OMO VITE COLLA By Swe Nu

မိဘက…
သွေးတစ်စက်နဲ့ ပေးဆပ်ခဲ့လို့
လောကထဲရောက်
လူသားတစ်ယောက် ဖြစ်ခဲ့ရတာပါ။

လူလားမြောက်
အရွယ်လေးရောက်လာကြတော့
မိဘကျေးဇူး မသိတော့ဘူး။

တကယ်လို့သာ
အမေကသာ
မတ်ေတာမထားခဲ့ဘဲ
အပြစ်အနာများနဲ့
ချေဖျက်ခဲ့မယ် ဆိုရင်
ဒီလောကမှာ
သား သမီး ဆိုတာ မရှိနိုင်ပါဘူး။

ရှေးဦးစွာ သတ္တလောကမှာ
လူသားအဖြစ်နဲ့
အပ်နှင်းပေးခဲ့တာ အဖေနဲ့ အမေ။

လောကကြီးရဲ့ အကြောင်းအကျိုးကို
သွန်သင်ပေးခဲ့တာ အဖေနဲ့ အမေ။

ဘုရား မရှိဘူး
တရား မရှိဘူး
သံဃာ မရှိဘူး လို့
ငြင်းဆိုချင်တယ် ဆိုရင်
ငြင်းဆိုခွင့် ရှိပါသေးတယ်။

သား သမီးတိုင်းမှာ…
မိဘမရှိဘူးလို့တော့
ငြင်းဆိုလို့မရပါဘူး အဖေနဲ့ အမေ။

သား သမီးတို့ အတွက်ဆို…
သူတစ်ပါးဆီမှာ မျက်နှာ အငယ်ခံရဲတာ
အဖေနဲ့ အမေ။

သား သမီးတို့ အတွက်ဆို…
အရှက်ကို ပေးရဲတာ အဖေနဲ့ အမေ။

သား သမီးတို့ အတွက်ဆို...
အသက်ကို ပေးရဲတာ အဖေနဲ့ အမေ။

သား သမီးတို့ အတွက်ဆို…
ဘဝကို ပေးရဲတာ အဖေနဲ့ အမေ။

သား သမီးတို့ အတွက်ဆို…
သေမင်းကို စိန်ခေါ်ရဲတာ အဖေနဲ့ အမေ။

အပြစ်အနာအများနဲ့
ပြည့်တန်ဆာ ဖြစ်နေပါစေ
မိဘဟာ မိဘပါ။

အကြွေးတွေလုံးလည်
လမ်းဘေးစျေးသည် ဖြစ်နေပါစေ
မိဘဟာ မိဘပါ။

တစ်အိမ်ဆင်း တစ်အိမ်တက်
အဝတ်လျှော်နေပါစေ
မိဘဟာ မိဘပါ။

ဘဝအကြောင်းမလှလို့
သူတောင်းစား ဖြစ်နေပါစေ
မိဘဟာ မိဘပါ။

ဘဝမှာ နုံခြာလွန်းလို့
ကိုယ့်သား သမီးတွေကို
ဘာမှ မပေးနိုင်ရင်တောင်
ဖြူစင်သော မေတ္တာတွေကိုတော့
မိဘလောက်
ဘယ်သူမှ မပေးနိုင်ဘူးဆိုတာ
ယုံပေးပါ။

တိရစ္ဆာန်ဖြစ်သော
ကြက်မကြီးက
သူ့ကလေးတွေ
ရှာ၍ ယက်ကျွေးနေတာကို မြင်ရင်…

သြော်…
လူသားဖြစ်သော ငါ့မိဘတွေက
ငါတို့ကို
ဘယ်လိုပင်ပန်းကြီးစွာ ရှာဖွေ၍
ကျွေးမွေးခဲ့တာပါလား လို့
စဉ်းစားပေးပါ။

သား သမီးတွေ အနေနဲ့…
ဘယ်လိုတော်တော်
ဘယ်လောက်တတ်တတ်
ဘယ်လောက်ထက်မြက်

မိဘတွေက ပေးလိုက်သော
အသွေးအသားထဲက
ကျေးဇူး တရားတွေဆိုတာ
သား သမီးတိုင်း သတိရပေးပါ။

ဒါကြောင့်…

မိဘတွေအတွက်ဆို
သားဟာ
ကျားမဖြစ်ဘဲ
"အား"ဖြစ်ပါစေ…

မိဘတွေအတွက်ဆို
သမီးဟာ
မီးမဖြစ်ဘဲ
"ထီး"ဖြစ်ပါစေ…

မိဘတိုင်းဟာ…
သားတွေ သမီးတွေဆီက မျှော်လင့်တာ
ကား မဟုတ်ဘူး။
တိုက်အိမ် မဟုတ်ဘူး။

ပြန်၍ပေးလာသော
နွေးထွေးသော အကြင်နာ
အေးမြသော မေတ္တာ
စာနာစိတ်ထား ကရုဏာတွေပါ ဆိုတာ
သားတိုင်း သမီးတိုင်း သိကြပါစေ။

မီးရယ်နေ့မလာညမလာနဲ့
ကိုမှာတော့မျှော်နေ့တာ
မျှော်သူမော့တယ်

မဂ်လာအပေါင်းနှင့်ပြည့်စုံကျပါစေ

ညနေရဲ့ ဆည်းဆာ🌅🌅🌅🌅

မောနင်း

ဒီ‌page လေးကို
Like & Share
& Follow လေးလုပ်ပေးနော် ဖုန်းဘေဖောက်ပေးမယ်😘