fleura Amina

البنات كنا كنتغداو انا وياه و كان حاط تيليفون فوق طبلة كايتفرج فالماتش وفاش سالينا ماكلة ناض مشا يغسل وانا نوض بالجرا سديت الباب من داخل هه باش زعما نهز تيليفون ونقلبو ليه حيت ولا زارع فيا شك بشي تصرفات كايديرهم الى كان غادي يدوش يدخل معه تيليفون والى كان غادي يتسخر ولا خارج ضروري يديه معه ومستحيل يحطو يتشارجا ويخليه كيبقا حاضيه حتى وهو ناعس كايبقا راد معه البال .. والصدمة انه غير شافني سديت الباب غير بغيت نجربو وصافي بقا كيضرب ف الباب ويغوت حتى هرسو وشوية جا عندي وبقا عليا راه ولله الى كتشكي غير هكاك راه مافيه والووو .. بنادم واش من حقي ولا لا انا كنعرف مزوجين يخلي تيليفون ديالوو عادي ماشي يبقاا غير معلقوو معه
نقول

اليوم كان غيجي واحد سيد تعارف هو واليديه وجدت كولشي البنات راسي مع انا يتيمة عايشة بوحدي فرحت طيبت غيجيو كوتي بارح بليل كنت نازلة عند مرت خويا سمعتهوم هدرو هيا خويا قاليها انا مبغيت زوجها داب هيا ضحك قالت ليه خصني لي دي وجيب ليا دراري الى تزوجات مغلقى مزال لي عاوني فشقى راك عارفني مريضة هو قوليها اصلا مغاديش كون طلعت دار سكت قلت مستحيل اخوي بيا واخة كانو ديما الناس جيو كيمشيو بلا سبب اليوم فقت صوني ليه مكيجاوب دقيت عليه قالت ليا مرتو مشى الخدمة عرفتو دنيا دارت بيا بدات تشفى طلعت صوني ليه بحال ك**** مجاوبنيش صيفط ليا اوديو قاليا انا مكاينش اصلا داك سيد معجبنيش هو قطع صوناو ليا الناس قاليا صونيت خوك قاليا بلا متزرب فزواج ختي مبغاتكش بلا متجيو بدا سيد غوت تليفون ضحكي عليا حتى جبت واليديا داب كالسة ماشي مصدومة عارفاهوم مزيان شكيسواو بلي عمرهوم صرفو فيا الخير بالمرة متوقعتش دير معايا هاكا بكيت بردت على قلبي سكت مقادراش نهدر بحال لساني تربط حطيت صلايتي صليت طلبت ربي ياخد فيهوم حق اليوم قبل الغدا ربي بين ليا علامة فيهوم
منقول

#مشكل عضوة
سلام لبنات انا عندي واحد لمشكيل معا راجلي وهوا انه منين تيهز ولدو مثلا الى كان حاطو على حجرو تيوقفلو ديالو حشاكم وانا مبقيتش كنتيق فيه نخليه يهزو وليت ممرتاحاش الى غير دخلت لطواليط وخليتو معاه لدرجة الى غير صليت وخليتو معاه تنخاف تيبقا بالي معاه تنقول مهما انه منين تيحطو فحجرو تيوقف ليه مخصوش يعاود يحطو تماك كون كان مناويش شي حاجة خايبة والمشكيل يقيل يدعي معاه ربي يحفضو ويخاف عليه وشوف اش تيدير وحاولت نوصل ليه لميساج تنقولو دراري صغار متيحطوهمش فحجرهم تيقولي اه عارف واش غتوريني ومنين تهزو تيبانلي ديالو واقف دابا انا مرضت والله وليت كل مرة نبكي وكنقول يكما عندي بيدوفيلي فدار مع لعلم انا وياه متنعسوش معا بعضنا هادي شي شهرين بحكم كان عندو معرفت برد ولا ميكروب وكان تيليسقو فيا وتنمرض وقتلو حتا تبرأ حيت فينما كنت نجامع معاه تنمرض دابا معرفتش كيفاش متصرف هاد رجال مبقات فيهم تيقة حتا ولادهم متيحنوش فيهم شمن عيشة ونتي خايفة على ولدك من باه اقرب شخص ليه عقلي غادي يخرج حيت هادشي ماشي مرة ماشي جوج والمشكيل مبايناش عليه تيحماق على ولدو غير ولدي ولدي ومنين تيهزو تيوقف ليه داك لخنز كون كان مناويش دغل منين عارف ديالي تيوقف منعاودش نهز ولدي بداك طريقة دابا نصحوني عفاكم راه كنحس بحياتي وحيات ولدي ضاعت والله يرحم الوالدين متيقوش فرجالكم وحضيو ولادكم راه ولاو مكبوتين
منقول

سلام عليكم أنا فعمري 25 عام مطلقة أو عايشة غي مع ماما صاف أو مؤخرا كنت تعرفت على واحد إنسان عندو 35 عام مدة 5 شهور أو صاف حتى قال ليا غانجي لداركم نخطبك أو هاد يامات تغير عليا سيد تبدل مبقاش كيما هوا صاف واحد نهار قال ليا شوفي أبنت ناس أنا مابقيتش مرتاح معاك أو طلب مني فراق صاف تفارق معايا بدون سبب معرفتش علاش صاف دازت مدة 4 شهور بحكم أنا كنت كنعرف ختو بقات علاقتنا زوينة بقينا كنهدرو مرة مرة أو ولدها حتى هوا كان كيدوي معايا مرة مرة فعمرو 20 عام صاف دازو ليام حتى لقيت راسي وليت كندوي مع هاد ولد بزااف يوميا أو بالسوايع حتى وليت كنبغيه أو حتا هوا ولا كيبغيني صراحة دري كيعطيني اهتمام بزااف تيسول فيا بزاف صراحة كان حسن من خالو أو بزاف دري عاطيني وقت صاف دري معمر ليا عيني أو بلا ما تقول ليا راه بغاك غي حيت ميمة ولا على مصلحتك حيت كايبان راجل نص مشكل أنه باقي صغير عندو 20 عام باقي مقادش على مسؤولية معرفتش شنو ندير أو دبا بغيت نتزوج بيه بحكم أنا كبيرة عليه ب 5 سنين معرفتش أش غاتقول ليا ماما وخا مغاديش ترضى نتزوج واحد صغير عليا أو باقي مقادش على مسؤولية عفاكم بلا ضحكو عليا بغيت نصائح ديالكم
منقول
#مشاكل #زوجية

سلام عليكم كنت حكيت مشكيل ديالي لي هو مني تزوجت راجلي خلاني من حماتي بحكم خدمتو فمخزن خدام فمدينة اخرى بعيدة وعندو سكن حماتي دوات مع راجلي وبزز باش قبل نتجمعو حيت شاري برطمة ديالو فلخر وافق ومشينا مني مشيت وانا عايشة فجحيم كنطيب نشقى ندير كلشي مكضحك مكهضر ما والو ونقول نصبر تيحن الله لبارح قتلو ديني عند دارنا قالي تمشي تبعك ورقتك ديال طلاق اول مرة غنهضر قتلو حشومة عليك هدشي بدا يغوت قالي هزيتي صوتك ضربيني حين قتلو مهزيتش صوتي منكدها عليا دابة حماتي عندها شغل فدار جابني دارهم على اساس نعونها ودكشي لدرت نيت حيت جايين ضياف عيالات لواسي بقاو كضحكو عليا قالو ليا بقيتي فينا اش هاد تعامل كعاملك جايبك من دارك لهنا باش تشقاي مني عاودت ليهم كفاش كعاملني قالو لي باز حاكر عليك تهلاي فراسك سيري من حمام لكوافورة وفرضي شخصيتك شوية مالو صافي داز ديك يومين رجعت لداري عندو وليت كنشقى غي شوية وارتاح شوية ، صافي داك نهار قلت ليه بغيت نمشي صالون نهتم براسي شوية قالي تنشوف ونقولك قتلو واش اه ولا لا قالي اه واخا صافي داني وصلني رجع دار تصونيت ليه عاد جا قالي اصوبتي مبان ليا تتغيير قتلو شعري راه مغطي واش نعريها غي ضحكت انا مغنعريش شعري بدا كسب وعايير ناس كتشوف قتلو عفاك بلا شوهة بدا يغوت رجعنا داز عليا نهار كحل قالي عمرك باقي تشوفي زنقة قلتلو انت ماشي راجل عندك مرض. نفسي معرفت كفاش ضر.بني طحت فأرض مبقيت عاقلة على والو كنت غنم.وت جيران خرجو كدقو هو محلش لباب لغد ليه مشى خدمة واحد جارة كدق حليت سولتني مالك فوجهك قتليها والو غي خرجت فباب بقات كتشوف قاتلي واش معندكش واليديك خفت نمشي يدفع طلاق دارنا ميبغوش طلاق انا خرجت من باك تزوجت معنديش تا صنعة هدشي علاش خفت من طلاق #مشاكل #زوجية
منقول

سلام عليكم انا عمري 17 سنة مع واحد دري فعلاقة مدة عامين كنبغيه ولاكن هو دابا كيغبر عليا عاد كيجي يصيفطلي هديك سلام تبدل عليا شي شويا كان وقع واحد نقاش بيناتنا قبل رمضان وحلفلي بلي كيبغيني واعدني بلي غادي يجي يخطبني فشهر 6 ومرت خالي قالتلي كاين واحد عندو 34 عام كاين فرانسا إلى بغيتي يجي يخطبك عفاكم نصحوني أش ندير مع العلم حت دري ليراني معاه كاين فسبانيا فعمرو 19 سنة واش نتسناه ولا خايفا نتزوج هداك ليعمرو 33 ويوقعو مشاكيل حيت مكنبغيهش وهو كبير عليا ماعرفتش شكون فيهم تلفت نصحوني بليز
منقول

سلام عليكم انا مزوجة هادي عامين انا عندي 33 وراجلي 36 راجلي كان خدام معايا قبل زواج كان واحد انسان الله يعمرها دار واش هداك هو طبعو او لا كان يمثل عليا معرفتش جا خطبني كنت مقررة ندير والو حفلة صغيرة في دار وصافي ناضت أم ديالو قالت لا ولدي اول خاصو يدير عرس وبحكم باه كان مريض غادي ديريه انتي شفت حتى عيت قلت واخا ماشي مشكيل ديك حفلة نكبرها شوية صافي بديت نوجد ندفع عربون كلشي دفعتو حددنا نهار مابقات قالت ليا والو هو كنسولو كيقولي وليدة ماقالت والو حتى واحد نهار كنتفاجأ كيقولو ليا مغاديش نجيو نحضرو اب ديالي مريض بزاف بغيتي ديري عرسك ديريه حنا منحضروش صافي تفقصت لغيت كلشي مفروض من ديك ساعة نلغي حتى زواج لأن أم ديالو هي للي كتعطي قرار صافي توفى أب ديالو مادرت والو احتراما لراجلي دايرة لاكت كرا دار مشيت داري هو جهز نص في دار وانا نص فرشناها قديناها خرجت من خدمة قبل زواج حيث هو تحول مدينة اخرى بدينا حياتنا سيد كنشوف فيه مرة مزيان غير كتهضر معاه مو كيتقلب كنجيو حنا ساكنين في مدينة وحدة من كنجيو نزورو عدوستي ماكتبغيش تخليني نمشي نشوف دارنا الى جينا ويكاند كنباتو عندها وحتى لغد ليه في عشية كنمشي نشوف دارنا سويعات معدودة وكنرجعو مدينة فين ساكينن في ايام عادية مكيبغيش يخليني نجي نشوف دارنا مهم حملت دوزت عليا لعذاب كحل حاولت بكل طرق طيح ليا في كرشي ولكن ربي كبير في شهر اخير ديال ولادة قالي راجلي ولدي في داركم من جيت بغيت نمشي نولد في دارنا ناضت ليا عدوزة شبعات فيا معيور علاش نمشي نولد في دار انا مجوبتهاش بحكم مرا كبيرة مشيت ولدت في دارنا لدرجة راجلي معمرو جاب ليا عشرة دراهم كفتة ولدت بفتيح انا نافسة في دارنا ودارت سبوع في دارها وقفت على طلاق مابقيتيش باغا نكمل دخلو ناس صالحونا رجعت لداري دابا راجلي قالك تمشي تصالحي مع مي راها مغلطاتش معاك كنقوليه هاشنو دارت وهاشنو دارت كيقولي هديك مي منقدرش نهضر معاها كوني انتي مولات لعقل دابا شد كونجي من جينا لمدينتا حطني في دارنا من صواب يتقدى شي حاجة ماتقدا والو وماعطاني لافلوس لا والو ومشى لداهم من هضرت معاه قالي معنديش يعني بحال بغا يلوي ليا ضراعي صحة دابا مابقيت عارفة ماندير واش نطلب طلاق اكتشفت انو راجلي نرجسي ومو هي للي كتحكم وخي مولات شوار واخا نبقى نهضر حنى لغدا للي قالتو هي هو للي يكون بقى فيا ولدي مابغيتش نحرمو من باه ولدو مامنقص عليه والو حليب ليكوش لبس كلشي موفرو ليه انا للي شاد معايا ضد من نجي لدارنا أما في دارو كيصرف مامنقص علينا والو مشكيل هو ماخاصنيش نجي لدارنا غادي تقولو ليا أب ديالك فين هو أب ديالي مطلق أم ديالي كل واحد عايش حياتو ولكن ميسورين ماديا كيقولو ليا طلقي حنا نهزو لك ولدك ماغادي يخصو والو انا مابغيتش نتسرع على هاد القرار باش تنصحوني #مشاكل #زوجية
منقول

انا عندي 17 سنة بقى لي شهراين نكمل 18 انا البنت الواحيدة عند عائلتي المشكيل لي عندي هو الام ديالي صعيبة بزاف مكاتعاشرش ومكاتفهمنيش وشحال من حاجة اخرى كاتبقى تسبني وتقولي كلام كايجرحني خرجات ليا على حياتي بي معنى الكلمة تا من القراية خرجت منها هادي عام كاندير لي فجهدي وكتر باش ندير شغال الدار كامل ونوجد ليه الذ الاطباق باش تفرح ولكن ملي كاتجي ضروري غاتنقص مني وتقوليا مالي قلت لك ديري ليا هادشي علاش مادرتيش داكشي لي قلت لك وكاتمشي تشوف شي حاجة لي مادرتش تقولي علاش هادي مهم ضروري تعيب فيا شي حاجة وملي كانمشيو عند شي واحد ديما كاتنقص مني وتحرجني قدام الناس كايبقى فيا الحال بزاف ولكن كانصبر وكانقول ماعليش ماما هاديك نصبر عليها ولكن والو ماحدي كانسكت وهيا كاتزيد فيه انا من البنات لي حشوميين بزاف وديما كانحني راسي فاش كانمشي. ولا كانسكت وكاتقولي ياعلى معوقة ولدت وكاتقولي ندمات حيت ولداتني سعدات لي ماعندو ولاد ولا شي بنت بحالي وكاتسبني ب بزاف دالالفاظ لي مافياش ونا بنت محتارمة داخلة سوق راسي مكانتصاحبش ما والو ولكن بدون فائدة صافي المشكيل لي فيا هو ملي كاتقولي هكك كانصبر تا كايتقادا صبري كانبدى نغوت ونضرب راسي ونتف شعري ... ومكانعرفش اش كانقول كاع وكانقول شي هضرة خاشي الخاطري مثلا خرجتي ليا على حياتي مغاديش نسمح لك... ولكن من بعد كايتنادم معايا الحال كيما كان الحال ماما ومابغيتش ندي سخط ديالها الله يحفظ صافي وليت كانغير من البنات لي عندهم ما واتهم حنان بزاف وكايتهلاو فيهم ولاو غا بالهضرة انا كلمت بنتي عمرني سمعتها 💔 صافي من بعد واحد المدة جا خطبني واحد السيد زواج تقليدي دري زوين وخدام على راسو ومرتاحة معاه وكايتهلا فيا ... مهم زوينة من جيمع النواحي غا هو غانسكنو مع عائلتو حيت هو الوحيد عند واليديه وناسو الله يعمرها دار ناس مزيانين وعندهم سمعة زوينة وما حرت خفت نعاود نعيش داكشي لي عشت مع ماما تا مع راجلي ديروني ختكم ونصوحني اش غاندير اواحد الحاجة القراية مغاديش نرجع ليها حيت عندي شي ظروف مهم نصحوني اخوتي راه تلفت #مشاكل #عائلية #قصص
منقول

#مشكل #عضوة

البنات انا مزوجة بروسي دبا عام ونص وعندنا دبا ولد يلا عندو 3 شهور ملي تزوجت حتى ولدت عمرني هبطت للمغرب حيت مع الحمل وكنت كنخاف قلت حتى نولد المهم صافي هبطت المغرب فشهر 11 فينما كنبغي نخرج مع راجلي كيجيو شي حيوانات الله ياخد فيهم الحق كيضورونا وكيبقاو يقولوا عليا أم شنطة ولا كيقولوا ساليتي من الخليجي دزتي لگاوري كرهت هاد الشي تخيلوا معايا غير مؤخرا كنت خارجة انا وياه وولدي كنا جالسين فواحد لڤيو وهو يجي واحد الحمار واحد الشمكار جرني من ايدي وولدي كان غيطيح ليا كون مشديتوش وبدا كيقولي ملي دوزتي معاه ليلة واجي دوزي معايا حتى انا ولا نتوما كتقبلوا غير بلبراني راجلي تعصب ضربوا نيت قتلوا بالعصا وديكلارينا بداك الحمار و صافي فينما كانكون فالدار وكيقولي يلا نخرجوا كنقوليه لا مبغيتش مبقيتش باغا ايلا خرجتي معايا غادي يبقاو يقولوا ليا هاكداك لدرجة هو النهار الثاني قطع لبييي ديال الطيارة قال ليا ما عندنا منبقاو نديروا هنايا وقال ليا لابغيتي تهبطي للمغرب جي بوحدك باش تبقاي مرتاحة ولكن معرفتش وليت كنفكر نستاقر فروسيا فمرة وبلاما نبقا نهبط للمغرب ولا بغيت نشوف واليديا يجيوا لعندي شوفوا نتوما اش بانليكم

+ البنات من الفقصة الحليب بحالا قلال ليا تخلعت والله
منقول للفائدة

#مشكل #عضوة

البنات معرفتش اش ندير دبا انا مزوجة ولكن باقي مدخلش بيا و راجلي كيتخلص 16000 درهم و هو متشدد بزاف وفلول زعما فاش كنا تلاقينا كان ضريف وكلشي زعما انسان واصل واي بنت تمناه نهار تزوجنا منع عليا بزاف ديال الحوايج ودبا قالك خرجي من الخدمة ميمكنش مراتي تخدم معندناش هاد الشي فالعائلة انا بقيت غير كنشوف خواتاتو خدامين ومعرفتش مالو داير هاد الحالة قلت ليه اييه وشنو المقابل قاليا غادي نخلي ليك مصروف شهري ديالك نتي قلت شحال قال ليا 2500 الدرهم المشكلة انا راه كنتخلص تقريبا 30000 درهم من غير لپريمات لي كناخد ورغم ذلك قبلت بيه لأن ناشي كلشي الصالير عندو طالع شفت حتى شفت وانا نگول ليه نتعاون معاك ب 5000 درهم وطلقني اخويا وهو يتفرگع عليا وبدا يعطيني فالأذكار وانا تهزيت فحالي مشيت لدارنا قلت ليهم متوجدوش لعرس غا نطلق داك الزبل حياتي كاملة فنيتها فالقراية و المرض والعذاب كنت نمشي 4 كيلومتر على رجلي باش نقرا ونسهر الليالي وشحال طلبت ورغبت باش ندوز فالسطاجات وبابا خدم بالليل وبالنهار باش يوفر ليا داكشي لي باغا وباش يديني لبرا نكمل قرايتي ويجي واحد ما دامر عليا ما والو يقول ليا خرجي من الخدمة وخا نعرف عمرني نتزوج لا كانت لشي واحد نصيحتي ايااكم البنات ثم وياكم يسخن عليكم مخكم وتخرجو من الخدمة على قبل شي حلوف نهار طلقي نتي وياه قولي للصبع الوسطاني ينوض يخدم ويردم عليك باك تعذب وتابر باش نتي تقراي وفاللخر ما ديري والو ؟
منقول للفائدة

سلام بغيت نسولكم دبا انا راجلي ديما مين كنبغي نجي لدارنا خاصو يجي معايا ممنوع عليا نبات و هو مكاينش معايا ديما صداع على هاد المشكل وصباح مين كان ايجيبني قالي انمشيو ورجعو فلعشية قلتلو إلا انمشي مرحبا رجع نجلس بحالي منمشيش حيت ممشيت قبل رمضان مهم جابني نشوف دارنا وهو خدام غدا قلتلو حتى لغدا و يجيبني بابا برغم بابا معندوش طموبيل قالي صافي ولا مين كان غادي قالي فليل يجيبك و قتلو انا انشوف مين وصل ليل كيصوني قالي علاش مجتيش قتلو طموبيل لي كان ايجيبها من عند خالي دا بيها مرتو هادشي لي قتلو و قالي نتي كتقلبي على طلاق ديما كيقولها و هو يقولي سمعيني نتي راكي مطلقة و قالها ثلاث مرات و قالي نجيب للااك صدمني صدمة عمري صبرت بزاف ولكن عمرني ضنيتها دبا بغيت نسول وليت محرمة عليه ؟؟
حيت جا هو و مو كيرغب و مبغيتش رجع معهم حيت مو قالت لولديا بنتكم مكتعرف والو و بقات كتعاير و هو يقول لبابا بنتك مكتنوضش بكري حتى و12 و قالو واحد الهضرة تصدمت قالو كدقولي مك تغسل الماعن دير معايا نوبة عرفتو قدام مو هادشي مهم مخلاوش و انا ربي لي شاهد مكندير هادشي كيبالي ولد مو حيت ميمكنش راجل يقول هادشي صافي مين مبغيتش رجع جا قالي اري الخاتم ولا قالي راني إدرت سبة عفاك رجعي معايا لدار و كيبكي ندم خليتهم شي نص ساعة قدام ضار كيرغب من بعد ضار هدرو معايا و رجعت دبا بغيت نعرف واش كاينين رجال كيبقاو يتشكاو هكا ولا مو تكون سبب حيت الخاتم حتى خرج عند عاد جا قالي اريه ماعرفتش شنو تقوليه ؟
منقول