Heffey Monywa

Join For Your Success & Beauty

02/12/2023

🌹ခုနောက်ပိုင်း ကိုယ့်အထာနဲ့ကိုယ်
သန့်သန့်လေးပဲ နေဖြစ်တော့တယ် ။

🌹ဘယ်သူ့အကြောင်းမှ စိတ်မဝင်စား
တော့သလို လူအများကြီးနဲ့လဲ မရောဖြစ်တော့ဘူး ။

🌹အရင်တုန်းက ဒါကို အထီးကျန်စရာကောင်းတယ်လို့
ထင်ခဲ့ပေမဲ့ ၊ တကယ်တော့ ဒါဟာ သိပ်ကောင်းတဲ့
အနေထားလေးပဲ ။

🌹ကိုယ့်အလုပ် ကိုယ်လုပ် ၊ ကိုယ့်စကား ကိုယ်ပြော
ကိုယ့်ကိုကိုယ် အချိန်ပေးဖြစ်တယ် ။
အားနေရင် ရုပ်ရှင်ကြည့်တယ် ၊ စာဖတ်တယ်
ဝါသနာ ပါတာလေးတွေလုပ်ဖြစ်တယ် ။

🌹လူတွေနဲ့ သိပ်မရောတော့
သူများအကြောင်းတွေ စကားထဲထည့်မပြောဖြစ်တော့ဘူး ။
လူတိုင်းဟာ သူ့အကြောင်း ၊ သူ့ကိစ္စပဲလေ ။
ကိုယ်နဲ့ဘာမှ မဆိုင်ဘူး ။
ကိုယ်အကြောင်းကို သူတို့နဲ့ဆိုင်သလို ပြောနေကြလဲ
အရင်လို ပြန်မပြောချင်တော့ဘူး ။
ဒါဟာ သူတို့ရဲ့ ဝါသနာလို့ပဲမှတ်ပြီး ပေးပြောထားလိုက်တယ် ။

🌹အရင်ကဆို တစ်ယောက်တည်း အထီးကျန်နေမှာ စိုးရိမ်ခဲ့ပေမယ့် … အခုတော့ တစ်ယောက်တည်း နေသွားရလည်း အဆင်ပြေပါတယ် ။

🌹My Life, My Choice ပဲပေါ့ ။
ကိုယ်ပျော်မဲ့အရာ လုပ်မယ် ၊ ကိုယ့်ပုံစံအတိုင်းနေမယ် ။
ကိုယ့်ဘဝမှာ ကိုယ့်အထာနဲ့ကိုယ်ပဲ ။

🌹ခုလက်ရှိ mood လေးက တကယ်ကောင်းတယ် …

- Thar Htwe -🌹

30/11/2023

🌹တစ်ယောက်တည်း နေထိုင်ရတာ
တိတ်ဆိတ်လွန်းတယ်လို့ ထင်ချင်ထင်နိုင်တယ် ။
ဒါပေမယ့်လေ ငြင်းခုန်ခြင်းတွေကင်းတယ် ။
ရှုပ်ထွေးရခြင်းတွေလည်း ကင်းဝေးတယ်လေ ။

🌹အချိန်အများစုမှာ တစ်ယောက်တည်း နေထိုင်ဖြစ်တာပဲ
စာဖတ်ဖို့ စာအုပ်တွေရှိတယ် ။
Playlistထဲက သီချင်းလေးတွေ နားထောင်မယ် ။
အားလပ်တဲ့အခါ တိမ်တွေကို ငေးမောကြည့်မယ် ။

🌹ညနေခင်းတွေမှာ ပန်းပင်တွေအနား သွားမယ် ။
ရေလောင်းပေါင်းသင်ရင်း ပန်းရနံ့လေးတွေကို
နူးညံ့ကြည်လင်စွာ ခံစားမယ် ။
ညခင်း ရောက်လာရင်
လမင်းကြီး နဲ့ ကြယ်လေးတွေ ထိုင်ငေးမယ် ။
ကြောင်ကလေးတွေလည်း အနားမှာ ရှိနေတယ် ။
သိပ်ကို အထီးကျန်ဆန်မှာပဲလို့ ဘယ်သူပြောဦးမလဲ ။
ဒီလိုလေးပဲ တစ်ယောက်ထဲလည်း ပျော်ပါတယ် ။

#လုံးလုံးလေး

30/11/2023

🌹ဘဝမှာ အေးချမ်းတဲ့ ရှင်သန်ခြင်းထက်
ပိုပြီး မြတ်နိုးတောင်းတတာမျိုး မရှိခဲ့ဖူးဘူး ။

🌹တိတ်ဆိတ်တဲ့ ပတ်ဝန်းကျင်တစ်ခုရဲ့
နူးညံ့တဲ့ လရောင်အောက်မှာ
လေပြည်ညှင်းနဲ့အတူ သံစဉ်လေးတစ်ခု တီးခတ်ရင်း
နာကျင်မှုတွေကို မေ့ဖျောက်လိုက်ချင်တာပါပဲ ။

🌹နာကျင်‌မှုတွေ ပြည့်နှက်နေတဲ့ ဒီကမ္ဘာကြီးမှာ
ငါတို့ ကိုယ့်ကိုယ်ကိုယ် ချစ်ပေးဖို့တော့
လိုသေးတယ်မဟုတ်လား ....

#ကဗျာ_poem

30/11/2023

🌹မပျော်တဲ့ ဘဝထက်
ပျော်ချင်ယောင်ဆောင်နေရတဲ့ ဘဝတွေက
ပိုဆိုးတယ် ။

🌹ဝမ်းနည်းလို့ ငိုချမိတာထက်
ငိုချင်တာတောင် ငိုခွင့်မရတဲ့ ဘဝတွေက
ပိုဆိုးပါတယ် ။

🌹ပြုံးနေတိုင်း
ပျော်နေတယ်လို့ချည်း မထင်ပါနဲ့ ။

🌹မျက်နှာဖုံးတစ်ခုအောက်က
ခံစားချက်အမှန်တွေကို
ကိုယ်မမြင်ရလို့လည်း ဖြစ်နိုင်ပါသေးတယ် ။

🌹တချို့လူတွေ
လူလာဖြစ်ကြတယ်ဆိုတာလည်း
ဘဝမှာ နာကျင်ဖို့ သက်သက်ရယ် ။ ။

#အေးရိပ်

29/11/2023

😊ပြုံးပါ။😊

😊ဘာအတွက်ကြောင့်နဲ့မှ
ကိုယ့်အပြုံးကို မပျက်စေပါနဲ့။

😊ကိုယ့်ကို ချစ်လို့ပဲဖြစ်စေ၊
မုန်းနေလို့ပဲဖြစ်စေ အပြုံးနဲ့ပဲ တုံ့ပြန်ပါ။

😊ဘယ်သူ ဘယ်လိုမုန်းမုန်း
ကိုယ်ပြုံးနေရင် ကိုယ်နိုင်နေပြီးသား။

😊သူတို့အမုန်းနဲ့သူ
ရှုံးတာ နိုင်တာကတော့ သူတို့အပိုင််းပေါ့။

😊အဓိက က
ကိုယ့်အပြုံးဟာ သန့်ရှင်းတဲ့ အပြုံးဖြစ်ဖို့ရယ်
ဘယ်လိုအရာကြောင့်မှ ကိုယ့်အပြုံး မပျက်ဖို့ရယ်ပါပဲ။

နန်းသန်းသန်းဌေး(ဘဝစာပေ)
၂၂.၁၁.၂၀၂၃

29/11/2023

🌹ဒီလိုမိန်းကလေး တစ်မျိုး ရှိတယ် ။
ကိုယ် လုပ်စရာရှိတာ လုပ်ရင်း
ဘဝကို အေးအေးဆေးဆေး နေတတ်တယ် ။
မိမိကိုယ်ကို အားကိုးတတ်သူ
Independent Lady လေးပေါ့ ။

🌹အရမ်းတော်ပြီး ထက်မြက်တာ မဟုတ်ပေမယ့်
သူ့ဘဝကို ထိန်းထိန်းသိမ်းသိမ်း နေတတ်တယ် ။

🌹မျက်ရည်လွယ်ပေမယ့် ဘယ်အရာကိုမဆို
လွယ်လွယ် အရှုံးမပေးတတ်သူပါ ။
သန်မာတဲ့စိတ်နဲ့ လဲကျတိုင်း ပြန်ထတယ် ။

🌹ရုပ်ရည်ဆိုလည်း အရမ်းကြီး မချောမော မလှပေမယ့်
သူ့ဟာနဲ့သူ ကြည့်လို့ကောင်းပြီး
ဆွဲဆောင်မှု ရှိတယ်။
ကိုယ်နဲ့ လိုက်ဖက်အောင်
ဝတ်တတ် စားတတ်တာလည်း ပါမယ် ။

🌹ယောကျာ်းတစ်ယောက်ကို လိုချင်တာတွေ
ပူဆာဖို့အတွက်နဲ့ မချစ်တတ်ပါ ။
ဘယ်သူ့ဆီကမှ အလကား မလိုချင်တတ်သူပါ ။
ရှိသင့်ရှိထိုက်တဲ့မာနရှိတယ်လို့ ပြောရမယ် ။
သူမ လိုချင်တာ ဒီတိုင်း ချစ်ခြင်းမေတ္တာ တစ်ခုတည်းပေါ့ ။

🌹သူတစ်ပါးဘဝကို
အထူးတလည် အားကျတာ လျော့လာပြီး
ကိုယ့်ဘဝအတွက် ပိုပို
focus ထားတတ်လာတယ် ။

🌹စိတ်သဘောထား ဖြူစင်ပြီး
သဘောကောင်းသူမို့ လူတိုင်းအပေါ်
တတ်နိုင်သလောက် မေတ္တာထားတယ် ။

🌹လူတိုင်းအပေါ် မယုတ်မာ မကောက်ကျစ်
စိတ်ကောင်းရှိသူမို့ မကြာခဏ လိုသုံးခံရလို့
ဘဝမှာ ကံဆိုးမှုတွေ ကြုံရတာများတယ် ။
ဒါပေမယ့် ကံကောင်းခြင်းဆိုတာ
စိတ်ထားလှတဲ့လူတွေအတွက်ပါ ။

🌹သူမ ဘဝဟာ အေးချမ်းတယ် ။
လိုအင်ဆန္ဒ နည်းတယ် ။
ဒါကြောင့် သူမ အချစ်ကိုရတဲ့ အမျိုးသားကတော့
အင်မတန် ကံကောင်းမှာပါ ။

#နူးနူးအောင်

25/11/2023

🌹" စကားတစ်ခွန်း "🌹

🌹အမှတ်တမဲ့ပြောလိုက်တဲ့ စကားတစ်ခွန်းဟာ
ကိုယ့်ဘက်က ဘာမှမရည်ရွယ်ပေမဲ့
တစ်ပါးသူအတွက် စိတ်ဒဏ်ရာလေးဖြစ်သွားတတ်တယ်…

🌹" ကြားစကားဆိုတာ နာလိုမှုထက်
မနာလိုမှုဘက်အလေးသာတယ် "

🌹တခါတလေ လူအများရဲ့ တစ်ဆင့် ကြားစကားလေးတွေ ကြားမိတဲ့အခါ ကာယကံရှင်ဘက်ကို သေချာသုံးသပ်ပြီးမှ
ငါသာ သူ့နေရာဆို ဘယ်လိုလဲ ? ဆိုတဲ့ အတွေးလေးတွေးပြီး စာတာစိတ်လေးနဲ့ ပြောမယ်ဆိုရင် တစ်ဖက်သားကို နွေးထွေးမှုတစ်စုံတစ်ရာဖြစ်စေသလို
သူ့လည်း မနာကျင်ရတော့ဘူးပေါ…

🌹ငယ်ပေါင်းသူငယ်ချင်းချင်းတူရင်တောင်
ဘဝခြင်းလည်း မတူညီကြသလို...
တအူတုံဆင်း တဖအေ တမေအေထဲမွေးတဲ့ သွေးရင်းမောင်နှမချင်းတူရင်လည်း
အတွေးအခေါ် အလုပ်အကိုင် ဘဝရပ်တည်မှုခြင်းလည်း ညီမျှမှုမရှိကြပါဘူး
အဆင်ပြေသူရှိသလို မပြေလည်သူလည်းရှိမယ်…

🌹ဆူးသေးသေးတစ်ချောင်းဆူးမိရင်
မသိသာပေမဲ့ ဆူးစူးမိသူအတွက်တော့
နာကျင်နေရတတ်သလို...
ကိုယ့်ပြောလိုက်တဲ့ စကားလေးတစ်ခွန်းက
သူ့အတွက် နာကျင်စေခဲ့မယ်ဆိုရင်
နွေးထွေးယုံကြည်မှုတွေ ...
တဖြည်းဖြည်းခြင်း ဝေးသွားစေပါလိမ့်မယ်…

🌹ဒါကြောင့် ဘယ်လိုအကြောင်းနဲ့ဖြစ်ဖြစ်
ကိုယ်နဲ့ပတ်သက်သူတွေကို....
စိတ်ဒဏ်ရာရစေမဲ့ စကားမျိုး မဖြစ်ပါစေနဲ့။

🌹" စကားတစ်ခွန်းနဲ့ မင်းနိုင်သွားပေမဲ့
အဲ့ဒီစကားတစ်ခွန်းကြောင့်ပဲ
တစ်သက်လုံး မင်းနောင်တရလိမ့်မယ် "

-org...uploader...

24/11/2023

🌹ကိုယ်နဲ့အဆင်ပြေချိန်တွေ၊ ကိုယ်က သူ့ကိုအကျိုးပြုပေးချိန်မှာတော့ ကိုယ်ကောင်းပါတယ်ဆိုပြီး အရမ်းချစ်ခင်ပြနေမှာပဲ။

🌹ကိုယ်နဲ့အဆင်မပြေတော့ချိန် ကိုယ့်ကိုမလိုအပ်တော့ချိန်မှာတော့ ဘယ်လိုမကောင်းတာဆိုတဲ့ အပြောတွေနဲ့ သိက္ခာတွေ ချချင်ချမှာပဲ ။

🌹စိတ်ထားမှန်ခြင်း မမှန်ခြင်းတို့ကြောင့်
လူ့ပတ်ဝန်းကျင်မှာ နေထိုင်ကြတဲ့အခါ
အနိမ့်အမြင့်တွေလည်း ကွဲပြားသွားကြတယ် ။

🌹သူတို့တွေ သတ်မှတ်ပြောဆိုတဲ့ နေရာတစ်ခုမှာ ကိုယ်ကရောက်သွားတာမဟုတ်ဘဲ သူတို့အပြောအဆိုတွေကြောင့်သာ သူတို့တွေရဲ့ နေရာအနိမ့်အမြင့်တွေကို သူတို့ဘာသာ ကိုယ်တိုင်ပဲ သတ်မှတ်လိုက်ကြတာ။ ။

#မာရင်ရင်

24/11/2023

တချို့ပြဿနာတွေကို
ကိုယ်ဘက်က
နောက်တစ်လှမ်းလောက်
ဆုတ်ပေးလိုက်ရုံနဲ့
ရပ်တံ့လိုက်လို့ရပါတယ်

24/11/2023

#အောက်ဆီဂျင်အပေးနိုင်ဆုံးအပင်ဖြစ်တဲ့..................................................

ရှားစောင်းလက်ပတ်ပင် စိုက်ပျိုးထိန်းသိမ်းနည်း

*ဒီနေ့မှာတော့ ရှားစောင်းလက်ပတ်အပင်ကို စိုက်ပျိုးတဲ့နေရာမှာ #ဆောင်ရန်ရှောင်ရန်အချက်လေးတွေ နဲ့ #အသုံး၀င်ပုံ၊‌ #သိကောင်းစရာ‌တွေ ကို အဓိကထား ဖော်ပြပေးသွားပါမယ်။

ရှားစောင်းလက်ပပ်ပင်ကို အဓိကအားဖြင့် ပြုစုပျိုးထောင်တဲ့အခါမှာ နေရောင် ခြည် လုံလုံလောက်လောက် ရရှိရပါမယ်၊🌤️ ရေလောင်းတဲ့အကြိမ်ရေကို လျှော့လောင်းရမယ်၊ ရှားစောင်းလက်ပပ်စိုက်ပျိုးသင့်တဲ့ မြေအမျိုးအစားကတော့ လေဝင်လေထွက်ကောင်းစေတဲ့ မြေအမျိုးအစား၊ ရေစီးဆင်းမှုလွယ်စေပြီး ရေဓာတ်သိုမှီထား နိုင်တဲ့မြေမျိုးဖြစ် ရပါမယ်၊ အိမ်မှာ အိုးနဲ့စိုက်မယ်ဆိုရင်တော့ ဈေးကွက်မှာ အလွယ်တကူဝယ်ယူနိုင်တဲ့ အဆင့်သင့်မြေတွေကို မြေဆွေးတွေနဲ့ ရောမွှေ၍ စိုက်ပျိုးလိုက်ရင်ရပါတယ်။💁🏼‍♂️ ရှားစောင်းလက်ပပ်ပင်ကို မြေနီ၊ မြေကျစ်၊ မြေပွများတွင် အစိုဓာတ်အသင့်အတင့်ရရှိယုံနှင့် စိုက်ပျိုးနိုင်ပါတယ်။

စိုက်ပျိုးမယ်ဆိုရင် မြေထဲမှာ သဲကြမ်းနည်းနည်း၊ သစ်ရွက်စေးမြေ နည်းနည်း၊ မီးသွေးမှုန့်နည်းနည်း ဖြည့်စွက်ရောနှောစိုက်ပျိုးရပါတယ်။💁🏼‍♂️📈 သစ်ရွက်ဆွေး မြေတွေထဲမှာ ဇီဝမြေသြဇာတွေ အများအပြား ပါဝင်နေတဲ့အတွက် အကောင်းစားမြေမျိုး ဖြစ်သွားမှာ ဖြစ်ပါတယ်။ ရှားစောင်းလက်ပပ်က အက်ဆစ်အချဉ် ဓာတ်နည်းပါးပြီး အယ်လ်ကာလီများတဲ့ မြေမျိုးကိုနှစ်သက်ပါတယ်။

**** ရှားစောင်းလက်ပပ်စိုက်ပျိုးနည်းများ ****

ရှားစောင်းလက်ပပ်ကို ပန်းအိုးထဲထည့်စိုက်တဲ့နည်းနှင့် မြေကြီးမှာ တိုက်ရိုက် စိုက်တဲ့နည်းဆိုပြီး နှစ်နည်းစိုက်ပျိုးလို့ရပါတယ်၊✌️
မိမိကြိုက်နှစ်သက်တဲ့နည်းနဲ့ စိုက်ပျိုး နိုင်ပါတယ်၊ စိုက်နည်းမတူညီတဲ့အတွက် ပေါက်ရောက်ကြီးထွားမှုမှာလဲ ကွာခြား မှုရှိ တတ်ပါတယ်💁🏼‍♂️

မြေကြီးမှာချစိုက်တဲ့ ရှားစောင်းလက်ပပ်က ပန်းအိုးထဲ ထည့်စိုက်တဲ့ ရှားစောင်းလက်ပပ်ထက် ပိုပြီးအပေါက်မြန်ပြီး အကြီးထွားသန်မာစေပါတယ်။
ရှားစောင်းလက်ပပ်ပင်ကို တစ်ပင်နှင့်တစ်ပင် (၅)ပေခြား စိုက်ပျိုးရပါတယ်၊ စိုက်ပျိုးပြီးတစ်နှစ်သားအရွယ်မှာ အပင်လက်များ သန်မာထွားကျိုင်းကာ ဖြစ်ထွန်းအောင်မြင် လာပါလိမ့်မယ်။💕

အပင်အလက်များသည် နွေဥတု၌ အတွင်းအနှစ်အနည်း ငယ်သာရှိပြီး မိုးနှင့်၊ ဆောင်းဥတုမှာ အတွင်းအနှစ်များသည် ဂျယ်လီကဲ့သို့ ဖောင်းနေပြီး အပင်အလက်ကို ဓားဖြင့်လှီးဖြတ်လျှင် အတွင်းအနှစ်များသည် ဂျယ်လီသဏ္ဍန် အိတွဲတွဲဖြင့် ဆေးဘက်ဝင်တယ်လို့ ဆိုပါတယ်။
ရှားစောင်းလက်ပပ်အပင်ကို အပင်ခြေရင်းတွင် ပြာအနည်းငယ်စီပုံပေးပါက ပို၍ဖြစ်ထွန်း လွယ်ပါတယ်။ 💁🏼‍♂️💕

**** မြေသြဇာမများရ***

ရှားစောင်းလက်ပပ်က စင်စစ်မှာတော့ မြေသြဇာမကျွေးလဲ ရှားစောင်းလက်ပပ်က ကြီးထွားမှာပါပဲ၊ ဒါပေမယ့် သင့်လျော်တဲ့ မြေသြဇာနည်းနည်းကျွေးပေးရင်တော့ ကြီးထွားမှု့ကို မြန်ဆန်စေပါတယ်၊ မြေသြဇာအကျွေးများ လွန်းပြန်လျှင်လည်း အမြစ်ပုပ်သွားတတ်ပါတယ်၊🙅🏼‍♂️ မြေသြဇာကို သင့်ရုံလောက်သာထည့်ပါ။💁🏼‍♂️

**** မြေကြီးမှာစိုက်ရင် လိုက်နာရမည့် အချက်များ ****

မြေကြီးမှာချစိုက်တဲ့ ရှားစောင်းလက်ပပ်က ပန်းအိုးထဲထည့်စိုက်တဲ့ ရှားစောင်းလက်ပပ်ထက် ပိုပြီးကြီးထွားလေ့ ရှိပါတယ်။ ရှားစောင်းလက်ပပ်ကို အကောင်းဆုံးက နေရောင်ခြည်ကောင်းကောင်းရတတ်တဲ့ အရှေ့အရပ်နဲ့ တောင်အရပ်က စိုက်ပျိုးသင့်တဲ့နေရာကောင်းတွေပါပဲ။ ရှားစောင်းလက်ပပ်ကို မိုးရေဝပ်တဲ့နေရာမျိုးမှာ လုံးဝမစိုက်ပျိုးသင့်ပါဘူး🙅🏼‍♂️ ၊

ဘာကြောင့်လဲဆိုတော့ ရှားစောင်းလက်ပပ်က သဲကန္တာရဒေသဇာတိအပင် မျိုးဖြစ် လေတော့ ရေများတာကိုမကြိုက်ပါဘူး၊ မိုးရွာပင်ရွာသော်လည်း ရေမြန်မြန်စီးပြီး ရေတင်မကျန် ရေမဝပ်ဖို့ သိပ်အရေးကြီးပါတယ်။

**** အသစ်ပြန်စိုက်ပြီးတဲ့ နောက်တစ်လ ရေမလောင်းပါနဲ့ ****

တခြားအပင်တွေဟာ အပင်ပြောင်းရွှေ့စိုက်တာပဲဖြစ်ဖြစ်၊ အသစ်ပြန်စိုက်တာပဲဖြစ်ဖြစ်၊ ရေလုံလုံလောက်လောက် လောင်းရစမြဲပါ၊ ဒါပေမယ့် ရှားစောင်းလက်ပပ်ကတော့ လုံးဝမတူဘဲ အသစ်ပြန်စိုက်ပြီးတဲ့နောက်တစ်လလုံး ရေလောင်းကို မလောင်းရပါဘူး ၊

တစ်လပြည့်ပြီးနောက်မှ ရေအဝလောင်းရပါတယ်၊ အဲဒီအချက်ကိုတော့ အထူးသတိပြုသင့်ပါတယ်။🙋🏼‍♂️
ဆောင်းကာလကုန်လွန်တာနဲ့ နွေပေါက်ပြီဆိုရင် ရှားစောင်းလက်ပပ်ပင်ကို အသစ်ပြန်စိုက်လို့ရပါပြီ၊ အသစ်ပြန်စိုက်ပြီး နှစ်လကြာပြီးနောက် ပဲဖတ်၊ (သို့) နှမ်းဖတ်ကို တစ်ကော်၊ နှစ်ကော် (သို့) ကြက် ချေးခြောက် တစ်ကော်၊နှစ်ကော် ကျွေးလိုက်ပါ၊ ဆောင်းတွင်းမှာတော့ ဘာမြေသြဇာမှ ကျွေးဖို့မလိုပါဘူး။

**** သားတက်ခွဲစိုက်နည်း ****

သားတက်ခွဲစိုက်နည်းကတော့ မိခင်အပင်မကြီးရဲ့အမြစ်ကို မထိခိုက်စေဘဲ သားတက်ကို အမြစ်ပါနုတ်ယူပြီး အဲဒီသားတက်ကို အမြစ်ပါစိုက်တဲ့နည်းပဲဖြစ်ပါတယ်၊ ပထမဆုံးသားတက်ကို နုတ်ယူပါ ၊ လေဝင်လေထွက်ကောင်းပြီး နေရိပ်ရတဲ့နေရာမှာ ရက်သတ္တတစ်ပတ်လောက် အခြောက်ခံထားပါ၊ သေသေချာချာခြောက်ပြီဆိုတော့မှ မြေထဲကိုစိုက်ထည့်လိုက်ပါ၊ ချက်ချင်းရေမလောင်းပါနဲ့၊ အမြစ်တွေ အသေအချာခိုင်လာမှ ရေလောင်းပါ။ မကြာခင် အပင်သစ်က အမြစ်ထွက်လာပါမယ်၊ အပင်သစ်ရဲ့ အရွက်နည်းနည်း အဝါရောင်သန်းလာပေမယ့် တစ်ခုခုဖြစ်သွားပီလို့ မထင်လိုက်ပါနဲ့ ၊ စိတ်မပူပါနဲ့၊🙋🏼‍♂️
အမြစ် တဖြည်းဖြည်းရှည်ထွက်လာရငိ အရွက်လဲပိုပြီး သန်လာပါလိမ့်မယ်၊ အရွက်ရဲ့အရောင်ကလဲ အစိမ်းရင့်ရောင် ပြောင်းလဲလာပါလိမ့်မယ်၊ အဲဒီတော့မှ အသေအချာစစ်ဆေးကြည့်ပြီးမှ ရောင်းလောင်းပါလို့ အကြုံပြု ချင်ပါတယ်။💁🏼‍♂️
– DOCA

ရှားစောင်းလက်ပတ်ပင် အကြောင်းသိကောင်းစရာ
(အူမကြီးကိုသန့်စင်ပေးရာတွင် အလွန်အစွမ်းထက်သည်)

ပေါက်ရောက်ပုံ 🌱

အပူပိုင်း ဒေသ များတွင် ပေါက်ရောက်သည်။ သဘာ၀ အလျောက် ပေါက်ရောက်သည်။ ဆေးဖက်ဝင် ဖြစ်၍ စိုက်ပျိုး ထားသည်။

အသုံးပြုပုံ

ရှားစောင်းလက်ပပ်သည် မီးယပ်ဆေးအဖြစ် အလွန်အသုံးဝင် ထင်ရှားသည်။ရှားစောင်း လက်ပပ်ကို ပါးပါး လှီး၍ ဟင်းချက် စားပါက ဓမ္မတာကို မှန်စေသည်။ရှားစောင်း လက်ပပ်ကို လိမ်းဆေးအဖြစ် အနှစ်ကို ခပ်ပါးပါး လှီး၍ သွေးစုနာ၊ အကြိတ် အဖုအနာ၊ သွေးလုံး၊ လေလုံး အပေါ် ကပ်ထား ပေးခဲ့သော် ပြင်ပသို့ ထုတ်ဆောင်ပြီး အကြိတ် ကြေစေသည်။ ပြည်ပေါက် မြန်၍ ငန်းမန်း ကြေစေသည်။ ရှားစောင်း လက်ပပ် အနှစ်ကို မျက်စိ အုံပေးပါက မျက်စိ နာခြင်း၊ ကိုက်ခြင်း၊ ပူစပ်ခြင်း၊ ယားယံခြင်း တို့ကို ပျောက်စေသည်။ ရှားစောင်း လက်ပပ် အတွင်းသားကို အရည်ညှစ်ပြီး မီးနွေးနွေး ပြု၍ နားတွင်းသို့ ခတ်ပေးပါက နားကိုက်၊ နားနာ မြန်စွာပျောက်သည်။ ကိုယ်ရေဝါ ရောဂါရှိသူများ အတွင်းသား စားပါက ဆီးဝမ်း သက်သာပြီး ရောဂါ ပျောက်၏။ ရှားစောင်း လက်ပပ် အနှစ်ကို လက်ချား မီးပေါက် အနည်းငယ် ဖြူး၍ စားလျှင် ရေဖျဉ်း ရောဂါ ပျောက်၏။ ရှားစောင်း လက်ပပ် အနှစ်ကို ခြစ်ယူ၍ ဆန်ဆေးရည်တွင် စိမ်ပြီး သကြား ထည့်သောက် ပါက ဆီးပူ၊ ဆီးအောင့်၊ ဆီးထိုး ရောဂါ ပျောက်ကင်း၏။ သတ္တုရည်သည် အအေးမိခြင်း ဖျားခြင်းတို့ကို သက်သာ ပျောက်ကင်း စေနိုင်သည်။

ပုံပန်းအသွင်ပြင်

အရည်ရွှမ်းသော ပင်ပျော့ ပင်ငယ်မျိုးဖြစ်၍ အမြင့် ၁-ပေ၊ ၁-ပေခွဲ အထိရှိသည်။

အသုံးဝင်သောအပိုင်း

အရွက်

Item Name : Barbodos Aloes (ရှားစောင်းလက်ပပ်)

အပူပိုင်း ဒေသများ တွင် ပေါက်ရောက် သည်။ သဘာဝ အလျောက် အလေ့ကျ ပေါက်ရောက် သည်။ ဆေးဖက် ဝင် အဖြစ်လည်း ပန်းအိုး များ ဖြင့် သော်လည်း ကောင်း ၊ မြေတွင် ချ၍ သော် လည်း ကောင်း ပြုစု စိုက်ပျိုး ထား နိုင်သည်။ Appearance : -အရည်ရွှမ်းသော နှစ်ရှည်ခံ ပင်ပျော့မျိုး ဖြစ်သည်။ အရည်ရွှမ်းသော အပင်ရင်းမှ စုပြုံ၍ ဖြာထွက်သည်။
အပေါ် မျက်နှာပြင်သည် အနည်းငယ် ခွက်သည်။ ရွက်ထိပ်ချွန်၍ ရွက်နားတွင် ဆူးကလေးများ ရှိသည်။

အပင် -အရည် ရွှမ်းသော ပင်ပျော့ ပင်ငယ် မျိုး ဖြစ်၍ အမြင့် ၁ ပေ မှ ၁၁/၂ ပေ ထိ မြင့်၏ ။

ပင်စည်လုံး သတ်သတ် မရှိဘဲ အပင်ရင်း မှ အရွက်များ ၅ ခု ၆ ခု ဖြာ လျက် ထွက်သည်။ အရွက် - အပေါ် အခွံ အစိမ်းနုရောင် ရှိပြီး အတွင်း၌ ကျောက်ကျော ကဲ့သို့ ပျစ်ချွဲ သော အရည်အသား များ ပြည့်လျက် ရှိသည်။ အလျား နှစ်တောင် မျှ ရှည်၍ အနံ လေးလက်မ ၊ အထူ ၁ လက်မ ၂ လက်မ ထိ ထူ၏ ။ ရွက်နား ပတ်လည် ဆူးကလေး များ ခြား ၍ ရှိသည်။

အပွင့်*

၃-၄ နှစ်သား အရွယ် ရှိသော အပင်တွင် ရှည်လျား သော ပန်းခိုင် ထွက်လာပြီး နီဝါရောင် ပန်းပွင့် လေးများ ပန်းခိုင် ထိပ်တွင် စုပြုံ ပွင့်၏ ။

-မြန်မာ ဆေးကျမ်းများ အလိုအရ ရှားစောင်းလက်ပပ် သည် အေး ခါး သော အရသာ ရှိပြီး လေကို နိုင်၏။ အားကို ဖြစ်စေသော အစွမ်း သတ္တိ ရှိသည်။

ရှားစောင်းလက်ပတ်၏ ကောင်းခြင်းများမှာ

ရှားစောင်း လက်ပတ်ရည်သည် ဗီတာမင်များ၊ သတ္တုဓာတ်များ၊ အမိုင်နိုအက်ဆစ်များသာမက အဆိပ်အတောက်ဖြစ်မှုကို ဟန့်တားပေးသော အစွမ်းသတ္တိများ ကြွယ်စွာပါဝင်သည်။အူမကြီးကို ရှင်းလင်းပေးသည့် ဝမ်းနုတ်ဆေးဟုပင် ဆိုနိုင်ပါသည်။

လေ့လာချက်များအရ

● ဆီး ၊ ဝမ်း ချုပ်ခြင်းတို့ကို ကောင်းမွန်စေခြင်း၊💁🏼‍♂️ အူသိမ် အူမလမ်းကြောင်းရှိ မှို၊ ဒုက္ခပေးသော ဘက်တီးရီးယားပိုးများ၊ ကပ်ပါးပိုးများကို ဖျက်ဆီးပေးခြင်း၊🦠 အစာခြေရာ တွင် ကူညီခြင်းတို့ကို တွေ့ရှိရသည်။

ခန္ဓာကိုယ်ရှိ ရောဂါပိုးများကို တိုက်ဖျက်သည့် T-cells များနှင့် antibodies များထုတ်လုပ်ခြင်းကို လှုံ့ဆော်ပေးခြင်း၊ ရောဂါမဝင်အောင် ဆောင်ရွက်ပေးရာတွင်များစွာ အကျိုးရှိသည်။
ရှားစောင်းလက်ပတ်သည် ဆဲလ်နံရံများထဲသို့ ထိုးဖောက်ဝင်ရောက်နိုင်သော ဓာတုပစ္စည်းများ ပါဝင်ပြီး အရည်အဖြစ် ဆဲလ်အတွင်း ထိုးဖောက် ဝင်ရောက်ကာ(toxins) များကို ဆဲလ်အပြင်သို့ ထုတ်ပေး၍ အာဟာရဓာတ်များ (nutrients) ကို ဆဲလ်အတွင်း ဝင်ရောက်သွားစေရန် ဆောင်ရွက်ပေးပါသည်။

ရှားစောင်းလက်ပပ်ရဲ့ ဂျဲလ်ပုံစံကြောင့် အေးမြစေတဲ့ ဂုဏ်သတ္တိရှိပြီး မျက်စိအောက်က အရေပြားပျော့ ဖောင်းနေတာကို သက်သာစေပါတယ်။ ဒါကြောင့် ရှားစောင်းလက်ပပ်ကို မျက်လုံးခရင်မ် (Eye Cream)တွေ၊ အစက်အပြောက်ဖုံးမိတ်ကပ် (Concealer)နဲ့ အိုင်းရှဲဒိုးမှာတောင် ပါဝင်ပစ္စည်းတစ်ခုအနေနဲ့ ထည့်သွင်းထုတ်လုပ်လာကြပါတယ်။ ရှားစောင်းလက်ပပ်ဟာ အန္တရာယ်ကင်းပြီး ဓာတ်မတည့်မှု မဖြစ်စေတဲ့အတွက် ဒီနေ့ခေတ် အမျိုးသမီးတွေဟာ ရှားစောင်းလက်ပပ် အခြေခံမိတ်ကပ်ပစ္စည်းတွေကို အားကိုးအားထားပြုလာ ကြပါတယ်။

နှုတ်ခမ်းအတွက်💋

ရှားစောင်းလက်ပပ်မှာ ဗီတာမင်အီး ကြွယ်ဝစွာပါဝင်ပြီး ရေဓာတ်လည်း ပြည့်ဝစွာပါဝင်တာကြောင့် ခြောက်သွေ့နေတဲ့ နှုတ်ခမ်းတွေကို အစိုဓာတ်ဖြည့်ပေးနိုင်ပါတယ်။

အသားအရေအတွက်🧏🏻

ရှားစောင်းလက်ပပ်ဂျဲလ်ဟာ အသားအရေအတွက် အစိုဓာတ်ထိန်းဆေး (Moisturizer)ပါပဲ။ အရေပြားရဲ့ သဘာဝ pH ကိုလည်း ထိန်းသိမ်းပေးပါတယ်။ ဒါ့အပြင် ရှားစောင်းလက်ပပ်မှာ အရောင်ကျစေတဲ့အာနိသင်ရှိတဲ့အတွက် ခြောက်သွေ့ယားယံတဲ့ အရေးပြာအတွက်လည်း အကျိုးပြုပါတယ်။ ဒါကြောင့် ရှားစောင်းလက်ပပ်ကို အသားအရေ အတွက်လိမ်းတဲ့အလှကုန် ပစ္စည်းတွေမှာ အဆီ ဒါမှမဟုတ် ပေါင်ဒါလိုမျိုး ပါဝင်ပစ္စည်းတွေနဲ့ ရောစပ်ထည့်သွင်း ကြပါတယ်။

မျက်နှာပေါ်မှအမဲစက်များအတွက် 👉

ပျိုမေများရာသီမမှန်လို့ မျက်နှာမှာ အမဲစက်များ ဖြစ်ပေါ်လာလျှင် ရှားစောင်းလက်ပပ်၏ အတွင်းသားအနှစ်ကိုခြစ်ယူပြီး သကြား အနည်း ငယ်ရောပြီး စားသုံးနိုင်ပါသည်။💁🏼‍♀️
ပုံမှန်စားသုံးပေးပါက အမဲစက်များ ပါးသွားမည်။

စိုက်ပျိုးရေးနှင့်အထွေထွေဗဟုသုတများ

23/11/2023

🌹လောကမှာ ဘယ်လို လူတွေက
ကြောက်စရာ အကောင်းဆုံးလဲ သိလား နိုရာ ???

🌹ကိုယ် တက်ခဲ့တဲ့ လှေကားကို
အမြင့်ရောက်မှ ရိုက်ချိုးတဲ့ သူတွေပဲပေါ့ ။

🌹ဘယ်လို လူတွေက
လူသားမဆန်ဆုံးလဲ ဆိုတာရော သိလား ???

🌹ကိုယ့်အမှားကို မျက်နှာပြောင်တိုက်ပြီး
အမှန်လို့ အော်နေတဲ့ သူတွေပေါ့ ။

🌹ကိုယ်တိုင်က မစင်ပုံ ဖြစ်နေပေမယ့်
သူများကို နံတယ်ဆိုပြီး စွပ်စွဲနေကြတဲ့သူတွေက
သိပ်ကို ရယ်စရာကောင်းတာ နိုရာရေ~~

🌹လောကကြီးမှာ ကိုယ်မှားမှန်း သိသိရက်နဲ့
မျက်နှာပြောင်တိုက်ပြီး ရှင်သန်နေသူတွေဟာ
သိပ်ကို အရှက်မဲ့လွန်းတယ် ။

#ကဗျာ_poem

Contact the business

Click here to send a message to the business

Telephone

+959975708849

Website

http://heffeyskincare.com/

Heffey Monywa

Share

Contact the business

Telephone

Website

Listing takedown request