Comptable Ouarzazate

ضريبة السكن و ضريبة الخدمات الجماعية: آخر أجل للتصريح بالتغييرات التي عرفتها العقارات هو 31 يناير 2026

Housing and Communal Services Tax: January 31, 2026 Deadline for Declaring Real Estate Changes

#المغرب

✅️| الحلقة 3: شنو تغيّر في نظام المساهمة المهنية الموحدة CPU؟

قبل ما نجاوبوا على هاد السؤال، آجيو نذكروا شوية بنظام المساهمة المهنية الموحدة؛

نظام المساهمة المهنية الموحدة هو أحد الأنظمة الأربع، لي وجوبًا خاص الأشخاص الذاتيين الخاضعين للضريبة على الدخل صنف الدخول المهنية أنهم يخضعوا لواحد منّهم، وهاد الأنظمة هي كالتالي:

1️⃣ نظام النتيجة الصافية الحقيقية RNR
2️⃣ نظام النتيجة الصافية المبسطة RNS
3️⃣ نظام المساهمة المهنية الموحدة CPU
4️⃣ نظام المقاول الذاتي A-E

📑 للخضوع لنظام المساهمة المهنية الموحدة، خاص المعني بالأمر يحترم شرطين حتى يستمر في هذا النظام:

- الشرط الأول: مايفوتش كل عام رقم الأعمال المحدد في 200 مليون السنتيم إذا كان تاجر أو صانع أو حرفي، و50 مليون السنتيم إذا كان كيقدم أنشطة خدماتية؛

- الشرط الثاني: وجوب الانخراط في نظام التأمين الإجباري الأساسي عن المرض.

هاد النظام، المشرّع أحدثه لأول مرة بموجب قانون المالية لسنة 2021، وحلّ محلّ النظام الجزافي سابقًا، ولي المشرّع راعَ من خلاله طبيعة الأنشطة لي ممكن يزاولها هذا النوع من الأشخاص (حلاق، إسكافي، خياط، بقال، نشاط لبيع المجوهرات، نشاط لبيع الملابس، عقاقير... إلخ)، وأيضا هاد الأشخاص غير ملزمين باش يمسكو محاسبة؛

✅️ إلى حدٍّ ما هذا النظام يُنصح به، واختيار جيد نظرًا لنسبة الضريبة على الدخل السنوية المؤداة؛

🧏‍♂️ دبا آجيو نشوفو شنو لي تعدّل فيه بموجب قانون المالية لسنة 2026:

📌التعديل الذي نص عليه قانون المالية لسنة 2026، بموجبه كايمنح للأشخاص الذاتيين الخاضعين لنظام المساهمة المهنية الموحدة، ولي قرروا أنهم يوقفوا نهائيا النشاط ديالهم، من خصم 50% في الحالة لي هاد الأشخاص قاموا ببيع العناصر غير المجسدة للأصل التجاري ديالهم؛

طبعًا غاتقولي شناهيا هاد العناصر غير المجسدة لي غانبيعها ولي بموجبها غانستافد من الخصم المذكور؟

🔢 مثال تطبيقي:

عمر خاضع للضريبة على الدخل وفق نظام المساهمة المهنية الموحدة، عندو محل كايبيع فيه الملابس الجاهزة للنساء والرجال؛

واحد النهار قرر أنه يوقف نهائيا هاد النشاط ويمشي يرتاح براكة عليه؛

فهاد الحالة شنو غايدير؟

- غايبيع المحل ديالو إذا كان فالملكية ديالو، وهنا بطبيعة الحال غاتكون هاد العملية خاضعة للضريبة على الأرباح العقارية؛

- زائد أنه غايبيع الأصل التجاري والعناصر المجسدة وغير المجسدة المرتبطة به؛

🙆‍♂️ باش نبسطوا أكثر هاد العناصر شناهي؟

1️⃣ العناصر المجسدة: السلعة والمعدات لي كايشتغل بها المحل؛

2️⃣ العناصر غير المجسدة: الإسم التجاري (مثال: الجودة عند أسامة بوغدة)، اللوغو، الحق في الكراء، الزبناء... إلخ.

هاد العناصر المجسدة وغير المجسدة، عُمر بطبيعة الحال منين غايبغي يبيع الأصل التجاري ديالو، في نفس الوقت غايبيع معه هاد العناصر المذكورة؛

وبطبيعة الحال، المبلغ لي غايبيع به الأصل التجاري والعناصر المرتبطة به، خاصو لزامًا يخلص عليهم الضريبة على الدخل؛

📌التعديل لي غايستفد منو عُمر في هذه الحالة، هو أن المبلغ ديال البيع ديالو للعناصر غير المجسدة، غايخلّص الضريبة على الدخل فقط على 50% منو.

❗️وأكيد هناك شروط باش يستافد من هاد الخصم، والتي يمكن إجمالها في التالي:

1️⃣ خاص السي عمر يكون فعمرو 65 سنة كاملةً في تاريخ التوقف النهائي لنشاطه؛

2️⃣ يكون السي عمر ماكايتوفرش على نظام للتقاعد؛

3️⃣ أن المبلغ لي باع به العناصر غير المجسدة مايفوتش 100 مليون السنتيم.

❌️ بطبيعة الحال، هاد التعديل ماشي شي حاااااجة، ولكن إلى حدٍّ ما سيوفر السي عمر مبلغ نصف الضريبة لي ممكن يكون بالملايين السنتيمات، ولي نتمناو أن هاد الخصم يشمل حتى العناصر المجسّدة أيضا، ولما لا تكون نسبة الخصم 100% في قوانين المالية اللاحقة.

- بقلم الاستاذ أسامة بوغدة-

✅️| الحلقة 2: ماذا تغيّر في نسب واجبات التسجيل عند اقتناء عقار أو حق عيني أو أصل تجاري؟

📌مستجدات قانون المالية لسنة 2026

كيف كاتعرفوا بأن أي شخص قام باقتناء عقار أو حق عيني عقاري هو خاضع لضريبة سميتها واجبات التسجيل؛

🔢 والمُشرّع حدد النسبة لي واجب على المقتني يأديها حين اقتناءه للعقار أو حق عيني عقاري؛

والنسبة التي يتعين أداءها، تختلف باختلاف طبيعة العقار، هل هو مبنى معد للسكن أو مخصص لغرض مهني أو تجاري، أم أرض فارغة أو مشتملة على بناءات مقرر هدمها...إلخ؛

📊 وهاد النسب تتراوح بين 6%، 5%، 4%، و3%، تختلف كما قلنا بطبيعة العقار، بالإضافة إلى طبيعة عمليات الاقتناء والأشخاص لي غايقتنيو هاد العقارات؛

❗️جدير بالذكر بأن أداء واجبات التسجيل واحد الأمر لي هو مُلزم، ويترتب عن عدم أداءه جميع الأحكام المتعلقة بتأسيس وتحصيل الديون الضريبية؛

دبا آجيو نشوفو شنو لي تبدل في المقتضيات القانونية المؤطرة لواجبات التسجيل بموجب قانون المالية لسنة 2026:

في قانون المالية لسنة 2026، المُشرّع احتفظ بنفس النسب لي ذكرناها أعلاه، بل أنه زاد نسبة أخرى وحددها في 2%، وسمّاها ب: "واجب تسجيل إضافي"؛

🧏‍♂️معناه؟

معناه أنه إذا شريتي عقار أو حق عيني عقاري، وأديتي لبائع العقار قيمة هاد الأخير نقدًا، يعني شريتي بالكاش، فهاد الحالة إذا كان العقار مبنى مثلاً، غاتخلص 4% من قيمة العقار لإدارة الضرائب كواجب تسجيل أصلي، زائد 2% من قيمة العقار لأنك شريتي بالكاش!

وطبعًا هناك حالات، إذا كنتِ معني بإحداها فأنت ملزم بأداء واجب التسجيل الإضافي المذكور عند اقتناء العقار، وهم:

1️⃣ إذا أدّيت قيمة العقار نقدًا (كاش)، ولم تؤدي بواسطة وسائل الأداء لي نصّ عليها المُشرّع الضريبي في المادة 11: (بواسطة: شيك، أو كمبيالة، أو بطريقة مغناطيسية للأداء، أو تحويل بنكي... إلخ)؛

2️⃣ أو إذا لم يتم الإشارة في عقد التفويت (عقد البيع) بوسيلة الأداء التي بموجبها أدّيتَ مبلغ العقار للبائع؛

3️⃣ أو في الحالة لي أديتي قسط من المبلغ بالكاش والقسط الآخر بإحدى وسائل الأداء المشار إليها في الحالة الأولى، تُؤدى نسبة 2% عن القسط المؤدى بالكاش.

✔️ تُجدر الإشارة إلى أن واجب التسجيل الإضافي هذا، معني به فقط العقار الذي تتجاوز قيمته مبلغ 30 مليون السنتيم، أي أن الأشخاص لي غايستافدو من دعم السكن ب10 المليون أو الأشخاص لي غايقتنيو سكن اجتماعي (25 مليون السنتيم كحد أقصى) وغيرهم غير معنيين بأداء 2% في حال خلصو بالكاش.

✔️ وتُجدر الإشارة أيضا، أن أداء واجب التسجيل الإضافي يُطبّق حتى عند اقتناء أصل تجاري.

❌️ تنبيه لا بد منه:

أنت كمقتني للعقار وخلصتي بالشيك مثلا، قبل ما توقع على عقد التفويت عند الموثق أو العُدول أو عند المحامي المقبول للترافع أمام محكمة النقض، لا بد تقرا مزيان العقد وتشوف واش تمت الإشارة فيه على أنك أدّيتِ المبلغ بواسطة شيك ولا لا، تحت طائلة أداء الواجب الإضافي أمام مصالح التحصيل لإدارة الضرائب.

بقلم الأستاذ أسامة بوغدة

✅️| الحلقة 1: شنو تغير في برنامج دعم السكن؟

قبل مانجاوبوا على هاد السؤال، آجيو نذكّروا ببرنامج دعم السكن الذي أُحدث لأول مرة بموجب قانون المالية لسنة 2023، ولي تم التعديل ديالو مرتين برسم نفس القانون سنتي 2024 و2026؛

إعانة الدولة لدعم السكن، هي واحد المبادرة موجّهة أساسًا للأشخاص الذين يحملون الجنسية المغربية، ولي عمرهم سبقليهم استفادوا من أي امتياز من طرف الدولة فيما يخص السكن، أي أنه بالنسبة للأشخاص لي استفادوا من الإعفاء من أداء الضريبة على القيمة المضافة عند تملّكهم للسكن الاجتماعي (أو ما يُعرف بالسكن الاقتصادي)، لا يحقّ لهم الاستفادة من هذه الإعانة؛

❗️وطبعا هناك موانع أخرى من هذه الاستفادة، من قبيل مثلاً، طالب الاستفادة ما يكونش مالك لعقار آخر مخصص للسكن من تاريخ الاقتناء ديالو للسكن موضوع الإعانة، بالإضافة للشروط التالية التي يتعين توفّرها لقبول الطلب:

1️⃣ إبرام الوعد بالبيع وعقد البيع النهائي لدى موثق (أي أن العدول والمحامي المقبول للترافع أمام محكمة النقض، المشرّع لم يمنحهما إمكانية مباشرة هذه المسطرة)؛
2️⃣ العقد النهائي خاصّو يتضمّن التزام المقتني أنه يخصص هاد السكن لسكناه الرئيسية لمدة 5 سنوات (يقابل هذا الالتزام وضع الدولة يدها على العقار طيلة المدة المذكورة)؛

*️⃣إلى جانب باقي الشروط الشكلية الأخرى.

وأكيد كما يعلم الجميع، بأن الدعم المالي المباشر يحدد في 10 المليون السنتيم من أجل اقتناء سكن يقل ثمنه عن 30 مليون السنتيم أو يعادله، إلى جانب دعم 7 المليون السنتيم في حال كان هاد السكن موضوع الإعانة تم اقتناءه بمبلغ يفوق 30 مليون السنتيم ويقل عن 70 مليون السنتيم أو ما يعادله.

🧏‍♂️سؤال: شنو لي تغيّر فهاد الإعانة بموجب قانون المالية لسنة 2026؟

1️⃣ لي تغيّر في شروط الاستفادة من هذه الإعانة، هو أن المُشرّع فطِن لواحد القيد كان بموجبه يمنع فئة عريضة من الأشخاص من الاستفادة من هذه الإعانة؛

هاد الفئة تتمثل أساسا في الأشخاص لي كايتملكو على الشياع عقارات مخصصة للسكن، بمعنى أن هناك شاب مثلا، توفى الوالد ديالو وورث عنه وإخوته العقار المخصص للسكن لي كان فالملكية ديال الهالك؛

✔️ هذا الشاب عند طلبه للإعانة المذكورة، كان يصطدم مع شرط ملكيته للعقار، وبالتالي بموجب قانون المالية لسنة 2026، يمكن لهذا الشاب وغيره من الأشخاص الذين يملكون على الشياع عقارات مخصصة للسكن، الاستفادة من أحد مبلغيْ الدعم المشار إليهما أعلاه، مع توفّره على باقي الشروط المقرّرة قانونًا.

2️⃣ هناك تعديل آخر جاء به هذا القانون، هو أنه في الصياغة التشريعية لي جا بها قانون المالية لسنة 2023، تنص على أن هناك إمكانية وحيدة لرفع الرهن على العقار موضوع الإعانة، هي في الحالة لي المعني بالأمر كايحترم الشروط ولي بناءً عليها كايكوّن ملف رفع الرهن ويدلي به للجهة الحكومية المعنية؛

الإمكانية الثانية لي نصّ عليها المشرّع، بموجب هذا القانون، هو إمكانية رفع الرهن حتى إذا المعني بالأمر ما حتارمش شرط عدم تخصيصو هاد السكن لسكناه الرئيسية لمدة 5 سنوات، فهاد الحالة يُرفع الرهن على العقار بعد أن يقوم بإرجاع مبلغ الإعانة.

📌ملاحظة أولى: هاد المسطرة ديال طلب الاستفادة من إعانة الدولة لدعم السكن، لا يمكن القيام بها إلا عن طريق الموثق حصرًا؛

📌ملاحظة ثانية: أنظر في التعاليق أسفله؛

📌ملاحظة ثالثة: قانون مالية السنة، من وجهةِ نظري، هو أهم قانون يتم التشريع له كل سنة، أي أن الجميع يجب أن يترقّب المقتضيات القانونية التي سيأتي بها، ويتدارسها، كُلاًّ من زاوية اهتمامه، بعد نشر القانون في الجريدة الرسمية.

بقلم الاستاد اسامة بوغدة

Nous faisons suite à la publication au Bulletin Officiel de la nouvelle revalorisation du SMIG et du SMAG, avec une prise d’effet à compter du 1er janvier 2026 pour le SMIG et du 1er avril 2026 pour le SMAG.

Vous trouverez ci-dessous le détail des nouvelles valeurs applicables :
À compter du 1er janvier 2026, le SMIG horaire pour les secteurs de l’industrie, du commerce et des services est fixé à 17,92dhs par heure, soit 3 422,72 dhs par mois.
À compter du 1er avril 2026, le SMAG journalier pour les secteurs agricole et forestier est fixé à 97,44dhs par jour, soit 2 533,44dhs par mois.

خرجات الإدارة العامة للضرائب (DGI) النسخة الجديدة ديال "المدونة العامة للضرائب" لسنة 2026، اللي كتطبق الأحكام اللي جابها قانون المالية رقم 50-25.

هاد النسخة الجديدة ما جاتش باش تقلب الموازين وتغير كلشي كيفما شفنا فسنوات قبل، ولكن جات مركزة على "رتوشات" دقيقة باش تزير "التحصيل الضريبي" وتضمن الشفافية وتعرف كل درهم فين مشى وفين جا.

شنو الجديد فالصفقات العمومية؟

أهم تغيير ركزات عليه المدونة هو "واجبات التسجيل" الجديدة. ابتداءً من فاتح يناير 2026، أي عقد أو صفقة كتعلق بالأشغال، التوريدات أو الخدمات اللي كتدار لفائدة الدولة، الجماعات الترابية، المؤسسات والشركات العمومية وحتى الفروع ديالها، غادي تولي خاضعة لواحد الضريبة ديال التسجيل نسبتها 0.1%.

باش الدولة تحارب التعاملات السرية (النوار) والفلوس اللي كتدوز بلا وراق، المدونة الجديدة جابت "رسم إضافي" بنسبة 2%. هاد الرسم غادي يطبق فالحالات اللي ما كيكونش فيها إثبات واضح للأداء (الخلاص)، وهادشي باش يسدو الباب على أي ممارسات مالية غير قانونية.

الجانب الاجتماعي كان حاضر بقوة فهاد التعديلات باش يخفف العبء على المواطن:
- الموظفين والأجراء: تم رفع سقف التخفيض من الضريبة على الدخل (IR) بالنسبة للناس اللي عندهم "أعباء عائلية" (الولاد والزوجة).

- المتقاعدين: كاين إعفاء من الضرائب على معاشات التقاعد، وهادي خطوة مهمة لهاد الفئة.

- الفلاحة: تم توسيع دائرة الإعفاءات من الضريبة على القيمة المضافة (TVA) فالقطاع الفلاحي، وزادو تدابير مؤقتة كتخص استيراد بعض المواد، باش يعاونو الفلاح ويحافظو على استقرار الأثمنة.
هاد الإجراءات كتبين التوجه ديال الدولة باش توازن بين تحسين المداخيل الضريبية وضبطها، وبين الحفاظ على القدرة الشرائية ديال المواطنين.

#

الدليل الشامل 2026 👌 بعجالة ⏱ :

✅ واش أنا معني بهاد التصريح 💻 ديال آجال الأداء délais de paiement ؟

كنتي كتحمل صفة تاجر سواءاً، كشخص ذاتي personne physique 👨‍💻 أو شخص معنوي personne morale 🏭 فهذا كايعني أنك مبدئياً خاضع لهاد القانون،

بتبسيط أكثر عندك نمرة ديال السجل التجاري RC فراك خاضع لهاد القانون ⚖، إستثناء وحيد ☝ لي ماخاضعش لهاد القانون هوما المعاملات لي كادير مع غير المقيمين لي ماعندهومش مقر اجتماعي فالمغرب كمثال بعتي للخارج 🚢 أي درتي التصدير ماغاديش طبق هاد القانون على هاد المعاملة التجارية

✅ واش فعلاً أي شركة أو شخص ذاتي تاجر كايخضع لهاد القانون ؟

إبتداءًا من فاتح يناير 2026, إلا كان رقم المعاملات لي حققتي ف 2025 فايت 2 دلمليون ديال الدرهم أي 200 مليون د سنتيم 💰 (بطبيعة الحال رقم المعاملات أو le chiffre d'affaires كايكون hors taxes) ، فراك خاضع لهاد القانون وضروري تبقى دير التصريحات الخاصة بيه فالموقع ديال مديرية الضرائب

✅ دبا من اللخر شنو كايكول هاد القانون ؟

هاد القانون كايلزم عليك أنك فينما دير واحد العملية ديال الشراء (من عند موردين فالمغرب) غادي يخصك ترد البال للأجل ⌚ لي غادي تخلص فيه داك المورد لأنه إلا فتي الأجل القانوني باش تخلصو غادي تخلص غرامة للدولة

✅ وشحال هو هاد الأجل ومن إيمتى كايبدى إتحسب ؟

عندنا جوج ديال الحالات :

1⃣ الحالة الأولى هي ملي ماكايكون حتى إتفاق بينك كمشتري وبين المورد، بمعنى شريتي من عندو وبس ، فهاد الحالة القانون كايعطيك أجل ديال 60 يوم باش تخلصو

2⃣ الحالة الثانية هي ملي كاتبغي دير معاه إتفاق على الأجل، هنا القانون كايعطيك الحق تمشي معاه حتى ل 120 يوم

دبا منين كايبدى الحساب ؟ دون الدخول فالتفاصيل الحساب كيبدى من التاريخ ديال الفاتورة لي غادي يعطيك المورد أو من آخر يوم من الشهر لي تسلمتي فيه الخدمة أو السلعة إلا باقي ماخديتيش الفاتورة

✅ وكيفاش وإيمتى كانديرو التصريح ؟

إبتداءًا من 2026, التصريح غادي يكون كل ثلاث أشهر trimestriel بحال الشكل ديال TVA trimestrielle بمعنى فينما يسالي trimestre غادي دير التصريح قبل مايسالي الشهر لي مورا داك trimestre

أما في مايخص شنو كايكون فالتصريح (لي كايكون بطريقة إلكترونية فالموقع ديال إدارة الضرائب SIMPL) فكايتكون من جوج ديال العناصر : جدول لي خاصو إتعمر و شهادة لي كاترفقها مع الجدول و لي كاتبت أن داكشي لي صرحتي بيه صحيح

✅ وخا تشرح لينا هاد العناصر بجوج وشحال هاد الغرامة إلا فتي الأجال ديال الخلاص ؟

1⃣ بالنسبة للجدول ، فكاتعمرو على حساب المعلومات لي طالبين ليك حسب كل خانة، المهم غادي تعمر فيه الفواتير لي تخلصو خارج الأجل وكذلك الفواتير لي باقي ماتخلصوش ولكن فات عليهوم الأجل

2⃣ أما في مايخص الشهادة، فغادي تستاعن يا إما بخبير محاسب أو محاسب معتمد باش اعطيك الشهادة لي كاتبت صحة المعلومات لي صرحتي بيها لأنه راه بحال إلا كاتشكي براسك وباش ماتكدبش غادي يخص لي يأكد صحة التصريح ديالك

3⃣ نجيو دبا للغرامة ، غادي نتكلمو على الغرامة لي كاتخلص على فاتورة صرحتي بيها فايتة الأجل ديال الخلاص (ماشي أنك ماصرحتيش كاع أو معمرتيش شي خانة فالجدول هادو عندهوم غرامات بوحدهوم لي يقدو يوصلو حتا ل 250000 درهم أي 25 مليون ديال السنتيم)،
المهم كل فاتورة فايتة الأجل كايتطبق عليها غرامة فالشهر الأول كاتساوي السعر المديري أو le taux directeur لي واصل حالياً ل 2,25% وكتزاد 0,85% كل شهر تأخير ، هاد الغرامات كايتطبقو على المبلغ ديال الفاتورة الشامل للرسوم أي TTC لي ماتخلصش أو تخلص خارج الأجل

📍 دبا لي غادي دير، ملي يسالي العام إن شاء الله وتحبسو les comptes غادي تشوف واش رقم المعاملات ديال 2025 فايت 2 دلمليون ديال الدرهم (أي 200 مليون سنتيم)، إلا كاين فايتو غادي يخصك تبدا توجد التصريح لي غادي دير قبل متم شهر أبريل 2026 والخاص ب trimestre الأول ديال 2026 .

✍ منقول

هاد الضريبة تفرضات أول مرة ف 2022 وكل عام كايديرو ليها التمديد 🛤 وحسب مشروع قانون المالية 2026 زادو ليها التمديد حتى ل 2028...

الأمر كايتعلق بالمساهمة الإجتماعية للتضامن أو la contribution sociale de solidarité ولي هي مساهمة 👛 لي جات فالمدونة العامة للضرائب 👮 ولي مفروضة على 2⃣ ديال الفئات ديال الخاضعين للضريبة :

✅ الفئة الأولى : ما يسلمه الشخص لنفسه من مبنى معد للسكن

✅ الفئة الثانية : الشركات والأشخاص الذاتيين المهنيين أي بالمختصر المفيد أي واحد مهني خاضع لنظام النتيجة الصافية الحقيقية لي معروف ب RNR وبالتالي كايصايب وكايحط le bilan لمديرية الضرائب

فهاد 👈 المنشور غادي نتكلمو على الفئة الثانية من خلال 6 ديال النقط :

1⃣ مبدئياً هاد المساهمة كاتطبق على أي مهني لي مامعفيش من الضريبة على الأرباح سواءًا كان شخص ذاتي لي خاضع للضريبة على الدخل IR أو شخص معنوي (الشركات) لي خاضعة للضريبة على الشركات IS وبالتالي ملي كتكون شي منشأة أو شخص ذاتي معفي من الضريبة على الأرباح فراه بالتبعية معفي من المساهمة الإجتماعية للتضامن

2⃣ الشرط الثاني للخضوع لهاد المساهمة هو يكون هاد الشخص الذاتي أو الشخص المعنوي خاضع لنظام النتيجة الصافية الحقيقية لي معروف ب RNR وبالتالي كايصايب وكايحط le bilan لمديرية الضرائب

3⃣ الشرط الثالث ولي كايتعلق بالربح الصافي لي هو le résultat net بحيث لا بالنسبة للأشخاص الذاتيين أو المعنويين فأي واحد وصل لربح صافي سنوي كايساوي أو كايفوق مليون ديال الدرهم أي 100 مليون سنتيم، فراه كايكون خاضع للمساهمة الإجتماعية للتضامن

4⃣ بالنسبة لوعاء الحساب أو la base de calcul ديال هاد المساهمة فكايكون على نفس القاعدة لي كانحسبو عليها الضريبة على الشركات أو الضريبة على الدخل

5⃣ هاد la base كانضربوها فالنسب التالية حسب مبلغ الربح ديال الشركة أو الدخل ديال الشخص الذاتي كالتالي :

✅ من مليون إلى أقل من 5 ملايين درهم كتكون النسبة 1,5 %
✅ من 5 ملايين إلى أقل من 10 ملايين كتكون النسبة 2,5 %
✅ من 10 ملايين إلى أقل من 40 ملايين كتكون النسبة 3,5 %
✅ من 40 مليون فما فوق كتكون النسبة 5 %

6⃣ باش نخلصو هاد المساهمة خاص نديرو التصريح 📄 خلال 3 أشهر الموالية لختام كل سنة محاسباتية بالنسبة للشخص المعنوي وبالنسبة للشخص الذاتي قبل من فاتح يونيو للسنة الموالية للسنة المحاسباتية الخاصة بالتصريح، بالنسبة للخلاص 💸 فراه كايكون مع التصريح
منقول

� اليوم العالمي للمحاسبين | 10 نوفمبر 2025
‏
في هذا اليوم نحتفي بجميع المحاسبين والمحاسبات حول العالم، الذين يساهمون في تعزيز الشفافية، ودعم القرارات المالية، وحماية استدامة الأعمال. 💼💡

شكرًا لكل من يحمل مسؤولية الأرقام بثقة ودقة، ويجعل من النظام المالي لغةً للنجاح والنمو.
‏
كل عام وأنتم شركاء الثقة والتميز! 👏📊
#المحاسبة

الجديد تاني