BWAY AMBER

ခရမ်းသီးတွေကောင်းချက်

မေမြို့ဆောင်း

စားကြပါအုံး

အမေရိကန်မှာ အခုထိ လူကြိုက်အများဆုံး သမ္မတက အေဗရာဟမ် လင်ကွန်း (၁၈၀၉–၁၈၆၅) ပဲ။ သူ့ကို အသိအမှတ်အပြုဆုံးက ကျွန်စနစ် ဖျက်သိမ်းနိုင်ခဲ့တဲ့လုပ်ဆောင်မှုပေါ့။

ခေတ်အဆက်ဆက် လူကြိုက်အများဆုံး အမေရိကန် သမ္မတဆိုသော်ငြား၊ သူ သက်ရှိထင်ရှား ရှိနေချိန်တုန်းကတော့ ပြိုင်ဘက်နိုင်ငံရေးသမားတွေရဲ့ မဟုတ်မမှန် လုပ်ကြံပုတ်ခတ်တာတွေ မျိုးစုံ ခံခဲ့ရတယ်။ အထူးသဖြင့် တောင်ပိုင်းသားတွေဆီကပေါ့။

ပြဇာတ်တချို့ထဲ သူ့ရုပ်ရည်နဲ့ သူ့ဇာတိကို ပြက်ရယ်ပြုတာတွေ ထည့်သွင်းကပြတယ်။ လူရွှင်တော်တချို့က ညစ်ညစ်ညမ်းညမ်း ပြက်လုံးထုတ်တယ်။ အရပ်ရှည်ရှည်နဲ့ ပိန်သွယ်သွယ် သူ့အသွင်ကို ကာတွန်းဆရာတချို့က ရုပ်ဖျက်လှောင်ပြောင်တယ်။ မျောက်တစ်ကောင်လို့ ခေါ်ဝေါ်တယ်။ သတင်းစာဆရာတချို့က ပညာမဲ့ တောသားလို့ စွပ်စွဲ ဝါဒဖြန့်တယ်။

ကျွန်စနစ်ဖျက်သိမ်းရေး လုပ်ဆောင်ချိန်မှာ အဆိုးဆုံးတွေ စွတ်စွဲခံရတယ်။ နိုင်ငံတော်သစ္စာဖောက်၊ နိုင်ငံပျက်သုဥ်းရေးလမ်းစဥ် ဖော်ဆောင်သူ စသဖြင့်။

အမေရိကန် ပြည်တွင်းစစ်ကို လင်ကွန်း အဆုံးသတ်နိုင်ခဲ့တယ်။ သူ့ဉာဏ်ပညာနဲ့ နိုင်ငံတော်ကို အမြင့်တစ်ခုဆီ ထမ်းတင်ခဲ့တယ်။ သူ့သီလ သူလုံအောင် စောင့်ထိန်းတယ်။ သူ့ရဲ့ ပညာစွမ်းနဲ့ သီလရှိမှုအကြောင်းကို ကျွန်တော်တို့ အခုထိ ပြောဆိုချီးမွမ်းနေကြရတုန်း။

မမှန်ကန်တဲ့ ပုတ်ခတ်လှောင်ပြောင်မှုတွေက ကြာကြာမခံခဲ့။ အမည်ဖျက် ပုတ်ခတ်လှောင်ပြောင်ခဲ့သူတွေလည်း သမိုင်းမှာ တင်မကျန်ခဲ့။ ခဏတဖြုတ် ဟေးဟေးဟားဟား လုပ်လို့သာ ရခဲ့တယ်။

ကြီးမြတ်သူတွေနဲ့ သိမ်နုပ်သေးဖွဲသူတွေကို သမိုင်းက ဘယ်လိုမှတ်ကျောက်တင်တယ်ဆိုတာ မမေ့အောင် သတိပြန်ဖော် ရေးသားလိုက်ပါတယ်။

#လမင်းခွေးဟောင်

#လူသာမန်
9.10.2025; 4:40 pm

တောင်သူဦးကြီး😁😁

အသည်းယားစရာ ပိုးတုံးလုံးကောင်ကြီး

Blessing