Dr. Khaled nouh

خليك ناضر طول السنة بأبسط 3 إجراءات تجميلية!

كل شخص يستحق بشرة ناعمة، ملامح مرتاحة، وثقة عالية

وهذي أفضل 3 إجراءات ممكن تديرها مرّة في السنة وتعطيك فرق واضح بدون مبالغة :

1. الهايدرافيشال (HydraFacial)
جلسة تنظيف عميق وترطيب فوري ✨
تزيل الخلايا الميتة، تفتح البشرة، وتخليها ناعمة ولمّاعة من أول مرة!

2. البوتوكس (Botox)
يخفف التجاعيد التعبيرية ويعطيك مظهر مريح وشاب 👀
حتى لو مرة في السنة، يساعد في منع الخطوط الجديدة ويحافظ على نضارة وجهك.

3. الفيلر (Filler)
لمسة ناعمة لتحسين الملامح – سواء خدود، شفايف، أو تحت العين
النتيجة طبيعية ومتوازنة، تبرز جمالك بدون ما تغيّره.

نصيحة منّا:
لو تبي نتيجة أقوى، جرّب جلسة PRP أو ليزر فراكشنال لتجديد البشرة وتحفيز الكولاجين

الاهتمام بنفسك مش رفاهية… هو استثمار في مظهرك وثقتك🤍

PRP او البلازما

هيا جلسة بسيطة نستخدمو البلازما الغنية بالصفائح الدموية من جسمك إنت، ونحقنوها في البشرة أو فروة الراس عشان تعطينى

نضارة طبيعية للبشرة
تقليل الهالات والخطوط الرفيعة
تحفيز الكولاجين لتجديد شباب الوجه
علاج تساقط الشعر وتقوية البصيلات

الميزة الأجمل؟ إنها طبيعية ١٠٠٪ ومن غير أي مواد غريبة

💉 جلسة آمنة – نتيجة تدريجية وواضحة
اي استفسار على بريد الصفحة

وهذينا يعتبرا من افضل الميزو اللي تعطي في مفعول جميل وسريع للبشره

اي استفسار علي بريد الصفحة

السلام عليكم
اليوم بنهدرزلكم على حاجة اسمها الميزوثيرابي

شن هي؟
هي عبارة عن حقن سطحية تحت الجلد فيها كوكتيل من:
فيتامينات
معادن
أحماض أمينية
وحاجات تساعد البشرة على التجديد

الفايدة:
ترطيب عميق
تعطي نضارة
تقلل من الخطوط الرفيعة
حتى في ناس يستعملوها للشعر ، لأنها تحفّز الدورة الدموية وتقوي البصيلات.

ملاحظات مهمة:
تحتاج أكثر من جلسة باش يبان مفعولها.
مش بديل للفيلر أو البوتوكس، لكن تنفع كـ داعم للعناية بالبشرة والشعر.
آمنة لو اندارت عند مختص

اهلين، كيف حالكم جميعاً
بنحكي على ابرة السالمون DNA مستخلص من سمك السالمون، والميزة فيها إنها تنشّط الخلايا، تحفّز الكولاجين، وترطّب البشرة بعمق.
يعني مش بس تعطي نضارة مؤقتة، لا 👌🏻 تساعد على تجديد الجلد وتحسين مرونته.

وين تنفع؟
للبشرة المتعبة واللي باينة فيها علامات الإرهاق.
الناس اللي عندهم جفاف أو خطوط رفيعة.
حتى بعد جلسات تانية زي الليزر أو الفيلر، تنفع كمكمل.

ملاحظة مهمة:
هي مش بديل عن الفيلر أو البوتوكس، لكن تشتغل بطريقة مختلفة (تجديد وحيوية).

اللي يعجبني فيها إنها حل وسط: تعطي نضارة طبيعية وآمنة، وتناسب أغلب الأعمار

✨ أهلاً وسهلاً بيكم في صفحتي ✨

أنا د. خالد، طبيب بمجال التجميل اللاجراحي 🌿💉

فتحت الصفحة هذي باش نشارك معاكم نصايح ومعلومات طبية مبسطة، ونوريكم أحدث الطرق في تجميل اللاجراحي ✨

اللي يهمني أكثر هو إننا نخلق مساحة مفيدة وخفيفة، وين تلاقوا إجابات لأسئلتكم عن التجميل والعناية، بعيد عن المبالغة والخلطات الغريبة.

خليكم متابعين، وفي كل فترة حنشارككم نصايح، تجارب، وآخر المستجدات في عالم التجميل 🤍