الأنف، الخدين، الذقن).
• لو الورقة امتصت زيت واجد في كل المناطق > بشرتك دهنية.
• لو امتصت زيت في منطقة الـT-zone (الجبهة والأنف والذقن) فقط > مختلطة.
• لو ما امتصتش زيت ووجهك حسيتِه مشدود > جافة.
• لو ما فيش زيوت زائدة والبشرة مرتاحة > عادية.
• لو صار إحمرار أو تهيج أو حرقان > حساسة .

📚 المصدر الطبي:

https://health.clevelandclinic.org/understanding-skin-types

💜 تابعينا للمزيد من النصائح والعروض الخاصة .

#نويا

🟣 شن الفرق بين البشرة الدهنية والجافة والمختلطة ؟

البشرة الدهنية :
تكون دائماً لامعة ، المسام متاعها واضحة ، وأغلب الوقت تطلع فيها حبوب أو رؤوس سودة .
السبب إن الغدد في بشرتك تفرز في زيوت زيادة عن اللازم .

البشرة الجافة :
تكون باهتة، تحسيها مشدودة أو تتقشر ، وفيها خطوط رفيعة ومرات تقعد حمره بسهولة .
السبب إن فيها نقص في الزيوت والرطوبة الطبيعية اللي تحافظ على نعومة الجلد .

البشرة المختلطة :
دهنية في جهة الأنف والجبهة والذقن اللي هي اسمها منطقة T zone .

🤔 كيف تعرفي نوع بشرتك؟
ح يكون في البوست الجاي ⏳

💜 تابعينا للمزيد من النصائح والعروض الخاصة .

#نويا

مرحبا بيكم في نُويـَا - Noya 💜

الصفحة هذي مش مجرد مكان نبيعو فيه منتجات تجميل … نُويـَا هي فكرة ، وبداية لمشروع ان شاء الله ح يكون علامة مميزة في عالم الجمال في ليبيا ✨

عليش نويا ؟
اخترنا اسم نُويـَا لأنه معناه “الجمال”و”الزينة”

شن تستنوا منّا ؟
• منتجات تجميل مختارة بعناية وأصلية 100% ✨
• توصيل مضمون في كل ربوع ليبيا 🚚
• محتوى مفيد للبنات يهتم بالبشرة والجمال 💬
• ومفاجآت حلوة جاية في الطريق ⏳

كل منتج، كل فكرة، كل تفصيلة … معمولة بشغف عشان تليق بيك ✨

تابعونا، وخلّوكم في الانتظار 💜

#نويا #ليبيا