Hakilijakabɔ kɛnɛ

Ɲɛnamaya ka kɔrɔ ni saya ye, nka bɛɛ bɛ siran saya de ɲɛ, munna ? Bawo saya de bɛ dansigi kɛ fɛn bɛɛ la.

Seli ! yani seli ka kɛ i kan.

Ɲumanya ye siya, juguya ye siya.
Ɲumanya ni juguya tɛ bɛn kɔnɔbara kelen kɔnɔ.
N'i ye Ɲuman kɛ, i ye sini ɲɛsigi, n'i ye juguya kɛ, i ye sini ɲɛsigi fana.
Ɲumanya ye minɛnikɛwara ye, min b'a tigi lakana.
Juguya ye minɛnikɛwara ye, min b'a tigi ɲimin.

I muso b'i fɛ n'i bɛ yen, a t'i fɛ n'i tɛ yen. nka i ɲɛna o, i ma ɲɛ o, i ba b'i fɛ. Kɛ i ba fɛ. Lalabi.

Fanga bɛ faantan na, a bɛ sɛnɛ kɛ. Faama bɛ fanga na, a bɛ bɔnɛ kɛ.

Kun tɛ solikabɔ la ɲɛgan kɔ !
Maɲumanko ka juru tɛ ban taayɔrɔntan na !
Sɔrɔ bɛɛ la sɔrɔ dan ye yɛrɛkunsɔrɔ!

Faciɲɛ ni baciɲɛ ye tilafɛn ye. Nka faduga ni baduga tɛ tilafɛn ye dɛ ! O y'i kelen ta de ye.

Diɲɛ ŋaniya jago ye fila ye : ɲumanya jago ani juguya jago.
Nin fila si tɔnɔn tɛ taa ka maa si dan.
-N mɛɛnna ɲumanya la, n ma nafa sɔrɔ, i m'a kɛ Ala de k**a. Wa n mɛɛnna juguya la, n ma kɔlɔlɔ ye, Ala ye i kunnandiya i y'a dabila wali i galo bɛ i ɲɛ sira fɛ. 🙏 Bakary Drame_Bakary

N'i y'i yɛrɛ feere sɔngɔ nɔgɔn na, diɲɛ b'a kanu k'i san juru la.
Bakary Drame

Diɲɛ tɛ mɔgɔ nɛgɛn, mɔgɔ de b'i yɛrɛ nɛgɛn. N'i y'i ta diɲɛ nɛgɛnnifɛnw nɔfɛ, e de b'i yɛrɛ nɛgɛn.